Hoi zämä

Sorry, has mehrheitlech überfloge, ha 8 Sitene müesse nacheläse...

@Sue: DIY hets ja immer öbe dinne, aber eifach ou so Ideene mit chline, div Väseli mit Birkestämmli, Spiegle, etc.
Wow, Du bisch scho vou im Adventsfieber inne? I drücke mi no ziemli erfolgriich vo de Whynachtsgschänk, uA ou wüu i kei Ahnig ha...

@jane: Ou scheisse, hoffe Dim GG geits umi guet!
Wie geits öichem Kolleg? Het er öiches Agebot agno?
Autsch, Dini Chefi isch ja dHöchi!!! Öiches Hochzyt ihrne Öffnigszyte apasse?! Si cha ja süsch zGschaäft am Nami zue tue! Aber das isch ja wou vvöllig drnäbe!
Bi üs isch zGschäft as Apero iglade. Bi mim GG si 2 drvo am Obe ou drbi, u zwar eifach wüu mir mit ihnr eou usserhalb vom Betrieb Kontakt hei.

@littlefoot: Isch doch guet, serigi Nachbarte si doch sehr härzig!
Heit ihr e gmeinsame Termin gfunde für dBesprächig?
Cooli Taktik vo Dim GG! isch super wenns so ufgeit!
Und, was het sech ds Gschäft usdänkt?

@Pfingstrose: Oh schwümme, das muess i ou mau umi gah aber GG isch ebe nit so dr Schwümmer...
Tönt fasch as chönntet ihr morn scho hürote.
Wo geisch Du ga schwümme? Isch ja ne super Priis!

@squishy: I 2 Mönet u paar Stund...
Wieso settisch de Du zBrevet mache?
Ha zwar kei Erfahrig aber es tönt super!!! Bringsch mi no uf Ideene...
Hesch es Foti vom Kleid? Ohje, tönt nit guet bi Dire Schwoscht, hoffe es geit ihre umi besser!
Dörfe mir nit zwüschedüre aui chli Brautzilla si? Hesch dFotis scho brcho?

@nala: Ou so schön! Gratuliere zum Entscheid!
Ha vo Tchibo das Kisteset kouft, für Stola, Deko, Namenstäfeli, etc dinne zverrumme...

@Fara: I hoffe Dir geits guet, u Du bisch gli umi fit!

@Fingerprintbilder: Weiss gad nüme vo wä das es chunnt, aber i finde se dr Hammer. Muess das mau mim GG vorschlah, u gugge wie mir das ggf de TZ chöi unterjuble.

@lil: Was machet ihr denn i dere Pouse? U öichi TZ? Wie lang heit dr de Zyt?

@gmeinsams Konto & Azahlige: Mir hei keis gmeinsams Konto gha, hei jtzt aber eis "ummodeliert" fürs Hochzyt. Azahlig hei mir bi de Ringe müesse müesse mache, di si mittlerwile aber ganz zahlt. Bim Apero u Obig wärde mir eifach eini mache, müesste beidne Orte nit. DJ u Fotografin wärde mir äuä ou was azahle, eifach dass sech dKöste chli verteile u mir nit aus uf ei Klapf hei

@Familieplanig: Wäge miner chönne mir im Summer nach am Hochzyt afah, u wäg GG gloubs ou, chunnt aber de eifach uf dFinanze u uf dFlitti Planig ah, zwüsche düre darf me ja ou chli vernünftig si

@me: Viu isch bi üs nit. Ha geschter ganz e härzige Überraschigsbsuech vo mim Gotti brcho, di einzigi wo sech nach am Hochzyt erkundigt. Si het sogar äxtra e Wuche vor üsem Hochzyt Ferie igäh, da si mirs sKleid hätti gnäiht, wenni kes hätti gfunde!
GG geit am Samschtig i dStadt ga gugge für ne Azug, wäri ja super wenn er gad a eine würdi aneloufe...
Aber süsch louft würkli gad nit viu, so muess scho fasch umi witer, wünsche euch no ne schöne Halloween Obe

Haha apropos Vernunft bi de Planig Lula... :) Super gseit! Han gester LEIDER e Geburtssändig gluege wills mich immer so fasziniert. Und han dänkt okay nei lieber kei Chind! :) *SCHÄRZ* Aber es isch imfall die besti Motivation für d Verhüätig!!! :D Hät mis Mami scho immer gseit.

Haha, s doofe isch hald das mer meistens nume chline herzige Baby in Gedanke hät... :) Und d Gedanke ad Schmerze erst eim in Sinn chömed wenns scho im Buch isch! Den gits kein Zurück meh! Ja du weiss au nöd was sie den gmacht hetti. Haha!

taeboyana: ohh jee.. das isch wirkli nid so toll wenn dim gg sini schwöstr de das kleid azieh würd. fändi au nid toll wenn de dr ganz dag eine i ussschnitt gluegt wird..
jö härzig vo dim maim, de finet ihr sicher öbis schöns!
hmm das pinkige tüllglitzerkleid isch für mi au es absoluts nogo.. hanere au gseit ka sig too much. vorallem wenn meh dr roch bis an bode vrlängere würd, gsehts de eifach ud wie e pinkigis glitzer hochzytskleid.. aso definitiv nid abrocht. zum glück het mis schwösterli au grad interveniert! (mir sin nämlig beidi kei "pink" fans )

lula: das mitem kisteset zums züg din ufbewahre isch no e gueti idee, vilicht muesi nomol vrbi go
isch aber nätt vo dim gotti! macht doch immer freud wenn sich lüt für d hochzyt intressiere und meh au vrzelle dörf ohni brautzilla z si

hihi pfingstrose & lula: mues grad lache ab eurer unterhaltig stimmt scho meh het meistens nur die schöne sache im sinn wenns ums kinder kriege goht!

Konto/Zahlige:
Also mir hend scho sit Jahre es gmeinsams Postkonto wod Mieti devo abgaht und womer fürs Ässe und so zahled, aber das hemer au erscht sittmer zämewohned, also sit über 5 jahr. Grösseri Azahlige probieremer so guet wies ghat je d Helfti z zahle, aber fact isch, dass min GG viel meh verdient als ich und so zahlt er meistens meh will ichs eifach nöd so han. Und bis ez han ich mis Kleid zahlt und er d Ring, d Azahlig fürs Resti machemer aber au scho das Jahr, dass macht min GG, denn gits chli weniger fürd Stüüre ;)

Familieplanig:
Ja bi eus isch au was in Planig, gahts nach mim GG hettemer scho lang chöne loslegge :D aber ich würd gern erscht Afangs 2015 „afange“, wot glaub eifach na paar Mönet nachem hz für eus :D Hans mir vorallem au lang überleid wegem Gschäft wills mi ja erscht grad befördered hend, aber det laufed momentan so schrägi sache dasses mir langsam glich isch und denn gaht evt. doch scho früehner öppis. Aber bin irgendwie echt scho nervös weni a das denke :D

@me: obwohlmer beid ständig am schaffe sind, simer doch na viel am erledige wie so nebedbii :D Also zerscht namal zum Shooting, schlecht isches nöd gsi! Aber bi mim GG und ihre het d Chemie nöd gstumme und es isch nöd die Art vo Fötteli gsi womer hend welle.. Und schad isch halt gsi, dass mer viel Pose gmacht hend womer eus gar nöd wohl gfühlt hend und das gsehtmer au uf de Fötteli. Es sind 10 Fötteli wo eus gfalled, find das aber wenig vo 150.. Und bi uu vielne han entweder ich en Schatte im Gsicht oder er, und ich find das hettmer müesse gseh bim Föttele.. Chan eu suscht au zwei ahänke, die findi na guet.. :) Aber ebe, freued eus ez ufs nächste, „normale“ Shooting inere Wuche!!
Soo und denn hemer Ring kauft am SA!! Mir sind ja in 123 Gold, Acredo Trauringlounge. D Beratig het eus sehr guet dünkt und mir hend grad zuegschlage, wills ja na 11% Jubiläumsrabatt hend :D Isch aber glich chli tüürer worde alsmer denkt hend, aber am GG sin Ring koschtet halt glich viel wie mine willer so breit isch.. und ich han en schmale miteme eifache, groosse stei idä mitti. Hans u kul gfunde das sie würklich alles grad so konfiguriered uf de Website wie du wotsch und so sinds denn würklich dini eigene Ring! De Nachteil isch, mer gsehnds Ergebnis erscht im Januar wenns chömed :D Mer chauft also einersiits d Chatz im Sack aber anderesiits sinds ja gnau nach dine Wünsch gmacht.. Mir hend na e Handschriftgravur gno und freu mi würklich seehr bis sie chömed und dassmer das gmacht hend :). Ah und mis Troimli vom pinke Steinli isch zerplatzt :( In Konstanz hettedses ja chöne mache, aber nur s grelle pink. Und ich het gern s Rosa gha, aber das seg de tüürschti Brilliant wos git, en chline kostet mind. 10‘000.- haha het sich denn also erlediget für eus :D Und die wos iifärbed gönd schiins ebe uschnell kaputt :( janu, han au so froid ade Ring!!

Uund denn hemer na glueget weg de Flitterwuche. En Traum wär Hawaii gsi oder d Seychelle, aber es isch enorm tüür beides.. Und grad so nachem HZ fascht chli unvernünftig =/.. Ez hemer eus gester umentschiede, mer gönd 2 – 21/2 Wuche durd USA, also Westcoast mitem Auto! Bis ez hemer immer nur Badeferie gmacht i schöne Hotels und sind na nie so go reise, han ez scho panik wenni dra denk dassmer d Hotels vor Ort bueched zum Teil aber mer freued eus eeeextrem!! Muen ez eifach na luege obi bi Helvetic Tours oder Globetrotter bueche, aber glaub scho dete.. Was mi aber enorm gnervt he tisch, dass fängs jeedes Reisebüro e Gebühr verlangt für e detaillierti Offerte! Ich weiss ja sch das fängs nüd meh gratis isch, aber also bitte, han mi echt gnervt =/..

Ja und suscht gits glaub nüd nois :D Han mir hüt de Abig frei phalte nuuur fürs Forum und han ez gläse und gläse und ez hani hunger und muen go choche, min GG sött au bald heicho.

Ou ja und eusi Musterkarte sötted endlich cho Afangs Wuche! Muen ez mal am Text schaffe, da hani echt na kei Ahnig.. Aber hoff es klapped na mitem verschicke Endi Nov/Afangs Dez..

Wünsch eu en super schöne Abig !!

hey mini liebä und TGIF!!!

I ha gester eigetlech mal gschribe, aber när hets mir dr ganz Text glösche (notiz an mich: uf alli anderä im Forum lose wo d Text im Word schribe!) u när ischs mir gad verleidet...

@Chleider: Also i finde me darf als Brutpaar ganz klar sägä wenn me bestimmti Chleider nid wett am HZ gseh... Töifi Usschnitte und pinkigi glitzer-Chleider ghörä würklech nid anes HZ! (pinkigi glitzer-Chleider cha me haut praktisch nie alege, verstahni scho dass me da när jedi müglechi Glägeheit wott nutze, aber trotzdäm!)

I ha ja eigetlech keini Bridesmaids, aber mini Bestä wo alli si drbi gsi bim Chleid ussueche si de uuu härzig gsi und hei im eintä Gschäft ou so Chleider agluegt wos ds gliche i mega viel verschiedene Farbe het gha. I ha ihne när gseit, dass igs schön fänd, wenn sie sich würde so abgstimmt alegä. Aber mir chöi eifach nid allne das Chleid zahle, drum hei mir nüt wöuä vorschribe... Jetz mache mir äuä de mal no e Shoppingtag wo de sie x Chleider chöi aprobiere.

@Familieplanig: haha, ha gad müessä lache ab dr Ussag vor Pfingstrose! Ä Geburt isch imfall im Ernst ä Alptraum für mi! Ou scho ä Schwangerschaft würd mi mega aschiisse, so lang kes guets Glas Wy, keini Konzert, kei Sport und när all die Kilos wieder loswärde (abgseh vo de "irreparable" Schäde)... Also nid falsch verstah bitte, i wott da niemerem ufd Füess stah!!! I verstah guet, wenn me sich Chind wünscht, aber i dänke da gloub fürne Frou irgendwie scho chli komisch drüber... GG und ig hei scho öfter drüber diskutiert, dass mir chönnte Chind adoptiere. I fänd das super, aber bevor i mis Studium fertig ha, ischs eh no kes Thema - egal ob eigeni oder nid. U das geit ja no gad paar Jahr...

@pricana: ou ja das tönt würklech nid so guet vo öierä Fotografin! So Details sött amnä Fotograf definitiv uffalle! Und wenn d Chemie nid stimmt und dir öich bi de Pose unwohl gfüehlt heit, isch sowieso nid guet! Zum Glück heit dir das Shooting gmacht und's nid ersch am HZ gmerkt! Si aber trotzdäm härzigi föteli wo de hesch postet!!!
Und öii Plän fürd Flittis si ja mega cool! Das chunnt sicher scho guet mit de Hotels! Mir si scho oft so umegreist, zwar nid ide USA aber es het ömu no nie Problem gäh. Eventuell chöit dir ja ab und zue so "Fixpunkte" mache, z.B. immer am Weekend, wo dir scho vorhär buechet... De sit dir unter dr Wuche glich flexibel aber es würd dir chli meh Sicherheit gäh wedä weisch wo dass die de denn wärdet si etc.?