| Bräute 2014 |
|
|
1 .. 228 .. 453 454 455 456 457 .. 727 .. 997
|
|
|
|
|
|
|
25.10.13 11:33
sasileu 
|
Re: Bräute 2014
 Hey zämä ihr fliessigä...
@taeboyana: Jöö u e herzigi und schöni Torte, hesch selber gmacht, oder? ich will das au chöne 
@Pfingstrose: Woow echt e schöns Kleid, aber i glaub seb wirsch scho neumads da finde...oder i würs au so mache wie (weiss nüm wers gseit het) es Mail a paar Brutkleidergschäfter schicke und Foti dezue schicke...Wasi weiss isch dases im Mery Zürich e eigeni Designerin het wo au uf Wunsch Kleider fertigt...
@littlefoot: Ich ha mich verliebt...i die wunderschöne Brutkleider wo du ufeglade hesch,traumhaft Wo hesch die gseh?
Ich bi halt mi ebe zrug mit Kleider google willi angst ha, dasi nacher DAS Kleid gseh und ich das aber niergend finde und au will ich mich eh quer dure probiere wot aber i tendier dezue zum was mit spitze neh, ald so Prinzessinehaft und die wo du ufglade hesch sind uuuuuuuuuuu schön
Hesch mir de Link vo dere Site, will au echi go träume
@sue: Zeig her deine schuhe I weiss nid ob schomal es Bildli zeigt hesch, zeigsches sust bitte nomol? Und vowo hesch du so Schuh gfunde? Ich ha bis jetzt nur so im Internet gseh, i gah negst Johr im Mai uf Italie i glaub i wür deht na luege will da i minere Umgebig bini bis jetzt nonig uf so Schuh gstosse
@Pricana:
Hey jo i gah uf Züri go luege...hend echi en volle Tag aber glich...
Mir startet am Morge am 9 im Lilluca, den kurz vorem Mittag im Mery den gömer schön go zMittagesse und am mittlere Nomitag simer no imere chlinere in Winterthur agmolde I weiss isch viellicht echi viel, aber egal
@Pfingstrose:
Föteli?! i glaub du verwechslisch mich, ich wart uf kei Föteli willi keis Shooting cha han
Ich und min GG hend i eusne Ferie in Ägypte es paar Fotene mache lah und die sind au u schön worde, obwohls sonen Hotelfotograf gsi isch, aber mir hend das passende Föteli für eusi Iladige gfunde. Aber viellicht bisch glich nid so falsch, ich warte uf eusi Magnet womer bstellt hend und unterwegs vo Österrich sind
Brauttreffen Also i würs au cool finde und wer au debi...müssts aber echi im vorus wüsse willi ide Pflege schaffe und leider nid ganz so spontan cha si mit frühner Fiirabig geschweige den Diensttusch Aber i wär ufjedefall debi
Family: Also d'Elterä vo mim GG sind getrennt und lang sehr verbittert ufenand gsi, zumindest sini Muetter het immer doofi Sprüch gheie lah...sogar so vowege wenn mir emal hüratet söllet mir sie eifach bim Standesamt ilade und de Vater den bide chile mit de neue Frau. Mir hend den scho bi damals gseit, das entscheidet mir und sie will jo wohl nid das ihren einzige Sohn verärgert isch will sie nid über de Schatte springe cha Das ganze isch jetzt aber alles echi anderst sit mit GG vomene Johr überraschenderwiis am offene Herz het müesse operiert werde. Da sind sini Eltere eifach plötzlich zämö imene Ruum gstande und hend sich sorge gmacht und somit au emal mitenand gredet, nach ca 14Johr. Und sit deht ah isches sicher nid super verhältnis aber es funktioniert und sie chönd mitenand rede und im gliche Ruum si, werdets trotzdem nid grad nebetenand an Tisch due
Was de Kontakt vo mine Eltere zu sine betrifft, isch eigentli sowit ganz guet. Scho mitenand Geburi gfiiret und au scho so mitenand go esse, also i bi zfriede :-) Isch mir au wichtig...
A ^mim Brutkleidershopping wird nebst mim Mami au die "neu" Frau vom Vater vo mim GG debi si, mag si u guet...wart jetzt chunt en böse...mag sie lieber als mini würklichi Schwiegermutter
E Frag a alli
Was tanzet ihr a euem Hochziit und zu welem Lied?
Nehmet ihr Tanzkurs?
Sooo jetzt mueni witer zu mine Bewohner go schaffe...hend langsam hunger
|
|
|
|
|
|
|
|
|
|
|
|
25.10.13 12:42
squishy-fishynicht registriert
|
Re: Bräute 2014
Heyyloou ihr Liäbä
Treffe Ha dezue jo no gar keii Stellig gnoh I fänds au meega läss Gsichter zu dä Näme z'bechooh! I weiss aber jetzt scho, dass es für mii eher schwierig wird. Vor Wiähnachte isch sowieso immer eis hii und her mit Arbeiite abgäh und so. Im Januar isch Abgabe vo dä BA und denn direkt Diplompraktikum. Je nach dem würd ii's aber schaffe und fänds dä hammer! Wiiä wiit veruss chönt ihr eui Date agäh? I ebe nöd soooo wiit 
Janedoe: Jop, biim GG dehaii stot en Laserdrucker. Muä meh usprobiere obs mit Tinte au got. Liim han ii normale Wiisliim gnoh und s'Holz han ii so äs Stückli vo Brennholz zuägsäget (miin GG het gmaiint, ii het d'Metallsägi gnoh )
Schön hend ihr eu so chönä ustusche und wiider ganz zuneand fiinde! Und so schön, het er so Froiid aah dä Manschette gha! Ihr sind schnussig
Viiel Kraft bim schaffe! Hoff wird nöd allzu streng! Und ab morn isch ja Wuchenend!
Malinchen: Diä Hormonbehandlig tönt nacheme Wundermittel I wüsst aber jetzt au nöd, ob ii dere Sach traue würd....
Nala: Aah jo, wenn sii de Nomittag sowieso freii het, chönt sii jo eiifach dezue stosse? Bruchsch ja wohrschinli scho chlii meh als eh Halbstund zum definitv diis Kleiid z'finde? Isch ja keii Hetzi sondern au es Gniässä? Wiä lang hesch denn dä Termin abgmacht? I find, da chönt sehr guät klappe!
lil.lian: Mersii Mir hend ewigs gha bis mir so es Foti gha hend. I cha chum lachä wenn's um Fotis got Es isch aber scho zweii Jährig aber miis absolute Favorite. Viellicht giits ab nächst Wuche es noiis, wenn unseri Föteli chömet
Woow, dä Termin isch ja scho meeega bald! Wenn ii so lies, dass dii einte bis im Dezember keii Termin meh hend, isch das doch eh rechte Zuefall. So schön, gniäss d'Vorfreud fest! Bii jetzt scho gspannt uf dii Bricht!!
Sasilu: Ojeeh, so wiä verzellsch chan ii verstoh, dass dii "neu" Schwiegermami chlii besser magsch. Diä ander tönt so chlii mufflig... Schön hesch es mit dä ander so guät, dass sii sogar mitchunt go poste!! Mir nehmet en Tanzkurs. Vo dä Uni giits so 50% Rabatt für Tanzkürs. Mir nehmet wohl eiifach so ein. Dert lernt meh alli klassische Tänz und cha bis zu 2x/Wuche für 7Wuche go. I denk, do werdets mir scho chlii lerne. Aber es gnaus Liäd hend mir uns nonig überleiit. Wird wohl klassisch und nöd so usgflippt...
Sue: Das wäri dä Link: http://www.hochzeitswahn.de/selbstgemach...ummer-aus-holz/ I darf mii aber nöd mit falschä Federe schmücke. d'Janedoe hets entdeckt und ii ha nu gad Ziit und s'Material zum teschte gha. I bruchs wohrschinli nöd fürs Hochziit. Aber für d'Schuäl chönt ii mol es Memory bastlä so oder giit siicher au no kuuli Geburigschenk, wenn es Holzschniidebretti mit Föteliverziersch oder Holztöpfli...
Mersii eu all für diä liäbä Kompliment für miis Experiment! Es het mii so motiviert. Mach gad nomol en Versuech
En guätä Mittag eu allnä
|
|
|
|
|
|
25.10.13 13:42
Taeboyana
|
Re: Bräute 2014
Huhu Brütlis - TGIF!!
Mi letscht Tag hie, ungloublech. Und dir gäbet vielech wieder Gas!
@Nala: I ga am Mänti ad Herbstmäss mit mim Mami *freu*
@Sasileu: jetz hesch du mi mit littlefoot verwächslet, die schöni Torte isch ihres Wärk. I brächt so öpis nid häre
@littlefoot und Pfingstrose: I ha eis ganz ähnlechs Chleid annegha mit somne Gürtli ar Taille und emne usgsteute Rock - vor auem wüus mine TZ so wahnsinnig het gfaue. I has am Bügu o schön gfunge, aber a mir hets furchbar usgseh Aber e schöni Uswau hesch!
@malinchen: Phu Hormon sprütze, das miech mir Angscht... mit Sprütze hani ja nid sones Problem, aber so Hormon näh isch ja nid ohne...
Ou schön, die Houzbuechstabe si de cool! Gfaue mir auso o no. U vor auem nid tüür!
@Träffe: I fänds geniau! Dänek aber o, dass das Jahr de gli verbi isch unds schwierig würdi, no e Termin zfinde. Im Dezämber louft eh immer so viu...
Wemers ir Region Bärn würde mache, chiem mir itz so spontan e Brunch ufem Gurte i Sinn Dert chönnt me dr ganz Tag hocke, ässe und quatsche...
@me: Ig ha üse Termin für ds Standesamt chönne reserviere!!!! Am 16. Mai am haubi 3 z Murte Rächt viu Date si scho usbuechet gsi, aber so passt das doch perfekt, itz heimer dr 16. Mai und dr 16. Ouguscht
Und de bini am Mittag no gschwing bim Husarzt gsi und ha itz wieder Antibiotika Schinbar het ds 1. nid gnue gnützt, drum hani itz scho wieder e Blaseentzündig... sig guet sigi cho wüu i dörf das nid uf die liechti Schuutere näh nach mire OP. Eh ja, itz geits ämu scho chli besser.
So, i mues mau e Abschiedsrundi dür ds Büro mache und am 4i gits no es Apéro (und wahrschinlech paar Träne...). U aschliessend gani mit GG mini Schwägerin und mis 2 Tag aute Nichteli ga bsueche
Aune es guets Weekend!
|
|
|
|
|
|
1 .. 228 .. 453 454 455 456 457 .. 727 .. 997
|
Anmelden
