nicht registriert

Guätä Moorge

Pfingstrose: i ha müässä google was ä Chalkboard isch. Da isch scho eh chlini Wandtafele?
Find eui meega herzig und d'From würkli speziell!

Littlefoot: Ojeeeh, da isch für miis Mami immer de absolut Alptraum gsii. Wünschä diim Sohnemann guäti Besserig und diir guäti Erholig!

Lil.lian: Woow, ihr gebet eu uuh müäh für eui SdT-Karte. Und dii liäbä GG wo diä alli zuägsäget und prepariert het! Mir gfallet beiidi meega guät. s'Pinkige isch chlii kitschiger und meiitlihafter. s'Violette wirkt edel und find ii au passender. Wa hend den ihr für es Farbkonzept am Hochziit? Viellicht au dert druf chlii apasse?

Taeboyana: Jo, dä Jobwechsle isch eh grossi Umstellig. Isch klar dass da jetzt Priorität eiins het. So herzig, dass du dir gliich immer no Ziit am Obig spot nimmsch, zum bii uns mitschriibe! Wünschä diir wiiterhin ä guäts Ilebe in dä noiie Buude!
Ojee, tönt gar nöd guät mit em Katzetörli. Viellicht cha jo da diin GG übernäh zum dert was reklamiere?

nala: So herzig, dass diä Kioskfrau so begeisteret gsii isch. So Reaktione sind doch wirkli wünschenswert! Hesch scho nogüggslet?

Pricana: Zweii Wuche Ferii als Gschenk zum Hochziit? Mir schaffet wohl eiidütig im falschä Land Ojeeeh, jo ii wär jetzt also au chlii verunsicheret, werum no nixx do isch… Hesch nomol es Mail gschriibe? Viellicht het diä Dame s'Bastlä unterschätzt und brucht drum no chlii länger. I hoffä s'Bescht für dii und das hüt Post ii diim Briäfkaste wartet.
Mersii für dini liäbä Kompliment zu de Kleiider!

Sasilu: Ojeeh, da isch müähsam wenn das passiert. Voll frustrierend wenn das öfters passiert.

Fara: Woow, wunderschön sind dini Schächteli mit dä Serviettetechnik! Und diä Perlespur, unglaublich kreativ! I ha mir au scho überleiit, es Schächteli für Trauring selber z'machä. Viellicht wer denn ja Serviettetechnik au was?
Hmmm… Im Früähling keii Ballerinas? Denn muän ii viellicht jetzt mal no go gugge go…
Vor allem diä zart-rosa-Schueh würdet no zu mir passe. I muä gad go gugge

Me: I ha voll Kriise nachem Sunntig. I ha mir würkli denkt, dass mir s'Hochziit ufs 2015 verschiebe müänd. Mir hend am Rüti gad am Sunntigabig gschriibä und am Ziistig isch d'Anwort choh, dass für dä seb Tag scho eh Reservation hend. Denn hend mir do gschriibä: http://www.seehotel-kaiserstrand.com/res...ensee/badehaus/ Au scho reserviert
I bii nervlich völlig am End gsii und miin GG het immer gseiit: "Gönn dir eh Pause, es pressiert nöd" Da het mii immer no hässiger gmacht, will er eiifach chillig do gsesse isch und sich nixx amerke loh het… Ha ihm denn alles mögliche an Kopf gschmisse und irgendwiä hets sichs den klärt. Jetzt hend mir no do gschriibä: http://www.kursaalheiden.ch/index.php?id=148
Diä sind endli mol freii. Also wenigstens ein Liächtblick am Himmel! Und vo do http://www.rheinspitz.ch/rheinspitz/start_pages.asp? erwartet mir no es Mail. Köste stiiget eiifach, will in Östriich sind so Locations halt scho um einiges günstiger… Aber jo, do chönt mir wohl jetzt eiifach nixx degege machä. Was haltet ihr vom Kursaal und dä Rheinspitz?
Aber jo, im Moment bin ii nöd so im Hochziitsrausch. Ha eher d'Schnauze voll, will mirs schiint das nixx meh klappe will…

Wünsch eu ä guätä Mittwoch!

Squishy: Oh nei! Lahn de Chopf nöd hange... Die Hochziitsplanig isch ächt s totale Gfühlschaos... Freud, Ärger, Verzwieflig und den alles wieder vo vorne! Ich find au s Heiden chli schöner als s andere. Bim andere isches aber schwer zum säge, wills nöd unbedingt gueti Fotis uf de Homepage hät. Wunderschön findi s Seehotel Kaiserstat. Ächt mega... Und dass ihr s Datum um e Wuche verschiebed chund garnöd in Frag? Ich weiss scho den münd anderi Sache umplant werde aber mer chan ja mal churz de Fotograf, Band, Chille afröge. Septmeber isch ja nüme gaaanz Hochsaison. Drucke Dümme dass ihr e gueti Lössig für eu findet.

Guete Namitag

@Fara: Chönntisch ja süsch mit schöne Güüfeli oder are Schloufe was fixiere.
Was hesch de süsch no für Idee für usedrum?

@lil: Bi ebe nit so dSkifahrere, bi sit Jahre nüme uf dr Piste gsi, zletscht mau im Februar 09 ufre Pischte gsi, u das mit am Schlitte, dänke da meh a heimisch Garte
I finde violett ou schöner u edler, aber eifach wüu mir pink nit gfallt. Findes aber aube schön, wenn dFarbe sich so durs ganze zieh.
U wenn ihr eifach säget, denn wei mir dr Termin, u di andere söue de gugge. Findes aber no komisch, mir hei dKirche dr ganz Tag chönne reserviere.

@littlefoot: Es Trägerloses Badekleid, oder Bikini, oder obenohne sünnele im heimische Garte
Wäg dr DJ Bazillus; ha si mau agfragt gha, aber für ne ganze Obe u im Kt Bern. I würdi si mau aschriebe, u de gsehsch gad am beschte obs dinne liegt.
Hoffe Dir geits chli besser?! U Dim Sohn ou!
Tönt no speziell öiche Verastalter, hoffe es chunnt de guet u ihr heiget glich gnue Zyt zum alles agugge, etc
Mir hei üseri Tischdeko sogar scho...

@pricana: Üser si eigentli ou verruumt, u glich nimme se gäng öbe füre...
Hmm... für mi sette di total verbote si, aber jedem das seine, u mängisch gseht ja würkli nit so schlimm us...
Hesch no was ghört vo Dire Kärtlifrou?
WOW, Dis zNacht tönt mega fein!
Frag doch Din Chef mau, ob me di zwe Wuche nit ou i dr CH wetti ifüehre

@nala: Snowboard fahri gar nit, u Ski sit ewigs nüme... zletscht mau uf dr Piste bini im Februar 09 gsi, u das mit am Schlitte, dänke da meh a heimisch Garte
Cooli Kioskfrou! Was het dInternetrechereche ergäh?

@Taeboyana: Jep, aso äuä bau meh mit mir, GG isch zlieb! Aber immerhin, üsi Katz isch lehrnfähig, er weiss das er uf dr Kuchikombination nüt zsueche het...
Aber ja, Schmuse cha ou üse, oder GG "agriffe". Üse het ursprünglech üsere Nachbari ghört, aber däm isch es de zviu Trubel gsi, u de het er sech bi üs "ignischtet"

@Sue: zBern gits es Depot, ebe ja. U bstelle chasch gloubs ou, zauhsch gloubs ziemli Versandköste. http://www.depot-online.com/ch_de/filial...CFYdf3godcQcAyQ oder online http://www.depot-online.com/ch_de/lieferung/
Wo hesch de di Chalkboardfarb her? Tönt nämli cool

@Pfingstrose: Wow, Du bisch ziemli organisiert...

@squishy: I finde dr Kursaal schöner, u dPauschale isch ja ou nit schlächt!
Hoffe mit Dim GG isch alles ok?

@me: GG het geschter Obe sis Mami gfragt, ob si am Samschtig mitchämi, aber iwie ischs chli komisch gsi, aso ihri Reaktion... Mau gugge, si muess jtzt zersch luege ob si Zyt het?!

@Pfingstrose: Wow, so cool dasses klappt mit öine Flittis!!!

@Sue: jöö, mega härzigi Idee wäge de Bluememeitli! Mi Favorit isch ou ganz klar ds 3. =) Haha, und Entscheidige träffe isch überhoupt nid mini sterki, sigs ds Ässe im Resti oder es nöis Sofa – d Entscheidig fallt mir genau glich schwär.
Was machsch ä Stand am Nachtmarkt??? Du bisch ächt zviel…

@Bruun wärde: I wirde eh nid bruun vorhär… Da müessti 3 Wuche as Meer u das liegt definitiv nid drinne. :-D Aber i wott de glich chli druf luege, dasses keini Abdrück git. Das gseht süsch würklech nid schön us…

@Fara: hihi, ha ou müessä lache woni ha gläsä dass du d Pfarrerin wosch hürate… ah cool, de bini mal gspannt uf dä Bastelabe! Cha dir ja de süsch sägä was mir det fürnä Lack bruche und ob er für öpis isch.
Ooooh, peach-farbigi Schueh si ja sicher dr oberhammer!!!! Da hätti äuä ou nid chönnä widerstah…
Es het es Bild vo üsne Std. i mim Ego-Thread: http://www.heiraten.ch/forum/board/versc...s-15_226_1.html Isch also nid wahnsinnig speziell, i maches eifach no gärn ab und zue weni äbä sonä kreativitäts-Afall ha.

Aber dini Bastel-Resultat chöi sich also würkli lah zeigä! D Motiv vo de Schächteli gfalle mir mega guet!!! Und d Perle passe mega guet drzue…

wooow, du bisch 2 Semester ds Paris gsi?! I liebe die Stadt… Bi das Jahr gad ds 10. Mal det gsi, aber halt immer nur chürzeri Ufenthält. GG und ig sägä immer, wenn mir mal z viel Gäld hei choufe mir üs äs chliises Studio det so als Zweitwohnig.

@Littlefoot: ou ja da hesch natürlech ou viel z düe! Und denn chunnts no cho schneie u de geit sowieso alles drunder und drüber… Aber isch ja mega schöön dass öie TZ so viel Inträsse zeigt, obwohl er nid so dr Fan isch! Aber wägem Verastalter findi ou chli doof dass er sich nicht richtig wott zyt näh für öich! Schliesslech sit dir d Chunde…

@Pricana: Hihi, ja genau chasch ja vorhär e Liste mache! Kakerlake möchti gloub o nid ha, aber i ha süsch scho nid so höichi Asprüch, das muesi zuegäh. I cha ou überall schlafe weni wott und dänkä äbe aubes ou: „isch ja nur ei Nacht.“ Letscht Winter si mir mitemnä befründete Paar ga reise und dr Typ het när a allem umegnörglet und het ou so ds Reise an sich – äbä immer vo eim Ort zum nächste gah, die länge Zugfahrte etc. überhoupt nid cool gfunde. Det hani när aber ou müesse sägä, er wär gschider gar nid mit cho. Villecht mues me scho chli dr Typ si drfür… Also wenn dus dir nid so chasch vorstelle, machet dir de villecht lieber vorher alles fix als dass ds när nid chasch gniesse!!!

Und wägä de Charte isch ja mega doof!!! Drücke dir ganz fest d Düme dass das guet chunnt… Zum Glück heit dir nid scho alles zahlt!

@sasi: ja gäu das närvt mega! Isch mir ou scho passiert… Aber du muesch ja nid uf alles igah, chasch ja ou eifach ä ego-Post mache und chli verzelle was bi öich gad louft!? =)

@Taeboyana: Schön dasses guet louft im nöie Job! Isch halt immer mega asträngend sonä Afangs-Phase. Aber das pändlet sich sicher gli i…

@Lilian: Mir gfallt ds violettä Band besser, wie du seisch es würkt edler.

@squishy: ooooh, i drücke di ganz fest!!! Das chunnt sicher guet mit öierä Location, d Janedoe het ja ou sone Sach gha und schlussendlech ischs viel besser use cho als das was sie am Afang hätte gha. Es het sicher so müessä cho, dass das det nid klappt wöus eifach nid ds richtige für öich gsi wär! Aber i verstah di voll, mi GG isch ou immer so ruhig und glasse u nüüüüt chane us dr Bahn wärfe u mi macht das när aube ou richtig hässig wenn ig mi ab öpis ufrege und er eifach so easy tuet.

vode Locations gfalle mir eigetlech beidi, aber ds rheinspitz besser.

@me: Mis Referat isch guet gange… Has ömu bestande u Note gits keini – also Ziel erreicht.