Squishy Ja d'Chleider gfallt mer au guet. Den händer würkli en erfolgriche Abig gha gester :) und de Priis isch ja scho no krass.. Fascht 50%. Ja chasch nöd gad die zweit TZ au no mitneh wennd nomol gasch?
Malinchen Ja ich wür am liebste au grad am Meer hürate. Mier sind au ame See. Sisch halt scho schön :) Bi eus isch es öbe glich, mier händ au nur würkli die Kollege und Familieaghörigi debi wo mer würkli au no Kontakt händ. Bim GG häts au no ein Unkel und ei Tante mit Cousine und Cousäs wo er eigendli kei Kontakt hät. Nur wenn's irgend en spezielle Geburtstag vo de Grosselte gid, den gsehmers. Mier sind zum Bispiel meischtens a Wiehnachte bi de Grosselte und den hät de Grossvater au no grad Geburtstag, abr die gseht mer würkli (fascht) nie dete.. Und drum lademers au nöd i zum go esse gah. De z'Mittag-Apero isch grad nach de Chile? Und de Ort am Abig isch au dete ide Nächi oder ame andere Ort? Wenn wänder den Föteli mache? Det wo mer den fiiret i dem Hotel häts e schöni Terasse und es Resti. Det chamer was chlises esse odr trinke bis es den nomol Apero giht.. Ich finds ebe chli doof wemer würkli nonstop Programm hät und "beschäftigt wierd". Drum findis fascht schöner, dass mer zwüsche dure no chli Ziit hät zum verschnuufe. Bin jeze aber au gad chli verunsicheret..
Pfingstrose Ja du häsch scho au recht, isch au blöd wemer den so schöön agleit ime Hotel isch und wartet... hmmmm :-/
Squishy: Schöni Chleider passed ächt guet zäme! :) Und de Priis isch ja fantastisch dass ihr gad no so viel händ chöne "spare".
Lilian: Isch hald en schwere Entscheid. Bzw. wenn du dir sicher bisch den nöd. Es wird ja au vo de einzelne Gäst anderst empfunde. Bi dene Hochziite woni gsi bin isch meistens d Hochziit so uf die 13.30 / 14.00 gsi und den häts e Fahrt geh wo ich eigentlich scho chli als Pause empfunde chan und den Apero und aschlüssend Abigässe. Ich find hald für die Gest wo bis am Schluss iglade sind isches en extrem lange Tag. Für eu ja au aber als Gast chunds eim ja anderst vor...
@Littlefoot: I ha da überhoupt niemer wöuä verurteile oder schlächt mache! Sorry wenn du di agriffe gfühlt hesch!? I bi halt äuä würklech no überhoupt nid bereit für dä Schritt und villecht wirds ou immer so blibe, villecht dänki imnä halbe Jahr scho total anders - wär weis!
@lilian: Ja ds Apéro hei mir gad ir Nächi vor Chille, zur Abelocation ischs aber när ca. 30min Autofahrt. I möcht äbä ou kes so vollgstopfts Programm, drum mache mir sones langs Apéro, dass GG und ig ou mal chli chöi härä hocke und öpis Ässe, mit de Lüt quatsche und nid wie am Loufband müessä Gratulatione entgägä näh... Fotos mache mir denn nid gross, ou keini Gruppeföteli. Mir möchte eifach meh so Schnappschüss im Stil vonerä Reportage. Üs gfall das eifach besser als die gstellte Bilder. Im Aschluss as HZ mache mir de mal no es Shooting nur z zwöit mit de Chleider, villecht so chli trash-the-dress. Mal luege...
Nei i finde jetz, wenn d Gäst när bim Hotel det scho chli chöi sii und äbä öpis trinke ischs doch ok! I ha nur gad dänkt, villecht wüsse die när wie nid rächt was afah mit derä Zyt, und de würd ig mir als Gast när villecht chli komisch vor cho... Aber so si ja d Gäst när informiert und chöi ou chli gmüetlech dr Nami lah usklinge bevors am Abe wieder witer geit! Fingi kei schlächti Idee!
Malinchen: nei ich ha mi überhaupt nöd agriffe gfühlt Ha ja scho chind, und weiss zum glück dass me sich nöd sett vo andere gschichte la beiflusse isch wie hürate, oder? Bim dureläse hani eifach chli s gfühl becho anderi sache würded fasch wichtiger si als das wunder voneee geburt... Ha sogar kollegine wome nie agseh wür dass sie es chind becho händ Finds guet wenn me zerst sini träum und wünsch lebt, bevor me sich entscheidet. Cha au guet verstah dass vill scho gschichte ghört händ, isch mer au so gange i junge jahre, woni mit müettere zämegschaffed ha, aber wos denn thema worde isch hani nüm gross a das denkt. Jedi schwangerschaft und geburt isch sini eigneti wunderbari gschicht Übrigens hani nachem erste au gseit, nie me usw. Ha denn eifach au so lang gwartet bis ich parat gsi bin vier jahr...
Sorry mini liebe, wirde uf die andere sache sicher au no iga, bechömed aber bsuech.
taeboyana: uii ganz vrgässe dir geschter alles gueti für e erste arbetsdag z wünsche! hoff isch alles guet gange und s gfallt dr a dim neue job!
pricana: s erste föteli findi au mega härzig, aber s zweite seht wirkli chli gstellt/unnatürlich us, vo däm här vrstandi was du beschriebsch und dases für euch nid gstumme het. i hoff ihr dr neu fotograf übrzügt euch und ihr könnet dä punkt den einfürallemal abhökle uf dr liste! was 10'000 für es steinli? happig! hauptsach ihr händ jetzt freud ah EURE ring oh toll west-usa! simer vor 2 joor au gsi i ka euch nur empfähle in de nationalparks scho vor bueche.. will je nach däm bisch de imene park und s isch alles usbuecht, de muesch no 1-2 stunde use fahre bis zum nägste hotel.
lilian: jo mir gfalle die kleider dört aso au mega guet! ha gescht no mitere kollegin die site agluegt, si het au grad gmeind schad gits so züg do nid chli meh! tagesprogramm: ich sehs jetzt au eher wie d pfingsrose, würd jetzt nid unbedingt chic azoge im hotel welle umesitze, abr wenn ihr das jo vo afang kommunizieret mit em zyt plan, ka sich jede sälbr übrlege was meh i däre zyt mache wot. am see sötts jo eim au nid grad langwilig wärde!
lula, malinchen - pinkigs glitzerkleid: ich bi au für e vrbot! aso mini tz het das kleid noni, si hät sich das gar für unser hochzyt zuedo.. ha aber ebe interveniert ;-)
sue: gärngscheh mitem tipp! das beschriftigsset hani au mega lang agluegt und dänkt das könnt meh vilicht für ässbari platzkärtli z mache bruche! hesch si scho usprobiert?
squishy: schad sin d föteli noni ko, würd worschinli au mol nochefroge.. 3 wuche sins jo jetzt gsi odr? hoff fescht mit dir das si am mändig im briefkaste liege! uhhh eure shopping dag tönt hammer! und d kleider gfalle mir aso sehr guet! isch dins s pinkige fürs zivile? wenn jo, würd jo dr pinkig gürtel für am kirchli passe.. wär den dr „pinki“ fade durchs ganze hochzyt dini tz het au ganz e schöns kleid! würd am liebste morn is auto stiege und au grad dört mit mine TZ und muettr go shoppe!
malinchen: wie sehts eigetli mit eurem crepes-wäggeli us?
schwangerschaft: i glaub für schwangerschafte und alles wo drzue ghört gits kei norm. aber i bi dr meinig das meh sich drvor scho guet im klare sött si was do uf ein zue kunnt (vor allem au drnoch) und wenn meh sich mit däm nid afründe ka, findi das absolut guet wenn meh sich seit das meh für das nid parat isch! i sälber lieb kinder meeega! und hät au am liebste scho eis, aber was d schwangerschaft agoht hani au no chli schiss, wil meh eifach nid weiss was uf ein zuekunnt. do könne scho-müettere eim no viil vrzelle, s isch im endeffekt bi jedem chli andersch. aber wenns de mol sowiit isch, bini sicher wird s „wunder vo de geburt“ eifach sooo toll si, das alles andere nur no zweitrangig isch!
me: unseri STD-karte sin doch scho hüt ko! biggrin: (frog mi zwar scho wiso si de as lieferdatum geschter no de 5.11. agäh hän ) bi grad dra ghockt und die für die gladene gäst sin scho uf d post brocht! nimmt mi wunder wie d reaktione sin, s het jo paar drunter wo nid wüsse das mir hürote :tongue: bi sooo gspannt! ka au gar nüm ufhöre si azluege ha so e freud!
Sue: ou das set muni au hole Sicher lässig so guetzli. De musch mal zu mir heicho, weg de motivation zur verhüetig haha...
Squishy: ohje all zwei wuche, das würdi nid durestah, bi aller liebi Bi ois händ das jahr eis, letscht jahr eis... Und eis vor 5 jahr, aso haltets sich au in grenze obwohl bald all über 30i sind. Echt jetzt, händ die denn das gwüsst wenn ihr hürated, sie wos inedruckt händ?
Pricana: so schön weg de ring! Ja aso 10000.- choschtet ja mis ganze hochzit Du bisch denn en herzigi. S obere foti findi au besser. Mega cool weg de usa reis! Mir händ das au mal im sinn. Hend eusem sohn versproche go whale watche und mi GG isch vor 12 jahr d santa barbara gsi für 3 mönet
Lilian: wo genau hüratisch du? vierwaldstättersee? Ich finds guet wenn e pause isch, wür aber scho au luege daas irgend öpis plansch für die wo nid unbedingt im zimmer wänd si.. Je nach dem a welem ort das hotel isch... Chämted sicher idee
Chleider: mich händ vill gfragt was alegge. Bi de tz hani eifsch d farbe gseit, egsl ob churz oder lang. Bi de andere wettemer scho chli cocktail dresdcode
Pfingstrose: ah demfall au en iberer? mi schatz isch spanier. De name vo dim GG hanu glaub irgendwo ufgschnapped.. Meinti sig eine vo eusere babyname lischte
Taeboyana: das mit dem chleid und em usschnitt, so lustig. Aso hoffe chönds ihre usrede Wie isch de erscht tag gsi?
Malinchen: findi cool dini asicht zun fotografiere! Ich muss au nid unbedingt so gstellti mit allne i allne konstellatione ha. Bi momentan grad am umestudiere wegem fotograf wo nid zu tür isch (euse plante cha wohl nid cho vo new york us), wil ich glich fotis vo dem tag wil ha, aber die zit zum die "gstellte" fotis z mache wetti ebe au nöd ufwände...
Pinkigs glitzerchleid: gits das überhaupt über d grössi 164 use us?
Nala: in etwa das woni gseit ha über schwangerschafte Jedi hät sini eigete erlebnis und me sött sich nid z fest sache alose, au nöd vo de perfekte scho müettere wo alles immer perfekt lauft übrigens Wow coool. Gits foti vo de chärtli?
E schöne abig no, für all wo erst hüt weekend händ, gniesseds!
Guete Obig, naja mittlerwile bau ender guete Namitag
@malinchen: Jep, es isch super! Jep, vorauem het si de bim zwöite Angst gha, dass es sech gad umi so breicht. Aber es git ou Schwangeri wo paar Tag vorher no Verastaltige göh, oder gar am errechnete Geburtstermin no es Konzert dirigiere... Lähne mir üs doch a die Ou scheisse, das tönt aber ou nit gad gsund! Aber guet geits ne umi guet u si si zwäg. Mir schänke eifach sim Mami, mine Groseltere u üs öbis. Di andere brchöme eifach es Kärtli
@lil: Isch aber no komisch, mit de Zyte vo öichere Kirche, mir hei dKirche vom 10.00-16.00 für üs reserviert, dass mir eifach Zyt hei, Trouuig isch am 13.30. Bi üs blibt ca dHälfti vo de Lüüt, u das trotz zum Teil Wäge vore guete Stund! Wetti dr aso nit znach träte, aber iwie chasch ja aus Gascht ou nit viu mache i dere Zyt. Wüu Dir heit ja ne Stund Wäg, wo aui scho chli Zyt hei für sich. Dr Apero nach dr Kirche chöit dr nit länger mache? Wie wäris mit are Stadtrundfahrt, e Schifffahrt (sorry, ha dr Überblick nit, wär wo, etc), e Schlossfüehrig, etc. Wüu isch ja süsch für dGäscht ou chli komisch, aso dünkt jtzt ämu mi, wüu für si isch es ja ou ä länge Tag, u würkli ga liege chasch ja de ou nit mit Frisur, etc Isch ä mega schöni Ussag vo Dire Bekannte!!
@squishy: Ah ok, isch aber no heavy di bestimmig, ämu sofern Du nit geisch ga schwümme mitneh, oder so. Schöni Kleider! U super Priis wo Dir da gmacht heit!
@Hochzytsmarathon: Di letscht Hochzyt isch scho paar Jahr här, dörfti aber 14/15 sicher no so zwöi gäh... aso gar nit so strub...
@littlefoot: Das gloubi Dir sofort! U i fröiie mi riesig, wenns bi üs irgendwenn so ne chline Schatz git Bindegwöb hani scho jtzt es schlächts u üsi Katz hets Timming üs zwecke, wenn mir no so ne haub Stund chönnti schlafe... U sabbere, knuddle u im Wäg si tuet ou er... U für aus andere hei mir de no üser Nachbare... Ha wöue gah, aber GG isch nit züberzüge gsi, i gah äuä de uf Bern, entweder ällei oder mit mire TZ, GG chunnt sicher nit mit, verständlicher wiis, guet 1 Monet später hürote mir...
@nala: Tönt wunderschön Din Text zu Kinder u Geburt! U es isch sicher so, es erläbts jedes anders, aber zwichtigste isch ja öbe, dass me sech druf fröit u dKind liebt! Hesch scho Reaktione brcho?
@me: GG het ja hüet eigentli i dStadt wöue ga gugge für ne Azug, isch aber de leider nüt worde, isch iwie gad chli aus schiefglüfe, u woner de het wöue gah, het er gmeint, er hätti gärn sis Mami drbi, wenn scho dr Vater nüme müglech isch, jtzt geit er äuä de nächst Samschtig, hoffes ämu
Malinchen: Da tönt suuuper mit euem Zmittag-Apéro! Wiä lang hend ihr für das grechnet? Mir sind fest am überlegge mitem Apéro. Sind jetzt scho an es paar Hochziite gsii, wo dä Apéro eiifach z'lang gsii isch (aber dert sinds "normali" gsii und ned es Zmittags-Apéro). So schön wönd iihr au no ä Band! Isch denkt zum scho dert tanze? Fänd iich natürli dä Oberhammer! Exgüsez, uf dä Foti gseht meh jo nöd wer iich bin, es isch nöd agschriibe Jop, ii ha s'pinkige. I ha es paar Wisi anägha, aber diä händ mir nöd so gstande. I ha usgseh wiä ä Chääs. Derum han ii mii denn für äs farbigs entschiide Mersii für's Kompliment!! I find da so schöön, wenn s'Hochziit nöd vo anderne Hochziite "umzinglet" isch… Denn isch so was speziells und alli freuet sich druf und denket nöd "hach, denn gönd mir halt au no an das Hochziit…"
Littlefoot: Stimmt du hesch ja scho Erfahrig mit Gebäre und chasch uns us erster Hand briichte Das sägät so viil, dass siich diä Schwirigkeite vo dä Schwangerschaft und deno total lohnt wenn meh Kind ii siinä Arme het. I chas mir au guät vorstelle, nu nöd gad im Moment. Du hesch also vollkomme recht, ii bii nonig bereit dezue. Wer weiss, in es paar Jöhrli wird ii wohrschinli ganz andersch drüber denke! Danke au diir für diis liäbä Kompliment! Diä wo kurz vor uns hürotet, hend unser Datum genau gwisst. Und sii hends so gleiit dass meh nöd würkli reklamiere chan (3 Wuche vorher, s'Johr het 52 Mönet und sii muäss es denn machä...). Aber ii ha fest d'Vermuätig dass sii eiifach no vor mir het welle hürote (will's jetzt scho wiider ä Bruut giit wo jünger isch als sii) und aber vorher ihre Brüäder hürotet und dem cha sii jo mit ihrem Datum nöd uf d'Füäss stoh. I darf ned z'fest nodenke, sus platzt miin Krage und wer weiss, viellicht isch sii ä stilli Mitleserin?
Lilian: I denke, dass Pause für eu als Paar meega schön wird und au d'Gäscht händ so d'Möglichkeit siich iizrichte. Cha mir au vorstelle, dass Pärli mitemene Chind denn Ziit hend, das Chind am Babysitter z'bringe. Viellicht chöntet ihr so ä Vorschlagsliste machä, was ii därä Ziit cha gmacht werde? See, Restaurant, etc. Damit diä Lüüt wo nüd organisatorisch machä müänd, öpis z'tuä hend? Viellicht hend au no TZ oder TM Luscht zum mit ihne was machä? Viellicht eh Überraschig für eu als Paar? Danke au diir für das liäbä Kompliment
Pfingstroose: Mersii für Kompliment
Nala: Wooow, so schön sind eui StD-Karte scho chooh! Hets es Foti? Bin ja scho gspannt uf eui Reaktione, vor allem vo dene wo no nixx devo wisset Morn sinds dreii Wuche. Aber will morn Sunntig isch, hend mir denkt mir fraget denn erst am Mäntig no und nöd bevor dii dreii Wuche ablaufet Jooo, stiiget ins Auto und chömet! Diä Frau und dä Lade und d'Kleiider es isch dä hammer! Leiider nöd für alli eh so nöch, aber es lohnt sich eiifach so Danke fürs Kompliment! Ja miin isch s'pinkige! I ha z'erst wisi anägha, aber da isch es denn eiifach gsii!
Lula: So schön wott dii GG siis Mami mitnäh! Da het au siicher sii froiid, wenn sii darf bii somene wichtige Ikauf debii sii! Danke für diis liäbä Kompliment!
Me: I ha mir jo Sorge gmacht weg miiner zweiiter TZ und ihrem zivile Kleiid. Geschter bin ii denn bii ihre gsii und sii het mir zeiigt welles Kleiid sii für sich zum zivile denkt het. Und als obs abgsproche gsii wär, es passt perfekt: Es isch Anthrazit mitemene pinkige Schal. I ha gad ä Froiidegump gmacht, wills eiifach so zu unserem Ikauf passt! So happy bini! Alli Sorge total um sus!! Denn bini hüt no mit miiner Sis ii dä Lade gangä. Au sii het es Kleiid gfunde. Wooow, es isch sooo schöön Es isch zwar gad chlii ä unhochziitsmässigi Farb, aber mit dä passende Accesoire wirds hammer usgseh! I bii so Fan!! Mini Sis het gmeiint, sii findet eh nüd und sii het scho fast ufgäh gha und denn het dä Blitzigschlage bii dem Kleiid! Also wenn ihr nixx findet, dört findet jedi öpis. Muä nur no miis Mami devo überzüüge, das sii dert söll go luägä! Sii glaubt immer nonig aah dä Zauber vo dem Lade Mini erst TZ isch au mit ihrer Schwester gsii, au diä het es hammer Kleiid gfunde! Und d'Verkäuferin isch sooo eh liäbi. Chönt sii immerno knutsche I chönt eu stundelang vo ihre vorschwärme Sii het siich meega mit mir gfroiit, wo ii vom Kleiid vo miiner zweiit TZ verzellt ha, sii hets chum chönä glaube! Und miim GG het sii gad es Gschäft für dä Azug empfohle. I chas chum erwarte ihn derthii z'schicke! Ii ha mol im Dütschälade nagfragt weg dä schönä pinkige Schuäh. Das sind normali wisi Bruutschueh wo Rainbow Club wo's denn selber iifärbet und verziehret. Aber sii verkaufets nu mit dä Kleiider. Also muän ii diä jetzt wiider vergesse Danke janedoe für diis Agebot! Wenn's klappt het, wärs dä hammer gsii!
I hoffe dir gniesset eues Wuchenänd. I ha gester e guete 1. Arbeitstag gha und dr Chopf vou mit neuem Züg, woni zum Teil no Bahnhof verstah... aber es tönt sehr spannend und i hoffe, i läbe mi de schnäu i.
@Nachwuchs: I ha o chli müesse schmunzle ab eune Kommentär Meines überhoupt nid bös und ig ha ja o no keni Ching, aber i gloube würklech o, dass weme de mau eigeti Ching het, so Sache wie d Figur oder Ougeringe zwöitrangig si, süsch ischme gloub würklech no nid bereit... i lege ou sehr viu Wärt uf Sport und tue Einiges für mini Figur, aber das wär itz würklech no nie e Grund für mi gsi, keni eigete wöue zha. Kenne ou gnue Bispiu, wo nach 2 Ching immer no e super Figur hei. Isch sicher o Veralagig und e Frag, wie viu me drfür tuet (und vielech o scho vorhär het ta). Und a Konzärt chame im Fau problemlos weme schwanger isch (unds eim guet geit), im Buuch inne isch ja no aus schön dämpft vor Lutsterki I gloub es isch eifach wichtig, dassme o Zit für sich elei und zzwöit het gha, bevor me mitem Projekt Ching startet. Wär sicher nid optimau, we es Ching ungerwägs isch und me zGfüu het, me wetti no dieses und jenes und heigi öpis verpasst... Horrorstories chame zu jedem Thema ghöre, weme wott. I dänke immer, es heis ja o scho mängi vor mir ou überläbt . Dänke die Asicht änderet sech haut evtl. o chli mitem Auter und verstah absolut, wes bi euch no gad nid drann isch. Mi hätt me mit 21 oder 23 o nid müesse frage
@squishy: hey super, dir sit ja richtig erfougrich gsi mit eune Chleider, gratuliere! me merkt richtig, wie Freud du hesch, so schön.
@Sue: genau die Cookie Buechstabe-Stämpu hani mir ou kouft Hesch se scho usprobiert? Bi ir Letschti gad mega im Bachfieber, letscht Wuche zum Abschied im ehemalige Büro, gester füre Bsuech u hüt nomau fürne Brunchiladig morn. Mues de o mau Föteli poste vo mine Cupcakes.
@Hochzitsmarathon: Hautet sech bi üs o sehr i Gränze. Das Jahr simer nur zumne Apéro iglade gsi u nächsts Jahr simer no bire ehemalige Schukollegin az ganze Fescht iglade. Süsch wüsse mer no vo nüt
@Lula: haha das kenni, üses Büssi findet o immer am Wuchenänd so um die 7i, mir chönnte doch itz ändlech ufstah. U wemer das nid mache, rumt sie d Kommode ab oder bringt irgend es schöns Präsentli vo dusse (z:b: e toti Amsle) ine. Isch auso die perfekti Vorbereitig für Ching
@Lil.lian: Wäge dere Pouse findi ou no schwierig. Ha itz gad nümm gnau im Chopf wie lang ases wär, aber i dänke zlang si d Gescht scho nid gärn elei. Bi mim Brüetsch am Hochzit isches so gsi, dass me bir Akunft ir Abelocation ca. 30 min - 1 Std. het gha ohni Programm, eifach Zit zum acho, e Wiukommensdrink näh und chli uf de Liegstüu plegere.... das hei d Lüt sehr gschetzt, aber äbe es isch de o nid lenger gsi. Gits de bi euchere Location bestimmti Sache, wo d Gescht sech säuber chönnte beschäftige und me ihne chönnti vorschlah? Bi üsem Hotel hets z.B. no es Minigolf
@Nala: ou i wär ou sehr neugierig es Biudli vo eune STDs zgseh... I gloub mir müesse üs nächstens a d Iladige mache. Wett eigentlech no vor Ändi Jahr mau drhinger. Aber mues zersch mau luege, ob mi usbuechete Brüetsch Zit het... Ha zGfüu i mues mi wieder chli ufraffe, ir Letschti isch so viu Angers gloffe bi mir (gsundheitlech und mitem Jobwächsu), dassi mi ni so fliessig um ds Hochzit ha kümmeret. Bi ächt froh, simer relativ früeh dranne!
Liebi Brütlis Im Moment bini chli überforderet bim mitschriebe…weni am Obig denn dezue chum sinds grad 54 Nachrichte und weni mal nöd dezue chum sinds denn grad 100. Bi mir lauft brueflich grad viel, aber hochzitstechnisch nöd so… Vlt mueni glich mal en Früehjahresthread starte wie du schomol d’Idee gha hesch Lula, es tuet mer halt scho weh die „z’verloh“ vo ebe nöd im Früehjahr hüroted…und de andere Site ischs mir scho fascht zum Stress worde immer soviel nohz’lese…
Hürote zwüsche 20 und 25: Isch doch super sind ihr eu scho sicher und händ ihr scho soo e starchi Liebi gfunde. Es het früehner, wie au hüt immerwieder Paar geh wo sogar di erschti Liebi für immer ghebet het. Es isch aber au so, dass ich der Meinig bin, dass mer sich zwüsche 20 und 25 nomol sehr veränderet und dases denn eifach für alli Päärli sehr wünschenswert isch, dass mer sich hoffentlich idi glich Richtig veränderet. Bi mir im Kollegekreis isches so, dass 2 Päärli früeh ghürote hend und bereits scho wieder gschiede sind… beidi lang zämä und und und….aber das cha eim denki genauso mit 30 oder 40 passiere! Garantie het mer nie!
Bräutetreffe: Ich han de doodle usgfüllt. Het mer do scho was ghört? (wetti nämli nöd verpasse)
Squishy: Mega kuuul die superschöne Kleider und denn auno grad Usverkauf! Glücksgriff! Ich goh mit minere TZ um de Dezember ume z’Dornbirn in Peek & Cloppenburg mal go güxle und susch wär Joy’s Abendmode jo no e gueti Alternative… Ifärbe vode Schueh: dä Brutschuehlade in Bern het en Ifärbeservice!! www.derbrautschuhladen.ch
Kinder: I finds sehr guet wies dLittle Foot gseit het…wemme all die Schmerze, Ischränkige und Prioritäteverschiebige (nenn ich’s etz mol) nöd wett, loht mer’s für de Moment gschieder bliebe. Ich glaub fescht, dass di bedingigslosi Liebi vonere Muetter ebe genau au das beinhaltet, dass mer alles für sChind würd uf sich neh. Und es isch au absolut legitim kei Chinde z’ha!
Pricana: wo hett ich die Föteli chönne gseh?
Me: i bi immerno fliessig am höggle und Apérogetränk (Sanbitter, etc.) trinke für mini Deko. Die chline Fläschli gsehnd echt härzig us uf de selberghögglete Set.
Anmelden
isch wie hürate, oder? 
i hoff ihr dr neu fotograf übrzügt euch und ihr könnet dä punkt den einfürallemal abhökle uf dr liste!
ha aber ebe interveniert ;-)
)
nimmt mi wunder wie d reaktione sin, s het jo paar drunter wo nid wüsse das mir hürote :tongue: bi sooo gspannt! ka au gar nüm ufhöre si azluege 
Danke janedoe für diis Agebot! Wenn's klappt het, wärs dä hammer gsii!