Taeboyana
Han der d'Emailadresse duregeh.. Ville Dank
Dämfall wünsch ich dier no en guete Start am Friitig den.

Sasileu
Ooh so scheisse

_janedoe
Ja den isch d'Schribmaschine ja würkli es Schnäppli gsi. :) Und es isch würkli no passend d'Schribmaschine näbet s'Gäschtebuech z'stelle..

Squishy
Ich dänke au, dass Mauritius sicher schön isch, au im Summer. Und die 3 Grad machts den au nüme us. S'Meer muen eifach waaarm si

Pfingstrose
Mier händ gar keis gmeinsams Konto. Ich duen all Quittige ufbewahre und den dömers amigs abrechne Endi Monät, oder den wenni halt wieder Luscht han.
Ich hamer au überleit es gmeinsams Konto zmache, aber den würdemer extra Gebühre zahle, drum hämer de Monät je es zweits Sparkonto eröffnet. Mich stressts ebe amgis, wenni was vom Sparkonto abhebe muen, und so weissi ich han extra es Konto für d'Hochziit.
Mier düend jeze sicher no die 10 Mönät (bis im August) je CHF 500.- izahle, und den hämer CHF 10'000.- druf (evt. dömer au de Betrag den no erhöhe). Und ich dänke die chlinere Sache dömer eifach so vom "normale" Konto zahle, und wenns den grösseri Beträg gid (z.B. Fotograf, oder s'Esse) nämemer die den vo dem Sparkonto. Und näbet bi dömer scho au no ufs "normale" Sparkonto izahle, je nach dem halt.. (die CHF 10'000.- werded ja sicher nöd lange )


Gaht öber ad Hochziitsmäss in Zug?

Zuletzt bearbeitet am 29.10.13 12:53

@Sue
Mega cooli Sache hesch bstellt! Ich bin immer total überforderet wenni uf so Siite miteme mega Agebot chume. Denn hani amigs so chli z Problem dases mier gad ablöscht...

@Pfingstrose
Cha mi aso nume aschlüsse. Bewundere di da für dini Usduur. Ha jetzt mal am GG vorgschlage dasmer chönnted go schwimme. er tönt nöd so überzüügt, hehe

@littlefoot
Isch ja total guet wege de Finanze! Gratuliere dim GG!

@lil.lian
Haha grad vorere Stund hani welle frage ob öpper ad HZMess gaht und has wider vergässe. Guet erinnerisch mich drah :) Mier hend eigentli vor zgah, je nachdem wie GG zwäg isch, er muess Fr uf Sa Nachtschicht schaffe... Und e Kollegin hed no Geburi und iglade. Mal güxle, gönd iher?

@Finanze
Aso vome Bonus chan ich nume träume, haha.
GG und ich hed direkt wo mier zemezoge sind es gmeinsams Konto errichtet. Dette zahlemer monatlich en Betrag druf i und zahled denn alli Rechnige demit und Ikäuf und so. Für s'Hochziit sparemer eigentlich uf es separats Konto, bzw. uf mis Sparkonto... Da ich ja eh viel meh wert uf Chlinigkeite legge zahl ich dette chli meh i als er. Grossi Aschaffige zahlemer denn eifach ab dem Konto und die chline Sache ab eusem gmeinsame Huushaltskonto. Grundsätzlich zahlt eifach de, wo grad s ec Chärtli schneller findet , bi eus isch das voll locker.
Kenne au Päärli wo strikt alles i de Mitti ufteiled. GG sini Muetter hed en neue Partner und die zwei sind jetzt sit einige Jahr ghüratet aber jede zahlt immer sini Hälfti. egal obs sich um Ferie oder um de Küehlschrank uffülle handlet. Klar hed das au sini Vorteil, niemer muess sich benachteiligt fühle aber ich find das total doof irgendwie.

nicht registriert

Hüt han ii nöd so luscht zum BA schriibä, bin gad chlii froh, lauft do chlii meh

Hochziitskonto:
Mir hend bis jetzt keii Azahlig müässä machä und weder Kiirche, no d'Location no dä Fotograf verlangt das. Wo hend iihr scho en Teiil zahlä dörfe/müässä?
Bis jetzt spare ich uf miis Sparkonto und mii GG uf siis Sparkonto. I zahlä praktisch alles druf iih, was ii verdiänä (so ii miine Nebejöbli) will ii muä jo keii Wohnig und keii Esse zahle
Mii GG cha nebet siim Studium nöd go schaffe, zahlt aber en Betrag vo siim Sackgeld uf siis Sparkonto. Schlussendli wird öper vo uns viel meh ufem Konto ha als dä ander
Mir hend ja es gnaus Budget gmacht und dert dii einzelne Beträg ufteilt. Mit em Geld uf miim Konto zahlet mir z.B. Iladigskarte, Apéro etc. und er defür mit siim Geld ufem Konto d'Flitteri und so. Aber alles immer halbiere find ii sehr umständlich und würd bii uns au gar nöd goh Über es gmeinsams Konto sind mir scho am studiere. Aber ii weiss eiifach z'wenig über so Sachä. I nimme aah, machet mir kurz vorem Hochziit. Da mir jetzt nonig zämäwohnet, bruuchet mir das gar nöd so. Aber mir sind au vo Afang aah niä würkli pingelig gsii, dass isch miis Geld und das diis. Sondern hend eiifach zahlt. So wirds au bim Hochziit ussechoh. Ganz untypisch

Sue: Mir gönd in St.Gallä an d'Hochziitsmess. Diä isch aber halt leiider erst im Januar, ii würd gar morn welle goh I ha chlii überall umegspienzlet und am aller aller aller beste gfallt mir da (und mii GG het nonig so en Blick druf gworfe ): http://www.hotel-palmeraie.com/deutsch/

janedoe / lil.lian: Wo und aah welli HZ-Mess gönd ihr? Isch sii ii dä nöchi vo mir ?

Pfingstrose: Wooow, ja Kapverde gsehnt au Traumhaft us! Anschiinend isch es wirkli nonig so bekannt. Keiin Reiseabiieter het es Agebot für nächst Summer, sondern nur bis im April. Muä mir das also merke, zum später nomol gnau go noluägä wiä Priise und Bedingige ii dä Hochsaison sind! Mersii beaucoup für dä Tipp! <3

Sooo jetzt wiiter im Text wünschä eu eh guätä Namittag!

Squishy: Schicke dir chli Motivation für dini BA.

Also no zum Azahle. Mir münd bi de Lokation e Azahlig mache vo 2000 CHF und bi de Fotografin glaub 50% vom Gsamtbetrag. Suscht hämmer no nüt zahlt usert no s ZSA eifach wege Früähbuchergebühre. Aber num 60 CHF. D Ring nimmi ah wird mer ja den gad zahle wie au s Chleid. Darum bini scho froh chani das den vo dem Konto neh.

Kapverde sind mir letschtjahr gsi und es isch de Wahnsinn. Also s Meer isch wie uf de Maledive!!! Und mir sind au im Juli, August gange. Isch eifach au mega cool, dass so vieli Insle het. Wenn ihr zwei Wuche gönd würdi unbedingt 2 oder sogar 3 Insle go bsueche. Chasch entweder mit em Schiff wiiter oder mit em Flug 20 Minute. Flüge dusch ab de Schwiiz glaub immer über Lissabon. Häsch ca. 3 Stund uf Lissabon und den nomal ca. 4 nach Kapverde.

_janedoe
Mier gönd uf jede Fall. Mier gönd am Sunntig z'vierte, mit de TZ und ihrem GG. Sie werded ebe au nächst Jahr zivil hürate und den aber erst im 2015 mit Chile und Fäscht.

squishy
Ja d'Hochziitsmess isch in Zug, adem Wuchenend. Vo eus us (ide Nächi vo Züri) isch es halt relativ näch. Aber mier gönd den au no im Januar ad Hochziitsmäss, aber uf Züri den.

Pfingstrose
Ich chume au drü Täg frei über :)

Finanze
Mier dönds halt eifach schön ufteile, will ich eigendli immer alles zahle wemer gönd go poste. Und au bi de Hochziit werdemer alles 50/50 ufteile. S'Chleid wierd ich den aber sälber zahle und er zahlt den sin Azug.

Azalig
Mier müend für d'Location e Azahlig vo CHF 3'000.- mache, öbe 1 bis 1 1/2 Mönät vor de Hochziit. Fotograf hämer ja nonig, das weissi nonig.

Sue: Also mir hends selber bueched gha. Sind uf d Insle Sal. Die isch super gsi. Hend chli abgwächlsed mit Tagesusflüg und Strand. Es chund au drufah was ihr eu vorstelled. Musch mal chli im Internet luege. S spannende isch ebe, dass jedi Insle komplett anders tisch. Fogo isch d Vulkan Insle, Sal isch Wüästi, Boa Vista clhi gmischt. Dete isch s Hotel Spinguera Ecolodge eifach de brüller.

Littlefoot: Dassi mit dene 750 CHF gad s Standesamt oder Turte zahle chan hani au dänkt! :) Scho öpis "gratis" gsi! Hihi... Ich han au de Tag vor de Hochziit also de DO frei und den de FR am Hochziit plus no de Mäntig nach em Wuchenend. Eifach zum chli usplämperle und mini Gedanke mache und evt. Dankenscharte vorbereite so zügs hald. Den isches den gad gmacht.