Pricana: Min Schatz chund vo Portugal. Also er isch da gebore und ufgwachse aber mir hend dänkt macheds gad uf beidi Sprache will nöd alli Dütsch verstönd. Den häter au chli Heimatgfühl! Hm, isch jetzt no schwer zum säge bez. Globetrotter. Sie isch sehr e netti gsi und mir händ eifach chli über d Vorstellige gredet. Aber viel Vorschläg hämmer nonig will sie nonig hät chöne luege wills vor eim Jahr nonig bringt. Im Dez. imene Jahr würded mir ja erst gah. Wiso sind ihr au gsi? Bisch nöd zfriede gsi? Azahlige, mached mir die wo mer wüssed au alli das Jahr wege de Stüre! :) Das lohnt sich scho. Oh isch ja sehr doof mit de Fotis. Aber gsehns so dass es besser isch händer das usegfunde. Will 10 gueti vo 150 hm… Isch sehr wenig! Stell der mal vom Hochziit vor wenn 600 Fotis häsch gfalled dir 40. Isch doch wenig.
S erste s/w Foti findi sehr herzig! Sind es hübsches Paar. Aber bim zweite mussi säge isch ganz komisch gstellt. Und wenn das no eis vo de Bessere isch den weissi scho was du meinsch.
Malinchen: Ich find mer dörf da ruhig klar sini Meinig säge. Vorallem hüt gits doch 100ti vo Läbensforme. Das Urteile findi nämlich ächt müähsam. Es muss eim ja scho bewusst sie, dass nacher de Buse hänged, de Buch chan verisse sie, mer Augering bis zum Chüni hät usw. Aber ich find je älter das mer wird isch mer nüme ganz so verträumt. Sondern au realistisch und chli gfasst. Am Schluss muss mer sich das ja selber zuetraue oder nöd. Und mer fangt ja hoffentlich mit eim ah… Den chan mer sich alles wiitere no überlegge. Haha!
Taeboyada ha gad müesse lache woni glese ha vo dire Schwägerin wo seeeeeeeeeeeehr viu Oberwiti heig und das Chleid sigi seeeeeeeeeeeeehr usgschnitte würdi ou dim GG säge er söu doch mau de abchecke was si aleitdafi frage was het dis Mami do für Kleider gfunde? Sueche drum eis für mis Mami und ha kei ahnig wo luege da si sicher es längs wetti... i wünsche dir ganz e guete Start hüt
Lula das isch bi mir ize ebe di letschte Jahr gsi dasi kurz vor Wiehnachte no keni Gschenkli ha gha und ner hani bide meischte so last-second-Gschenkset kouft zB vo Bodyshop oder Guetschiine für öpis und das isch de eher unpersönlich gsi und mega is Geld gange mege dem hani mir das Jahr vorgno wotti gnue früeh afah mau luege obis de ou dürezieh ou das isch ja mega härzig vo dim Gotti megem Kleid...isch si Schneiderin oder macht sis Hobbymässig?
Pfingstrose jaaaa oder ou guet zur Verhüetig isch weni aube zu mim Brüetsch gah de het zwöi uuu härzigi aber SEHR luti und zabligi chind und so nach 4 Stund gangi aube hei und säge am GG i sig no gar nid bereit
Pricana wow bi öich isch viel gloffe!! gratuliere zude Ring und zude Entscheidig vode Flitterwuche ds obere föteli gfalltmer meeeeeeeeeeeega
Tschibo ig ha Gestern gad im Tschibo das Keks-Beschriftungsset kouft wome cha Näme oder egal was id Güezi idrücke und ha gad u Fröidha ou scho dänkt dasmer das evlt. für am Hochzit chönte bruche und öpis "dridrücke" ines Keks wo aui de ufem teller hätte oder no kei ahnig aber ha emu gad Fröidmerci füre Tipp megem Bachzüg bi Tschibo
@nala: Ha ebe zersch süsch eini wöue, aber da hätti für eini Fr. 10.- meh zahlt wie jtzte für 6 Stk., u 2 drvo si scho "gfüllt", u die wo de nit bruchsch, chasch gäbig inne nand inne staple Es isch mega härzig gsi Si isch haut eifach e Goldschatz
@Pricana: Drum wett ig warte bis im Sommer, u i wetti ou kes Dezember/Januar Kind... Bim farbige gsehts ou bau so us, als ob ihr öich nit so ganz wohl gfüehlt hättet, zS/W isch aber sehr schön! Hesch no nes Fotis vo de Ringe? WOW, 10'000 für eis Steindli, nit schlächt dä Priis! Das mit dr Gebühr vom Reisebüro hätti mi aso ou gnärvt.
@lil: Was mache denn öichi Gäst zwüsche Akunft - Apero u Apero - Obigässe? Isch ja no so lang. Wie geisch drvo us, dass vieli Übernachte? Hets eigentli en spezielle Grund, dass ihr am 11 hürotet?
@malinchen: Setti me pinkigi-glitzer-Kleider nit eh verbiete? (sorry, wetti niemertem uf dFüess tsschaupe) Darf doch jedes drüber dänke, wies wetti. Es Zuckerschlecke isch es sicher nit, i kenne ou fäll wo 5 Mönet meh oder weniger hei müesse liege, wüus ne nit guet gange isch, u ds Risiko fürs Kind wies Mami isch da gsi. U asoptiere isch doch e guete Wäg, de bhaltisch dr Körper wie ne hesch, u hesch glich dr Wunsch nach Kind nit müesse ufgäh.
@sue: Du ou? Beruhiegend zwüsse! Wobi für sis Mami hei mir e Idee, Groseletere brchöme öbis zum bruche, oder e Guetschin fürs ässe, das isch ihne lieber, aber was i mim GG wott schänke, weiss i ächt no nit... Mis Gotti isch glehrti Dameschnidere, het aber ca di letsche 1,5-2 Jahr nüme würkli viu gmacht, u vorher eifach meh privat. Oder für dWhynachtsgschänkli statt Kärtli mit de Nämeli
@Pfingstrose: Ja da hesch Rächt mit de verschiedene Läbensforme. Mir hei scho Glück dass mir so inere "offene Zyt" läbe... Villecht chunnt ou eifach irgendwenn dr Zytpunkt, wo dr Chinderwunsch all die negative Argument überwiegt u bi mir ischs eifach no nid so wyt... Mal luege was d Zuekunft bringt.
@Lula: isch würkli härzig vo dim Gotti! Isch doch immer schöön wenn öper sich so für ds Hochzyt intressiert... Oh nei, das isch ja schlimm! Bi sore Schwangerschaft si eim när äuä ou aui Schmärze egal, houptsach ds Chind isch endlech da! Ä Arbeitskollegin wo dä Früehlig es Chind becho het, het sich fasch die ganzi Schwangerschaft düre täglech müessä übergäh und isch am Schluss weniger schwär gsi als vorher. Die het mi aube ou so duuret. V.a. wöu sie so lang het druf gwartet und scho fasch nümme dra gloubt het dases no klappet - u när sone asträngendi Schwangerschaft... Jetz geits aber beidne guet zum Glück.
@Wiehnachte: I ha ou no kei Ahnig was schänke. Aber i bruche zum Glück nid so viel Gschänkli. GG und ig schänke üs nüt, bi sire Familie düe mir wichtele det bruchi nur 1 und mini Familie isch sehr überschoubar (Brüetsch, sini Fründin, mini Elterä). Sött mi glich o scho mal chli drhinder mache...
Lula Aso zwüsche Apero ide Chlie und Apero am Abig wär Ziit zur freie Verfüegig (vilicht gönd die einte au no rasch hei, will die meischte wohned ide Gegend) und nach em zweite Apero gids den s'Nachtesse. Drum isch 15.30 Uhr (de zweiti Apero) vill zfrüeh. D'Chile hät Ziite 11.00, 13.30 und 15.30. Mier händ eifach gfunde wemer am 13.30 hüratet, hämer gad die am 11i no vor eus, das gheisst ebe 1 Stund Chile und 1 Stund Apero und den isch 1. Und bis all weg sind ischs eifach doof wemer den am 13.30 würded hüratet. Und drum hämer eus für am 11i entschiede. Und anschiinend händs au scho wiiteri Afrage übercho für das Datum. Wegem Übernachte.. Ich dänke will halt niemer vo de Gegend her chunt und all no heifahre müsstet (ca. 1 Stund) werded die meischte übernachte. Und es isch ebe ime Hotel. (Aso mier sind den ime Zält näbet em Hotel.) Findsch den du d'Planig nöd so guet? Würsch no irgend es "Programm" mache am Namitag?
Malinchen Ja die Fotostrecki findi wunderschön. E Hochziit direkt am Strand & Meer. Und s'ganze Feeling mit de Deko und de Blueme isch würkli uuuuu schön.
Schwangerschaft Mier hät mal öber gseit (sie hät zwei Chind) eigendli häts Natur guet gmacht, sobald d'Geburt dure isch und s'Chind ide Arme häsch, häsch die ganze Asträngige & Schmerze vo de Geburt vergesse..
Ojeeh, ii bii nöd so motiviert zum alles nolese. Bi ebe gad chlii ufem Sprung. Aber so es bitzeli was ii no weiss:
Pricana: USA-Tripp tönt doch traumhaft! Nach so viel Badeferie isch das ä richtigi Abwechslig Hawaii tönt aber au hammer! d'Föteli vo inägstellt hesch sind uuh schön! Sii zeiiget eu meega herzig! Aber wenn saiisch, seget nur 10 vo 150 chan ii guät verstoh, dass es nöd eui Fotografin am Hochziit wird! Es isch so wichtig, dass ihr eu wohl fühlet und sii merkt, wenn ä Position so chlii unbequem isch für eu! Bii denn scho gspannt uf eues nächste Shooting! Toll isch Beratig so guät im 123gold. Dert würdet mir ja au no welle go gugge, wenn mir in dä Umgebig nixx findet... Jo, Gschicht vo miiner Schwester isch nöd so schön Aber sii isch so guäts got drüber hinweg. Aber ganz vergesse wirsch halt niä… I ha es Foti vom Kleiid, aber halt im Moment no ohni pinke Gürtel. Will bii dä bin ii jo no am happere ob iich en wirkli will
Lula: So Gottis sind gold wert! Schön investiert sii ihri Ziit in eu! Als Lehrperson bruchi Schwimmbrevet zum mit dä Chind überhaupt an en Bach go spiile oder bimene Fluss go laufe. Derum muän ii das no ha Aber ii bii so ä Niiete im Schwimme, sött chlii üebe.
Malinchen: I cha dii so guät verstoh! Im Winter hend gad zweii Kolleginne hinderenand Babys becho (sii sind scho chlii älter wiä iich ) Und wiä's verzellt hend vo dä Geburt und Schwangerschaftsbeschwerde und d'Schmerze danach und Babys wo nöd schloofet. Es het meh gad en Moment abglöscht. Viellicht isch au chlii en Grund, werum ii nöd gad afangä will Dä Link wo inegstellt hesch, zeiigt suuper Fotis! Mii nimmts so wunder was ii dem Couvert ufem Sitz druf isch
Hochziitsmarathon: Bii uns sind "nur" vier wo bis jetzt hürotet (alli au so um dii 25 usser ich… ) Bii dä einte hets mii recht mögä, will's Hochziit no so vor unserem inequetsch wird Aber naja, söll sii unsers wird sowieso besser Ha gad gescht miiner TZ gsaiit, ii merk dass mir ins hürotfähige alter chömmet! Vier gönd jo no… Anschinend isch ihri Schwester praktisch jedes zweiit Wuchenend amene Hochziit. Denn bin ii eiifach froh, isch da vo uns nöd eins vo viilne…
TZ-Kleiider: I looh do mine TZ freii Hand. Sii zahlets jo au selber und söllet drum au eins nä, wo's sehr gern au spöter no alegget. Mehr dazu gleich
Lilian: Jo würkli herzig, dass er sich was schniidere lot! Da zeiigt, dass es ihm da wichtig isch und nöd eiifach irgend ä Azug us siim Kleiiderschrank nimmt!
Taeboyana: Hüt fangsch aah im noiie Job?? I wünschä diir viil Elan und liäbi Mensche wo diich herzlich willkomme heisset! Hoffe dir gfallts bii dä noiie Stell und wirsch genau richtig gforderet!
Me: Unseri Fotis sind nonig choooh I hoffe so fest fest fest, dass am Mäntig chömet. Sus tüänd mir mol nofroge… Isch gad pech, dass jetzt halt so es lang weekend isch
Geschter bin mit dä einte TZ in Joy's Abendmode, dä het so Usverkauf und isch scho für dä Maturaball unser Lade gsii Und wooow, diä Bediänig, ii chönt sii knutsche Sii het sich (obwohl mir jo eiifach inegschnaiit sind) dreii Stund für uns gnoh und uns meega beroote. Jetzt hend mir es erst TZ-Kleiid und miis Zivile Kleiid au no gfunde. Mir hend für 1250.- Kleider kauft und nur 680.- zahlt Am Zivile passet mir eiifach farblich perfekt zämä Fotis sind im Ahang Has gad miiner Sis wiiterempfohle, gönd morn au no für sii go gugge. Mir sind geschter eiifach beiidi nur no uf Wolke gschwebt Jetzt muä ii nur miiner zweiit TZ biichte, dass mir gescht so per zuäfall fündig worde siind het sii gern mitgnoh. Aber sii het geschter no Schuäl gäh und mir hend denkt, mir gönd eiifach go gügslä
Wünschä eu allnä es hammerschöns und erholsams Wuchend!
@lilian: gäll mega schön! wenns ir Schwiz es Meer würd gäh wär für mi klar gsi dass mir am Strand hürate. Jetz ischs halt de amnä See...
Mir hei d Trouig ou scho am 11i. Hättä ou zersch am 13.30 gha aber hei när gfunde, de hei mir nur mega weni Zyt fürs Apéro. Da mir när am Abä nur die engschtä Fründe/Verwandte wettä drbi ha, möchte mir bim Apéro gärn viel Zyt ha fürd Gäst... Mir hei jetz eifach vo 12.30 bis 17.00 es Zmittag-Apéro später ä Band wo spielt (we mir de ändlech eini würde suechä) und no es Glace-Wägeli oder ev. ou denn scho Torte zum zvieri.
Die Gäst wo villecht nid hei möchte, chöi die de i derä Zyt irgendwo si? Imnä Resti oder so? Das würdi villecht luege, dass sie när nid uf sich gstellt si und irgendwie nid wüsse was mit dr Zyt afah. Aber eigetlech findis kes Problem, wenn dir nid pouselos Programm heit!
@squishy: Wow, da sit dir ja mega erfolgriich gsi bim Shoppe gester!!! D Chleider gfalle mir sehr guet!!! Weles isch für di? z pinke?
Ja gäll bi so Geburts-Storys löschts mir äbä ou gad ab...
@Hochzytsmarathon: Mir si i üsem Kollegekreis die erste wo hürate und wärdes äuä ou no es zytli lang blibe. Die anderä si alli entweder single, gägä ds hürate oder i nid wahnsinnig vielversprächende Beziehige... Es isch halt chli schad wöu i dür das weniger Brütlis im Umfäld ha woni mi chönnt ustusche. Drfür hei die meiste nid so viel Verglichsmüglechkeite und nähmes sicher ou besser uf, dass üses HZ nid so traditionell ablouft...
Schwangerschaft.. Und so: aso wenn ich eu so ghörä rede Muss echt fast de chopf schüttlä. Es eignigs chind isch s gröscht wos git! Ich gseh halt nüm so us wie früener und ha recht pech mit em gwäb am buch aber das isch mer so egal weni mini chind aluege :))) Ha eimal mit pda gebore (lokalanästhesie) und s zweit mal ohni. Ha müesse nähe (sorry ladies) und so schlimm isch jetzt das nöd gsi. Und es isch wahr, me vergisst d schmerze sofort wils so berüerend isch! E gueti begleitig während de geburt isch au u wichtig mi GG isch de alleribescht gsi Und mini babys händ imfall nid so schlecht gschlafe Oder me tuts sich so irichte dass es mitem schlafmanko nid so schlimm wird... Ha beidi lang im bett gha und im ligge gstillt, so bini nur halbwach gsi Und mir händ trotzdem sex gha (eifach nid det ) Aso alles halb so wild. Ihr sind demfall eifach no nöd ready
Malinchen: Wow die Bilder… Isch eh eini vo mine lieblings Siite! Hät immer so schöni Sache wo mer dänkt, hm wird bi eus ächt au so schön. Ja es Meer wer scho super. Aber Wasser hämmer ja und es hürated ja au uu viel am Wasser. Ihr ja au… Und mir au… Es isch irgendwie hald mit sondere schöne stimmig verbunde.
Lilian: Hm, einersiits ischs ja guet chamer churz Pause mache nach de Trauuig und em Apero aber andersiits ich würdi jetzt nöd welle so schigg gmacht im Hotel sitze. Isch den doch chli blöd. Aber das isch mini Meinig. Schlussändlich ischs am beste wies für eu stimmt.
Littlefoot: Hihi au lustig wie du das schriebsch. Ich glaub au dass mer sich zu 100 % i das Chind verliebt wo irgendwenn mal chund und für alles bereit isch. Das isch ja au e mega überwältigendi Situation… Das dänki au hüfig. Aber ebe den au wieder was wämmer no vorher unbedingt mache. Aber freue dun ich mich uf jedefall uf die Ziit.
Anmelden
dafi frage was het dis Mami do für Kleider gfunde? Sueche drum eis für mis Mami und ha kei ahnig wo luege da si sicher es längs wetti...
Ä Arbeitskollegin wo dä Früehlig es Chind becho het, het sich fasch die ganzi Schwangerschaft düre täglech müessä übergäh und isch am Schluss weniger schwär gsi als vorher. Die het mi aube ou so duuret. V.a. wöu sie so lang het druf gwartet und scho fasch nümme dra gloubt het dases no klappet - u när sone asträngendi Schwangerschaft... 
Aber sii isch so guäts got drüber hinweg. Aber ganz vergesse wirsch halt niä… I ha es Foti vom Kleiid, aber halt im Moment no ohni pinke Gürtel. Will bii dä bin ii jo no am happere ob iich en wirkli will 
het sii gern mitgnoh. Aber sii het geschter no Schuäl gäh und mir hend denkt, mir gönd eiifach go gügslä 
