nicht registriert

Pfingstrose: Mersii für diä gnau Erklärig! s'Kleiid darf ii ebe nachem Hochziit no zahle, wills jo "second-hand" vonere ganz liäbä Frau isch (mini schwester wo's denn gliich ned brucht het ) Stimmt aber, d'Ringe müänd mir vorher zahle! Da chunt denn alles im Januar. Fänds jetzt grad no eh guäti Idee uf denn all unser ersparrts uf ein gmeinsames Konto z'tuä. Muän ii mii GG gad mal na fröögä!
Wooow, da heisst du chunsch vom Gschäft 750.- als Hochziitsgschenk über? Nöd schlecht!! Viellicht muän ii bii miine Nebejöbli mol erwähne, dass ii hürote. Wenn ii vo beidne au 750.- bechum
Diin Bricht über Kapverde macht grad glustig dä Koffer z'packe! Danke für Tipps! I has mir fest hinter d'Ohre gschriibä! Wenn's nöd unseri Flitterwuche werdet, denn sus sicher irgendwenn!

lil.lian: Diä han ii scho entdeckt. Isch wirkli nöd sooo nöch vo uns. Wer weiss, wenn's uns packt Wer no eh witzige Usflug und viellicht isch dä Reiseabieter au debii wo ii userkoore han?
Müänd no viil ä Azahlig machä für d'Location. Viellicht hends uns eiifach no nixx devo gsaiit. Mal schauen… Mir fiiret ja am Abig in Österrich. Viellicht isch es dert andersch…?
Genau s'Kleiid und dä Azug teiilet mir au uf

Littlefoot: Oooh es Festli für diich. Bii also au gspannt was sii eu schenket! Finds eigentli no meega schön, dass eu öpis mit uf dä Weg gebet wo so sinnvoll isch und grad in d'Lebenssituation passt!
Mmmh, dini Cupcakes werdet siicher fantastisch sii! Werdet sii sich siicher freue!
Mersii, bii froh nehmets ihr au nöd so gnau. Meiistens isch ja ebe so, dass d'Frau weniger verdient. Eiifach nu scho, will sii nöd dä gliich Lohnasatz het… Demfall müänds mir in Zuäkunft au nöd gnauer näh. Mir haltet uns aah dä Spruch: Was dein ist, ist auch mein

Ah jetzt isch mir no öpis in Sinn cho... Öpert daine hät doch im Ring de Spruch "bis zum Mond und wieder retour"? Ich han uf Etsy so Manchettechnöpf mit dem Spruch entdeckt! :)

Squishy: Woher häsch du den dis Kleid?

Hoi zämme!
huuhh i ha geschter so e asträngende dag ka, ha nur möge mitläse aber nid schriebe! due jetzt flissig ufhole!

@Littlefoot: toll hesch du so e nochberin! das tuet sicher guet
das mit de provision isch jo super! könnti au bruche

@Fara: schön het di arzt dir könne muet mache!
dim gg sini azuegssuechi tönt wirkli no aspruchsvoll! hey dä link suitup isch de cool, het wirkli no paar schöni azüg dört druf
die musiker sage mirleider grad gar nüd.. ka i nid mitrede
mega härzig vo dim schwima.. toll händir so es vrhältnis zunenandr!
viil erfolg no uf dr wohnigssuechi, hoff ihr krieget euri traumwohnig!

@Pfingstrose: hey das mit dine iladige tönt wirkli nacheme super service mir gfalle die farbe au guet. hesch, s neue muster scho überko?
machsch d briefmarke bi webstamp bi dr post? i ha mirs jetzt für unseri std-kärtli au übrlegt..
das mitem schwimme hani mir au scho übrlegt, wär wirkli nid schlächt no chli straffer uf d hochzyt z wärde ;-) s pilates machsch das deheime? lsutig hets ding g grad so packt mitem trainiere
Zahle fürs hochzyt: das frogi mi au no chli wie mir das wän mache! isch au grad es theam will die erste rächnige do sin. mir hän keis gmeinsams konto, mir teile uns d köste eifach in etwa uf (mi gg isch unsere buechhalter und het so e excel wo mir dien führe gmacht, isch für uns am eifachste) vilicht isch jetzt doch de zytpunkt für e gmeinsamskonto ko
kapverden hani au immer mol welle go! tönt schön und ebe no so unbekannt

@janedoe: wow ihr sind jo produktiv gsi am wucheänd! toll händir soviil gfunde! ha am suntig e azeig gseh vomene vintage-märt wo am samstig z züri gsi wär, sindir dört gsi? dört wäri au no gärn hii gange..
d schriibmaschine gfallt mir guet. wird sicher ganz schön as deko usseh.
euri karte sin traumhaft! mega schön! das glaubi sofort das ihr do schöni rückmäldige biko händ.
schön zhöre das sich das mit eurer vrmieterin no greglet het. hesch rächt so mueses si!
duet mir au leid wäge eurem kolleg! mim gg si TZ het sich au letscht wuche vo sinere langjährige fründin trennt. isch scho komisch, wenn meh sälber so uf dr hochzytswolke schwäbt. holt ein grad widr abe

@daenu: yeaaahh mir hän entschiede mir hürote im hotel seeburg. mim schatz het das meh zuegseit und ich ha beid variante guet gfunde! die idr seeburg sin ehrlich gseit bim bescihtige au chli lockerer gsi, während dä die hermitage as eis vo de erste sache gseit het das de apero spötistens am 5i fertig sii söt, will si de platz de widr bruche eso stimmt jetzt für uns beidi

@lilian: toll hädnir sone TZ wo euch gärn hilft! isch gold wärt!

@taeboyana: e tolls abschiedsgschänk, das hätti jetzt au no gno was hesch de für biecher bstellt? *gwundernase* mini kollegin het e neus buech vo D.. has grad miesse uselehne het so cooli rezäpt din s heisst backen mit leila
oh schicksch mir dis excel ächt au? ich mach dr no e pn mit dr mail adrässe.

@sue: du bisch jo wirkli grad voll im diy fieber und hesch dir au viil vorgnoh mit 3 adväntkaländr.
gits bi postfinance extra hochzytskonto, oder nennet ihr das für euch jetzt eifach so? :)

@squishy: oh wow, freu mi grad mit dir, uf s shoppe. passt jo wirkli grad super!
mauritius findi ganz e tolli idee.. isch bi uns nach maledive, die zweit variante. ha mi aber no gar nonig wägem wätter schlau gmacht aber 25°C isch bi füechtem klima immerno sehr warm dänki. aso i finds e gueti idee.. super entdeckig!

@malinchen: danke für de doodle link. i ha ebe die erste feb wuche piefige, und am 18. bini evtl die ferie.. i trag mi ii sobald i meh weiss! :)
excited findi e hammer lied! tolli idee!
saileu: oh mist! aber dank dim post, schriebi jetzt au im word! würd mi nämli au rächt närve

me: mir hän das wucheänd uns ändlig für unseri trauuigslocation entschiede. s wird s hotel seeburg in luzern. freu mi jetzt mega! zerst die offerte isch gstande d mieti sig gratis wenn mir pro person e mindestkonsumation vo 80.- hän.. ha de geschter gschriebe ob si uns nid e mindestumsatz könne mache anstatt e vo de persone azahl abhängige priis. de schribt simir zrug das de kolleg sich vrtippt het und d mindestkonsumation pro person 30.- isch das isch jetzt grad super, will uf dä betrag kömme mir sicher, 80.- wär eher schwierig gsi.
musik: mini schwöster het am fritg ihri kollegin wo amigs au uf hochzyte singt gfrogt ob si biuns nid au singe könnti. jetzt het si mir gschriebe das si das gärn mache würd für 100.- plus afahrtskoste! het mis schwösterli super gmacht

sooo jetzt bini scho e stund am schriebe sött widr chli produktiv si (hüt isch mi freie dag, wo ich eigeltli zum lerne bruch )

Taeboyana: Nei leider nonig, will ich warte no uf en Teil vom Text wo min GG mache muss. Den machemer alles i eim Schnurz. Aber sie hend immer nume 24 Stund bis es gmacht händ. Darum hämmer nöd so en Stress. Ja Briefmarke hemmer au dete gmacht. Händ Schwarz/Wiis Fotis gno. Jetzt söttis eifach mal no drucke. Gr! Ja ich machs diheime. Vor em TV han so e Sändig ufgno uf Balance TV die händ super Übige. Hans ebe früähner gmacht im Fitness und bruche eifach chli Idee wie mache weissi eigentlich scho. Und mer merkts extrem findi.

Cool händer eu entschiede! Das isch mega schöns Gfühl wenn mer weis wo mer fiired find ich. Han fast nüme chöne schlafe vor luter Vorfreud und bin ständig uf d Homepage vo eusere Lokation. Hihi!

Wegem Konto händ mir eifach e Rubrik erfasse lah isch ganz es normals Sparkonto. Nix speziells.

Und wege de Sängerin isch ja obersuper Agebot! Gratuliere!!!

Hey dir liebe... Dir heit ja mega Gas gäh hüt! I cha gloub nid uf alles igah, sorry!!! Picke mir chli die Theme use wo vieli drüber hei gschribe...

@Finanze: GG und ig hei ersch sit em Ziviler es gmeinsams Hushaltskonto und ou es Sparkonto. Det düe mir strickt nach Güetertrennig druf izahle: Jedä d Hälfti vo sim Lohn. Es het sich so ergäh, dass GG si Teil immer ufs Hushaltskonto duet und mir so gad alli loufende Sache (Mitei, Versicherige, Ässe etc.) chöi zahle und ig mi Teil ufs Sparkonto zahle. Vo det nämä mir nur Gäld für grösseri "Aschaffige", z.B. hei mir d Azahlig fürd Fotografin vo det zahlt... I findes super wenn beidi d Hälfti zahle, so ischs chli nachem Grundsatz dass beidi eifach so viel gäbä wie sie chöi u glich hei mir no beidi üses "eigenä" Gäld woni ohni schlächts Gwüsse cha ga shoppe und Sache choufe woni weiss dass GG nur dr Chopf wird schüttle... Usserdäm ischs so ou fair für GG wöu er viel meh verdient als ig mit mim Studi-Näbäjob. Er het de eifach ou viel meh Gäld für sich persönlech zur Verfüegig.

@Doodle: Die wo sich no nid jetz chöi iträge spielt ja überhoupt kei Rolle... Mues ja no nid gad hüt u morn fix si.

@Sport: oh mann, i sött ou umbedingt no chli a mim Rücke schaffe... Aber i spielä ja Volleyball und dür das hani eigetlech scho rächt Rückemuskulatur, aber leider isch no chli Späck drüber (Malinchen in Speckmantel würds träffe). Hoffe ou dasi das no chli loswirde bis zum HZ! Ha mir vor churzem ds Nike Training Club App abeglade, isch gratis und het so verschiedeni Üebige drinne. Has äbä no nid usprobiert, aber das ja villecht es paari vo öich chönnt intressiere schribi süsch de no mal wenns für öpis isch... Süsch no meh Sport mache liegt für mi zytlech nid drinne, möcht ou gärn öpis woni so am Abe vorem is Bett gah no dehei cha mache...

so, i mues los, no mi letscht Kurs für hüt... Wünschä öich allnä ä schönä Abä!

squishy
Oh das weissi au nöd wege de Azalig. Mier händ ebe en Vertrag unterschriebe und dete ine staht de Betrag wo mer müend azahle. Aber bis wenn isch nöd gstande, dass hani den extra no nahgfräget gha.

nala05
ah schööön händer eui Traulocation
Und das isch au schön, dass es mit de Sängerin klappt hät. Und en guete Priis natürli
hihi ja das bim Tschibo hani au scho gseh.. Muen glaub den no was bstelle :)

So ich wünsch eu en schöne Abig, ich gahn jez is Fitness