Also ufgwachse bini eigentlich am Zürisee. Dete simmer aber vor 7 Jahr weg zoge in Bezirk Diesldorf. Woni mit mim Schatz zämezügled bin hämmer eifach i de nöchi vo Bade und Züri welle blibe. So häts sich ergeh.
Puuh gschaffe.. Cupcakes fertig bached fürs Apero :) Irgendwie isch es mir nid so recht, so im mittelpunkt z stah, ha müesse öpis mache.
Fara: alles liebi et une pensée pour toi:)
Squishy: wow cool, gits denn scho es föteli vo dem chleid? :) Findi guet mit dinere familieplanigs idee. Ha mi sohn mit 24 becho, für mich ideal. Bi denn au mal 13 mönet dehei gsi und jetzt bini ebe scho 5 jahr teilzit am gliche ort. Super so. Bi nid so de karriere mensch, ha e lehr de matura vorzoge und drum passts super :) Haha brautzilla :) mängisch packts eim de und all idee sprudlet nur so use gäll .)
Nala; so seeburg demfall :) gange de ganz zuefällig mit de kids a see go spaziere haha. 30.- findi super! 80.- wär de scho chli gar vill. Wo fiired ihr de am abig?
Janedoe: da häsch dim GG echt e freud gmacht :) hmm musi min GG echt glich transformers chnöpf organisiere :))) Aso dini chefin isch echt s letscht. Das hani etz no nie ghört, so e dreischtigkeit. Chasch ja glatt froh si muss sie schaffe.
Pfingstrose; ha au chli drigügsled :) ui nei drilling nei danke. Mit zwei längeds mer aso scho, und sie händ 4 jahr unterschied :) Oisi familieplanig isch so z säge abgschlosse. Obwohl.. Man weiss ja nie :) mir händs eh so total gege s klischee "hochzeit-haus-baby" gmacht :) babys, hammer wohnig ame geniale ort, hochzit :)) GG wett ev no e witerbildig mache drum blibts wohl so. Aber es isch wunderschön mit oisne beide tolle kids, au wenns mängisch ganz schön nerve choschtet haha :) Wo bisch ufgwachse? Ich chume vo meile :)
Gschäft ilade: mi GG ladet warschinli all 4 i (chef und frau sind au scho bi ois go esse, isch e guete fründ. Ich wett nid all 13 ilade, de no mit partner wäreds z vill. Drum macheds mer ja vorem rathus es chlises apero nachem spalierstah. U herzig. Händ ja s richtige Apero am gliche ort wie s esse und da sind grad alli gäscht zu beidem iglade.
Lilian: schön wegem fotograf! Hoffe s chunt so use wie ihr eu das vorstelled .) Ich wüsst au nöd wenn die ganze fotis mache. Eigetli gurkts mi a drü stund nur für das z verbringe. Aber me wett ja glich fotis :) mal luege... Ah scho güebt :) besser pausiere, ich hett nue wele schwanger si am hochzit. Kenne einigi und die wänd irgendwie all nomal chirchlich :)
Taeboyana: hawai wie cool! Mega weg dere loge! Würdi gad profitiere, wenn kontäkt häsch :)
Job;has kv gmacht bi serono... Alinghi seit eu öpis? Dem wo das ghört het au die pharma firma ghört. Mi GG isch glernte Heizigsmonteur aber sit 10 jahr Personslberater. De bescht :) Er würd gern de HR fachmaa mache wil personslvermittler uf duur isch nid so de hit. Azahlig: mömmer glaub au niene mache.
littlefoot Ja aso d'Alinghi kennt mer doch :) hmmmm dini Cupcakes gsehnd aso super us.. Mier dönd den no entscheide wenn mer wieder afanget üebe hihi abr ja, zwiit weti den au nöd sii, will susch isch würkli doof..
Pfingstrose: soso wotsch du unseri joorgäng wüsse? i bi 24, er 25 hän abr beid das joor no geburi! ha mi grad itreit ide gwundernaseliste. Ha ebe extra no gwartet wil mir jo no so wenig sichr gwüsst hän..
Littlefoot: unseri festlocation isch s montana
Me: ich bi grad ufem heiwäg, hoff unseri std kärtli sin im briefkaste! s lieferdatum isch zwar 30.10-06.11 könnt jo abr glück ha und si sin scho do!
Hihi Nala... Wieni en Spanner wer! Nei het mich eifach wunder gno. Mir sind 89 & 90 er. Finds no witzig dass doch recht viel au so um die 25gi hürated und das nöd so "abwägig" isch.
Apropos Thema ob sich d Familie gägesiitig scho kännt isch eus hüt e gueti Idee cho. Also mir findet sie guet. Mir händ dänkt da jetzt eh d Gschänklisuechziit chund schenked mir eusne Eltere & Gschwüsterte und minere Grossmuetter und ihrem Mah en Guetschii zum go Brunche i eusere Festlocation. Den machemer es Datum im Januar us und träffed eus alli dete zum legere go Zmörgele. Den kenned sich scho mal alli chli vor em Hochziit. Wer 29.90 CHF pro Person und mir wered ca. 15 Persone. Also total öpe 450 CHF. Findi eigentlich en faire Priis. Han suscht glaub meh usgabe für d Wiehnachgsgschänk wie das.
Pfingstroose & nala: Wenn ii eui Johrgäng so aluägä, liiget ja gliich nöd grad so viil Jahr zwiische uns. Isch doch scho no beruhigend, bin ii nöd 10 Jahr jünger wiä mini liäbä Mitbrütlis da inne! Wo ii z'erst dä Priis vo 450.- glese han, han ii denkt, Mol da isch jetzt doch gad en huufe Geld. Aber eigentli hesch Recht, wenn allnä es anders Gschenkli machä würdsch, denn chämts öpä ufs gliiche oder no tüürer usse! I finds eh suuper Idee zum all zum Brunche ilade! Es Family-Reunion!
janedoe: Denn bisch aber äs muätigs ! I has jo no niä selber erlebt, aber nervös wär ii globes scho! Aber ii cha mir guät vorstelle, dass es wunderschön isch, so nöch bii dä Tier und ii dä Wildniss!
Lil.lian: Find ii no ä guätä Plan. Mir fiiret ja am Obig s'Fest in Bregenz. So bruuchet wohrschinli es paar Gäscht au en Moment für siich zum s'Zimmer bezieh. Aber will mir uns nöd am 11ii in dä Kiirche treffet, werdet dii reschtliche Gäscht miteme chline Apéro "unterhalte". I finds aber für eu als Paar uuh schön, so hend iihr gnuäg Ziit zum nach dä Trauig für eu z'sii. Hend ihr dert was plant? Fötele oder eiifach eue Start in s'Ehelebe gniässä? Wo miis Mami TZ gsii isch, het sii s'Brautpaar go picknicke gschickt
Taeboyana: Jo, chunt viellicht bim noiie Chef nöd guät aah, wenn grad vom erste Tag hinweg privati Sachä am PC machsch Du wiirsch es schaffä und sus stiigsch eiifach spöter wiider voll iih. Woow, Hawai tönt suuper! Und vo La Reunion han ii au nur guäts ghört! Aber au diä Lodge trönt traumhaft. Wiä wärs mitere Weltreis wo alles verbindet? Jetzt müänd unseri Föteli no schneller choh, ii will au dä Rabatt vo Ifolor chönä usnutze!! Gang gad go luägä, wiä lang das no isch! Wiä du diis Reihehüsli beschriibsch, erinneret miich ans Huus wo mir ufgwachsä sind. I has gliäbt
Nala: Also ha gad nomol müässä go spienzle, wills so traumhaft tönt het und dä Garte isch ja wunderschön!! Aber au bii schlechtem Wetter hend iihr eh wunderschöni Location! Woow! Miir fiiret ja au imene Garte, unsers het denn eiifach ä Pavillon wo meh cha drin sitze. I bii so fan vo dusse fiire! Da hend mir ebe umbedingt welle und ned imene gschlossene Saal.
Littlefoot: Es giit nu Föteli vom Orginalkleiid. Es het no keii Änderige gäh. Diä mach ii denn wohl erst irgendwenn nächst Jahr, wenn ii dä Muät han ussemene Traumkleiid miis Traumkleiid z'machä Söll ii diir es Föteli per PN schicke? Woow, dini Cupcakes gsehnt soo lecker us! Chönt gad in Bildschirm bisse! Do werdet siich siicher alli meega drüber froiie! So schön und mit viel Higab gmacht!
Me: Ojeeeminee, ii hoff so fest, dass hüt d'Föteli chömet. Sus isch denn scho Wuchenend (dä Kanton SG het morn Fiirtig) und denn wirds sicher Mäntig
pfingstrose: i glaub au das so um 25 hürote nid völlig "abwägig" isch aso i find i unserem alter het meh jo doch au scho chli läbenserfahrig gsammelt und sött guet könne abwäg ob das für ein jetzt so stimmt. isch jo scho immene andere thread s thema, wenn's stimmt- den stimmts! s alter spielt doch kei rolle bi uns sin au die meiste erfreut drüber und mir sin halt au gli scho 10 joor zäme, kunnt aso nid ganz überraschend dini familie-kennelern idee find ich super! so hesch grad wiehnachtsgschänkli und s lerne sich all kenne! ächt e tolli idee und s kopfzerbräche wäg de wiehnachtsgschänkli fallt au grad wäg
squischy: nei bisch nid mit abstand die jüngsti! jo i ha mir das ebe au scho immer so ami-kitsch-hollywood-filmmässig vorgstellt mit dusse hürote und d rigi hütte miesste mir wirkli nur näh wens würd rägne, wenn jetzt d wiiese nass wär oder so chli unstabils wätter hets no de jesuitehof (dörfsch nomol go spienzle ) wo es zält stoht und au zum teil deckt isch, wo de für uns reserviert wär. wo hürotet ihr nomol? e gschlossene saal miessts ebe wäge mir au nid si. dorum schiint eifach a unserer hochzyt d sunne ohh dörfti au e pn mit dim kleid?
ferie: mir sin das joor s kenia i de ferie gsi und hän näbe strandferie au no safari gmacht. und es isch wirkli e wundrschöns erläbnis gsi! wenn mir das jetzt nid grad gmacht hätte, würdi sofort noime id flittis wo meh safari mache ka kas aso au nur jedem empfähle!
me: mini std kärtli sin leider nid ko, ha defür es mail mitem lieferdatum übrcho, erst nägst wuche hät so gärn die wuche die no usegschickt… bi geschtr au im tchibo gsi, ha mir so e kerze vrzierset kauft. probier das wucheänd mol us. fändi as gastgschänk no cool
ich han chli chopfweh hüt apero isch lässig gsi gester. han e wuche ferie, bzw zwei täg (40%) übercho.
nala: ah ja stimmt,s montana, det schaffed ja e kolleg vo eus. :-) mega :-) ou schad musch di no gedulde weg de chärtli ;(
squishy: ou ja gern per PN :-) hihi schribsch so luschtig weg de cupcakes, i bildschirm biisse :-) falls ichs anes treffe schaff bringi eu mit, versproche :-) mir händ au firtig morn.
pfingstrose: finds au herzig dini idee :-)
lilian: aso chas scho si dass schwanger bisch am hochzit ?
dusse fiire: ich ghör ja au zu dene wo uf de liebi petrus mönd hoffe. bi wied nala voll positiv gstimmt. bi eu isches aber wohl no chli sicherer, dass er im garte törfed..bi ois entscheided er glaub am dunstig nacht oder fritig morge obs cha gwittere und de stellt er die doofe zelt uf dem doof schotterplatz heisst d prognose muss echt stimme. wil im zelt fiire wenns denn doch nid gwittered und regned.. guet, isch es besser im garte z si und denn chunts go gwitere...
me: warte ufs mail vom verastalter, ob am 30.11 guet isch zum go rede. eus gaht würkli nur das wuchenend, all andere sind restlos usbueched ojemine er hät ja gseit er sig flexiblel, nur chunt jetz ke antwort. womer ebe sind en event wo sie verastaltet händ go aluege, zum eus entscheide (händ ja u schnell müsse, wil de en firma agfragt hät wo sit 7 jahr det fiired, ob sie chöned umen wuche verschiebe...anschienend hend die immer e wuche nach eusem termin fescht det gha und immer chli pech mitem wetter ), det isch er uf jede fall chli strange gsi...susch immer lässig am tel, aber det hämmer ächts gfühl gha er lalled...am 17.00 scho
Squishy-fishy Ja das mit em Picknick findi no e lässigi Idee Aber ich glaube, wemer würkli es Fotoshooting bi de Chile und den no am See möched, simer glaub den au mal froh, wemer e chlini Pause händ, bevors den wiiter gaht. Wo dönd iher den fiire und esse? Ja ich find so en gschlossne Saal au nöd so lässig. Mier sind den ime Zält, wo mer den d'Siitene chan öffne. Duesch mer au s'Föteli vom Chleid schicke? Wär uu lieb Ich druck der de Dumme, dass dini Föteli no bechunsch.
Littlefoot Evt. scho, mier nämets wies chunt. Abr jez dömer scho no chli warte, susch ischs Timing würkli ganz blöd. Muesch de Verastalter halt no chli am Telefon belästige, dass iher am 30. November chönd verbi gah
Anmelden
hihi 
i bi 24, er 25 hän abr beid das joor no geburi! ha mi grad itreit ide gwundernaseliste. Ha ebe extra no gwartet wil mir jo no so wenig sichr gwüsst hän.. 
s lieferdatum isch zwar 30.10-06.11 
könnt jo abr glück ha und si sin scho do! 
aso i find i unserem alter het meh jo doch au scho chli läbenserfahrig gsammelt und sött guet könne abwäg ob das für ein jetzt so stimmt. isch jo scho immene andere thread s thema, wenn's stimmt- den stimmts! s alter spielt doch kei rolle 
hät so gärn die wuche die no usegschickt…