| Bräute 2014 |
|
|
1 .. 236 .. 469 470 471 472 473 .. 735 .. 997
|
03.11.13 15:11
malinchen 
|
Re: Bräute 2014
@Chind: Villecht hei mir eifach ou chli schlächti Vorbilder i üsem Fründeskreis und mir gseh das us däm Grund chli z äng u hei z Gfüeu mir chönnä när nix meh mache wo üs im Moment halt wichtig isch. Alli wo mir kennä wo scho Ching hei (si ou nur 3 Paar) die si sithär nur no dehei, es dräit sich alles umd Ching und meh cha gar nüt anders meh mit ihne redä etc. Aber äbä, i dänkä entweder isch me bereit drfür und de nimmt me ou einiges i Chouf und süsch halt nid... 
@nala: ou i bi ou gspannt uf öii Iladige!!! 
@squishy: Hihi, i ha dänkt ds pinke isch sicher diis! Gseht würkli super us! Aber WOW, das Chleid vo dinerä Schwo isch ja ou würklech dr Hammer! Gfallt mir ou sehrt guet, dä Shop mues ja würklech super si! Schaad ischs nid gad ir Nöchi... 
Mir hei für ds Zmittag-Apéro vo 13.00 bis 17.00 grächnet, also 4h. Mir rächnä so bis am halbi 3 für z Ässe / Gratulatione entgägä näh etc., när spielt d Band ca. ei Stund, isch so dänkt wienes richtigs Konzert, womä ou cha tanze und abgah drzue... Also nid so Hintergrundmusig.  När so am 4i hätte mir äbä no ds Glacewägeli so als Dessert. Wäge de Crépes wüsse mir äbä no nid so richtig. Wöu mir müessä entscheide entweder Crepes oder Glacewägeli, süsch si so 2 Wägeli, das isch chli komisch!  Aber i weis nid was ig wott!!! GG het nur so gmeint: i fänd beides cool, chasch du sägä. Männer... 
@tierischi Mitbewohner: haha, mir hei ou sones Monster dehei... Er het die nätti agwohntheit mi immer z strublä wenn ig ihn versueche ds ignoriere oder eifach no am schlafe bi. d Fiicher isst er zum Glück immer ungerem Ässtisch u bringt se nid bis is Schlafzimmer.
@Dänu: hihi, i gseh di gad am Hääglä und drzue eis Sanbitter nachem anderä trinke... I mah ab und zue ou fasch nümme nache mit läsä! Aber i würd öich äbä ou aui mega vermisse wo nid im Juni-Thread si... 
@me: I ha chline stränge start is Weekend gha und mal wieder gmerkt dasi nümme 18i bi... Si am Donstig amnä Konzert ds Züri gsi, mitem letschtä Zug uf Bern cho, no chli id Stadt u när langsam mal hei. Am Fritig bini am 7ni im Büro ghöcklet (schaffe chamä däm nid säge, haha). Direkt nachem Schaffe hani no e Volley-Match gha u drnah si mir no eis ga zieh... i bi eifach tot ids Bett gheit woni bi hei cho. Schrecklech... Gester si mir när bi mim Gotti gsi wo ja Gärtnerin isch. Sie wird üs de hälfe die Töpfli bepflanze!  Jetz müessä mir üs eifach no überlegä, was mir de für Blüemli dinne wettä... 
Häbet no alli ä schönä Sunntig!
|
|
|
|
|
|
|
|
04.11.13 09:04
littlefoot
|
Re: Bräute 2014
Guete morge!
Hoffe ihr händ es schöns wuchenend gha.
Bi ois all meh oder weniger am chränkle :(
Lula: haha so lustig dini chatz
Warum d nachbere? Sinds luut? 
Ou schad wegem shopping trip. aber Di GG findet schono en Azug
Squishy: jö mega happy tönsch  schön hets so guet klapped mitem chleid! Chame de eigetli zwei TZ ha?
I welem dütsche lade? D rainbow schueh chöntsch glaub au sälber ifärbe hani gmeint...
findi guet dass es so gsesch weg em andere hochzit
Aber chas scho versta. Mir müsst au keini vo de engere fründe eis inedrucke. Schliesslich wüsseds es scho lang und es git ja denn no anderi datene. Und wenn sie mitlese tät...? De würd sies wenigstens wüsse
Chöntsch du mir de lade au no agä?
Taeboyana: so guet, ha au immer denkt wänn es milliarde vo fraue, de no i andere zite, gschafft händ wirds wohl nid so schlimm si und es git ja immer no d möglichkeit vom kaiserschnitt für die wo weg de folgeschäde angst händ.
Ou häts ächt das cookie set no ?
Unbedingt zeige d cupcakes
Daenu: neiii verlah ois nöd :) musch ja nid immer uf alles so gnau iga
Garantie häsch würkli nie. Veränderige gits ja eventuell au danach, wenn chind chömed, neui arbetstell, neui bekannti oder was au immer cha passiere. De wachst me entweder zäme oder usenand
Mir händ glaub eifach s glück dass me zäme gwachse sind. Ich meine vo 18-31 (huuu am samstig isch es sowit) veränderisch di ja extrem. Aber de mensch isch eohl immer glich schön blube für ois
Malinchen: ja das cha scho nervig si, wenns nur no um d chind gaht. Ich glaub mir händ de spagat no guet chöne mache... Hoffi
Eues Apero tönt cool! Ha i dim ego thread fotis gseh vo eu... Und vo dine schueh
Ich wett au gern am apero scho chli dance.
Ja crepes und glacé isch de villicht scho chli vill, aber wenn di nid chasch entscheide, was sölls de nimmsch halt beid
Ou cool weg dim gotti, sone hilf isch goldwert!
Haha ich merks au je längs wie me, dasi nüm 20i bi
Händ fritig und samstig gäscht gha, und halt zweimal spat is bett und chli trunke. Het sich aber in grenze bhaltet, ich wett nie e kater am andere tag mit de chind. Das isch nämli horror
Lilian: flora alpina wo isch de das?
Nei bi nid gsi. Mir händ ja nid so riese bugdets für turte, dj und fotograf. De bringts es nid dethi z ga, obwohl ich gern würd. Aber nacher fuxts mi weni die tolle dienstleister wegem pris glich nid cha bueche.
Me: hänges grad im weleda erchältigsbad. Mi GG isch hüt extra dehei blube wil mer all nid fit sind.
Gester hät mir e liebi kollegin grad no dcandybar gläser abgholt und bracht. Ha u freud :)
|
|
|
|
04.11.13 10:11
nala05
|
Re: Bräute 2014
guete morge liebi brüütlis!
@STD karte: ich mach euch e pn mit de std-karte.. wot se ebe liebr nid is forum stelle
@lula: vrstandi wenn di gg mit simmami wot dr azug go uswähle, findi au mega härzig!  hoff är findet de au grad öbis passends!
nei mir hän leider no kei reaktione übrcho, aber si kömme dänk au erst bi de meiste die wuche ah
@squishy: hm leider het jo mini einti tz das ganze joor kei zyt meh.. aso könne mir leider nid eifach is auto stige  vilicht wen mir susch gar nüd finde
das isch jo super mit dinere 2. TZ! schön bisch so happy!
aso mir gfallt dinere schwöstr ihr kleid au guet! isch zwar scho chli dunkel, aber s isch trotzdäm mega! s isch jo nid schwarz aso i find es super!
@taeboyana: wenn händr den welle d iladige vrschicke? hämndir dennur iladige oder au std-karte? ha euer datum grad nüm im kopf aber glaub au im august odr? de hättet ihr jo no gnueg zyt..
@daenu: ich ha letscht wuche grad wo ich unser glas go entsorge bi dänkt ka, die weiss nid wieviile sanbitterfläschli könnt meh wirkli no guet für d deko bruche, und ha se grad widr mit hei gno weiss zwar noni ob i se de wirkli bruch.. susch kasch si gärn bi mir ko hole
@malinchen: oh so schön das dis gotti euch jetzt hilft! i ha mi vatr au könne übrzüge unsere gärtner z spiele, mues jetzt au übrlege was für bliemli mir din wän.. do mir uns aber unser fabrkonzept noni so einig sin, wird das dänki nid grad gli greglet bi uns
händ ihr de scho e vorstellig wäg de bliemli?
@lilian: toll sindr ade hochzytsmäss gsi! wär au so gärn gange, isch aber nid din gläge das wucheänd i gang nocher mol uf die homepage vom kartemacher go spienzle
nei mir hän leider no nüd ghört, aber i dänk si kömme au erst die wuche ah, und de wärde scho e paar reaktione folge
@me: das wucheänd isch eigetli nüm soviil hochzytstechnisch gloffe, ha no die letschte adrässene bsorgt so dass i morn no die letschte std-kartene uf d post due ka.
susch sötte mir as nägsts mol ebe chli wägeme fabrkonzept luege, so dass mir den könne wäg deko und so züg luege.
aber ab jetzt mues d hz-planig widr chli zruggstoh, im studium stoht jetzt die strängeri zyt ah, sött widr chli meh mache
|
|
|
|
04.11.13 11:21
Corinna
|
Re: Bräute 2014
Huhu, ich stelle mich mal kurz als Braut für 2014 vor. Mein langjähriger Lebenspartner (32) und ich (30) haben uns in diesem Jahr frisch verlobt und bemühen uns momentan darum, einen Termin für die Hochzeit in Zürich zu finden. Mein baldiger Angetrauter ist der Schweizer :), ich komme aus Deutschland. Vor rund 5 Monaten sind wir Eltern geworden und um unsere kleine Familie mehr zusammenzuschweißen haben wir uns für die Heirat entschieden. Ich bin sehr glücklich darüber und hoffe, dass die Hochzeit ein schönes Fest wird. Noch ist alles ein wenig chaotisch, aber ich bleibe optimistisch.
Beste Grüße sende ich an euch,
Corinna
|
|
|
|
|
|
|
|
|
|
04.11.13 13:52
malinchen
|
Re: Bräute 2014
hallo zämä!
I bi dr ganz morge fliissig i dr Bibliothek am lerne gsi. Ha nur chli mitgläsä, mues mi chli ar Nase näh dasi weni "lerne" nid die ganz zyt im Forum umegurke... Jetz bini im Büro am schaffe, de ischs öpis anders.
@lillian: Ja machet doch so chli paar Vorschläg was d Lüt denn chöi unternäh i derä Zyt, de ischs sicher nid sones Problem. Oder wie scho vorgschlage worde isch, hätte ja villecht öii TZ e Idee wie sie d Gäst i derä Zyt chönntä beschäftige... Ja gäll die Hochzytsmäss isch scho es cools Erläbnis! Mir si dä Früehlig scho gsi und obwohl mir nid wahnsinnig drvo profitiert hei was d Abieter ageit hanis super gfunde...
@littlefoot: oh je, gueti Besserig! Iiiiih ja das gloubi, Kater ha und när ufd Chind luege mues ä absolute Alptroum si...
Jaa, d Optione wärä äbe entweder Crèpes + Torte scho zum zvieri (wär äbä ev. ou no cool, de hättä d Apérogäst ou no das Highlight), oder es riichhaltigs Apéro (so mit Antipasti, Suppe, Salät und Brot) + Clace-Wägeli... Wär beides so cool! Villecht müessä mir eifach scho afah d Erneuerig vom Eheverspräche plane, so i 2 Jahr z.B.
@nala: Merci viiiel mal fürd PN! WOW, sooo schöni Föteli und dir sit es mega hübsches Paar!!! Gseht mega guet us!
Mir würde Ranunkle oder Anemone mega guet gfalle, oder halt so chli öpis gmischts... Aber woni GG ds Bild ha zeigt, hets ihm mega gfalle mit däm Schleierchrut. Das hani eigetlech bishär nid i Betracht zoge, wöus halt so chli 08-15 isch. Aber bi när chli ga Deko-Bilder aluege im Netz u has när ou gar nümme so übel gfunde... Isch usserdäm gloub no priiswärt.
Vor churzem hani aber no das gseh: http://www.stylemepretty.com/living/2013...al-arrangement/
@corinna: härzlech willkomme bi üs!!! Ja verzell doch no chli vo öich! Was stellet dir öich de so vor? Standesamt oder ou Chille?
@sue: bitte… mir hets äbä ou gad mega gfalle mit denä Blüete hinge ade Stüehl. Und isch doch gliich wenn gad nid so viel Zyt fürs HZ hesch, bi üs isch ir letschti ou nid viel gloffe. Si ja zum Glück früeh dranne.
|
|
|
|
04.11.13 14:04
squishy-fishynicht registriert
|
Re: Bräute 2014
Grüäzi mitenand
Pfingstrose: So liäb das extra nomol nafragsch ii weiss es nonig… Sii werdet wohl zu miim GG glieferet und dä gsehts erst am 4ii I hoffes so sehr! I giib eu denn aber natürli sofort Bscheiid!
Sue: Miis isch s'pinkige Es isch genau mini Farb, ii liäbs
Da giits, dass meh so Hochziitspause brucht! Das isch doch au herrlich, dass mir uns das leiste chönt und nöd innerhalb vo 5 Mönet nu no Hochziitsvorbereitige müänd machä!
Corinna: Gratuliere zu euer Verlobung und zu eurem kleinen Goldschatz! Herzlich Willkommen bei uns im Forum! Möchtest du mehr von dir und deinem GG (Göttergatten) erzählen? Wie habt ihr euch kennengelernt? Was für Vorstellungen habt ihr von eurem Hochzeit?
Nala: Cha dii guät verstoh, wotsch es nöd ins Forum stelle. Sii sind wunderschön! Und ihr zweii gsehnt ufem Föteli uuh glücklich mitenand us! Schön chönt ihr jetzt eues Datum allnä bekannt gäh. Bii denn also gspannt uf eui erste Reaktione!
Gell, jetzt so zum "Semesterend" fanget wiider Arbeitsabgabe und Prüäfige aah. I merks au
Littlefoot: Als Bruut darf meh alles Also bim Standesamt unterschriibt nur eini. Diä zweiit isch eher ä Tätschmeisterin, aber dä Name tönt so nach Ohrfiige und derum nenn ii sii eiifach au TZ Aber d'Ufgabe sind zwiische ihne genau ufteilt. Jo sii weiss es ebe scho, hend meega lang diskutiert. Aber dass es mii ebe immerno stört, da weiss sii ebe nöd. I glob wenn's um unser Datum und nöch draglegeni Hochziite got, bin ii ganz und gar Brautzilla und ii ha keiin Abstellknopf gfunde Ojeee, wünsche eu allnä ä guäti Besserig!
Lil.lian: Wooow, schön hend ihr eu so chönä inspiriere aah dä Hochziitsmess! Hend ihr scho Kontakt ufgnoh mitem Fotograf? I hoff ihr fühlet eu denn wohl vor siiner Linse und das Chemie stimmt
Jo so es Alternativ-Programm find ii no guät. d'Freiheite looh und gliich Programm. Will dä Tag iisch würkli es Wili. I finds au komisch, dass Kiirche dreii Hochziite aah eim Tag macht. Mir dörfet Kiirche de ganz Tag ha…
Malinchen: Woow, es suuuper Gotti wo eu so unter d'Arme grifft! Da isch schön, wiä d'Lüüt sich für es Hochziit investieret!
Taeboyana: I wünschä diir, das dä Bahnhof schnell us diim Kopf verschwindet und du diich ah diim neue Arbeitsplatz dörfsch wohlfühle!
daenu: Wer schad, wenn uns verlosch. Aber ii chas au verstoh, das Forum sött eim helfe und nöd no zuäsätzlich unter druck stelle Aber würs schätze wenn bliibsch
Mersii für dä Link. Da han ii au scho gfunde. Aber irgendwiä giits der keii Schuähform wo mir ganz und gar passt. Wenn meh eimal s'perfekt gseh het, wirds schwierig. Muä wohl eiifach chlii Gras drüber wachsä loh
Me: Ojeee ojeeee… Mir hend uns gescht voreme Johr verlobt. Zu Feier des Tages sind mir mit dä Eltere vom GG (mini hend nöd chönä) in unserer Location go esse. Es giit immer so Buffet am Sunntig. Und sini Eltere hend fast nüd fein gfunde… s'Einzig wo nixx z'motze gha hend, isch d'Ussicht. Bim Pavillon findets, dass meh döt so abgstellt isch und siicher nöd akzeptabel versorgt wird. Und s'Esse isch z'kalt und z'wenig saftig, dä Chef het ä komische Kleiider Gschmack und sowieso werum wönd mir kein Saal… Ojeeh ii bii voll Down gsii und ha mir denkt: Ahaa, so fühlet siich amigs mini Mitbrütlis.
Dä Chef het sich denn no Ziit gnoh für uns und het miit uns gschwätzt und dert hend mir denn erfahre, dass no chönti ä zweiiti Hochziit ii dä gliiche Location sii (also mir im Pavillon und öper andersch im Saal). Und DAS isch für mich und miin GG es absoluts no-go. An unserem Tag will iich dii einzig sii in Wiis und mir söllet Zentrum sii. Au wenn dä Einzig Ort vo dä Begegnig s'WC wär.
I bii so gschockt gsii und het nu no chönä brüällä. Will es gfallt mir dert so guät, aber ii will eiifach niemert zweiits. Es het gheisse, im Juli-August säg praktisch jedes Wuchenend zweii Hochziite, do chönt meh nüd machä… Also muän ii jetzt unseri Location abhacke…
Doof isch eiifach, dass sini Eltere so viiel Iwänd gha hend und jetzt au no gwechslet wird, so als obs mitbestimme chöntet
Mir hend scho es noiis im Visier:
http://www.ruetiherisau.ch
Sii hend hüt Ruähtag, also muän ii mii bis morn gedulde.
Aber wenn das nöd klappt, denn weiss ii au nöd….
Danke fürs Zuälose!
Wünschä eu eh guätä Namittag <3
|
|
|
|
|
|
1 .. 236 .. 469 470 471 472 473 .. 735 .. 997
|
Anmelden
