Nala: Derf ich au es Foti vo dine SFD? Ha kei PN becho....
Squishy-fishy: Also dir woti mal na für dini Prototyp mit dem Holzdekoteil gratuliere, i find falles gseht mega lässig us...i weiss du hesch die Idee „klaut“ i klaus grad witer...nid unbedingt für Hochziit aber viellicht für Wiehnachte, wot au emal sowas usprobiere. Du hesch na gschriebe du gahsch im Januar ane Hochziitsmess, gahsch au in ZürI? Ich au und wieso gahsch du in Dornbirn ade Mess wegemä Florist go luege? Denn nomol öbis....mega mega schöni Kleider hend du und dini TZ kauft vorallem de Pris isch jo de hammer...wie heisst de Lade und wo findsch de? Den woti eventuell au go luege mit minere TZ und deMami und Schwöster ☺ Das weg dim Restaurant duet mir leid, ich wür au nid wele das 2Brüt ume sind...doofe Restaurantchef...buech doch eifach de Saal au na, seisch für e verschnuffpause muesch de au ha☺ Nei, i weiss de doof spruch bringt nid aber Kopf hoch wirsch scho was finde wo schlussendlich mega happy bisch!
Janedou: Ebefalls...schöni Holzdekoidee hesch du da entdeckt, squishy het jo gseit du hegsch de wertvolli dekofund gmacht....i glaub i hänk mi ah und probier au mal sowas us, weni dörf ☺ Allgemein mueni segä, dasi dini Idee betreffend Dekoriere mit alte Gägeständ sehr schön find, zu mir würs glaubs nid so passe aber i finds u e schöni Idee.Bsunders de Gedanke nebetem Gästebuech no sone alte Schribmaschine....Hammer wer doch wenn eini hetsch wo funktioniert und den grad dini Gäst so Text/Wünsch mit derä chöntet töggele und den sammlisch und klebsches ich oder so. Denn hani nomol es Kompliment...dini Iladige findi ebefalls wundervoll und au die dezue ghörige Böxli, het ich nid scho würi mi wahrschinli au grad wieder uf Suechi mache im Internet.Dini Gäst werdet sich bestimmt mega über sonen Iladig freue.Hesch scho Rückmledige becho? Ahh und ich find dini Chefin doof☺☺☺ Teaboyana: Gratuliere zu euem Standesamt-Termin, jetzt gilts ☺ Und wie gsehts mit eune Flitterwuche us? Ha mal gläse Hawaii wer en Favorite vo dir...wotsch den „nur“ Hawaii 3-4Wuche bereise? Will seb wür au guet kürzer gah...wobi achtung i bi selber nonig gsi, derf mi nid z’fest usem Fenster lähne,aber eusi Reiseberaterin het da gseit.
Pricana: Hey, ich und min GG sind jo au drane eusi Flitterwuche z’plane und i finds fall au voll doof das die alli e Gebühr verrechnet für Offerte, zumindest wenn deht nid buechsch. Globetrotter hets sogar gheisse für Beratig....Egal mir buechet jetzt über Globetrotter und münd kei Offertegebühr oder so zahle,wahrschinli willmer au würkli buechet. Sie wo eus zur Verfügig gstellt isch u e liebi und setzt sich guet ich. Wo in WestAmerika wender den go reise?also hender gnaui Ziel scho? Und wenn gönder?
Pfingstrose: I glaub mittlerwile hesch sicher bestimmt dich scho geinigt für Farbe bi dinerä Iladige, was isches worde? Kompliment wie diszipliniert du und din GG trainiert,würi au gern aber ich gibs zue ich bin eifach viel z’fuul.Min GG machts und er probiert mi au immer wieder motiviere aber i schaffs fix nur 1x und weni ganz e gueti Wuche/Luune ha 2x. So ade Grät isch eigentli voll nid mis, aber id Kürs willi au nonig. Die wo deht sind sind immer alli scho voll traniert und den chum ich Nilpferd...:-( Ich bi jetzt eso drane zum mal echi abneh und den negst Johr im frühlig mueni scho luege das min Popo und mini Ärm nachi knackiger und straffer werdet ☺
@sasi: Im moment isch dr 1. Februar knapp vorne: http://www.doodle.com/6pg4crby7kxneyyy Aber i ha dänkt i lahs no chli lah offe, villecht chöi sich ja de loufend no witeri Brütlis itrage.
Soo und jetzt hani nachi EGO Post's...Und allgemeini Frage woner gstellt hend
KontoIch und min GG hend eus relativ grad nach de Verlobig e 2.gmeinsams Konto igrichtet womer jede Monet geld druf zahlet und mit dem zahlema eigentli alles. Da mir euses Budget aber wahrschinli echi überschrittet, hemer jetzt eifach vo kurzem abgmacht, dass mir gwüssi Dekosache womer scho cha bstelle, zB. Gastgschenk demnägst werdet afange kaufe und den zahlts emal er und emal ich, eifach so dass beidi glich viel usgend.
Kinderwunsch:Ich ha immer Wunschvorstellig cha zum früh Mami si, oder segäma jung so 24/25 aber ha wele verhüratet si. Min GG isch en absoulute Kinderliebe. Er spielt amigs meh mit eusne Gottechind und treits ume als ich. Und mir hend scho fix abgmacht, dass mir nach euse Hochziit afanget Mir werdet eso mache, dass ich nach minere Hochziit mini Pille wird absetzte und den gsehmer den wie schnell dases gaht. I wird eifach ca. im Juni bi minere Fraueärztin en grosse check ha...luege obi na für öbis immunisiert muen werde und so und den afange Folensäure neh. Pille setzi erst nachem Hochziit ab, willi gern mini Mens nachi wür chöne lenke für mini Flitterwuche etc. und au wegem Alkohol.
Hautfarbe:E paar vo eui hend so lustig gschriebe wegem Huutton, also ich bi jetzt ide kühle Mönet leider au en White min Fründ sowieso s'ganze Johr Aber ich selber hans lieber weni echi Farb han....im Solarium kriegi aber so e dreckigs Brun, bi mal 4-5x gange au wegeme Hochziit. Und da ich im Sept. hürate und den lang ide Ferie bin chani im Summer leider au nid in Süde reise, deshalb hoffi uf en guetä Summer und lueg dasi mir echi Plusstunde cha erarbeite zum amigs Frei z'mache und ide Badi go sünnele Ansonsten hani mir scho gseit, will ich emal das Tanning usprobiere. Het das öberd vo eui schomal gmacht?
TZ-Kleider:Also i wot eigentli minere Schwöster vo Tätschmeisterin/Brutjungfer isch und minere TZ kei Farbvorgab geh und irgendwie hanis glich gmacht....ich han beidi bittet das ichs schön wür finde wenn so es bitzeli im Farbschema vo mine Blemä würet bliebe...so corall,pink,lila,orang irgendwas i dere Farbpallete....aber Es hend eh beidi sich scho gedanke gmacht, mini Schwö het was im coralleton gseh und mini TZ im lila. Wasi es bitz schad find...isch sie wot ihres TZ kleid a ihrem Standesamt-termin au alege und seb isch jo nidmal 14täg vor minere HZ Aber mal luege.... Was mis Kleid für Standesamt agaht hani no kei Vorstellige, aber i glaub es wird nid wiis si. Ha denkt i seg mim GG das er derf sege weli Farb er a mir am schönste findet und ich mich a dem Tag nach ihm richte wird wahrschinli rosa oder im türkis bereich si...denki zumindest aber mal luege, um seb kümmeri ich mich erst negst frühlig/Summer.
Sooo und jetzt woti würkli echi ego züg los werde...hoff störrt eui nid Also mir hend ide letste Täg einiges cha...Termin bimenä Fotograf, er het eus super zuegseit und isch u en nette, hendem aber nonig fix zuegseit machema ide kommendä Täg. Will ich und min GG gsehnds nid ih zum na umeluege, möget irgendwie au nid. und das nur zum paar Franke spare. Usserdem isch de jetzt u nett und seit er bütet eus es Paket ah wo 10h Leistig debi währet für 3900 und bliebt den aber eifach 14h defür kaufema bi ihm es grosses Album für 300.- vo einzelagfertig mitere Leine-Seidehülle isch.
Den hend mir die Wuche euses Schiff bestätigt...mit dem gaht die ganz Hochziitsgsellschaft wo au as Esse iglade isch nach de Chile bim Bodesee druf und fahrt grad bis an private Steg vom resti
Glichziitig simer momentan mega fliessig a eusne Flitterwuche trane, mir buechets über Globetrotter, hemer na nie gmacht aber einigi vo eui hend guet vo dem gredet und eus passt s'Agebot und Dienstleistig super. Eusi Reise gaht 4Wuche, 2Tag nachem Hochziit, gahts an Flughafe Mir flüget vo Züri nach SanFranscico, bliebet deht 4Nächt, den gahts nach Hawaii deht reisema uf 4Inselne(15Nächt) denn gahts vo Hawaii direkt uf Los Angeles deht simer 4Nächt und vo Los Angeles gömer miteme Mietauto den uf LasVegas und verbringet deht no 3Nächt bevor mir mit de neue Fluglinie vo edelwis zrug uf Züri flüget
Ha namal e news...eusi Hochziitshomepage isch au entli sowit fertig, nuna min GG muen was über sin TZ schriebe. Zerst hemer na was vo eus wele schribe, lömer jetzt aber mal si.hend defür e grossi Fotigallerie vo eus zwei
Hey Mädis mier wird gad warm ums Herz. Vermisse eu richtig! Aber chume echt nid dezue, alles nahzlese Mier hend die letschte Wuche sone Stress im Gschäft und tagsüber chumi nur zum läse aber schribe liit eifach nöd dinne... und am Abig bini völlig neb de Schueh dasi eifach nur is Bett gheie... Vielleicht hänk ich mich eifach ab jetzt wider da i und ignoriere die verpasste Siite? Sinder iverstande mit mier so?
Bi eus isch momentan hochziitstechnisch ned so viel am laufe... Bin grad am abkläre obi 6 Wuche Ferie cha neh vom Gschäft us für d'Flittis. Aso bi mier würdis wohl klappe, aber GG kriegt de A**** ned hoch um das endli mal abzkläre. Hangem scho sit öppe 3 Mönet demit i de Ohre. Hüt morge hani no i de Chile aglüte zum abkläre, ob das mit de Band in Ordnig gaht. Nach dere Gschicht wo d'Sue erläbt hed, hani grad chli Panik becho, dases euse Pfarrer vielleicht gar ned 'erlaubt', dass da en ganzi Band chunnt. Aber alles okay :) Denn hed mini TZ hüt widermal gmeint, ich schribi eusne Gäscht alles vor und lah ihne gar kei Entfaltigsmöglichkeite und das nur, willi agsproche ha, dasi sone Fingerprint Tree wett als en Teil vom Gästebuech. Denn hani gfragt was ich denn dene genau vorschriibe. Und sie so 'ja d'Antwortcharte, de Dresscode, so Sache halt'... Da merki eifach jedesmal, dass sie halt Schwiizer Hochziite üüüüberhaupt ned kennt. Defür hed sie sich aber nachere Lischte für mini gwünschte Polterabig Gäscht erkundigt. Das hed mi doch schomal gfreut :) Suscht simmer grad nochli am luege wege Deko :) Bin im etsy Fieber, hilfeeeeee
Was eusi Iladige betrifft, mümer ganz geduldig si...Euse Verkäufer vode Magnetli wo mir für eusi Iladige bruchet isch bis die Wuche im Spital gsi wegere starke Lungeentzündig und daher werdet die Magnetli erst ide negst 12Täg bi eus acho...i chas chum abwarte zum die verschicke Ich und min GG hend am Wuchäend alles vorbereitet, Kuvert scho bedruckt und eusi Kuvert chömet no sonen Herzstempel über womer selber machet und die hemer au scho all gstemplet... Muen dezue segä, ich han e paar Täg frei und min GG het sich au e verlängerts Wuchäend gönt willer Geburi cha het... Soo das weret glaubs so vorerst all eusi Infos...
ich doofi...Frög eui alli weg euem Hochziitstanz und selber segi nix... Also bi eus wirds eventuell total kitschig dases scho wieder schön isch Dirty Dancing Time of my Life Würkli i find das soooo schön und min GG würs au mitmache aber er bestaht druf dasmer den Stunde nehmet will den willers richtig mache und sust gits eventuell eifach was klassisch, falls es mir z'schwierig isch. Will min GG het s'besser Tanzgfühl als ich Speziells Lied hemer eben au nid so mega, usserd FastCar vo TracyChapman, das isch gloffe am Morge woni zum aller erstemal bi ihm übernachtet ha und er nacher z'Morge as Bett bracht het. I verrat eui jetzt was u privats, aber i finds zum lache und mir sind jo eh alles Fraue Min GG weiss sogar weles Lied glofe isch womer s'erstemal Sex cha hend...ich nid Jedesmal foppter mich amigs demit
Soo das isch jetzt definitiv gnueg vo mir gsi....wahrschinli 2ganzi Site so daser scho denket jetzt zupfen mal
Sasileu: Du häsch ja Usdurgha zum schriebe!!! :) Schön gahts bi eu au vorwerts. Läck häts mich jetzt vertätscht ab dim letschte Post!!! Bi eus im au min GG de besseri Tänzer… Und er isch - ja wer glaubts - meeega Dirty Dancing Fan! Ich find - schäm - de Film überhaupt nöd so guet wie alli Fraue. Da hämmer gad chli Rolletusch gmacht. Aber de mit em Sex isch also de Wahnsinn! Gemein seit ers jetzt no… Hihihihi!!!
bi geschter übrhaupt nid drzue ko mitzschriebe, mues jetzt chli ufzhole
taeboyana: merci viil mol, hm das mit de exotische gen isch amigs chli e zweischniidigi sache het nid nur vorteil.. lustig hesch du dä stämpel scho! jo klar das mit de iladige mache goht de sicher nid ruckzuck wenn händr den vor se abschicke? schön läbsch di im neue job guet ii!
sue: und hesch di scho entschiede beträffend de kleidli? jo i ha gluegt was es für e gschäft isch. die hän hauptsächlig bruutmode aber au abend-und herremode. s isch nur e halb stund vo do, könnti aso guet in mi bruutkleidshopping dag ibaue. im internet hani au mehrheitlich vo guete erfahrige gläse. pinterest: ich schick dr e PN
lilian: jööö die härzli sin de schön! het si GG super gmacht! mir gfallt au s violette besser, find edler und s pink/wisse shet mir persönlich z fest nach barbie us das mit de kirche findi aso au chli komisch.. scho nur wägem dekoriere, gäst vo de nächste hochzyt wo vorne dra stöhn usw.. aber wenn ihr euch de mitem andere paar könnet abspräche gohts vilicht jo. i würd gärn as gastgschänk irgendöbis sälbr gmacht mache. im momänt hani vrschiedeni sache im kop.. konfi, kerzli, seifi, cupcakes.. bi no chli unentschlosse. und du hesch dr scho gedanke zu gastgschänkli gmacht? pn für pinterest kunnt nocher no!
pfingstrose: wow mega cool das chalkboard. würd mir au gärn eis zuetue du bisch wirkli guet organisiert mit däm excel, sötti mir vilicht au mol übrlege! ich schick dr nocher au no e pn wäg pinterest
squishy: jo ha gluegt wägem lade vo de kioskfrau si vrkaufe hauptsächli brutmode aber au abend-und herremode. ich üt mol no ah und probiers in unsere brutshopping dag integriere! aso mir gfallt de kursaal besser, fin aber au s rheinspitz schön. hesch mittlerwile antwort übrko? uiuiui i vrstands dases di grad närvt! hmpf! isch au grad mega doof! s ergit sich sicher öbis! de hets eifach miesse so si! ha grad nochli googlet.. wär das evtl no öbis? (ha aber nid nach prise usw gluegt..) http://www.hotel-feldbach.ch/bankett/hochzeit.html
liitlefoot: wünsch de dim sohn au no gueti besserig!
lula: isch wirkli chli e komischi reaktion.. hm vilicht löst das bi ihre au chli truurigi gfühl us, will si halt au dänkt dases schöner gsi wär wär de vatr mitgange? hoff für di GG s klappt trotzdäm mit ihre go luege! wär jo schad susch.
malinchen: gratulation zum bestandene referat!
saslieu: huiii bi euch sin wirkli viili sache los gsi hochzytstechnisch! toll händir das alles könne mache! aso euri flittis würdi jetzt au no näh! hihi so toll! dörf meh spienzle bi eurer homepage? schad wäg eurne iladige das ers nonig händ, aber 12 dag gön sooo schnäll vrbi isch au toll händir no so viil sälbrgmachts könne ibringe. haha di GG isch aber seeehr ufmerksam!
janedoe: toll isch eure pfarrer so offe und das klappt so wie ihrs euch vorgstellt hän. hmm miehsam mit däne GG’s hoff für di är klärt das gli ab und ihr könnet euch um euri flttis kümmere! Hmpf, aso dini TZ isch nid sehr fiinfüehlig was dis hochzyt abelangt (sorry) aber das meh en dresscode macht und antwortkarte het isch jetzt nid völlig näb de schueh, sonder eher normal! und wen du eifach asprichsch das ed fingerprint tree wotsch, isch doch das guet ok, mues jo niemer sich dra beteilige wo nid wot. nid druf lose und sich uf die positive sache konzentriere. du machsch das scho guet so. uhh was hesch de vo etsy bstellt? *gwundernäsli*
Lula Has gseh gha merci mege Depot online aber isch würkli viel Porto…schaffe ja z Bern de gangi de mau schneu verbi;O) d Chalkboardfarb hani im Coop Bau und Hobby kouft;O) Die isch echt suuuuper…chönti gad aues afärbe;O)
lil.lian ja säg nüt weiss ou nid obs di eltere Lüt oder die wo nid so guet in Englisch si verstöh wenn Save the Date drufsteit;O) oder eifach Bitte reservieren: ner ds Datum ?;O)
malinchen jaaa e Stand…..;O);O) aber weisch mitere Kollegin zäme wo üs de ou d Cupcakesturte wird mache die vo www.bringbackform.ch und de wird si Cupcakes gad vor Ort verziere und verchoufe und i leiste ihre gsellschaft und tue paar Vintage-Deko-Sache ufstelle wome chönti choufe zu ganz günschtige Prise;O);O) ha ize no gad mau wieder dini STD-Chärtli bestuunt….gfalltmer meeega guet de Sti….
Sasileu Hihihi ha gad müesse schmunzle wo di „ego-post“ chunnt in fett und schön farbig;O) het gad spass gmacht de z läse;O) Super du bi öich isch einiges gloffe!!! Gratuliere zum fotograf und Schiff;O) Tönt super öii Flitterwuche und gäu Vorfreude fägt scho weme ner chli meh weiss wo was wie wenn…;O) dafme öii HZ-Homepage luege??;O);O)
Janedoe Hihihi i kenne das soooo guet mit öpisem em GG ide Ohre hange bis eim fasch verleidet….i ha gern so Sache aube fix und wenn mes ner so lang nid weiss nervts…;O) Super megder Chile! Ha mi ize entschide dasi gar nüme mit dere ******* kommuniziere sondern de eifach mitem Sigrist;O) Hmmm auso was findet si de dass du vorschribsch megde Antwortkarte?! Was schribsch fürne dresscode? Wett das de uf öisi homepage tue…;O)
ME So ize chunnt no mi ego-post;O) obwohl i ja gar nid so i Hochzits-Organisations-Luune bi gsi hani glich ize gad di 2 wiisse Bluememeitlichleider bstellt und ha Gestern ire Brockestube e Maltafele gfunde und mi GG isch fasch verrekt vor lache woni mit dere bi heicho de het äuä würkli im Moment gad ds gfühl i sig am düredreie;O);O) ize muesi nume no luege wasi mit dere mache obi se als WELCOME bim Igang herestelle oder ds Menü drufschriebe oder…vilicht het ja öper vo öich no e gueti Idee??;O)
@nala Ha no nüüüt bstellt. Muess zerscht mal no min GG frage obs okay isch. Aber ha en gfühlti Mio. Links gspeicheret wo er sött absegne :D Mini TZ isch ebe Serbin. Für sie sind CH Hochziite öpis völlig neus... Merke erst ez, wie schwierig das ganze isch so... Bim Pfarrer ischs so, das es jetzt recht locker schiint, er isch aber eigentli bekannt defür, recht streng zsii... Mal luege wie sichs denn entwicklet, hehe :D
@Sue Ja isch glaub gschieder wenn de andere gar nümm schribsch, das isch ja wirkli unterschti Schublade gsi! Ich han de Dresscode uf de Homepage, es isch es Bildli wo eigentli scho recht viel Optione offelaht. Eifach chli festlich und ned unbedingt i Hotpants und T-Shirt. Und d'Antwortcharte isch für eus ebe mega wichtig, will am GG sini Family und Fründe ja vo Dütschland areised und mier d Unterkunft organisieret. Findes absolut klar und logisch, dasmer da chli müend plane. Mini TZ hasst Melone und hed e chlini Allergie... Denn hani ihre gseit, ich lah ihre Melone serviere, da sies ja total unnötig findet, uf de Antwortcharte en Spalte 'Allergie' zha.. Ich glaub das hed denn gsässe. d'Tafele findi e suuuper Idee... Mier wärded glaub welchi bi etsy bstelle (Ahang)... Ischs de sone grossi? De würi die glaub als Welcome Tafele neh... :) Wobii ich jetzt d Idee mitem Menü au no recht cool finde. Vielleicht vorne Welcome und hinne Menü? :D
Anmelden
Mir werdet eso mache, dass ich nach minere Hochziit mini Pille wird absetzte und den gsehmer den wie schnell dases gaht. I wird eifach ca. im Juni bi minere Fraueärztin en grosse check ha...luege obi na für öbis immunisiert muen werde und so und den afange Folensäure neh. Pille setzi erst nachem Hochziit ab, willi gern mini Mens nachi wür chöne lenke für mini Flitterwuche etc. und au wegem Alkohol.
Aber ich selber hans lieber weni echi Farb han....im Solarium kriegi aber so e dreckigs Brun, bi mal 4-5x gange au wegeme Hochziit. Und da ich im Sept. hürate und den lang ide Ferie bin chani im Summer leider au nid in Süde reise, deshalb hoffi uf en guetä Summer und lueg dasi mir echi Plusstunde cha erarbeite zum amigs Frei z'mache und ide Badi go sünnele
Ansonsten hani mir scho gseit, will ich emal das Tanning usprobiere. Het das öberd vo eui schomal gmacht?
Aber mal luege....
wird wahrschinli rosa oder im türkis bereich si...denki zumindest aber mal luege, um seb kümmeri ich mich erst negst frühlig/Summer.
Mier hend die letschte Wuche sone Stress im Gschäft und tagsüber chumi nur zum läse aber schribe liit eifach nöd dinne... und am Abig bini völlig neb de Schueh dasi eifach nur is Bett gheie... 
Min GG weiss sogar weles Lied glofe isch womer s'erstemal Sex cha hend...ich nid
