@lil.lian
Ich glaub sie überleit eifach null und nüt wenn sie sone Stuss uselaht. GG findet sie eh en riese Häx, vo demher söll sie ruhig chli schaffe a dem Samschtig und alli andere chömed verbii

Mier hend vor, en Baum z'zeichne uf en grossi Liinwand (bzw mier beuftraged am GG sini Cousine, die isch künstlerisch sehr begabt) Und denn leggemer eifach Stempelchüssi i zwei - drüü verschiedne Farbe dezue.

Druck eu de Duume, das mitem Fotograf alles super lauft! Mit wem hender denn jetzt abgmacht?

janedoe
Ja ich wür glaub au nomol e Iladig mitneh und den am Team mitbringe
Mier laded au d'Lüt vom Gschäft zum Apero i (bi ihm eifach alli, isch nöd so es grosses Gschäft, ca 10 Lüt, und bi mier eifach d'Lüt vo mim Team, sind öbe 8 Lüt) und den eifach no e gueti Arbetskollegin und ihre Fründ ladi au für s'Esse i (mit ihre gahni immer go z'Mittagesse, und han mit ihre au scho privati Sache gmacht).
Susch muesch es de Lehrtochter nomol erchläre, dass sie eifach für de Apero iglade isch..?
En Fotograf vo wedding-photography.ch, er isch mit sinere Schwöster id Schuel..


munggi87
Ja Fotografe sind würkli meega tür. Und mier händ d'Chile scho am 11i und ich möcht eigendi de Fotograf au no bim esse ha.. Und mier händ den no e chlini Pause am Namitag (Zeit zur freien Verfügung). Mal luege wie mer das am beste lösed.

Zuletzt bearbeitet am 30.10.13 09:49

Ahhhhh mini Posts überschniided sich die ganz Ziit mit dine, munggi

@munggi
Ja dasme sich eifach selber iladet isch scho eher speziell wobii s'isch ja au oftmals so, dass s Gschäft chunnt go spalier stah, egal ob iglade oder nid.

@Pfingstrose
Du hesch no gfragt gha wege de Familieplanig chunnd mer grad in Sinn
Mir möchted nachem Hochziit gern mit de Familieplanig afange. Wenns nach GG gaht lieber gester als hüt Für eus, bzw. für mich hangts chli devoo ab, wies für ihn wiitergaht mitem schaffe. Er isch sehr unzfriede im Job will sie ihn nöd förderet, er macht zwar diversi Kürs und wär ready für en Beförderig aber sie möched ihm irgendwie nume leeri Verspreche. Er möcht drum en neue Job sueche und das isch nach de Hochziit ersti Priorität, da mier beidi de Meinig sind, wennmer es Chind hend, denn blib ich die erste Jahr komplett deheime. Ich bin unter de Wuche bi mine Grosseltere ufgwachse, will mini Eltere beidi hend müesse 100% schaffe um eus (mir sind Zwilling) durezbringe.. Mis Mami schafft i de Fabrik und min Vater ufem Bau. Es hed Vorteil gha, will Grosseltere eim halt einiges meh duregah lönd als d Eltere aber im Grosse und Ganze hend eus eusi Eltere stark gfehlt und drum isch mier so wichtig, zumindest die erste Jahr chönne für mis Baby dasii. Ich chönnt ebe vieles fürs Gschäft vo dehei us mache, das isch no cool :)
Wie gsehts bi eu us? :)

@lil.lian
Bi eu tönt das sehr greglet und guet abgsproche :))
ich denk ich gib denn die zweit Iladig dere Lehrtochter und erkläres ihre emal genau :)

@lil.lian hmm ev machti jo ou so es pauschal angebot
hoffe es chunt e guete pris use

@_janedoe i mine ou ah dasi eifach uftouche :) drum duenise ou mau i berächne i de offerte;)

Janedoe: Lustig, bi eus isches öpe glich mit em Job vo mim Schatz. Momentan verdien ich nämlich besser als er. Er schaffed aber au „nur“ 80% will er no teilziit studiert. Nachher hoffemer den au dass er en Sprung macht mit em Lohn. Und ich würde den sicher au die erste Jahr diheime blibe. Chind wemmer eigentlich erst so Endi 15/ Afangs 16 will er erst mitti 15 mit de Schuel fertig isch. Mir sind ja den beidi erst 25 und findet das eigentlich es guets Alter. Wend ja au meh als eis Chind… Aber bi eus wird’s sicher nöd nach de Hochziit los gah nur scho will mir den erst im Dezember id Flittis gah werded.

Squishy: Ah du bisch ja nomal zwei Jahr jünger wie ich. Mini Eltere händ mich ebe au mit 21 übercho aber min Vater hät nachher s ganze Reise mit eus nagholt wo mer so 15ni gsi sind. Darum hani scho meega viel gseh obwohl ich selber erst 23gi bin. Ich wott eifach au no 2-3 Jahr mit mim Schatz Länder entdecke und den chömmer en Schritt wiitergah. Mir hend eus aber gschwore au wenn mir Chind händ wird greist… Je frühner mer sie drah gwöhnt desto besser.

Was ihr warted immer no uf d Fotis! Ich wer scho gstorbe vor neugier! Hoffe sie sind super und du zeigsch eus den paar Fotis.

squishy
Ja mier händ ebe d'Chile am 11i, den wärs uuu früeh wemer vorane no Föteli würded mache. Und den mit de Chile & Apero wierds sicher den 1. Den d'Fahrt zu de Location isch knapp 1 Stund und den isch mal plant am halbi 4i dete nomol en Apero z'mache vor em Abigesse. Und den hämer ebe dänkt, dass mer idere Ziit "Zeit zur freien Verfügung" mached (das hani ime Hochzitsplaner-Buech glese).
D'Hiireis isch individuell und den chönd die einte nomol hei gah (d'Chile isch im Dorf wo mer wohned und vill Lüt wohned ide Umgebig) oder sie chönd au scho grad an Ort für am Abig gah und den sich dete im Zimmer no chli erfrische (Zimmer wäred ab em 2 beziehbar) oder so.. Und den am halbi 4i wär de Apero.
Ich han dänkt entweder möchemer nachher Föteli no bi de Chile oder/und den am Ort wo mer essed, das wär den bim Vierwaltstättersee und den chöntemer evt. no bim See es paar schöni Föteli mache..


Familieplanig
Mini Eltere händ mich au früeh becho (mit 22 & 24) und ich han eigendli au immer uu früeh Chind wölle. Wobi wo mer den würkli idem Alter gsi sind, hämers eus nonig chöne vorstelle.
Aber jeze chömers eus vorstelle und mier hetet gern Chind. Mier sind au scho am üebe gsi :) Bis jez häts aber nonig klappet und mier mached aktuell gad e Pause. Will susch bini den entweder hoch-hoch-schwanger am Hochziit oder es chunt no so en halbe Monät vorher.
Aber wege dem wüssemer au nonig so recht wege de Flitterwuche wies den usgseh wierd im Herbst nächst Jahr, drum chömer nonig so recht plane..

Zuletzt bearbeitet am 30.10.13 11:07