| Bräute 2014 |
|
|
1 .. 228 .. 454 455 456 457 458 .. 728 .. 997
|
25.10.13 13:43
Fara 
|
Re: Bräute 2014
Hey zäme
Huch, ez hani wieder es Wiili nur mitgläse und nöd gschribe... Und irgendwie magi grad gar nöd alles wieder "nacharbeite". Ich schriib mal zu dem, woni us em Chopf no weiss.
janedoe: Ha das gester gläse wäg dinere TZ und dim Fründ. Bin froh, hät sich das bizli chöne kläre. Hät mer nämli scho leid ta, häsch würkli grad niedergschlage tönt. *umarm*
Nala: Aso, ich chönt mir vorstelle, dass dini TZ mit "ab Dezämber gahts wieder" nöd gmeint hät, dass es ihre dänn immer gaht, sondern dass es ihre vorher sicher nie gaht und im Dezämber wieder chli meh Luft wär. Also, mir hetti zumindest so öpis chöne passiere. 
Aber ich dänk au, dass du sie ja nöd muesch mitneh. Git ja käs Gsetz, wo das verlangt.  Ich würd da jetzt au eher halt mit andere Lüt luege, wänns dir wichtig isch, dass scho das Jahr afangsch umeluege (wasi verstahn - grad au wil jetzt no 2013er Chleider, vilich sogar abegsetzt, ume sind). Au wänn's schad isch.
Pfingstrose (oder verwächsli jetzt öpis?  ): Stimmt scho, die Stüehl sind chli gar dunkel. Mir persönlich gfalled Hussene aber ehrlich gseit eh au nöd so. Mich würd das ev eher grad erschlah, sones Meer us wiiss. Verstahn aber scho, dass es anderne gfallt. Isch sicher eifach Gschmacksach. Aber ich glaub, mir werded kei Hussene ha, au wänn d Stüel nöd so de Hit sind i eusere Location. (Es hät zwar au mega schöni Stüehl, aber glaub z wenig devo.)
daenu: Och menno... Papis sind mängisch würklich chli emotionali Trampeltierlis (mine ebe au, aber er meints nöd bös - und isch eigetli ebe eher en sehr sensible Mänsch, bringts aber nöd immer so guet übere). Tuet mer leid, dass er sich so güsseret hät zu eune Fotene. (BTW: Ich han die glaub verpasst... Dörft ich die ächt ev. vilicht unter Umstände au no aluege? )
Chan verstah, dass i dere Situation dis Mami grad bsunders vermisst häsch. Das chan eim sicher mega ufwüehle und es chunt vieles wieder ufe.
squishy: Ja, sonen Betriibigsregisteruszug bruchsch dänn zimli sicher au, wänner e Wohnig sueched. De chasch bstelle bim Betriibigsamt vo dim Wohnort (online gfindet mer das) und isch eifach sonen Fötzel, wo dir beschiiniget, dass du kei Betriibige gha häsch i de letschte glaub zwei Jahr. Isch eifach für de Vermieter en Absicherig, dass ihr d Mieti au regelmässig werded zahle.
littlefoot: Mach der nöd z fescht en Chopf wäg dim Chleid. Ich han bi mim ehrlich xeit nämli nöd sones "Wow"-Gfühl gha i dem Sinn, dass ich gfunde han: "DAS isches und ja käs anders." Bin vilicht au gar nöd so de Typ dezue. Zwüsched mine zwei Favorite isch dänn au ganz prosaisch de Priis entscheidend xi. Ich han aber sowieso pragmatischer als anderi müesse a die Sach ane gah, wil ich dur di letscht OP chli (aber gar nöd so massiv) igschränkt xi bin bi de Uswahl a Chleider. Aber ich han u mega Freud a mim Chleid!
sasileu: Zum Hochsigstanz hämmer eus au scho biz Gedanke gmacht, sind aber no überhaupt nöd uf en grüene Zwiig cho. Händ au nöd sones Lied, wo "euses Lied" wär.. Vili Paar händ das ja, aber mir losed sälte zäme Musig und drum tja. Aber findet sicher öpis. Ich wett äfach ja nöd e zfescht 0815-Schnulze, am liebste eher es Lied, wo mer nöd soo kännt. Ev chöntemer es französischs neh. Det gächt au 0815 eher, wil das weniger vo de Gäscht scho würded känne. Jacques Brel fändi kuul, so chli öpis älters. Ich lieb de. Aber ich hett grad keis Lied im Chopf, wo mer chönt neh.
Brautzilla und Unterstützig vo TZ und GGs: Ich säg mir da amel au, dass ich mich ja nöd wett z fescht uf mini Vorstellige verstiife bis is Detail, dass ich dänn de Tag nüm chönt gnüsse, falls irgendwas schief lauft. Und was mer so ghört: irgendwas lauft scho schief! Aber eigetli isch das ja nöd s Wesentliche, sondern s Wesentliche isch, dass mir nacher mit eusne tolle Manne verhüratet sind und id Ehe chönd starte.
Mini TZ hät mir mal adütet, dass sie ev. nöd sooo vill Ziit hät. Und das verstahni au. Ich weiss aber au, dass sie sich die Ziit, wo sie hät, dänn scho nimmt. Aber han au no Unterstützig vo anderne.
Min Fründ laht mis Hochsigsgequassle amel geduldig über sich ergah und git au sin Sänf dezue. D Deko zum Bispil isch klar mis Ressort, aber ich wett au umbedingt, dass es ihm gfallt. Bin froh, dass ich ihm das amel chan zeige und mir zäme chli chönd überlegge.
|
|
|
|
|
|
25.10.13 13:57
Fara
|
Re: Bräute 2014
So... No de Egopost.
me: Wäg de Deko hani überleit, dass ich mir wohl mal es Konzept sött überlegge (frög glaub mal min Fründ, weli Farbe er schön fänd), au mit konkrete Sache, woni würd wele chaufe. Dänn chömemer da glaub eher vom Fläck.
Händ gester di berüehmt-berüchtigt Fotografin vo Taeboyana, Pfingstrose und malinchen agfrögt. Sie hät scho gantwortet. Jetzt tüemer wohl mal telifönle.
Heted gester no d Cateringfrag gnauer wele aluege, aber dänn isches mim Fründ schlächt worde und er hät mi zimli gli usekickt. Au, demit ich mich nöd astecke, wär nämli würkli nöd so guet. Gang mi hüt au no gäg d Gripp la impfe.
Isch chli blöd xi, ich bin nämli s erscht mal sit em Juni oder Juli wieder bi ihm xi. Bin halt so lang nöd gnueg fit xi oder mir händ Sache i minere Region los gha. Muess säge, ich bin ihm sehr dankbar, dass er das ewige Gepändle zu mir so bereitwillig uf sich nimmt.
Vo de einte Wohnig hämmer grad hüt en Absag becho (isch aber ok). Muesses ihm dänn no verzelle. Und d Wohnig wo mer am Mittwuch agluegt händ, hät eus u mega gfalle. Det bewerbemer eus jetzt. S guete isch, dass mer uf em Formular zwar Bruef und Arbetgeber muss ageh aber nöd s Ikomme. Mir werded halt für s erschte Jahr vo eusere Ehe würkli nöd so vill Gäld ha. Nacher wirds sich aber bessere, wil min Fründ uf negscht Schueljahr sich um es grössers Pensum wird bemühe und dänn im 2015 au sis Diplom wird ha. Bi mir isch halt eifach unklar, wie vil ich wird verdiene chönne und drum chömmer das im Budget nöd würklich iplane. Wett aber scho gern wieder mit emene chline Pensum istiige und mis Studium näbed dra wieder meh in Agriff neh. Das Semster machi eifach ein Kurs.
En anderi Wohnig, wo mer wahrschinli wänd go aluege, isch vo de gliiche Verwaltig wie die, wo min Fründ jetzt drin wohnt. Chönt ev. au en Vorteil sii (sie händ mit ihm ja scho gueti Erfahrige gmacht).
Ah, irgendwänn (de Sunntig oder dänn s Wuchenänd zwei Wuche spöter) gömmer mal mit mim Brüeder go fötele. Er macht rächt gueti Fotis und mir brüchtet no weli für d Iladige und so.
Am Sunntig wirds äfach wahrschinli rägne. Min Brüeder hät aber mal d Masoala-Halle vorgschlage. Wär ev. au öpis. Nur hetter am liebschte d Kamera vom Vater mit em Tele-Objektiv brucht. Aber die isch mit em Papi id Ferie gange.
No schwirig zum entscheide.
So... Ez aber fertig Egopost.
Liebs Grüessli a alli
Fara
edit: Äch, ich Tröteli... Brutträffe: Fändi au sehr schön! Würd eu gern mal känne lerne. Am 1. Dezämber gahts mir vorussichtlich nöd. Dänke au, s wär s Beschte, das so für de Januar/Februar mal azpeile und bald feschtzlegge, dänn chönd vermuetli meh vo eus cho. Händ sich ja doch scho es paar jetzt so güsseret.
Zuletzt bearbeitet am 25.10.13 13:59
|
|
|
|
25.10.13 14:02
laprincipessa
|
Re: Bräute 2014
@pfingstrose: jo du seisches, isch ächt en erliechterig.. findes ebe au mega schad wäg dene hussene.. ich meine si händ öis das klar gseit gha, dass die debi siget.. und jetzt sinds eifach ned debi und woni gseit han dänn müessemer halt luege wäge schlaufe um d’stüehl mache und so und wiemer das dänn würd mache will de saal jo erst abem mittag fre isch si häd dänn gseit, dass das scho öber vom personal mache würd si müesstet eifach öbis defür verrechne, aber das findi voll fräch will für d’hussene über alli stüehl due hettets jo au zyt brucht! Also do werdemer sicher mol no drübert diskutiere finde das goht gar ned!
@lula: jo wahrschindli häsch rächt, was d’fröndschafte abelangt… wäg de stüehl bini ächt unsicher aber händ jo wie kei anderi optione..
@littlefoot: hehe jo du seisches es isch halt luzärn ;)) schlimm fndis au ned! nur bitz schad halt ;) oooh ganz schöni chleider hey! Gfalletmer alli mega guet! =) s’dritte findi s’schönschte! =)
@janedore: hmm verstoh di, dass di das mit dinere TZ chli fruschtet.. si wird’s spötistens wänn si sälber mol hürotet merke, was alles hinter sonere planig steckt! Hehe merci für d’motivation – bin jetzt dänn en wuche weg aber nacher weti mir würkli mol zyt näh und si fertig mache ;) jo ich han ebe au immer wissi husse welle :( und mega fröid gha, dassmer die im montana ned extra zahle muess.. schins siget ebe d’stüehl vo desem saal z’höch för d’tische im restaurant sprich sust hettets si chönne wächsle.. ächt chli verzwickt.. aber irgendwo sust entgäge cho chöntets öis defür oder? Aber gäl schwarz uf wiss händmer natürli nüt… jö mega härzig wäg de manchette chnöpf! :) jöö so härzig wiener sich gfröit häd hammer!!! =)
@nala: jöö härzig din traum :) d.h. mir werdet genau die gliche locations ha – hermitage & montana hehe :) jo ebe im art deco saal händs die hussene.. häd öis aber niemer gseit gha naja… wüest sind d’stüehl ned aber jo het eifach gärn wissi hussene gha… mal schauen wasmer jetzt machet.. hmm was häd dänn dini TZ für wichtigi termine dass si dänn ned cha? Chasi nüt verschiebe? Scho müehsam, si häd jo gseit ab dezember…
@malinchen: danke jo wenigstens ischs jetzt mol dusse.. jetzt luegemer wies witergoht ;) findi ebe au hooou han doch au wissi hussene welle :/ naja… cooli idee wägem brutträff! =) startisch mol es doodle was meinsch hetsch zyt? :)
@pricana: jo bin froh häd sich alles zum postive gwändet :) hey cool wägem shooting! Bin gspannt uf s’ergebnis isch jo scho gli :) und au guet wänner merket dass die ander nüt isch..
@sue: hey mega cool händer d’flittis scho buecht gratuliere! =)
@squishy: hehe geili idee :p aber weisch ihres mami döft sich dänn jo nur um ihres chind kümmere die brucht volli betröiig :p si isch eifach bruutal kompliziert.. d’stüehl passet leider ned unter die tische die siget z’höch.. schadeeee.. hey gseht aber cool us! bastle macht halt scho spass gäl? ;)
@sasileu: mir werdet wahrschindli bachata tanze und scho no es chlises kürsli mache vorher :) s’lied isch nonig def. :)
@taeboyana: oje hey wünsch dir en schöne abschied!! Und es schöns 1. träffe vo dim nichteli :)
@me: han hüt nomol am standesamt basel aglütet.. ächt kompliziert die sache.. mir sölet jetzt mol en brief schribe wieso mir als oswärtigi überhaupt in basel wänd hürote (mi GG isch jo vo basel stadt und det ufgwachse und alles!) aber s’söt scho klappe mitem 5.4.2014 :) eifach isch nonig klar, obmer d’zyt wie gwönscht chönd de letscht termin am viertel vor 1 ha.. hoffes also sehr ;) und mir händ de vertrag vo de band becho und scho retourniert klappet also au alles tiptop :) ah und hehe bin sit letscht samstig bim coiffeur gsiund rächt dunkel worde :p jetzt weissi gar nonig obi en blondi oder en brünetti brut werdi si hehe han jo no chli zyt :p
So ich mäld mi ab bis am 4. November bin en wuche im dütsche und han no abschlusswoche vo minere private usbildig woni mache.. han wahrschindli kei interent det.. alles guet i de zwöschezyt – fröimi scho uf öichi news! =)))
Schöns weeekend allersits!!
|
|
|
|
|
|
25.10.13 14:12
_janedoe
|
Re: Bräute 2014
sasi
mier hend eigentli zu Philipp Poisel - Liebe meines Lebens welle tanze. Da würdemer aber nume chli schunkle... En Walzer passt ¨überhaupt nöd zu eus. Au suscht tanze eigentli nöd. Aber schlussendli nähmemer de denk glich Stunde, haha :D
squishy
Dankeschöööön für d'Beschribig. Ich kenne glaub niemer miteme Laserdrucker. Probiers ez eifach mitem Tintestrahler. Chan ja denn brichte obs gange isch. Wie hesches fixiert? Mit Haarspray? 
Taeboyana
Emotionale Tag hüt! Wünsche dier en gueti Rundi! Und gueti gueti Besserig wege de Blaseentzündig. Soooo müehsam 
Fara
Hui eui Wohnigssuechi tönt recht intensiv! Wie wiit wohneder denn jetzt usenand? Drück eu fest de Duume, daser schnell fündig wärded und e Zuesag bechömed. Ich denke bi de Whg mitem gliche Verwalter chönder eu sicher gueti Chance usrechne. Ich han mit mim Ex zweimal züglet innerhalb vo de gliiche Verwaltig und au denn woni mi trennt ha, hend sie mier en neui Whg vermittlet. Wennmer sich da chli guet stellt, denki, sött das klappe :)
principessa
Hey waaaas, nümme es Blondi?
Hoffentli klappts z Basel mit euem Datum. d Ziit, naja, da muessmer sich de wohl oder übel richte. Mier hetted am liebschte au de 4i Termin gha, aber sie hend leider nur na de zwei Termin offe gha. D'Hauptsach für eus isch, dases a dem Datum klappt
Oh blöd blöd wege de Husse. Aber tönt echt so, dases nöd andersch gaht... so doof!!¨Aber d Stüehl sind ja wirkli schön eigentli - vlt da en Kompromiss igah? Wenn dLüüt sitzed, gseht mers nah ja eh nümme 
me
Ich han no d Offerte becho für die ganze 'alte' Sache womer wend miete, Schribmaschine, Waag, Kanne usw. Jetzt hed aber am GG sini Muetter gmeint, dass sie im Cheller so viel Sache hed und mier doch mal zerscht bi ihre sölled luege wennmer im Nov eh in Düsseldorf seged. Drum warti ez no ab mit definitiv zuesägä.
d'Iladige chömmer morn go abhole (ha zerscht gmeint gester oder hüt) und de willi die am Nami grad zemebaschtle. GG und ich wend morn nochli uf d'Flohmärkt z ZH und is Brocki mal go luege wasmer so chönnted bruuche und am Sunntig wemmer de d Iladige go verteile. Hend ja jetzt no so Boxe dezue bstellt und denn chunnd verschicke recht tüür, drum fahremer ez eifach chli umenand :) Hochziitstechnisch wirds also glaubs es intensivs Weekend, debii hani doch welle abefahre am GG zlieb. Er heds denn aber vorgschlage, drum sägi mal nöd nei :D
|
|
|
|
|
|
|
|
|
|
25.10.13 15:34
nala05
|
Re: Bräute 2014
lilian: wow, voll cool hesch im novämbr scho en termin!  het d torte gschmeckt?
saslieu: unser lied wird worschinli at last vo de etta james. find das so e schöns lied  tanzstunde wüsse mir noni, evtl au öbis ade uni ab nägst joor.
sue: das tönt doch guet das ihr die vom apero au grad für e obe wänd äh. macht vilicht au d planig eifacher, wenn ihr für alles wo mit ässe ztue het die gliche asprächspartner händ.
squishy: i dänk au das das doch e gueti alternative wär wenn si eifach noche kunnt. ha se jetzt mol gfrogt ob mir nägst wuche öbis wän mache, hoff es klärt sich dene.
und wie isch dr vruch nr 2 useko?
malinchen: die therapie tönt wirkli no guet, hoffentlig ischs de au längrfristig so und meh bhaltet s gwicht. mis mami isch ebe au dicker gsi friner und het de afganfe xenical z näh (kriegt meh au nur mit rezept) si het de ame scho abgno e paar kilo, nur sobald sis abgsetzt het, sin d kilos widr do gsi  find vo dämhär abnäh mit tablette au chli gföhrlich. i drugg aber dim mami d duume das die behandlig guet isch und für si passt!
taeboyana: toll, widr e wichtige punkt zum abhöggle
wünsch dir e schöne apero und gueti letschti stunde. und drnoch viilspass bim kennelerne vo dinere nichte
oh cool, viil spass und vorallem en guete! i beschäftig mich ade herbstmäss nämlig immer hauptsächlig mit ässe und glaub das goht nid nur mir so
fara: ka scho si das si das so gmeind het.. abr si ka im dezämbr nur a ganze 2 dag (beides mäntige).. luft ha nenni das jetzt au nid.. 
d masoala halle tönt wirkli wie ne schöni location für föteli, wird sicher mega schön!
das mit dr wohnig kunnt scho guet! i würd au mol überm gg sin jetzig vrmieter go, isch sicher chli eifacher. ohh je wohnt är so wiit wäg vo dir, isch sichr ä nid eifach. hoffentli het är sich nüd schlimms igfange und ihr könnet gli witr mache ide planig!
principessa: mi gg tendiert ebe ur seebirg, isch aso noni ganz entschiede ;)
mini tz macht ebe en witrbilidig und het de ame schuel am morge…
aso das mit de hussene findi aso au blöd, wen si dir sage das die drbi wäre und jetzt doch nüm.. de dänki au söttets euch chli entgege ko.
oh je die basler dien au kompliziert uf däm standesamt.  sölle doch froh si das au uswärtigi (au wenn di gg nid wirkli uswärtig isch) wän bi ihne ko hürote.
janedoe: jo wenn di gg das abote het, den muesch d glägeheit grad am schopf packe 
wünsch euch viil spass bim umefahre und zämesueche!
pfingstrose: so guet, ha grad miesse lache wäg de geburtsazeig! bisch scho guet am vorplane was d kärtli abelangt!
die minibooks sin aber au mega!
wünsch e schöns wucheänd
|
|
|
|
25.10.13 17:00
Lula
|
Re: Bräute 2014
Läck sit ihr flissig!!
@littlefoot: I finde zerschte us letschte vo Dine Kleider sehr schön.
@jane: Hmm... Hoffe si brchunnt glich zGfüehl, dass me es Hochzyt mit viu Zyt locker cha plane, us de eifach mau so chli cha lah si.
Tönt nach am ne wunderschöne bi öich, ma Dir das so gönne! Hesch Fotis vo de Manchetteknöpf?
Wünsche Dir es schöns u kreativs Wucheändi! U isch doch schön, wenn Di GG das vorschlaht.
@nala: Muess das mit dr Sängere mau mit mim GG agugge, u de eifach ou mau mit dr Organistin, was si cha spiele. Bezwifle das es ihm Fr. 400.- "wärt isch"
Danke, hoffes ou. Gseht aber gar nit so schlächt us
Heit dr de nit gad zämä gugget für nes Datum. Für mi tönt ab Dezember eifach, dass si ab denne eifach Luft het, u vorher gar nit chönnti. I würdi ihre mau versueche azlüte. Aber i verstah, wotsch nit ersch im Januar gah, das wetti ou nit. U süsch chasch ja de mit ihre ga abstecke?
@pricana: Wär heit ihr de jtzte? U wieso weit ihr wächsle?
@Sue: Töne super öichi Flittis
@squishy: Gseht cool us! Wie isch Din zwöit Versuech gsi?
Hesch Du dr Link zur Aleitig no? Süsch suechi mi de düre
@Pfingstrose: Fr. 140.-! Das isch e super Priis, viu spass bim mache hinech!
Ha leider kei Erfahrig i dere Region, aber i wetti scho lang mau gah, e Bekannte vo mir isch vor paar Jahr 2/3 mau gsi, u het wunderschöni Fotis online gstellt.
@lil: Ou cool! Wird sicher luschtig, hoffe Du findisch Dis Kleid!
Wie isch im Kaffi gsi?
@sasileu: Weles Lied wüsse mir no nit, aber dr Tanzkurs hani geschter gad reserviert!
@Taeboyana: Viu Spass bim Babybsuech
@Burttreff: Cooli Idee! Aber i muess mi da aschliesse, das Jahr isch schlächt... Ar Taeboyana ihri Idee mit am Güsche findi super!
@Fara: Was schwäbt Dir de vor, betreffend ar Deko?
Drück nech Düme dass es gli klappet mit are tolle Wohnig für öich!
Süsch chöit dr ja näbscht dr Halle no chli dusse deckt fötele, aso iwo ungerdranne. U we dr de ufs Wätter gugget, us süsch eifach i 2 Wuche miechet?
@principessa: Di hets doch! U am Schluss muesch se no ufs Fescht ilade?
Schöni Ferie u alles Guete für Dini Prüefige!
@all: Hoffe i ha niemert vergässe, has zum Teil nume so chli überfloge
Wünsche euch es wunderschöns Wucheändi
|
|
|
|
|
|
1 .. 228 .. 454 455 456 457 458 .. 728 .. 997
|
Anmelden
