lula: s wär jo mol öbis anders im winter go schulterfrei sünnele vilicht schulterfrei ski bzw. snowboard fahre? dört wird meh doch au immer schön brun! :wink
fara: wünsch euch viil spass am suntig bim fötele! wird sicher super! hey die serviettetechnik isch cool, s schächteli gfallt mir am beste ha gar nid gwüsst das das de nochär so toll usseh ka. ui aso ich wünsch dir alles erdänklich guete für die rästliche zykle! kunnt alles guet und ich wünsch mir für di dases s letschtmol isch! aso eure vor-hochzyts trip nach frankrich findi cool! würd au so gärn widrmol uf paris! wäg eurne flittis, vilicht ka meh NY und kanada jo vrbinde’ zerst e paar däg uf new york und vo dört us mitem auto uf kanada?
sasileu: de bini jo gspannt uf din bricht isch amigs wirkli viil zum nocheläse.
lilian: jo genau, hani mir ebe au dänkt für uf d kuvert wär das sicher no schön und dä mit „made with love“ uf d etikette bi de gastgschänk evtl. (i würd ebe gärn öbsi sälbr gmacht vrschänke)
littlefoot: hahaha das isch jo nid z glaube wie viil gmeinsamkeite mir hän! hihihi jo ich ha theoretisch dr änglisch pass, er isch nur sit joore scho abglofe dänk aber dasi jederzyt en neue könnt mache wenni will (odr?) has aber bis jetzt au nid für nötig gfunde, mi rote pass gfallt mir guet und dä het au scho so schön viili stämpel dine wünsch dir no gueti besserig
etsy: ich ha bi etsy au chli schiss was do sich für köste no vrstecke.. zoll usw.. würd mi aso au übr erfahrigsbricht freue
me: mir ischhüt öbis lustigs bim ikaufe passiert. bi no an kiosk und ha mir grad zwei hochzytsmagazin gschnappt. den d kisok frau so : hän si s bruutkleid scho? wenn nid mien si unbedingt zum bär in wehr (D) go. hihi de het si mir vrzellt wie si dört ihr kleid gfunde het und ihri schwöstr ihres au dörte kauft het usw. isch irgendwie no lustig gsi. si hets mir au grad no ufgschriebe dasis im internet ka go abchecke, das wirdi jetzt au grad no mache
So, mis grosse Ziel bevori is Bett ga, isch hie no e Bitrag zschriebe (das heisst es wird äuä spät, bisi iz Bett chume ). Düre Tag chani itz haut würklech nümm mitschriebe, aber i lise immer chli mit ir Mittagspouse u so.
@daenu: du gsehsch aso, mir geits genau glich. U trotzdäm fändis schad, gar nümm zschriebe. Isch ja o völlig ok, weme nid jede Tag cha mitschriebe und nid uf jedes einzelne Thema igeit, oder? Es git sogar e August 2014 Thread, aber da louft no nid so viu...
@fara: schön bisch wieder am schriebe und geits der rächt guet. Hey, no 3 mau, das packsch du ou no! So cool mit de Schueh. Und dini Bastusache gfaue mer mega! Vor auem die 1. Böxli und dr Bluemetopf mit dr Zitig. I ha i mire Jugend o mau Serviettetechnik Sache bastlet, wird würklech no schön! Ha vor churzem o d Idee gseh, so es Schatztrüehli im Miniformat asteu vomne Ringchüssi zbaschtle... Fändi o no härzig. Aber im Momänt stöh d Basteleie bi mir eh gad stiu, chume gad gar nid drzue... Haha, dä mitem Pfarrerin hürate hani irgendwo ungerwägs gläse und fasch usepruschtet vor Lache, so witzig! I gloub aber di Fründ hätt äuä öpis izwände, wede sie wettsch hürate Hesch er Andrea (Fotografin) scho aglütte?
@nala: sooooo schöni STDs, und wow du bisch ächt biudhübsch!! Da wird me richtig nidisch... Gäb auso viu für so paar exotischi Gen Gloub scho dass du dr änglisch Pass chönntisch beatrage, we'd ne wettsch? Kenne mi aber nid würklech us... Hehe, genau dä Stämpu vom Depot hani mir ou scho kouft (ja ha ir Letschti no viu so Züg pösterlet ) Ha dänkt me chönnti dä ufnes schöns Zedeli / Chärtli stämple und de anes Seckli säubergmachti Güezi oder Cupcakes hänke zum verschänke. Mir hürate im August 2014 und hei im Septämber Save the Date Magnetli verschickt. Vo däm här hei d Iladige scho no guet Zit. Aber vor Planig bis zur finale Umsetzig (weme se chli säuber wett entwärfe) bruchts ja scho no viu Zit.
@brun wärde (oder äbe nid...): I ghöre o zu de Bleichmüüs Vo dämhär wird ig o im Ougust nid knallbrun si... mir si ja afangs Jahr z Oustralie gsi und dert bini de für mini Verhäutnis scho sehr brun zrügg cho (isch aber o ufgfaue, wüu i dere Zit hie no töife Winter isch gsi und aui wiiss si gsi). Aber äbe, bi mir bruchts sehr viu Zit und sehr viu Sunne u nomau sone Reis vorem Hochzit liegt leider nümm drinne.
@Pfingstrose: So cool wäg de Ferie! Das hani no vor mir... wobi so wieni dr Idruck ha bis jetzt, sötts nid sones Problem si Ferie znäh für mi. I wott mir aber no chli Zit la, bevori d Chatz usem Sack lah dassi hürate nächsts Jahr, ha ja ersch gad agfange und isch ja de glich es sehr persönlechs Thema. U möglecherwis chöimer haut de nid 3 oder 4 Wuche ga, aber mir hei ja üsi grossi Troumreis (fasch 8 Wuche Oustralie) das Jahr scho gha, drum wär das o nid schlimm für üs, wes de haut nur 2 Wuche Flittis wärde. Wenn lenger möglech wär, wette mir Hawaii, süsch chönnti mir z.B. La Réunion no vorsteue für 2 Wuche.
@malinchen: Wie isch dis Referat gange? Phu, so Sache si bi mir e gfüuti Ewigkeit här und i wär gloub totau us dr Üebig.
@Lula: Wieso gäbs Ärger wener öpis würd abeschmeisse, mit euch? Tja, üsi Chatz het äbe ihres "Personal" im Griff sie cha ächt tue wienes chlis Chind. Aber hankerum isch sie ds verschmusetschte Schösseli-Büssi woni je ha gseh u i wett se nie meh umegäh. Mir hei ursprünglech 2 gha, no ihres Schwösterli, aber das isch sit 1.5 Jahr eifach nümm heicho . Drum hange mer gloub gägesitig itz no bau meh anenang
@me: Im neue Job geits jede Tag besser und i finge mi afa scho chli zrächt. Paar vo mine Ufgabe töne würklech sehr spannend. Es isch eifach e mega Umstellig vo somne riesige Team ines rächt chlis und im Momänt isch über d Heufti drvo no ide Ferie oder süsch wäg. Vermisse mini ehemalige Arbeitskollege ziemli... Aber das pändlet sech de öpe ou no i. Si ämu aus ganz Nätti und gäbe sech würklech Müeh. Im Momänt brucht dr neu Job haut sehr viu Energie und am Abe chumi zu nüt meh, weni no Training ha scho gar nümm... U ha zGfüu i sött no so viu. Z.B. Mietzinsreduktion verlange (mues mau e Brief ufsetze...) und de het üsi Fänsterschiebe sitem Wuchenändi näbem Chatzetürli plötzlech e Sprung Zwar ersch ganz e chline, aber dä darf uf ke Fau grösser wärde... Aus so Sache und bi au däm isch ds Hochzit gad rächt im Hintergrund. Aber wenigstens hani nächst Wuche mi 1. Freitag (wüui itz nur no 90% schaffe) i Sicht und cha de hoffentlech chli so Sache nahole.
So, jetz sötti aber gloub iz Bett... bi gspannt was dir morn wieder flissig schriebet, bi geng stiu am mitläse ungerwägs
Merci vielmal fürd Rückmeldige megde Kleidli fürd Bluememeitli…hüt tendieri gad zum wisse…he siter mängisch ou so schlimm bi so entscheidige? Es git sache fürs Hochzit woni gseh und gad weiss das wetti so nere gits Sache wie ebe die Bluememeitlikleidli woni mir chönnti de chopf drüber zerbreche und mi GG het sich Gestern nume no gnervt wüui immer überleit ha und drüber gret ha;O);O)
Fara Ou das gseht super us die Töpfli! Das mitde Zitige gfalltmer bsunders guet!! Wie machtme das?? Wett ou;O);O)
Sasileu De wünschi viel Spass bi dine Frei-Täg und schön vo dir z ghöre!
Pricana Ou mann das isch doof weme so wartet……het si ize gschribe??
Nala Das isch echt witzig mitde Kioskfrau;O) hesch scho gluegt was das fürnes Gschäft isch?;O)
Stempel vom Depot De wetti ou gern?!;O) weiss öper gits de ds Bern e Filiale oder chame online bstelle?
Taeboyana Hoi ou dir du stille Mitleserin;O) schön hesch guet gstartet im Job!!
Pinterest Ig ha gestern endlich mau es pinterest-konto eröffnet…;O) wer het das alles und wem dafi folge??;O)
So wünsche euch trotz dem furchtbare Wetter e guete Start i Tag!!
Littlefoot Nei mier wohned gar nöd ide Nächi vo Vitznau. Aso öbe 50 Minute Autofahrt entfehrnt. Ich han ebe mim GG vor drü Jahr dete es Weekend gschänkt und mier händs uu schön gfunde. Nur was eus dazumals voll gnärvt hät, sie händ au e Hochziit dete gha und mier händ chum chöne schlafe wills so luut gsi isch Ja er isch glaub scho chli en spezielle Typ de Verastalter. Ich hoff iher chömed no zu euem Termin..
Pricana Ahja das isch en guete Priis für es Shooting.. Ja eigendlich wärs ja gester gsi, er hät aber müese absäge, will de zweiti wo de bi gsi wär (de duet d'Föteli bearbeite) hät churzfristig müese is Usland gah.. Jez hämer am Mittwuch inere Wuche en neue Termin.. Bin gspanne ja. Und mier wüssed ebe au nonig wie lang mier den würkli en Fotograf sölled neh, wills halt eifach so tür isch. Nei eigendli isch es nöd zvill verlangt zum rasch zrugsschriebe.. :-/ Isch aber au krass, dass er in Italie zwei Wuche Ferie bechunt. So schööööön. Ich chume den glaub drü Täg über.
Nala05 Hihi häsch grad vo de Kioskfrau no Tipps becho. Isch abr herzig. Was möchtisch für Gastgschänk mache? Häsch scho Idee?
Sue87 Aso ich glaub scho, dass mer alles chönt online bstelle im Depot.. Abr es hät sicher irgendwo e Filiale.
Me Min GG isch gester mit viiiiillne Härzli heicho Jez gahts den as bastle. Han mal vorweg chli glueget wegeme schöne Bändeli. Eigendli wäred eusi Farbe wiis / rosa. Abr ich han keis schöns rosa-Band gfunde, defür es schöns violett wo ich finde, es passt super zum wiise Härzli. Ich han den abr doch mal no es wiises & es rosa Pastband kauft. Mier persönlich gfallt aber s'violette besser, es gseht "edler" us. Was meined iher?
Und de Chile hani gester au no chöne alüte. Es chönt scho si, dass sie am gliche Samstig drü Hochziite durefüehred. Sie händ jeze au scho e Afrag für s'gliche Datum und die vom Sekretariat hät ihne mal bis Mitti November 2013 Ziit geh zum sich entscheide, wills es nonig so gnau wüssed. Was min GG no gseit hät, er wöt eifach de ersti sii, nöd das mier den ide Chile sind und dusse sinds am schnurre und me ghörts den, dass wär würkli voll doof. Abr sie vom Sekretariat isch eigendli ganz e netti gsi, sie hät au gfunde, wenn die andere zuesäged chönt sie eus d'Nummere vom andere Pärli geh, dass mier zämä mal chönted luege wies vo de Termine her am beste wär..
Sue: zum schiesse, ha gester au gad es pinterest konto gmacht Isch aber no gheim. Muss es de umstelle, de schrib der e pn
Us: sorry. Mi sohn hät am morge am vieri sis zimmer voll....erbroche :/ Alles putze und e stund wach zmitzt i de nacht :( langsam dreh ich am rad. Z gl blibt min super GG dehei
Taeboyana: Wie isch eigentlich din neue Job? Gfallts dir am neue Ort? Häsch iebi Teamkollege? Ja das mit de Ferie chani verstah, dass du nonig gad wotsch fröge. Wow! 8 Wuche… Das isch ja super. Den wers ja würklich nöd meeega schlimm wenns hald den nur 2-3 Wuche wered. Aber hoffe ihr chönds eifach so mache wie ihrs wend. Wered sicher au beides meeega schöni Destinatione wo du da erwähnt häsch. Bini selber au no nie gsi. Jaja, git no sooooo viel Sache zum gseh uf dere Welt!!! Jetzt hani gad gläse, dass du scho vo dinere neue Arbeit gschriebe häsch. Schön gfallts dir so… Isch hald scho immer ganz komisch so neumeds neu afange. Aber mer isch es Gwohnheitstier… Es wird sicher alles wieder vertraut sie i 2-3 Mönet.
Sue: Chasch mir gern folge… Hihi! Tönt so schieff. Ich schicke dir nachher suscht e PN wo du mich sueche chasch mit mim Benutzername.
Littlefoot: Ganz gueti Besserig am Raul… Gell er heisst so?! Hoffe du chasch am Wuchenend chli Schlaf ufhole. Du bisch aber nonig agsteckt worde? Ah du häsch doch gseit de Name vo mim Schatz isch uf eure Babyliste gstande. Welle häsch du gmeint? Ich han ebe glaub no nie da ine gschriebe gha. Hihi… Nimmt mich eifach no wunder.
Me: Ich bin im moment eifach nume müäd… Und s einzige woni gmacht han für d Hochziit isch mim Schatz Manschettechnöpf bstellt. Jetzt bini mal es Excel mit de genaue Deko am mache woni den alles im Januar bsorge wott, Teeliechtli, Teelichtgläsli, Jute-Tischläufer, Kleiderbügel, Chalkboard, Ringschächteli, Girlande mit Fadedrah für de Pavillon vom Apero, Grilande für am Auto, usw.
lil.lian wow schön, was macheter mit dene Härzli?? Mir gfallt ou s violette besser…!
Littlefoot Hihih nid schlecht;O) ize bini langsam süchtig…eifach es stichwort igeh bi pinterest und scho chöme sooo viel schöni Bilder;O) würdi mi freue über PN wennmes daf go luege;O) Ohje du armi – wünsche öich witerhin gueti Besserig!!
Pfingstrose Gäu tönt komisch?? Mir isch bim düreläse gad die serie THE FOLLOWING i sinn cho;O);O) Würdi mi freue über PN! Was bstellsch de fürnes Chalkboard und für was?
Sue: Also mach der nachher gad eini... Ich bstelle das Chalkboard. Isch keis zu grosses. Wots vorallem für uf d Fotis und nach de Hochziit dunis i de Chuchi das Wand oder en Schrank hänke als Ichaufsliste... Wo mer gad Notiere chan was fählt. Find ebe d Form no schön. Und isch au rächt günsig glaub so 20 CHF.
Pfingstrose: isch drum luschtig, ha gad letscht wuche so Chalkboardfarb kouft und ha es alts Messingtablett usde Brocki bestriche und das funktioniert superiz hani Gestern mim GG gseit dasi eis schäftli vo üs vorne wett bemale und er het angscht wener mau heichömi sigi überall "Tafele" was schribsch druf fürd Fotis?
Sue87/Pfingstrose/littlefoot Dörf ich au eui Benutzernäme betreffend Pinterest? Han au mal es Konto gmacht (scho länger her..) Den chöntis mal chli uf Vordermaa bringe
Sue87 ah das gid eusi StD-Chärtli. Vorne chömed eusi Näme & s'Hochziitsdatum und hine wemer schriebe: Reservieret eu de Termin/das Datum, odr so was. Mier möchteds eigendli nöd uf englisch schriebe..
Pfingstrose Dis Chalkboard gseht aber no härzig us. D'Form isch würkli no schön.. Findi e gueti Idee..
Anmelden
vilicht schulterfrei ski bzw. snowboard fahre? dört wird meh doch au immer schön brun! 
:wink 
wird sicher super! hey die serviettetechnik isch cool, s schächteli gfallt mir am beste 
ha gar nid gwüsst das das de nochär so toll usseh ka. 
has aber bis jetzt au nid für nötig gfunde, mi rote pass gfallt mir guet und dä het au scho so schön viili stämpel dine 
). Düre Tag chani itz haut würklech nümm mitschriebe, aber i lise immer chli mit ir Mittagspouse u so.
I gloub aber di Fründ hätt äuä öpis izwände, wede sie wettsch hürate 
. Drum hange mer gloub gägesitig itz no bau meh anenang 
Zwar ersch ganz e chline, aber dä darf uf ke Fau grösser wärde... Aus so Sache und bi au däm isch ds Hochzit gad rächt im Hintergrund. Aber wenigstens hani nächst Wuche mi 1. Freitag (wüui itz nur no 90% schaffe) i Sicht und cha de hoffentlech chli so Sache nahole.