Guete Morge liebi Brütlis

I wünsche aune e super Start i die Wuche!!

squishy
merci füre Link zur Aleitig - muess de ou mau gneuer aluege, als Wiehnachtsgschenk oder so für öper wäris echt witzig...! hesch mi gad inspieriert auso i demfall d Janedoe natürlich ou gad

Taeboyana
Super, gratuliere zum standesamtliche Termin
das isch ja mega härzig was si dir zum Abschied gschenkt hei...

Fara
Findi e gueti Idee mege sonme Konzept, süsch gsehtme aube 500 verschideni Sache wo eim no würde gfalle?? emu mir geits so...ha mir sogar scho überleit obi mir sone altmodischi Pinwand söu choufe woni chönnti Sache Dekomässig drahänke wo mir gfalle zum luege ob alles zämepasst...
Siter go Fötele nöime am Weekend?? Masoala-Halle findi e super Idee

Janedoe
wo heit dir so Sache gseh zum Miete also alti Sache? im Internet?
wäri ja super wenns Sache hätti bir Muetter vo dim GG..wooooooooooooooooooooow die Iladige si mega schön......heiter scho Rückmeldige??

me
mir hei letscht Wuche meeeeeega viel los gha also jede Abig und ner am Weekend ou und Gestern endlich mau nid und ner simer nume no k.o. ufem Sofa gläge und hei Homeland gluegt...aber het ou gad mau guet ta am Samschtig heimer ja es Treffe mitem Pfarrer gha und es isch super gsi und mir hei ize so Sache zum usfülle becho und werde üs all 2 Monat mit ihm treffe. Er isch ou sone organisierte wie igs bi und het üs scho Listene und weiss nid was aues mitgeh woner am plane isch und de passt das ja super

Hoi Brütlis...

Sue: Schön händers chli chöne gnüsse. Es git so Wuche wo eifach zviel los isch. Und es wird wohl no paar geh bis Wiehnachte isch ja oft mals so - zumindest bi mir. Aber hey! Die letschte unverhüratete Wiehnachte und Neujahr isch ja scho au es komischs Gfühl.

Fara: Und händer eui Fotis gmacht? Wie du merksch mir sind alli scho sehr gspanne...

Me: Ich han jetzt eusi Iladige fertig gmacht und bstellt und scho die ersti Fassig übercho mit allne Änderige wo mer gwünscht händ. De Service mussi säge isch eifach top professionell. Sehr schnell und würklich so wie mers wott. Paar Sache gfalled eus nonig ganz... Und ich bruche eui Meinig. D Farbe wo mir ihne gschickt händ gsehnd zäme eifach nöd so guet us bi de Iladig sie biised sich irgendwie. Die dümmer jetzt nomal ändere. Will uf ere grosse Flächi händ eifach beidi viel stärcher gwürtk als mir welle händ. Jetzt hani nomal zwei usegsuecht. Wie findet ihr die, passed die zäme? Danke für eui Meinig scho jetzt! D Iladig hani nomal aghänkt... So Mint, Grün sölled d Sache sie wo eher türkis sind uf de Iladig und Peach söll das rosanige Zügs si.

http://www.fensterversand.com/fensterfarbe-ral-6019-Weissgruen.php
http://www.fensterversand.com/fensterfarbe-ral-1014-Elfenbein.php

Datei-Anhänge

Einladung.jpg (48x) Mime-Type: image/pjpeg, 42 kB

Danke Sue! Ich han jetzt beidi Farbe im Word no chli ufghellt. Glaub den passts no chli besser dass es nöd wieder zstarch isch.

Ich chans also ächt allne empfehle dete Chertli mache. Mir hend jetzt gad no es uper Aktion verwütscht und chöne 15% sparre und jetzt hämmer schlussändlich 144 USD also 128 CHF zahlt. Für 35 Iladige und Couvert wo gad eusi Adresse als Absänder drufstaht.

Ah und mir hend jetzt no Briefmarke mit eusne Fotis druf kauft. In Schwarz/Wiis. Find gseht super uss. Mussis nurno drucke. Aber im Gschäft wotti das nöd mache, dasses no öpert id Finger über chund.

Grüezi Brütlis

kleinefeder: Danke für die wiitere Liedervorschläg! Sind au kuul, aber warschinli wirds bi eus "Relativ" - oder "Achtung, ich will tanzen". Bi "Sonnenschein" würdi im Fall no ufpasse. Hans letschti au wieder glost und s isch mer ufgfalle, dass es det am Schluss drum gaht, dass die Frau ebe vergeh isch anen andere Typ. Muemer no cheibe ufpasse, dass mer nöd us Versehe es unpassends Lied nimmt für de erscht Tanz.

janedoe: Danke für d Empfehlig vom Philipp Poisel. Ich han de vorher nöd kännt, aber ez paar vo sine Lieder glost. Gfallt mer also sehr. Und "Liebe meines Lebens" findi es ganz herzigs Lied als Hochsigstanz! Mir stelled eus glaubs für eus eher öpis anders vor. Aber so simmer halt alli verschiede.
Eui Iladig gsehnd u mega schön us!
Mir sind de Asicht, dass gwüssi Aspäkt vonere Beziehig wie s zäme Wohne erst id Ehe ghöred. Drum wämmer mit dem warte. Ich weiss, isch en Überzügig, wo hüt nüm so hüfig isch.

Azugjagd: Mir händ zwei Azüg gfunde, wo in Frag chömed. Bim einte isch de Schnitt chli besser, bim andere defür d Farb und de Stoff (ohni synthetischs Züg). Aber bim zweite müsst er ev. glich no e Grössi grösser aprobiere, dänn müsst mer's halt vilich chli ineh. Isch no witzig, er isch nämli mega gross. So gross, dass im bi de Langgrössi d Hose grad no gnueg lang sind. De eint Verkäufer/Berater isch au ganz überrascht xi, normalerwiis muess mer d Hose ja no chürze.
Ez wetter ev. no eine us em Internet cho la (chönter gratis zrugg schicke). Bi Suit Supply... Das isch glaub no gueti Qualität dete - uf das leit er zumindest sehr wärt, ich chum da weniger drus. Eifach so als Tipp für eui GG's.
Waser dänn halt au no brücht, wär e Weste (er söll ja chli andersch usgseh als d Gäscht) und Gravatte. Und s Hämp... Mit sine lange Ärm wird das ev. no schwirig. Normali Hämper sindem sicher schnäll mal z churz. Für im Alltag ok, aber am Hochsig wetsch ja scho öpis, wo richtig sitzt. Bin mal gspannt.
Isch jedefalls en schöne Mittag gsi au mit sine Eltere. Ihne hani no mis Chleid zeigt. Ich glaub, es hät ihn ehrlich mega gfalle. Han nacher no per whatsapp e Nachricht vo sim Mami becho, s Chleid segi bezaubernd und ich werdi dänn usgseh wien e Prinzässin. Juhuuu!

lil.lian: Ja, genau, d Masoala-Halle wär für es chlises Shooting dänkt (falls es dusse z chalt oder z rägnerisch oder so isch). Mir sind jetzt aber nonig gester gange, sondern wartet uf s Teleobjektiv und gönd i zwei Wuche. Hoffe, bin dänn fit. Aber gester bini au nöd so zwäg xi (Buchweh).

Taeboyana: Mim Fründ gahts besser. Defür han ich sit em Samstigmittag so Buchweh gha immer nach em Ässe. Ich hoffe, hüt isch es besser. Weiss jetzt nöd gnau, öb doch er mich agsteckt hät oder öb ich's chli mit Rohkost übertribe han am Samstig. Chent guet sii, tippe eher uf letschteres. Aber isch komisch, dass es bis gester Abig immer no da xi isch.
Also, eui Lieder-Ideä töned au schön. De Xavier und de Frank Sinatra hani au scho dänkt. Und Scharlachrot seit min Brüeder immer, er fändi das s schönste Liebeslied (sind mal druf cho, wo mers vom Hochsigstanz-Lied gha händ). Det simmer au mal druf cho, ev. en Blödeltanz zu Get Lucky vo Daft Punk z mache. Würd au no passe zumene Hochsigsfäscht irgendwie.
Hey, so schön, das Abschiedsgschänk, wo becho häsch!

Sue: Ja, ich glaub, sones Deko-Grundkonzept tueni mir dänn mal usdänke. Suscht chumi nöd vom Fläck. Me muess sich irgendwänn mal entscheide und dänn halt debi blibe. Sus hät mer am Schluss dänn gar nüt.
Das mit de Pinnwand tönt doch super!
Nei, mir sind das Wuchenänd nöd go fötele. Gönd dänn i zwei Wuche mal.
Schön, dass s Träffe mit em Pfarrer so guet xi isch!

Pfingstrose: Leider nein... No kä Föteli vo eus.
Ich dänk au, dass eui Farbe zäme passed. Bi de zweite Farb frögi mi aber, öb's würklich gnueg is Peach ine gaht und nöd z fescht Beige isch. A mim Bildschirm würkts ebe nöd so nach Peach.

squishy: Demfall wünschi eu für eui Studiümer vil Erfolg. Über was machsch eigetli dini Bachelorarbet? Hani scho länger mal wele fröge.

Me:
Mir händ wieder weniger gmacht, als vorgno. Ich bin gester eifach vom Buchweh und Müedigkeit her chli unmotiviert xi.
Aber glich: mir händ es HAMMER-Wonigsinserat gseh. 3 Zimmer, unschlagpare Monetzins, super Lag. Han mal gschribe, aber no kä Antwort becho. Es tönt vo de Beschriibig her nach em Block, wone Fründin vo eus drin wohnt. Sie lütet mal de Vermieterin a.
Wäg em Hochsigstanz simmer au chli wiiter. Ich han am Fritigabig mim Fründ es Video vo "Relativ" vo de Wise Guys gschickt ohni mini Überlegig wäg em Hochsigstanz z erwähne. Ha mal wele luege, was passiert. Und siehe da: er hät spontan au gfunde, das wär doch es Lied für s Hochsig. Hanem dänn no "Achtung ich will tanzen" zeigt. Eis vo dene wirds vermuetli. Ich tippe uf "Relativ".

So... Allne en schöne Tag no!

Fara

Fara: Danke für dini Meinig. Ich dunns jetzt mal so ufgeh und den chöntemers immer no uf meh Peach ändere wenns zwenig würkt. Aber han jetzt eis wo meh Peach isch und es lüchted eifach zfest use neb de Fotis gsehts den nöd so guet us. Schön sinder so begeistered vo de Azugsjagt. Was händer den für Farbe aglueged? Und das dini Schwigis so Freud händ am Chleid. Isch doch super… Drucke eu fest Dumme für d Wohnig. Isch ja schön händer scho wieder öpis gfunde wo eu aspricht.

Littlefoot: Wer den für eu Iladigebstelle kei Option? Hihi lustig wegem Azug. Also ich bin au aspruchsvoll was d Azüg abetrifft. Finds eifach nöd schön wenns zlang/zchurz oder untailierti Seck sind. Und den no d Farb… Hoch das wird mer ja den no e Sach!

nicht registriert

Guuätä Abiig ihr liäbä,

Spannend dass am Afang vo dä Wuche immer weniger lauft, wiä am Endi. Denn hend wohl alli no Energie zum bim Schaffe Vollgas gäh?

Malinchen: Danke dass dä Doodle erstellt hesch!! Bis jetzt sind bii mir alli Date freii, aber au wenn's en Samstig isch, liiget voll ii miim Diplomprakti. I muä spontan luägä, ob ii no viil vorbereite muän oder obs easy-peasy lauft Oooh, ii wünscht ii chönt chooh
I find dä teiil "I want you" vom Liiäd sehr passend für es Hochziit! I het aber gern es bedächtigs Liäd zum inälaufe. Toll hends es nöd usegfunde, hesch recht, isch ebe nöd grad s'typisch! Aber textlich passt sehr guät!! Wiä sind iihr druf choh?

Fara: Ojeeh, da tönt asträngend en Azug kaufe. Chan ii echt das in GG und siin TZ iin d'Hand gäh? Es tönt doch guät, dä zweiit Azug grösser kaufe und denn chliiner schniidere loh! Aber meiistens hilft eh Nacht drüber schlafe!
Meega liäb dini SchwiMu! Dass sii siich so über diis Kleiid freut! I würd mii nöd getraue, ihne das zeiige!

Littlefoot: Hetti diim GG denn eine richtig guät gfalle? I ha irgendwiä s'Gfühl ii ha bis jetzt z'wenig über das nodenkt. I muä mol gad afange google

Me: Per Zuefall und au chlii gewollt, bin ii nach dä Nohilf no durch Stadt gschländeret. Denn lauft meh immer am Liäblingsobigkleiiderlade vo mir und miiner TZ1 verbii und ii ha gseh, dass dä ganz ober Stock Sale het! Jetzt hend mir gad uf dä Donnstig abgmacht zum shoppe Viellicht findet sii was für sii als TZ oder ich für unser Zivils. Mal gugge. Jetzt freu iich mich unheimlich ober fest und diä Wuuche wird gliich no was hochziitstechnisches laufe.
Usserdem het uns s'eint Kollegepärli (oder eher Bekanntepärli?) abgsaiit fürs Apéro machä. Mir hend demit grechnet und ii bii froh, dass sii sich jetzt entschiide hend. So chönt mir wiiter d'Auge offehalte und konkret noiis aspreche. Hend ja immer no 3 anderi Variante

Wünschä eu allnä ä guätä und erholsame Abiig