Azug: nei, mi GG hät au nid würkli eine vo de drü usgstellte schön gfunde. De woner gseit hät mit some glänzige stoff hät mer nöd gfalle. Aber isch wi es chleid, azoge isch alles anders
Pfingstrose: momoll, mir bstelled öpe scho. Ha eher gmeint papier finde für d wimpelchetti und susch so papierzüg
Poisel: ha de nid kännt. Isch jetzt nid soo min fall, aber cha sicher meega schön werde bime emotionale tanz Bi froh machemers nid-hett müeh mit song uswähle. Wär öpe aber entweder eros oder xavier bi ois
Öper hät mer no gschribe, obi nid denke d stimm chame trainiere? Ha jetzt luegi tätsch ume für gsangsunterricht me weiss ja nie.
@littlefoot Nenei, mier hend sGrüscht für dIladige baschtled, hend aber en ganz liebi Frau kenneglernt, wo eus das nach eune Wünsch gmacht hed. Han extrem freud :)
@daenu Verstah das voll, was du gschribe hesch.. Ich muess mich da als Bruut au mal id Situation vo de Ussestehende versetze... Das mit de 'Familiegschichte' hesch übrigends sehr schön gseit, hed mi gad chli berüehrt!
@lil.lian s Gfühl, dases keis Zrugg meh git isch wirkli super :)) Schön das eue TZ so Interessi zeigt und eu sini Hilf so abieted! Hender scho e Rückmeldig vom Fotograf?
@Taeboyana Bi eus ischs imfall au so, das ich es ziemlich distanzierts Verhältnis ha zu mim Vater und ich ha au denkt das mini Eltere sicher vo GGs Eltere überforderet wärded si, will die sind halt viel Offener. Ha denkt mini Eltere wärded keis Gspröchsthema finde aber denn, komischerwiis, hed d Chemie voooooll gstumme... So chas gah :) Ui was hed denn din GG wenni frage darf? Hihi super ischs guet gloffe i de Abiglocation. Demfall isch de Choch - Gaume befriedigt? :)
@Sue uf www.honeyhome.ch chamer Deko mieten. Total super! Muesch mal go luege :) Mier hend bereits einigi Rückmeldige. Mega herzig, vo dene Lüüt wonis am wenigste erwartet ha, vo dene hemmer jetzt scho en definitivi Zuesag. Toll :))
@Pfingstrose Luschtig dass die bi dem rosa Elfebei als Farb aneschriibed :)) Finde beidi Farbe de hammer. z Rosa isch genaaaaaaau min Gschmack! :)
@squishy A dich hani de imfall no denkt wege de Iladige. Mier hends jetzt ohni Federe abgschickt, aber für eus sinds wirkli perfekt so :)
@Fara Wenn das für eu so stimmt, denn isches doch völlig in Ordnig erst nach de Hochziit zemezzieh... Ich chönnt das glaubs nöd, da hetti viel zfest Angst 'dChatz im Sack zchaufe'. Hey drucke eu aber mega mega fest de Duume, dases mit de Wohnig klappet! Hender scho was ghört? So schön wege dinere SchwiMu!! Das isch eifach goldig. Und recht hed sie. Du gsehsch wirkli wunderschön us!
@me Danke villmal für die liebe Kompliment wege de Iladige. Mier hend ja erst d Iladige bi minere Familie und Fründe i de Umgebig verteilt. Hüt hani no e Teil uf d Post bracht und Mitti November verteilemer die restliche Iladige denn in Dütschland. d'Aperoiladige wärdemer erst so Endi Dezember verschicke. Mier hend jetzt scho einigi Rückmeldige, alli schwärmed vo de Charte und freued sich mega mit eus. Da gaht eim wirkli s Herz uf. Han scho es paar definitivi Ameldige dörfe entgägenäh und freue mi eifach extrem.
Hüt hani no das mit de Foti ufs Holz 'kopiere' versuecht. Has eimal uf normalem Papier gmacht und eimal uf Fotipapier. Ich weiss nöd obs drah liit, dases kei Laserdruck gsi isch, aber bim dünne Papier isch sBild mega schwach und total rot/grüen-stichig usecho und bim dickere Papier hani s Bild nah wider chönne vom Holz abzieh :/ Isch also no ned sooooo guet worde...
Denn hani grad vor es paar Minute en alti Schriibmaschine ersteigeret. Mier wärded die als Deko bim Gästebuech ufem Tisch anestelle... Eigentli hani die ja welle ersteigere, aber erstens isches jetzt so günstiger und zweitens chani die nachher als Deko deheime no bruche.... Oder vielleicht möcht sie ja denn en anderi Bruut nach eusere Hochziit ha :)
Eusi Vermieterin hed hüt morge aglüte und sich bi mier herzlich entschuldigt, das sies direkt bereut hed, dass sie eus znah trette seg und uf kei Fall will, das s Verhältnis irgendwie schlechter wird. De Bodelegger isch jetzt hüt überall go de Parkett chli abschniide unterem Sockel, jetzt hed sich de Bode gleit und es gseht im Moment us, als ob alles wieder okay wär. Bi mega froh, dass d Vermieterin de Schritt uf eus zuegange isch und persönlich au no verbii cho isch, sich nomal go entschuldige. So muess das doch sii
So, wider en riese Ego Post... im Moment lauft eifach extrem viel bi eus, nöd nur hochziitstechnisch... Hebed en schöne Abig iher Liebe!
Taeboyana Chöntisch mer dini Planig schicke? S'Wür mi uu Wunder neh. Ville liebe Dank scho im Vorus (I mier steckt au en Kontrollfreak)
Pfingstrose Wie häsch den die ersti Fassig becho? Händ sie die per Post gschickt? Und sie schicket alles id Schwiiz? Aso mier gfallt dis Chärtli bzw. Büechli. Ich finds e kuuuhli Idee und de Priis isch würkli unschlagbar.
quishy-fishy: Ja er hät e Homepage: www . wedding-photography.ch Mier händ jez mal mit im gschriebe, frei wär er, und jez dömer eus den mal für e Offerte treffe.. Ah das isch kuuuhl mit em Usverchauf. Hoffendli findsch öbis schöns
Fara Ich finde d'Idee mit de Masoala-Halle würkli u lässig.. vorallem i dere Jahresziit. Ich wür sooo gern no Strand-Föteli mache. Den müsstemer no schnell an Strand id Ferie :)
Malinchen Super Sach mit em Doodle!! Ville Dank!! Han mich grad igschriebe
_janedoe Ja er wär frei a dem Datum :) Jez dömeren mal treffe, bespreche und mer macht en Offerte. Ah so schön händer scho die erste Rückmeldige becho!!
@jane: Das mit am Kontrollfreak kenni, tue mi aube ou schwär! Hey, witzig Dini Manschetteknöpf! Merci viu mau füre Link, das mau isch er gspicheret... Isch aber ou no schreg mit dere Whynachtslieferig... Und, sit dr no im Kino gsi? Was sit dr ga gugge? Gseh absolut super us öichi Iladige!! Härzlechi Gratulation zur Schribmaschine! Schön het sech das mit dr Vermietere doch no klärt!
@littlefoot: Jep, i fröiie mi mega, u GG machts eifach mir zlieb Hey, Du hesch e cooli Nachbari, so eini fäuht mir hie. I ha ne Ordner woni u.A ou Checklistene dinne ha... Findes no gäbig, de hesch so chli ne Ahaltspunkt. U de gits haut eifach aube no Sache, wo mir säge, bis denn wette mir das oder bis denn muess es si. U ou süsch, dr Zytplän für beid Täg isch afe was gschribe
@Fara: Muesch mau i di aktuelli Wedding Style gugge, het paar Ideene dinne. Das mit de Büecher isch e Hammer Idee, tönt super, u wenns so perfekt zu öich passt! Schön isch dAzugsjagd erfolgriich gsi! U Dini SchwieMu isch ja mega härzig! Wie geits Dir? Hoffe bisch umi besser zwäg! Das mit dr Wohnig wäri ja super, hoffe es klappet! Wieso weit ihr de ersch nach am Hochyzt zämä zieh, oder wenn ihr scho vorher e Wohnig hättet?
@lil: Schön isch Din erscht Tortetermin guet gsi! Jöö, öiche TZ isch ja mega härzig!
@Taeboyana: Schöni Freitäg - trotz am Wetter Muesch Di im fau nit schäme, mit mire Muetter u ihrem Maa chas eigentli niemert würkli, u mi Vater u sini Frou wohne 1 Stund wäg u si süsch no viu wäg u mi Vater schaffet Schicht. Sis Mami kennt beidi, gseht aber mi Vater mit Frou lieber. Würkli änge Kontakt isch aber nit, liegt aber sicher ou dranne, dass i nit würkli es innigs, resp. gar keis Verhältnis zu ihne ha, aso mine Eutere Oh jöö, Dis Büro isch ja super!
@Sue: Tönt nach am ne troumhafte Sunntig. U öiche Pfarrer tönt super!
@Pfingstrose: Finde dFarbe guet zämä, würkt ämu harmonisch.
squishy ou super das fägt dassder am DO göht go shoppe - bi de gspannt
Janedoe ou dasch doch e super Idee mitde Schribmaschine bim Gästebuch...hesch uf Ricardo gsteigeret?
Lula was hets ide aktuelle Weddingstyle dinne? Do it yourself - Idee?? de müessti se de öppe ou no go choufe
ME Ha die Nacht e Horrortroum gha....i sig ei Nacht vorem hochzit no ohni Chleid dagstande und heig de afah überlege eifach es Abigkleid azlege woni scho ha
süsch bini im moment gad im DIY - Fieber....bi gad am Ideene sammle i Bloggs und am Adventskalendersache bstelle
@lil.lian Denn wünschi eu viel Spass und en gueti Offerte! :)
@Lula Wenni so liese was du mier gschribe hesch fühli mi gad wohlig, irgendwie lauft jetzt so viel und so guet bi eus :D Sind am Sunntig nümme is Kino. GG hed notfallmässig müesse i Spital will er letscht Wuche mit de Linse s Aug verletzt hed und das hed sich am Sunntig de entzündet. Drum hed sich denn sAbigesse recht nach hindere verschobe und mier sind erst öppe am achti im Restaurant gsi. De Kolleg hed eus denn verzellt, das er und sini Fründin sich trennt hend und drum isch de Kino nöd die bescht Idee gsi. Hend denn recht lang no mit ihm gredet und ihn chli ufpeppled will er total ime Loch isch. Gester heder mier es SMS gschribe, daser total einsam isch. Hanen jetzt iglade, es paar Täg zu eus zcho... Mal luege ober das Agebot animmt..
@Sue Jep, bin grad chli im ersteigerigsfieber :) Hahaha din Traum! ;D So Hochziitsalbträum ghöred glaub au zu de Vorbereitig dezue :) Ou, en Adventskalender chönnti au mal baschtle. Wo bstellsch die Sache wenni frage darf?
@Brauttreff Ich ha mi mal im Doodle itreit. Februar isch bi mier glaub eher schwierig will mier am 14.2. ja zivil hüratet. Denn fallt de 15. schomal weg (GG hett sicher nöd so freud wenni de erst Tag als sini Frau grad wider im Brautfieber verbringe :D) und d'Wuche vorher werdemer öppe no chli Vorbereitige mache...
janedoe ohje tuemter leid mege öiem Kolleg....isch aber lieb wie dir öich um ihn kümmeret - so Fründe sind Gold wert!! Ha ize 2 riiiise Bstellige gmacht bi www.dx.com dete gits öppe alles........und me zahlt kei Portoha det scho u viel bstellt und gad so für chli luschtigi ussergwöhnlichi Gschenkli hets u viel und bi bis ize immer zfride gsi
janedoe: ach so, ja aber die frau isch ja echt begabt. :-) cool weg de schribmaschine. ha das au mal gse gha und als tolli idee empfunde als deko nebed em gäschtebuech weiss aber nöd ob mir eis mached. ha mal no e super idee gse, mit ere fläsche und d gäscht sölled öpis ineschribe was sie eus wünsched für imene jahr..de machemers erst denn uf :) schön weg de vermieteri ! oje, weg dem kolleg. isch immer blöd wenn hüratisch und denn eine sich trennt gäll.
lula: haha :-) nachberinne sind allgemein sehr interessiert bi mir. u herzig. händ au vill gad ghürate..muss säge ha gfühlti 100 nachberinne wohned inere siedlig mit 5 hüser à 12 wohnige und natürli alles fast nur familie mängisch chli eng und z vill uf eim huufe, aber im allgemeine schön so. ich han au es mäppli und es chlises büechli woni drischribe :-) ui zitplan für de tag, da bini au dra amig, aber isch halt no schwer ohni zit vo de trauig z ha.
wedding style: uuuu musi au mal go gügsle :)
sue:so luschtig din traum wirsch sicher dis chleid ha, da hani ke angscht
me: ha gad ime andere thread en antwort becho vonere nette bereist verhüratete dame, sie hät candybar gläser, ziemli das woni sueche jetzt dafi das warschinli überne so cool ! de het no de verastalter vo de location es email gschribe, wege gäschtezimmer vermiete im huss während sie weg siged endi dez - endi april ha eigetli denkt im januar februar gämmer mal go vetrag mache und alles usdiskutiere und so..jetzt mömmer das au no das jahr mache... nüt gsi mit planig uf iis legge haha.
@sue Merci vill mal für de Link! tueni mi nachher grad mal chli durewüehle
@littlefoot ja und vorallem macht sie alles nach Wunsch. Genau wie dus ha wettsch. Ich chan sie also nume wiiterempfehle! Mier wärded ebe wahrschinli au keis klassischs Gästebuech mache, aber immerhin gsehtmer denn, dases i die Richtig sött gah, haha Ahh cool heds gad klappet mit de Gläser :)
@sue & littlefoot () es stimmt, ich wär au scho mega froh um so Kollege gsi... Ablenkig isch eifach zbeschte wennme Liebeskummer hed und er hed eus ebe verzellt, das er sich jede Abig Kante git willer nöd weiss, wie demit umgah und das hed mich so gschockt dasi finde mer 'müend' em fascht helfe Und eus tueds ebe au guet wennmer chli Lüüt um eus hend, das nöd s HZ und eusi Arbeit zum Dauerthema wird
So blöd, ha gar er Sue und er lil.lian wöue mini Excel-Lischte schicke, aber anschinend isch das per PN nid erloubt (weder.xls no .xlsx Format)? Weit dir mir vielech per PN euchi Emailadrässene agäh, de chanis so schicke? Wetts würklech lieber nümm da inesteue, wüus haut mittlerwile sehr konkret isch mit aune Date und Näme u so...
@malinchen: Merci füre doodle-Link, hami itreit. Am 8.2. chani leider nid, denn het GG Geburi u de chani ihm das schlächt atue Hoffe, es klappt a eim vo de angere Date!
@Sue: So cool, i mues die Site o mau ga aluege. Für wän machsch e Adväntskalender? I mache ou mega gärn, aber das Jahr lanis mau lasi. I üsem 1. gmeinsame Jahr hani eine für GG gmacht und är isch usem Strahle gar nümm usecho, völlig überrumplet gsi. Soooo härzig! U letscht Jahr hani mim Göttibueb eine gmacht, dä het ou u Fröid gha. Mire TZ hani wo sie mitem 1. Ching isch schwanger gsi eine mit luter Babysache gmacht und zwüsche 2 Päckli geng e Windle aklämmerlet
@Janedoe: Super dass das mit dr Vermietere klärt isch. Mängisch lohnt sechs würklech, uf sim Standpunkt zbheharre und sech eifach nid aus la gfaue. Hey und super mit dr Schribmaschine! Ui, geits dim GG sim Oug wieder guet? Mi GG isch im Momänt eifach nümm glücklech im Job und das beschäftigt ihn sehr. Er hirnet de haut o dähei o viu drann ume und weiss augemein nid so, was är söu. Das hani gmeint. Oder hesch du itz nach öpis Angerem gftagt? Aber über ds Zivil-Datum het er sech sehr gfreut und üsi TZ und Eutere o
I ha mim GG de no vo dene Minibooks wiese d Pfingstrose macht vrzeut und er isch zersch chli skeptisch gsi, wüu er sechs nid so het chönne vorsteue. Aber woni se ihm ufem Internet ha zeigt, het er se super gfunge. Und persönlechi Briefmarke mitemne eigete Föteli fänd er o super Itz müesse mer de im Novämber mau mit mim Brüetsch zämehocke wüu er het mir ja sini Hiuf versproche bi de Iladige, er isch es absoluts gstauterisches Talent. Aber es chunnt natürlech de no chli uf d Chöschte drufa, we ärs viu türer macht as settegi wome fertig cha bsteue, wärs o chli blöd.
@littlefoot: Euchi Siedlig tönt ganz ähnlech wie bi üs Bi üs sis eifach 6 Reihe a 13-16 Reihehüsli Mitem Ungerschied, dass mir no ke Ching hei und drum nid sehr viu Lüt guet kenne usem Quartier. Hey super wägem Gsangstraining! I hamer drfür vorgnoh, a mine "Bachkünst" no chli zschaffe. Itz hani ja die perfekti Usrüstig becho und mer o no gad 2 cooli Büecher us de USA bsteut für Deko-Tipps (Torte und Cupcakes) und wott itz die zuesätzlechi Freizit (wüui ja abem Friti nur no 90% schaffe hehe) chli zum üebe nütze. Und wär weiss, vielech bringi de sogar o öpis säuber häre... Am Friti hani gad die nächsti Glägeheit zum üebe, bringe am Abe Cupcakes zum Dessert mit. Es het mi ämu gad wieder vou packt
@Squishy: Oh super wägem Shopping, da chasch di uf au Fäu freue! Nenei, i fa ersch am Fritig (1.11.) dr neu Job a. Am haubi 9i muesi aträte Bi es Bitzli närvös aber freue mi o sehr!
So hüt wartet nomau e gmüetleche Tag mit lädele und käfele mit Kolleginne uf mi. Herrlech
Anmelden
me weiss ja nie.
weiss aber nöd ob mir eis mached. ha mal no e super idee gse, mit ere fläsche und d gäscht sölled öpis ineschribe was sie eus wünsched für imene jahr..de machemers erst denn uf :)
mängisch chli eng und z vill uf eim huufe, aber im allgemeine schön so. 
ha eigetli denkt im januar februar gämmer mal go vetrag mache und alles usdiskutiere und so..jetzt mömmer das au no das jahr mache...
Weit dir mir vielech per PN euchi Emailadrässene agäh, de chanis so schicke? Wetts würklech lieber nümm da inesteue, wüus haut mittlerwile sehr konkret isch mit aune Date und Näme u so...