@fara: Wie geits Dir? Hesch Fotis vo Dine Schueh? Tönt aber super! Serviettetechnik isch super, das isch e so. Hee, cooli Idee mit am Bluemetopf! Chasch ja di Holzkischtli inne mit Satin oder so uskleide u nes Kisseli drilege, u usse mit Serviettetechnik. Gratuliere zur Kirche!
@squishy: Das heisst Dini Schwiegis manglets eifach a Fiingfüehl?! Hesch am Rüti scho chönne alüte? Wie isch gsi? Eifach ghobniger u tüürer, oder was de? Heschs Päckli brcho?!
@malinchen: Isch Dis Referat guet gange?
@Pfingstrose: Hei so cool!!! Super Arbeitskolleg hesch de da! Fröit mi mega für Di!
@Sunnebrüüni: Hmm... das hani mir auerdings ou scho überleit, entweder gits de no paar schöni Spätherbst, Winter, Früehligstäg oder i muess is Solarium, süsch bini meini de ziemli bleich Gsuch aber sicher cool us im Winter Schulterfrei im Liegistuhl
@Sue: I finde zwöite, zvierte u zletschte am schönschte.
Haha, wi geil, grad nomal en Teil vo mim letschte Post gläse. "Ah, und ich muess no de Pfarrerin vo de Chile hürate" - wtf? schriibe hani wohl gmeint. Aber hans nonig gmacht. Wett zersch no luege, wie mir's ziitlich am liebschte hettet und ihre das so vorschlah. Ich dänke eher nöd, dass es es Problem wird sii. Anschinend hät das Jahr i dere Chile niemert ghürate. Und d Sigristin hät eus gseit, dass mir ev. ihres letschte Hochsig seged (und sie sich würd freue). Sie wird nacher pensioniert.
squishy: Aso, Ballerinas chunt mer ebe jetzt no über, aber früeh im Früehlig nüme so. Hät mir e gueti Fründin als Tipp geh. Ihri beschti Fründin heg zimli lang nach Ballerinas gsuecht vor ihrem Hochsig im Früehlig. Aber die im Lade hät no gmeint, mer laufi halt schöner, wänn mer chli Absatz hät. Und ich glaub, das hät öpis. En chline, bequeme Absatz fändi au käs No-Go. Und ich han ja eh scho no es Paar Ballerinas kauft, wo sicher bequem sind für am Abig. D Schueh sind übrigens alli sehr günstig gsi, us em Vögele. Aber mir langed das. Solang sie bequem sind und natürlich schön, isch alles in Ornig. Föteli stelli vilich es anders Mal ine, ha grad no kei gmacht.
Studiums-Stress: Wünsch allne Betroffene alles Gueti und vill Elan und Durchhaltevermöge für alli Arbete, Prüefige und Referat! Was studieret ihr eigetli alli so?
malinchen: Wäg Suit Supply: ich wür au säge, wänn din GG sust nüt findt, wär das sicher en Option. Da mers gratis chan zrugg schicke, isch es au nöd so tragisch, wänn de Azug dänn doch nöd gaht. (Nur muess mers glaub vo UPS abhole lah oder ane UPS-Anahmestell bringe. Biz umständlicher als Zalando, wo mer eifach zu de negschte Poscht-Filiale chan.) Tönt lässig mit dem Bastelabig! Serviettetechnik isch im Fall würkli no öpis schöns. Rächt eifach zum mache und au nöd tüür. (Ich han au gar nöd en Serviettechläber gno, sondern mit Kleister und Holzliim öpis agrüert (hani im Internet gfunde, dass das au gaht). Eifach für Cherze hani mal gläse, dass es guet isch, en extra Cherze-chläber zneh, wo nöd afangt bränne.) Äfach de Klarlack, woni han zums am Schluss fixiere, nervt mi no. De isch nämli nöd so klar, sondern git sonen gäl/brun-Stich. Zums für s Hochsig isetze, isch mer gester no d Idee cho, dass mer ev. chönt gwüssi Sache mit de gliche Serviette verziere, wo mer au für s Ässe brucht. Gäbt dänn sones Theme. Allerdings macht das nur Sinn, falls mer Motiv/Muster-Serviette für s Ässe möcht. Aber ich weiss also au nonig, öb ich das chent isetze am Hochsig. On verra... D Schueh händ zimli verschideni Farbe. Zweimal di gliche Ballerinas, eimal grüen, eimal blau. Dänn zwei Paar (verschideni) Schueh mit Absatz: es blasses rosa, eher schlichti Schueh, und dänn - die findi so geil, die bhalti glaub so oder so: peach. Wow, du zeichnisch d Chärtli sälber? So schön! Dörfi ächt dini STD's gseh? Bin richtig gwundrig. Ich han ebe zimli keis Talänt zum Zeichne, bewundere das immer so bi anderne. Wünsch eu es guets Träffe am Sunntig!
nala: So schöni Chärtli und Föteli! Hät dini Schwöschter also super here kriegt. Mir gönd am Sunntig mit mim Brüeder go fötele. Ich bin zueversichtlich, dass es det au schöni Fotis git, obwohl er au nur hobbymässig (aber doch rächt guet, findi) fötelet. Also, ebe... D Schueh hani nonig gfötelet. Aber ich stell mal Föteli ine vo mine Basteleie. Gfallt mer nöd alles glich guet. Di chline Töpfli findi nöd sooo de Hit. Aber de Rescht findi zum Teil rächt glunge. Ich bin suscht amel nöd so die, wo baschtlet, ebe. Aber eigetli machis no gern, hani müsse fescht stelle. Und danke dir! Mir gahts wieder rächt guet. Jetzt sinds no drü Zykle, dänn hani de Seich hinter mir. Hoffentlich ein für alle Mal!
lil.lian: Schriib der grad no e PN wäg de Fotografin. Und d Schueh setti glaub würkli au mal no fötele. Ihr sind ja alli so gwundrig.
Pfingstrose: So guet wäg de Flitterwuche! Freut mi grad für eu!
Sue: Hui, nomal en Foti-Wunsch vo de Schueh. Wäg de Chleidli: also, s letschte (das mit de Blüemli uf emene wiise Chleid) hät mir es spontans "Jöö" entlockt. Das oder au s dritte (s ganz wiisse) sind glaub au mini Favorite.
Depot und Ikea: Det und ines Brocki setti wohl au mal e Tour mache. Und segs nur zum mich chli inspiriere z lah...
edli Blässi: Ich bin au en mega Chäs. Immer scho und jetzt nach dem Summer, woni mi mega guet vor de Sunne gschützt han (zimli konsequänt es 50gi igstriche), no vill meh. Mängisch nervts mi scho chli, im Momänt isch es würklich extrem. Zumindest im Gsicht (aber nie a de Bei ) bini suscht amel scho chli bruun worde. Aber sei's drum, s isch ja nöd s wichtigscht. Ich wird wohl nöd würkli brun werde vor em Hochsig... Isch ja scho im April.
So... Und da ich sonen Schnurri bin, muessi das wieder mal i zwei Posts ufteile.
Fara: Haha! Jetzt wos seisch. Aber willi gwüsst han was du meinsch, hanis garnöd so gläse. So lustig! Stell der das mal Bildlich vor. Kkk!!!
Ballerinas: Ich wird ziemlich sicher au Ballerinas alege. Warschiendlich bstelli die vo Etsy, dete chunsches s ganze Jahr über. Und het sehr schöni. Aber es chönti scho stimme, dass im Frühlig weniger hät.
Lula: Super Vorschlag mit em Ringböxli! Das hani mir nonig überleit, s mit Stoff uszkleide. Gueti Idee! Wirdi mir sicher mal merke! Es Chüssi dri tue hani au scho dänkt. Irgendwie muessis zumindest sicher here kriege, dass d Ring nöd lose drin umekulleret. A so was moos-mässigs hani au no dänkt. Wär au schön, vilicht. Ha mer au scho überleit, wasi für es Motiv für ussedra kuul fänd (wänis nöd mit Serviettetechnik mache). Aber öbi das here krieg, staht i de Sterne. Aber muess es wohl eifach usprobiere. Die Truhe sind ja mega günstig. Dänn wärs au nöd so tragisch, wänn ein Versuech abverheit.
Und scho wieder en Schueh-Request. Ich glaub, ich wird dere vilsitige Nachfrag nacho.
Flitterwuche: Mir wüssed nonig, wo mer ane wänd. Setted eus das aber scho mal chli überlegge. Mir werded wohl eher günstigeri Ferie mache, defür chömmer dänn im Summer nomal gah. Wahrschinli würdemer dänn das au immer no als eusi Flitterwuche aluege und die halt uf mehreri Reise ufteile, quasi. Anderersiits hani letschti mal erwähnt, dassi no nie in New York (bzw. überhaupt i de USA) xi bin und er hät nöd mega abgneigt tönt. Wär ev. au öpis (allerdings nur inere lärmige Stadt isch vilich ez nöd so s flittrigschte, wo mer sich chan vorstelle, aber da chönt mer vilich au was kombiniere). Vo Kanada hämmers au mal gha (vor de Verlobig). Wer weiss, wer weiss.
Aber mir händ uf Groupon letscht Wuche mal no en Guetschii kauft für zwei Nächt in Paris. Det simmer vor emene Jahr mal gsi und händ eus gseit, mir weled wieder mal gah. Ich känn d Stadt zimli guet, han zwei Semester det studiert. Mir sind mal zäme xi, aber händ eus gseit, mir chämed wieder. Verbindets dänn vermuetli no mit ein (oder zwei? ) Nächt neumets andersch, Strasbourg oder so. Aber no vor em Hochsig, also kei Flitterwuche.
Pfingstrose: Stimmt, uf Etsy bstelle isch sicher e gueti Möglichkeit. Ich han ebe s Problem, dass ich chli zickigi Füess han. Bsunders Ballerinas und Schueh mit Absätz gönd mir nöd alli, die drucked oft oder dänn schlipfi hine use. Drum wär bstelle für mich nöd sone Option.
hey ihr hübschä.... Ganz kurz und schnell Leider hanis sit mim mega lange Bitrag wos nid het wele ufelade grad kei Ziit meh cha zum schribe. Und i bi ehrlich, au nid grad lust cha mini Zeile namal itippe Aber jetzt hani mi kurz wele melde Ab morn morge hani 3Täg frei und min Huushalt isch au gmacht....das heisst.....morn liessi mi mal dur alles woni verpasst ha dure und den schribi s'Forum volle.... Falls öberd vo eui Ziit und Lust het, mir vode letste 5Täg echi e Zämäfassig z'schriebe wers au super lieb
Also bitte sind hüt obig nüm all zu fliessig damiti nid 100Site zum nahlesä ha
nala05 ja genau so hanis au öbe gmeint mit nackt dur gegend laufe drum wiersch es chum chöne vermiede.. Ah de Stempel isch aber au no herzig. Chöntimer guet ufeme Couvert vorstelle.. Mueni au go poste! Danke :)
Lula Ja uf de Skipischte chasch au sünnele :)
Fara Ja das hani au dänkt, d'Pfarrerin wiersch ja wol chum hürate :) Dini Sache sind herzig wo gmacht häsch. Han das früehner au scho mal gmacht (wo ich no jung gsi bin ). D'Idee mit de gliche Serviete findi au no schön, abr öb den würkli farbigi Serviete uf em Tisch wötsch isch die ander Frag.. Oder vilicht mit de Serviete öbis mache ide Mitti vom Tisch? Danke für d'PN.
sasileu Ja du es isch würkli vill wo da gschriebe wierd.. Abr das de Biitrag nöd glade wierd isch voll kake
Malinchen: uuu glaube allgemein die zit wo chunt isch stressig Mir händ defür ständig überall festli, umzüg, wienachtsfetene. Schlimm :) wenn eis chind i de chrippe, eis i de schuel und im hort häsch chunsch no is schwitze. Weihnachstzeit ist stress-...äh schöne zeit Cool weg dim träffe, dass sie sich so ibindet! Bi ois isch de TZ vom GG am sa da gsi-hett nid denkt dass er scho fragt weg de zit (aso zerst sini frau)... Er isch lehrer und muss glaub ewig vorher igä. Mi GG isch ja bi ihm gsi und ich ha eher s gfühl gha vo ihm chame nöd so vill erwarte... Wil er so gar nid uf das alles staht haha. Aber bi agnähm überrascht gsi. Mini TZ kennt ihn ja nöd, da muss de au no e treff ane :)
Lilian: die gläser sind ja wie mini :) eifach chliner. Da aber d candybar scho bim apero det staht, bini überzoge dass alles furt chunt. Mir essed susch eh mega gern süesses zu gern haha Ah vitznau, wie schöön! Wohnsch i de nöchi?
Pfingstrose: wow so guet! Häsch de eifach susch ke ferie me oder wie reglisch das? Gasch ja no rächt furt negscht jahr oder?
Chäääs im teig, aso chleid : uuu ja.. Muss de au luege weg de träger... Ke ahnig wie ich das astelle i de badi zmitzt inere horde chind-obenohne
Sue: jö so herzig :) s letscht chleid findi mega. Würdi minere tochter au alege (weni nid d idee gha het mis meitli in apricot und mi bueb in mint azlege )
Fara: wie gahts der? schint no recht guet a dim schribe :) dä mit de pfarreri hürate isch ganz lustig gsi jaaa unbedingt fotos vo de schueh :) mir liebed doch eifach schueh :) peach interessiert mi am meischte hamer au scho überleit i dere farb z chaufe :) Ich war (auch) noch niemals in NY. Wett au unbedingt mal :) paris isch super. Isch au en option für eusi flittertäg (ohni chind, wohl 3-4)
Sasileu: oh mischt :(
Nala: ha scho wieder! Mi dad, schwizer, mini mum ....: engländerin (wil sie det gebore isch) aber eigetlu vo ghana so guet. Häsch au de englisch pass? Ich had papier (hoffe sind nid abgloffe ), zum de pass z mache. Ha nur no kes verwende gse bis jetzte. Mitem chäs pass isch alles überall super
Ikea/brocki: ja sowieso :) mini plant tischdeko isch usschliesslich vo det Uuund ich suech au e brocki, weg minere cards truhe :) etsy isch mer chli risikohaft, siehe unten
Etsy: wer hät scho? Ha chli angst weg de zollchöschte... E truhe isch ja nöd grad unbedingt chli. De versand isch so tür wie d truhe selber... Ha so vill gse det aber glaub belahs bim diy und ch shops... Usser öper hät erfahrige? Pfingstrose ?
Serviette technik: ha au grad denkt ich well mini gastgschänkli mit dem verziere. Hami aber no nöd ganz entschide weles..
Djbazillus; hät öper ungefähri prisagabe ? Ich wett ja eventuell GG überrede nur für 41/2 stund doch e dj z ne... Nume dasi weiss obs wit entfernt isch vo mine möglichkeite bevor ich afrag Aso nur wenn ihr au wänd so sache age, verstahs wenn nid!
Me: immer no chli agschlage. Hock grad wieder im bad De verastalter hät ja ebe gmeint am 30.11 sig ok aber er heb de nöd so vill zit wil er am 17:00 en event heb. Has chli doof gfunde, ois wieder wele inezdrucke. Schliessli isch er nacher bis endi april furt. De hanem ganz klar gschribe was mir wend und dass es me zit brucht. Mir chöned au früener als 14:30 cho. Er het dä gseit vo 11-12, länger wenn nötig. Has de müesse ane aber gurkt mi chli a, chum mer vor wie wenn er nie richtig zit hät. Scho im summer womer so schnäll händ müesse entscheide hät er wenig zit gha. Det hanis verstande aber er muss doch jetzt au zit ha. Wänd ja schliessli de wi probiere, alles nomal easymässig aluege, frage, abmache... E vertrag hetti aso scho gern.. Naja mal luege. Er hät ja gseit sie siged sehr flexibel.., müss ja nid ame weekend si (ha gaeit bi ois gieng nur no das).. Aber mit de chind ame abig isch ganz doof. We will see... Er hät ja wenigstens no gseir de caterer, wo det meistens isch und woni letscht mal e stund telefoniert ha (ganz en flotte) sig der de chönemer ihn kennelerne.. De nimi a er denkt gnueg zit für alles z ha Sooo lang worde :)
@lil.lian: ja das shooting womer nächst wuche hend isch ebe imene studio, dass git den die normale studio-fötteli :) min GG het eifach na schöni Fötteli vo eus welle für ufd Iiladige und mer hend grad es guets Agebot gseh, 2h Shooting und vorher inkl. Make-up für mich für CHF 199.00. De Fotograf womer am HZ hend, müemer zerscht na kennelerne :) aber dur das, dass mim GG sini schwöster ihn scho kennt hemer da es guets gfühl. Nimmt mi denn wunder was verzellsch vo dim Termim am DI, ich han ebe au agfröget dete und sie hend mir kei priise chöne agä per mail und das het mi denn ebe chli gnervt, will mir hend e klari obergrenze gha (sind ja alli soo tüür) und denn wotti nöd anes treffe und erscht dete erfahre das sie unbezahlbar sind :).
@malinchen: ja säg nüd, vo dem her bini au u froh hemer das shooting gmacht vorher, au wenns min GG zerscht unnötig gfunde het :D aber ez hetter selber gmerkt warum das das wichtig isch. Danke :)! Also ufd Website hani die paar Bilder scho au drufe tue. Ja das mit de Fixpünkt isch e gueti Idee, dass machemer sicher. Ich bin halt würklich chli en Kontrollfreak und wenni suscht Ferie und Hotels bueche denn tueni immer alli Bewertige durelese, han eifach kei Luscht uf Kakerlake im Zimmer :D Aber da mueni mi wohl würklich umgwöhne, vorallem wennmer e nur ei Nacht dete schlafed amigs. Ich wot aber sichr au s erschte und s letschte Hotel vorab bueche, s letschte am liebschte in Las Vegas inere Honeymoonsuite odr so :D. Und ich wird e riiiiese Lischte mit vorab checkte Hotels mitneh für unterwegs :p
@Pfingstrose: ja ebe, drum simer scho froh hemer eus umentschiede :p. wär würklich nöd guet cho! nei nei ich bin nanig gsi bi Globetrotter, han aber ebe scho viel guets ghört. Han ez gester mal agfröget dete und sie hend grad u nett gantwortet, ez gahni i mine ferie mal verbii im nov., isch eifach chli blöd hets grad kei filiale i minere nächi. ja denn isch sini family sicher froh wenners na uf portugiesich mached :) @Lula: merci vielmal! Nei han leider keis richtigs Fötteli vodä Ring, willmer ja alles namal umgstellt hend und er jetzt gnau nach euse Wünsch isch. Wennmers chönd go hole im Januar machi denn aber grad na eis und stelles da ie, bevor ichs denn in hinderste egge muen verstaue bis zum HZ :)! Haha und seg doch so öppis nöd, mer sött doch pinkig glitzrigi kleider nöd verbüüte, ich finde die toll :D Aber scho au nöd grad für es HZ :p
@squishy: i wellere stad tisch die joy’s abendmode? Tönd ja nacheme hammer lade und gratuliere herzlich zu euem tolle chauf, sind super kleider !! und denn na so günstig, tönd ja echt perfekt :)!! Und das sich das mit dinere 2. TZ so gfüegt het mitem kleid und alles so passt isch mega :)! Ou nei squishy tuetmer ja mega leid mit dinere location!! Tönd ja echt fiis das dini schwiegereltere so viel uszsetze gha hend dra aber das mitem zweite HZ am gliche ort gaht würklich gar nöd, würdi also au nöd welle !! mir gfallt das rütiherisau resti aber sehr guet uf de Fotene, hesch scho chöne afröge? Wer weiss, viellicht isches det viiel besser und es het schlussendlich so müesse sii, hoffes sehr für dich/eu!!
@nala: merci für de tipp vom reserviere idä nationalparks, tueni mir grad ufschriebe :)! Ou schickmer eui std charte auna? Het ja so viel kompliment gä, nimmt mi schona wunder :D
@littlefoot: hoffe s gahtder besser! merci vielmal :)! Ou ja wär ja kul chönder mal go whale watche mit eurem sohn, sicher es einmaligs erlebnis :)! Ou, babynamensliste, gits demfal na es dritts bi eu :)?
@daenu16: ich han d fotene wieder usegno, chanders aber gern na per PN schicke wennd wotsch :)
@corinna: herzlich willkommen bei uns und gratulation zum kleinen :)!
@Fara: Hey wow bisch ja erfolgriich gsi mitem Schuehkauf :D! merci für de tipp mitem suit supply, tönd sehr guet und unkompliziert, chönd auna öppis sii für min GG! Wie isches priislich? Ou welli chilä isches jetzt woner evt. chönd gha ? gsehnd super us dini bastel-sache!!
@Pfingstrose: hey soo kul mit dine Ferie !! Sind ja super dini Kollege :)! 4 Wuche lang id Flitterwuche, wär en Trauum :)! Wenn seisches ez übrigens dinere Fam., bez. Hesch d iiladig gmacht fürs Bruutkleiderposchte?
@Sue: wow die chlinä gsehnd sicher uu herzig us i dene Kleidli :)! Chönd mi au nöd entscheide, mir gfalled 2/3 und4i sehr guet!
@me: ich bin eehrlich grad chli gfrusted hüt :( eusi musterkärtli sind nanig da vodä iiladigskarte, viellicht mögeder eu erinnere das ichs in DE bstellt han bi einere und en teil voruus zahlt han. Denn het sie gseid sie isch zwei wuche idä Ferie und schickt eus nachher d Musterkarte mit eune Farbwünsch, damit mer na chönd änderige agää und alles fertig wird bis Endi Nov. Denn hani letscht Wuche nach ihrne Ferie nahgfröget wies usgseht und sie het gseid sie warted na uf es Band und schickts endi wuche. Denn hani denkt sie schriebt sicher namal wenn sies verschickt het, han aber nüd ghört. Gester hani nüd im Briefchaschte gha und han ihre es Mail gschriebe und bis ez na nüd ghört! Und hüt sinds au nöd cho. Mach mich echt chli Sorge und hoff es klapped na alles :( Schrieb ihre glaub nachher namal.. ich meine e churzi Antwort isch doch nöd z viel verlangt? Januu..
So, het na meh zum schriebe gha aber mis Ässe choched (voresse mit rüebli und spätzli mmmhm) und min Schatz chunt bald hei, wünsch eu allne en super schöne Abig und bis Bald !!
Ps: han hüt na miteme gschäftskolleg in italie gschriebe, de het vorere wuche ghürate und vom Gschäft gits 2 Wuche Ferie für das !! eieiei mir schaffed ja eigentlich für die glich FA aber in ITalie isches anderscht als da, benieeden also grad, bi mir gits nur 2 Täg :p
Anmelden
schriibe hani wohl gmeint. Aber hans nonig gmacht. Wett zersch no luege, wie mir's ziitlich am liebschte hettet und ihre das so vorschlah. Ich dänke eher nöd, dass es es Problem wird sii. Anschinend hät das Jahr i dere Chile niemert ghürate. Und d Sigristin hät eus gseit, dass mir ev. ihres letschte Hochsig seged (und sie sich würd freue). Sie wird nacher pensioniert. 
Ich bin suscht amel nöd so die, wo baschtlet, ebe. Aber eigetli machis no gern, hani müsse fescht stelle.
) bini suscht amel scho chli bruun worde. Aber sei's drum, s isch ja nöd s wichtigscht. 
Bi ois isch de TZ vom GG am sa da gsi-hett nid denkt dass er scho fragt weg de zit (aso zerst sini frau)... Er isch lehrer und muss glaub ewig vorher igä. Mi GG isch ja bi ihm gsi und ich ha eher s gfühl gha vo ihm chame nöd so vill erwarte... Wil er so gar nid uf das alles staht haha. Aber bi agnähm überrascht gsi. Mini TZ kennt ihn ja nöd, da muss de au no e treff ane :)