hüt isch wikrli nid viil los.. drbi hani hüt so schön zyt zum mitläse/schriebe

littlefoot:hm hoff das mit eurem vrastalter klappt so wie ihrs euch vorgstellt hän!

pfingstrose: ah wirkli? hätti jetzt nid dänkt dases doch so viil sin ich bi nämli bi uns im bekanntekreis die erst wo hürotet.. ha au nid s gfühl das anderi allzu gli folge (meh weiss zwar nie vilicht wirkts jo asteckend) aber i find das cool jung hürote wenni ehrlig bi findis au toll die ersti zsi.. hihi..

Nala: Ich hetti ebe jetzt au gad gnueg Ziit... Dörfsch der es Thema usseuche den schriebemer chli. Hihi!

Ich han no ei sehr e gueti Kollegin wo nächst Jahr 1.5 Mönet nach eus hürated. Aber mir werdet au die erste sie. Und wie bi dir glaub au nöd dass bi eus gross "folge" Hochziite geh wird. Mer weisses aber würklich nie.

Pfingstrose: i ha e kollegin wo si au sehr gärn würd hürote, aber bi ihm dörfsch s thema gar nid erwähne, är isch sooo drgege vilicht ka är sich durch unseri hochzyt meh miteme thema afründe, wär weiss

aso i hät sogar es thema wie händirs so mit de kleider für TZ/BM? dörfe si sälber farb form usw ussueche oder gäbet d ihr was vor?

sue: mir mache das glaub au mit de kameras.. aso mini schwöstr het gseit si wot das organisiere, si het gmeind uf jede tisch 1-2 (kunnt de uf de film druf ah)
und i fänds no cool wenn meh das miteme spieli könnt integriere

Pfingstrose: i glaub ihre isches scho zimlig wichtig mitem hürote, im momänt isches glaub noni so schlimm für se, weiss abr nid wie das in zuekunft usseht wenn är so stur do dure bliibt scho schwiirigi situation, do bini grad froh isch das bi uns übrhaupt nid so!

mini TZ isch au mini schwöstr, und mini BM mini best kollegin. si würde glaub beid gärn s gliche azieh.. aber mini beschi kollegin het ebe chli extravaganti vorstellige.. geschter het mini schwöstr ihre sogar miese sage das si zwei nid im mittelpunkt stoh sötte und sich eher chli schlichter kleide sölle.. hmm.. i wär ebe au eher für e schlichts langs kleid oder summerkleid inere passende farb zu mir. weiss jetzt aber grad nid wie ich minere beschte söll bibringe das si nid imene pinke tüll glitzerkleid ko ka (das isch ihri aktuellsti vorstellig )
mis mami isch mega härzig do dure.. si het gmeind ich söll de mit ihre go s kleid ussueche, si wot öbis passends zu mir

ohh do fallr mir grad ii.. hesch dini brautshopping iladige scho vrteilt? wie si d reaktione gsi?

Nala: Dänke das chan scho mal no zu spannige füähre. Känns nur vo einere Kollegin wos genau glich gsi isch und sie hät immer dänkt ändered sich den eventuell. Aber es hät sich nie gändered und es isch ja au nöd „nötig“ i dem Sinn zhürate nur will mer e Familie wott. Sie hend sich den irgendwenn churz nach 30gi trännt will sie Chind und Familie und Hochziit welle hät und er hät gseit ja Chind gern aber Hürate woti nie und hani au immer klar kommuniziert. Isch scho komisch. Ich glaub ich hetti als Frau nöd so ufs hürate bestande. Mir isches eh au nöd so wichtig. Ich finds sehr schön aber nöd notwendig.

Nei hans nonig geh willi leider momentan eifach kei einzigi Minute unverplant han zum das überhaupt fertig mache. :(

Hüt isch würklech richtig ruhig im Verglich zu de letschte Täg

@littlefoot: D Cupcakes gseh würklech super us! Wie isch dis Jubiläumsapéro gsi? Bi mim ehemalige Gschäft hets das o immer gä bim 5jährige, aber das hani haut itz umnes haubs Jahr grad verpasst, bi 4.5 Jahr dert gsi. I ha vori o gad bache für mini Family morn Abe, weiss aber nid ob mini Cupcakes dekoriert de o so schön usgseh wärde...

@Pfingstrose und Nala: I gloub dir sit doch i euem Auter hie in bester Gseuschaft, hani dr Idruck. Es het ämu nid viu wie ig "vor eutere Garde" (30i) I dänke es mues ja immer fürs Paar wo hüratet stimme. Bi üs wärs früecher nid gange und GG het ou chli lenger Zit brucht für die Entscheidig, aber ät het nie gfunge "niemaus". Er het eifach bi sine Eutere haut o d Realität gseh, wes äbe nid klappet mit ere Ehe... Obwou ig mit 20i o immer ha dänkt, dass ig mit 30i lengstens ghürate wärdi si und mind. 2 Ching ha, isches itz angers cho - und mir si beidi happy drmit, so wie's isch. Wenn itz bis 35i no 2 Chind wärde inepasse, findis super. Aber es chunnt, wies mues. Mir si aber im Fründeskreis absolut nid die letschte, wo hürate, die 1. aber natürlech o nid. Ha o scho paar Kolleginne mit Chind.
Das isch schono hert mit dere Kollegin wo gärn wett hürate und är wott nüt drvo ghöre... i ha 2 Kolleginne wo das Dilemma mit Ching hei... sie möchte gärn (nid hüt u morn, aber irgendwenn mau sicher) und d Manne si beidi scho über 35i und wei würklech ke Ching. Und i gloub, e Ma i däm Auter änderet sini Meinig eher nümm...

@Chleider vo de TZ: Mini wette luege, dass sie die glichi Farb oder Farbton hei, vom Schnitt här chönntes aber scho verschiedeni si, wüuis no schwierig finge, dasses beidne de glich steit. Fänds mega doof, we die einti drin super usgseht und die angeri unvorteilhaft... Uuuu pinkigs Tüllglitzerchleid, das wär bi mir es No-Go für d TZ Ig ha mim GG scho gseit är mues bi sire Schwoscht luege, dass sie öpis aständigs aleit. Sie isch zwar nid TZ, aber het sones längs Abechleid, wo sehr äng und abartig wit usgschnitte isch u sie het seeeeeeeeeeeeeeeeeeeeeeeeeeeeeeeeeeeeeehr viu Oberwiti. Findes würklech deplaziert fürnes Hochzit und müessts ehrlech gseit nid ha, dassme de ihre dr ganz Tag uf d Brüscht luegt... Sie fingts äbe gloub no es schöns, elegants Chleid, aber mir isches ächt too much.
Mis Mami het mau chli ufem Internet gluegt und mer paar Föteli gschickt vo Chleider, wo ihre würde gfaue, wasi vo dene haute. Sie het mega schöni usgläse gha! Itz hoffi, mir fände de so öpis für sie.

@Pfingstrose: Isch doch e super Idee mit dr Brunch-Iladig! I ha vorgester GG o gad vorgschlage, dassmer mini Eutere und sis Mami mit Partner mau chönnte zäme zu üs ilade und är het die Idee gad guet gfunge.

So, i mues no ga Chindertraining gä und am Abe no Cupcakes dekoriere u morn wär de mi 1. Arbeitstag am neue Ort. Bi irgendwie gar nid sehr närvös, eifach mega neugierig