@nisliker: cool, den bini ja nö di einzig. ich gfinds hammer das ihr ide Lenz hüratet. mega cool :) kensch du sie vode websiitä? Die Turtene und Cupcakes sind de Hammer :)

Guetä Morgä!

I bi geschter uf das Forum gstossä u ha dänkt, da muesi mi doch ou grad amäude... =D Ig u mi GG hüratä am 21.6.2014.

und wie unschwär z erkennä isch: i bi verstärchig für d Berner-Brüt! ;-)

Mi GG het mir a üsem 3-Jährige bim Znachtässä dr Atrag gmacht... Mir hei eigetlech mau abgmacht gha, dass mir hürate wenn mir üsi Usbiudigä fertig hei. Das wär dä Summer 13 gsi, wenn ig nid no es nöis Studium hät agfangä wo sich jetz no bis 2016 häräzieht. När si mir auso so a üsem Jubiläum i däm Resti am Znachtässä gsi wo mir ds erschtä mau zämä si gsi ga ässä. Da fragt er mi plötzlech so, ob ig das immer no so gsehng, das mir wartä mit hüratä bis mir beidi d Usbiudig fertig hei (er wird wie plant im Früehlig fertig u het scho ä mega coolä Job für när...). Da hani mir no gar nid so viu drbi dänkt, wöu das mir hüratä isch scho lenger klar gsi, numä haut nid genau wenn. U i ha nid drmit grächnet, dases für ihn so wichtig isch u dänkt, dases ihm ev. sogar no glich isch wenns jetz haut no chli lenger geit wägä mim studium. I ha när so gseit, dases mir grundsätzlech nid sonä rouä spiut. Houptsach mir si fürä räst vom läbä zämä. Da ischs ja eigetlech egal wenn das mir ghüratä hei. (I bi nid so dr romantisch Typ muesmä dadrzue vllt ono sägä....) Da steit er uf, geit näbä mir ufd Chnöi u macht mir vor aunä angerä Restaurantgest ä meeeeega süessä Atrag. I bi mega überrascht gsi, hät nie drmit grächnet! =D Uf das ufä si mir när i Usgang ga fiirä...

Das isch am 24.11. gsi u wöu mir im Dez. / Jan. 3 Wuchä si gsi ga Reisä und ig ide letschtä 2 Wuchä Prüeffigä gha ha, hei mir jetz no nid wahnsinnig viu planet. Ussert ds Datum u üsi TZ / Best man / Brides maid stöh scho fescht u mir hei 2 Favoritä fürs Resti, aber da müessä mir mau no verbi ga luegä und fragä obs überhoupt no frei isch... So wasi i bi öinä Biiträg gseh ha, isch das ja nid sälbstverständlech! ha eigetlech dänkt, mir heigä no locker zyt. Aber jetz füehli mi scho gad chli gstresst... ;-)

U dr nächscht Schritt isch de d MariNatal ds Bärn. =D

I fröiä mi gad mega es paar glichgsinnti gfungä z ha... i ha scho angscht mim GG u mirä BF gli ufd närvä z gah mit däm Thema. Aber bi sooooooo ufgregt! =D

malinchen herlzlich willkomme :)

lilmonkeyme ich kenn sie nur vom internet. aber ich finde sie macht u schöni sache. möcht evtl tischdeko bi ihre mache mit dene schöne guetzli

@malinchen: min GG het Psychologie studiert und arbeitet als Jugendarbeiter und wird seinen Master in Psychologie anfangen, er möchte Kinder- und Jugendpsychologe werden. Ich habe Englische Literaturwissenschaft studiert und wollte auf Soz umsteigen, aber ich bin mir nicht mehr so sicher. Eingentlich wollte ich in England Lehrerin werden und ich weiss jetzt noch nicht was mir besser gefallen würde. Im Moment arbeite ich im Retail IT Support :)

Ich bin 26 und er 23. (schreibe wieder einmal von meinem iPhone lol)

@nisliker: ja also als tischdeko würde ich dort Sicher auch bestellen. GG ist schon Super happy das sie in England trainierte und anscheinend traditioneller Fruitcake macht.

Mir hättä a ds Seminarzentrum Gerzensee oder ds Gwattzentrum dänkt gha. Jetz hani vori gad schnäu beidnä aglütä: ds Gerzensee chamä max. 13 monet vorhär reservierä und ds Gwattzentrum nimmt ersch wieder reservatione entgägä wenn sie fertig umbout hei - sprich im Früehlig 14... *nerv* So lang möchti nid wartä mit reservierä, wenns när nid klappet us irgend welchnä gründ wirds hennä schwirig no öpis angers ds fingä. Jetz mau witer luegä! Region Thun wär scho cool wöu mir möchtä nid mega langi outofahrtä machä.

Wändelsee hani o scho überleit, da het doch ou öper vo öich ds Fest planet oder??? Sorry, i cha mi gad nümme erinnerä wärs gsi isch... Aber det isch dr nachteil dasmä nid cha übernachtä, das isch eis vo üsnä wichtigstä kriteriä... hmmmmmm

Jaaa, ufd Marinatal fröii mi ou mega! Bi no nie arä mäss gsi, wird sicher luschtig... =D


lilmonkeyme: Ah cool, Kinder- und Jugendpsych. isch sicher hennä spannend! I schaffä näbe dr PH no imnä programm für steuälosi jugendlichi, da hani viu Soz.Päds aus arbeitskollegä... Isch ä coolä job, aber bruucht eim ou rächt... Engl. Literaturwüssäschaft isch sicher nid eifach ir CH ä Job ds fingä? im Moment ischs ja äuä nid würklech die Richtig wo du dir mau vorsteut hesch, oder?

Ah, sorry, zspät gschalte, es gäbti im fau so ne allgemeine Bern-Fribourg Thread hie im Forum...
http://www.heiraten.ch/forum/board/personenkreise/brauttreff/braeute-region-bern-freiburg-17_79_32.html#314

ggf chönnti meh de ou mau es Träffe is läbe rüefe