nala Ebe gell, jetzt hed ers ja vorgschlage, de darfi
Lula Sie meints ja wirkli nöd bös und hed s Gfühl das ich voll unter Druck stah und wett mier glaub eifach zGfühl gäh 'hey, das muess nid si'. Has eigentli no recht schön gfunde, dass sie mich ernsthaft gfragt hed, wieso mer de sone Hochziit so früeh müessi plane, was die Pöste sind wo wichtig sind und so. Nei alles i allem bini so froh um sie! Als beschti Fründin isch sie eifach purs Gold... Denke ich erwarte eifach au zviel und schlussendli weissi nid mal richtig was. Ich bi sone Kontollfreak, dasi ja glich alles selber mache will... Da hani es Bild postet vo de Manschettechnöpf: http://www.heiraten.ch/forum/board/ich-s..._1378_7.html#66
Uuuuund, da isch de Link zu de Aleitig für s'Foti ufem Holz. Has grad vorher usdruckt. Bi i de Papeterie gsi und ha nach Modellierkleber und Versiegeligslack gfragt. Und sie hed keeeeeeeei Ahnig gha, was ich bruche. Jetzt stahni immerno mit leere Händ da, muess aber glaub zerscht öpper miteme Laserdrucker finde und denn wiiterluege... http://www.hochzeitswahn.de/selbstgemach...ummer-aus-holz/
malinchen: eeehrlich ? nei so guet. de het de expert en wahnsinnig guete tag gha hui das tönt no extrem mit dene hormon. hoffe chunt guet für dis mami
sue: lässig weg de flittis *wettau* :-)
lilian: so guet, freu di druf. findes de hammer mal i so chleider chöne inezschlüfe :) aso ich würd uf jede fall en bh alegge wod träger chasch abnä, oder guet abestecke..ich han no e shaperock agha haha
sasileu: hui ja da wird de tag de streng. ich ha scho sone wirre chopf gha nach zwei stund aprobiere...aber villicht musch ja gar nüme witer, who knows... wenigstens chönd jetzt beid iglade werde, immerhin.
taeboyana: und, wie isch de letscht gsi ? hoffentli schön. häsch denn du scho dis chleid gfunde ? cool wegem standesamt termin :-) sind gueti datene so. jöö vill spass bim baby aluege
fara: wie gahts der ? aso find das gar nöd prosaisch, wenn de pris zwüsche zwei glich guete entscheided :) ich glaube au dass ich immer es neus würd finde woni schön finde, es git so z vill uswahl...und bi mir ändert das halt au immer chli..voreme halbe jahr hani das welle, denn de stil...naja, falls ich eis chaufe im dezember glaubi denn scho dass es mir no gfallt am hochzit. :) aber de luegi au keini me a döfi frage warum igschränkt gsi bisch i de uswahl ? farbuswahl hani imfall einisch öpis gseh und de hets mer so gfalle..has de am GG gseit er findets schön, aber glaub ihm wärs egal wärs anders haha :-) die pendlerei kenni. bi am afng ja in lausanne gsi und mi Gg in uri..4 std weg jede fritig und sunntig..puh während eim jahr, ha de schnell zügled das mönder unbedingt erwähne weg de verwaltig :-) falls es nid uf em formular staht, aber meistens frögeds ja nachem vorherige. hey, so lustig, sind letschti im zürizoo gsi und i de masoala hani am GG gseit er sell chli blätter und so fotele, fänds no e schöne hintergrund für d iladige. :) er isch de aber nid so warm worde
laprincipessa: bisch du eigetli us luzern selber ? :) so guet, allne gfallt en anders vo mine chleider :) ah also zivil in basel und chile in luzern ? cool. so cool dass dini haarfarb so chasch ändere. ich han schwarzi haar und bringes nie heller ane als dunkelbrun haha :-)
janedoe: wer isch de poisel, de kenni etz nöd. :-) nei so lässig weg de sache im cheller. da laht sich sicher öpis finde :-) demfall es rechts programm am weekend, so schön macht di GG so mit :)
pfingstrose: wow so viel reiseplän, wie schön ! die minibooks sind echt cool...musi mal am GG zeige, wil ich denke dass mir au relativ viel infos dripacked und de pris isch au gad hammer :-)
lula: wow cool tanzkurs.. :)
jacques brel: das findi cool. bi ja im welsche ufgwachse und de isch das halt au musig wo eifach zu de jugend ghört hät (au wenns älter isch). kennsch michel sardou ? ich bin halt en celine dion fan. has jahrelang nüme so glost, die neuere lieder uf englisch hend mer alig nid so passed. jetzt hemmer d cd wieder und ich liebs:) gester hämmer alone vo ihre glost, mi GG findets au super.. het so vill lieder zum ibaue am fescht....hett ja wele das lied am GG vorsinge, wo ich ihm i de erschte zit mal vonere telefonkabine (jaaa das gits no haha) durs telefon gsunge han..stan vo eminem und dido..de gäbs ja nur d version vo ihre, thank you...aber ich cha nüme singe. mis laster hät mer d stimm gno ;( find au sag es laut vom xavier de hit füres hochzit...mir sind eh so voll musik-fans
brautzilla: has gester gschafft e kes einzigs wort mitem GG z rede über hochzit juhui :)) defür hani hüt mit de nachbarin käfeled und sie hät ebe gseit sie würd gern no chirchlich hürate und so, de hämmer halt das thema gha :-) wie isch das bi eu, händer sone checklischte, woner datum setzed oder mached ihr eifach mal ? :)
Lula: Deko wetti bizli rustic/vintage, aber glaub nöd zuuu fescht. Aber zum Bispil sicher lieber mit Strüssli als mit Gsteck, was d Blueme betrifft. Händ eus vorgester oder so mal überleit, dass mer chönted im Brocki paar alti Büecher go bsorge. Er isch Historiker, ich bin Romanistin mit Näbefach Gschicht, da würd das passe. Und er hät de Uftrag gfasst, sich uf d Suechi nach enere alte Fabrikordnig z mache. Mir fiired ja inere alte Nagelfabrik, da wärs no witzig, so us de Ziit vo de Industrielle Revolution im 19. Jahrhundert e Quälle z finde, z vergrössere und irgendwo anestelle/ufhänke. Und wänn mer bi de Büecher eher Romän nemed und vilich sogar mal imene Brocki im Wälsche gönd go sueche, hettemer vo minere Siite no d (Franz-)Literatur drin. Und die Wuche isch mer mal im Chäller ufgfalle, wie vill Sache mis Mami hät, wo mer für sone Vintage-aghuchti Deko chönt bruche. Zum Bispil sone alti Waag - falls mer doch e Candy Bar mached, wär die det no passend.
Ansonsten bini ja mini Drahtchugle am baschtle. Ok, han hüt zwar di erst sit Langem gmacht wieder. Also, falls sich übrigens suscht öper no das überleit: es isch nöd sooo ufwändig. Ich han für die hüt öpe 10min gha.
squishy und janedoe: Im Momänt wohnemer mit ÖV Tür zu Tür öpe e Stund usenand. Das isch absolut machbar, wänn beidi mal zum andere gönd. Aber so wie jetzt isch es natürlich für ihn scho stressig. Aber ich chan ja nüt defür und dänn macht ers au würkli gern für mich. Wäg de Wohnigssuechi isch es so chli es Abwäge. Einersiits, wänn mer jetzt scho eini findet, wär er dänn scho nöcher bi mir (da mir i minere Region sueched). Anderersiits hetter dänn e Wohnig, wo tüürer isch als die vorher und er trotzdem elei nutzt, da mir erscht ufs Hochsig zäme ziehnd.
littlefoot: Ah oui, c'est vrai... Une autre francophone! Hani ja vorher scho mal gläse, dass du us em Wälsche bisch. Sogar det ufgwachse? Schön! Bi mir isch eifach de Vatter det ufgwachse. Aber er isch zweisprachig und i de Familie redemer immer Dütsch.
Danke, mir gahts guet. Bi im Momänt rächt fit. Hüt Abig no go Boccia spile mit Kollege. Mini TZ und ich sind es Team xi. Händ voll abgruumt! Hehe...
Wäg de Chleider: ich glaub au, dass mer sich da eifach au muess säge, dass es halt meh als eis Chleid git, wo eim würd gfalle. Wichtig isch, dass mer so eis hät - aber mer chan halt au nur eis alegge für s Hochsig und nöd alli. Klar dörfsch fröge wäg de Ischränkig bi de Chleiderwahl. Ich gib der aber lieber per PN Antwort. Möcht das nöd so ganz öffentlich thematisiere. Nöd wäg eu, aber das staht ja dänn für d Ewigkeit quasi da i dem Forum.
Hui, Lausanne bis Uri isch würklich wiit! Da glaubi, dass bald mal züglet bisch.
Michel Sardou käni, aber nöd sooo guet. Isch au nöd ganz so de Stil, woni bsunders schön find, glaub ich. Kännsch du de Renan Luce? Ich find de de Hammer, aber ich glaub, es git da keis für de Hochsigstanz geignets Lied. Oder Bénabar... Aber da hani s gliich Problem. Wie no bi villne. Git au no Musiker, woni mega kuul find, wo aber immer nur über unglücklichi Liebi singed. Isch nöd soo das, woni als Hochsigstanz wett. Céline Dion isch eher nöd so min Gschmack.
Meinsch nöd, dini Stimm chöntsch au wieder chli trainiere?
Taeboyana: Wie isch din letschte Tag no wiiter gange? Hoffe, häsch guet chöne Abschied neh. Und dass dich dänn am neue Ort schnäll iläbsch.
me: Musig/Hochsigstanz: Han mal chli umeglost vorher. De Philipp Poisel isch ja de Hammer! Hani gar nöd kännt. Häsch glaub du erwähnt, janedoe? Dänn bini wiiter zum Xavier cho. Das stimmt, das isch au en super Musiker. Wär ev. öpis. Ok, und zum Abschluss bini bi de Wise Guys glandet. Känneder die? Die sind sooo luschtig. Es git es Lied "Relativ" - wär zimli schräg, aber chönt ich mir no vorstelle als Hochsigstanz. Grad au, wil min Fründ und ich würklich mängisch so chli schüch (xi) sind, eusi Gfühl fürenand zum Usdruck z bringe. Münds mal lose, s isch würkli luschtig! Und nacher bini no bi "Achtung, ich will tanzen" glandet. Gaht drum, das eine wett tanze, wo's überhaupt nöd chan. Und er beschriibt so, wien er sich bewegt. Chönt mer ev. rächt witzig umsetze.
Vorher bini go impfe. Min Arzt hät erwähnt, dass er au mal Chräbs gha hät. Er hät e Prognose vo 5%iger Wahrschinlichkeit gha, dass er nach 5 Jahr no läbt. Das isch jetzt 7 Jahr her. Das hät mi ermuetiged. (Falls ihr eu fröged: nei, ich weiss nöd, wie d Prognose für min Fall isch. Min einte Arzt hät gmeint, es segi Quatsch, da Zahle z nänne.)
Morn gahts uf Azugs-Suechi mit mim Zuekünftige und sine Eltere. Bin ja mal gspannt. Aber ich glaub, d Chleidersuechi für ihn wird einiges umständlicher als die für mich.
Wise Guys: Das Lied Relativ könnte ich mir für einen witzigen Hochzeitstanz sehr gut vorstellen... Was ich auch noch schön fände dafür wäre zum Beispiel "Du bist ein Sonnenschein" (das mag ich voll gern) oder auch "Du bist dabei" oder auch "irgendwas an ihr" "ich hab geträumt" ist auch süss und "radio" rockt auch ziemlich....
Läck isch das grussigs Wetter. Päh! Jetzt hani aber gad die ersti Afertigung vo euesere Iladig übercho und mir chönd normal paar Sache ändere wo eus so nöd gfalled. D Farbe sind mir no chli stark. Die dümmer ändere und en Teil vom Text fehlt no wo min Schatz no mache sötti. Den chömmers definitiv bstelle und sie söttet ca. innere Wuche cho!
@Fara Das hin- und her pendle han ich immer ghasst, obwohls bi eus nur chli meh als en halb Stund gsi isch... Warum wend iher denn definitiv erst nach de Hochziit zemezieh, au wenner vorher en Wohnig findet? Ja, ich han de Philipp Poisel erwähnt. Isch eine vo mine absolute Lieblingskünstler <3 Obwohl ich eigentli suscht eher d'Rock Schine fahre chani mi i sinere Musik voll verlüre... Wise Guys wär natürli luschtig, ja :D Hey super hed din Arzt dich au wider chli chönne ermuetige! Hender en Azug gfunde für din GG?
@Pfingstrose Bi scho wahnsinnig gspannt uf eui Iladige, ob de alles so wird wie ihrs eu vorstelled
@me Mier sind das weekend uh produktiv gsi: Mini Chefin hed voreme Ziitli mal atönt, das d'Wiehnachtslieferig für im Lade niemer andersch cha uspacke als ich (wasi absolute Chabis finde, isch halt e mega Kunscht ) und dasi das denn söll mache bevori id Ferie gah im November. Ich han am Friitig bis am 9i gschaffet und denn isch min GG is Gschäft cho und hed mier mit dere Lieferig gholfe und so hemmer bis öppe am halbi eis gha und sind denn k.o. is Bett gheit. Am Samschtig simmer früeh ufgstande und eusi Iladige go abhole. Denn uf Züri is Brockehuus und anes paar Flohmärkt. Hend es paar alti Büecher kauft (ca. 20 Stk für d'Tischdeko) und es paar alti Schriibmaschine gseh. Die verlanget aber horrendi Priise uf de Flohmis.. De chunnt miete vielleicht doch günstiger. Am Namitag hemmer eusi Iladige deheime fertig bastlet, d'Kuverts druckt und sind mal de grössti Teil i de Umgebig go verteile :) Jetzt gits keis zrugg meh Am Abig simmer de no bi minere Schwöschter verbii und spat no go bowle. Und jetzt gnüssemer eifach nume de Sunntig, gönd spöter fein go esse miteme Kolleg und vielleicht no is Kino :)
Henke eu no es Bild a vo de Iladige. Das sind die für die gladne Gäst inkl. Boxe. Für d'Aperogäst hemmer die gmacht, woni komplett selber baschtlet ha mit de Spitze und de Federe.
Lula: Danke! Jo gell, das kennemer doch alli irgendwie, mit dene Männer wo ebe wie dElefante im Porzellanlade trampled.
Janedoe: Danke vielmol für dini Wort. Ich han denn no mit mim Brüeder gredet und auno chli Bistand gha vonere guete Fründin und freu mich ab dene Lüt wo do sind und sich sehr isetzed, wo Anteil nähmed a mim Lebe und sich für mich isetzed. Brautzilla: Ich mues dir sägä, vor paar Jahr bini schomol Trauzügin gsi und no nie vorher amene Hochzit. D’Brut het au (vor 5 Jahr) mega planet und gmacht und mich meh ibezoge als ihre GG. Ich ha bi allem müese debi si und jedes Bildli und alles absägne…und etz im Nachhinein tuets mir mega leid. Ich han sie glaubs oft nöd verstande und mich eifach nöd so guet chönne i sie ineversetze. Die Emotione und dSensibilität unterschätzt wo s’Plane über Monate mit sich bringt. Weisch es isch uuuh schön wenn’s so isch, aber i glaub mer dörf nöd erwarte dass…au wenn’s di BESCHT isch, sie sich genauso freut wie mer selber. Es isch immerno EUES HZ – dir und im ZGG sis! Ich chan dich sehr guet verstoh und chan de Dank nur zrugg geh!! I hoff du verstohsch wani mein.
Nala: d’Offerte isch cho…uuund? Scho entschiede? Danke für dini Anteilnahm. Es isch halt würkli so…es git immer wieder Zite wo eim das so fescht iholt. Und grad ide Hochzitsvorbereitig isches glaubs würkli ganz normal, dass mer sis Mami gern wett ibezieh. Weg dinere TZ und de Aprobetermine. Es sind halt wie 2 Siite. Etz hesch du do e TZ wo sich sehr interessiert und uuuuh gern wett mitcho go aprobiere. Ich find das uuuh schö. Genau s’Gegeteil isch z.B. de Lula passiert…sie hetti gern gha dass sich ihri (ehemaligi) TZ meh igsetzt hetti, aber die het sich gaaar nöd chönne für Bruutkleid-Ussueche erwärme. Hmmm…was meinsch?
Pricana: Ja er hets sicher nöd bös gmeint, aber es machts amigs nöd eifacher. Danke für dini Wort! I ha au immer so viel zum nochelese…wird mir momentan fascht chli z‘viel
Littlefoot. I ha au mengmol sGfühl i nerv alli rundume mit dem Thema. Aber sisch au grad phasewies mal meh mal weniger. Für dini Wort dank ich dir sehr. woooow, so schöni Bilder…min Favorit isch Bild 3667 !!! Love it !
Taeboyana: I chum i Moment au überhaupt nöd nooh im Forum. Bin amigs völlig überrollt und noher bruchi Stuuuunde zum uf alles igoh und nochez’lese. Hesch no guet chönne Abschied neh? Isch amigs scho hert, aber s’fangt au öppis Neus a, wo ebe au wieder guet tuet. Etz hesch e Wuche Ferie gell? Danke liebi Taeboyana, isch mega lieb wie du gschriebe hesch. I weiss er meints nöd böös, aber sin Zuespruch oder sis Lob wär mir so wichtig – aber halt vo sich us…nöd will ich’s will. Dir no e gueti Besserig und erhol di chli !
Pfingstrose: Kuuul dass euri Föteli acho sind – das Warten hat ein Ende! Mir wänd übrigens au das mit de Fingerprints mache für s’Gästebuech Eltere- Schwiegereltere: üsi Eltere kenned sich etz nöd mega super! Sini Eltere sind zuedem trennt und min Paps kennt sini Mamma besser als sin Daddy. Bide Tischordnig hämmer denn s’Problem dass mir nöd d’Eltere a ein Tisch chönd setze well sini Eltere verträged sich nöd und denn chömmer jo nöd min Papy bide Mueter anesetze, denn würd sich vlt dä Vater usgschlosse fühle oder umgekehrt…üsserscht schwierig. Liluca het au söttig Kleider gha. Bi mir isches obe andersch, aber ich han genau so en Rock
Squishy: Danke mini Lieb, i wart etz no biz bisi dBilder wieder alueg…im Moment bruchi grad no chli Abstand.
Familiegschichte: Durch die Frog nochem Kenne vode Elterne (vode Pfingstrose) gseht mer grad chli was anderi so chli für Familiegschichte hend und wie vielsitig Familie chönd sie. Danke, dass ihr so offe sind. Bi üs isches jahrelang so „normal“ wie möglich gsi und dur mehreri Todesfäll ide Familie simmer alli chli duregschüttlet worde. Am Wuchenend hemmer grad es Familiefescht gha und es isch so schön gsi wies etz doch wieder – trotz neue Partner und so e Familie geh het. Und etz chunnt denn no GGs Familie dezue (bi mir) und i bi sicher, au det gits wieder e Familie drus.
Principessa: Super, schowieder öppis erlediget. Und wär jo würkli sehr toll wenn ihr’s no persönlich würdet treffe! Ja gell, Vätere chönd ebe scho mengisch chli unsensibel si. Ich gseh scho, es kenned das mehreri. Danke für dini verständnisvolle Wort und dini Anteilnahm.
Stüehl: Ich find jetzt persönlich die Stüel mega extravagant und schön. Passend zum Saal. Gfallt mir uh guet. Gsehnd sehr hochwertig us und chillig. Aber ich bin au kein Fründ vo Stuelhusse, das mueni vlt auno erwähne. Ich find etz die Stüehl so bsundrig dasi etz do gar nix würd mache!
Sue: so kuuuul! Wieder öppis abghögglet und dReis tönt hammer! Mini bescht isch grad vor kurzem in Bali gsi und het gseit das seig seeeehr „flittrig“ Es Treffe fändi auno kuul !!
squishy-fishy Ich han ebe gad chli Angst becho, will ich useglese han, dass es uu schwierig isch en Samstigs-Termin z'becho. Drum hani dänkt ich muen jez gad alüte. Han a dem Samstig au chöne Ziit ussueche, isch keis Problem gsi.
Fara Wännd iher ide Masoala-Halle es chlises Shooting mache? Das findi no e kuuli Idee. Es isch nämli mega schön det ine und gid sicher super Föteli
janedoe ja genau :) ville dank.. Ooooh ganz schöni Iladige Hihi jez gids würkli keis zrug meh.. Abr es isch doch sicher es super Gfühl jez..
Pfingstrose Die Mini-Books gsehnd ja meega kuuuhl us :) Muen mer das märke für eusi Iladigs-Chärtli :)
nala05 & lula Ja ich bin uu gspanne uf die verschiedene Chleider. Ich han was im Chopf, ich hoff nur dass es guet usgseh wierd Und überascht bini au gad gsi, dassi gad sofort en Termin becho han. Und Turte isch super gsi :) Jez mach ich den dete mal en Termin ab, für e Turtevorbesprächig und nachher den chömer go Turte probiere gah .
littlefoot Ja das mit em BH isch mer au mal in Sinn cho, sötti den drah dänke.
Me Mier dönd hüt no am einte Fotograf es Mail schriebe. D'Schwöster vom GG isch mit dem id Schuel gange. Mal luege, öb sich da öbis ergiht. Und hüt isch no de TZ bi eus go brunche cho. Er hät gfunde, wemer no irgend e Offerte müen ihole, oder susch irgendöbis, mier müends em nur säge.. sooo härzig
I nütze itz mau d Rueh vom Sunntig zum hie chli ufhole... Ha zwar ide nächste Täg frei, aber wirde äuä nid so viu am PC sitze.
@Eutere: Öper het mau gfragt, ob sech d Eutere ungerenang kenne... Bi üs praktisch bis gar nid. GGs Eutere si gschiede und si mini Eutere u si Vater hei sich no nie gseh. Es isch eifach so, dass es grundverschiedeni Lüt si und i hätt ächt Bammel, ob die überhoupt zäme wüsste zrede... tönt itz u blöd, aber isch so. GG het säuber mit sim Vater o nid die ängschti Beziehig und es isch e sehr liebe, aber würklech haut e chli e eigete. Sis Mami und ihre Fründ hei mini Eutere gloub nur eis einzigs Mau gseh... wenni aso da vo teune vo euch ghöre, schämi mi o fasch echli...
@Pfingstrose: i bi die Minibooks ga aluege, das gseht ja würklech super us... chönnti mir itz o no guet vorsteue, vor auem het me viuv Platz zum Infos ungerzbringe. Bi de gspannt, wie eui am Schluss usgseh!
@Janedoe: Eui Iladige si wunderschön usecho! Da mueses gar kes Zrügg gä, die si ächt toll worde und chöme bestimmt super a. Und süsch sit dir ja ou gad mega fliessig! Bi üs geits immer nur langsam eis um ds Andere, ha zGfüu mir mache nie viu, ämu im Momänt... GG isch im Gschäft gad rächt unzfriede und das gspüri, er cha sech o nid riesig für d Hochzitsvorbereitig begeistere und i ha mi de nid drfür, gross zvrzeue oder mit Ideene zcho...
@Fara: Wow, du hesch ja scho u viu Idee für Musig füre Tanz. Bi üs isches äbe o no schwierig, wüu mir nid DAS Lied hei wo üses isch... und so mega die begabte Tänzer simer o nid unbedingt Drum müesse mir de üs scho chli Zit näh zum iüebe. Aber druf verzichte wetti glich nid. Mir wüsse aber (bzw. i ha scho paar Idee gha ) scho paar Lieder für zivili Trouig und für ir Chile. Zum Teil haut chli 08-15, aber eifach schöni... für ufem Standesamt chönnti mir Xavier Naidoo - Nicht von dieser Welt mega guet vorsteue. Ihn lose mir beidi no gärn und das Lied fändi mega passend. Oder haut irgendwo no (sehr kitschig, i weiss) ds Scharlachrot vo Patent Ochsner... Oder Frank Sinatra - Something stupid. I liebe das Lied und sini Musig augemein
Findes u schön geits dir rächt guet im Momänt! Und dass di Arzt dir het chönne Muet mache, isch super. Und i bi sicher, dasses no viu meh so Bispiu git. Geits dim Fründ ou wieder besser oder hets ne richtig verwütscht? Und wie isch d Azugs-Suechi gloffe?
@malinchen: Tänt würklech nachere Wahnsinnsfahrt wo du da hesch häregleit
@Principessa: I finde die Stüu itz ou nid schlimm, si gseh würklech no edel us. I ha zwar scho gärn Hussene u mir wärde bi üs o ha, aber üsi Stüu si würklech so Meetingstüu wo eifach gar nüt Schöns si, da findi bruchts es viu eher... Aber verstah natürlech di Fruscht vou, we sie die euch eigentlech hei versproche gha, da wäri aso ou enttüscht!
@Planig: Irgendöper het mau gfragt, wiemers mache mit dr Planig, obmer üs ane Plan haute oder eifach eis um ds angere irgendwie mache. I ha ja mau e sehr detailierti Planig gmacht, was wenn asteit bis zum grosse Tag mit genauer Ufgabeverteilig Ha die Übersicht scho mau da inegsteut, aber cha se gärn nomau per PN schicke, faus öper Inträsse het. Inwzüsche hani no Einiges apasst und ergänzt und für sone Kontrou-Freak wie mi isch die enorm hiufrich
@me: Mir si gester nomau ir Abelocation ga ässe, mit GGs Papi. Und i gloub mir chöi beruhigt säge, dass är zfriede isch gsi
Ig ha am Fritig no ganz e schöne Abschied gha und bi überwäutiget worde mitme Hammer Abschiedsgschänk... ha ja öfters Cupcakes iz Büro bracht, wüui für ds Läbe gärn bache und itz heisi mir es riese Paket mit auem Mögleche zum bache, dekoriere etc. gschänkt mit Förmli, Fondant, e Etagère, so härzigi tüpfleti Spitze-Ungersetzer etc.... ächt dr Wahnsinn u vor auem heisi drmit würklech iz Schwarze troffe!
Anmelden
Und überascht bini au gad gsi, dassi gad sofort en Termin becho han. Und Turte isch super gsi :) Jez mach ich den dete mal en Termin ab, für e Turtevorbesprächig und nachher den chömer go Turte probiere gah 