Guete Morge mitenand! :) TGIF! :)

OMG ich han sooowas vo en alptraum gha imfall! Han vom hochzyt tröimt und es isch eifach alles schief gloffe wo cha schief laufe! Wo d’gäst itroffe sind, bin ich gar nonig parat gsi, si händ dänn alli mega lang müesse warte und won ich dänn ready gsi bin, isch mi GG eifach glangwilt ufem stuehl am sitze gsi anstatt dasser uf mi gwartet hetti! Und anstell vom pianist isch so en komischi rock band det gsi wo so en füürshow gmacht häd! Ich han es pothässlichs langärmligs sehr unvorteilhafts chleid agha und schwarzi (!!!) stifel dezue !! mein gott han ich schlimm usgseh! :p und s’häd dänn immer abwächsligswis sonne gha und dänn wider in ströme grägnet so dassmer immer wider ine und use händ müesse zügle während de trauig.. mein gott so en quatsch :p gottseidank ischs nur en traum gsi :p

@lula: merci vilmol för die vile gratulatione :) jetzt hoffi chan öich nach morn au positivs zum brutchleidshopping brichte ;))

@taeboyana: nei ich han ebe tanning au no nie usprobiert aber vilicht wärs jo was.. wobi hetti soo angst, dasses chönt abfärbe :p ich finde ab und zue solarium nedso schlimm.. glaube obd en tag voll ad sonne ligsch oder 10 min. is soli ligsch chunt öbe ufs gliche use ned? gange au sehr sälte aber glaube vorem hochzyt giengi dänn scho paar mol… jöö das isch jo en härzigi idee mitem schild und dim neffe :) also die chile oder wo würdsch das welle mache? :) hehe das kenni – min GG brucht ebe amigs au en zimliche arschging för so sache :p das närvtmi dänn amigs wili doch ned die zickigi fröndin wet si wo ihm seit waser ztue häd :p aber letscht woche woni wäg gsi bin häder mir nacher gseit er heigis vermisst, dassi ihm immer säge er söl bitte sini sache no wägrume und de kehricht use due oder das und jenes hehe und siehe da: er häds doch vonellei no gmacht :p do chunt mir grad i sinn: er söt sit wuchene ändli mol am italienische konsolat alüte und sin geburtsschin & ledigschin bstelle (in italie bruchtmer das) sust chömer gar ned hürote :p aber neeeei er häds immer nonig gmacht :p ui nei generell bini imfall ned eso mit schmärze – bin meeega schmärzempfindlich! Wet scho sit eh und je es tattoo und weiss au scho gnau was aber han eifach mega angst vor de schmärze :p und jetzt warti eh no bis nachem hochzyt (mindistens :p) ;) aber bim thema chind schalti das wie us, will ich mi soooo uf das fröie und druf vertraue, dass das guet chunt :) hehe mi GG isch au M&M’s süchtig :p ah cool chasch immerno kontakt ha mit dine alte bürogspändli das isch doch schön :)

@sue: hehe jo du seisches, mängisch lohnts sich würkli chli z störme :p jo do müessti mol nofroge bim coiffeur.. aber s’wär halt super gsi wär si cho… woooow die rosecupcakes sind jo de hammer! =)) mega schön wörkli! :) danke för d’iladig – bi mir ligts au nedso ufem wäg plus hani am FR obig jetzt eh immer schuel :/ aber wird sicher cool! :)

@lil.lian: danke vilmol! :) weisch mir händ ebe unebdingt am 5.4. standesamtlich welle hürote wilmer dänn genau 5 johr zäme sind! Und do in aarau wo mir wohnet gits am SA kei trauige – die gits ned a soo vilne orte.. dänn hämer dänkt basel wär no cool will mi GG jo vo basel isch und det verwurzlelet und au ufgwachse isch und so chöntemer dänn au grad im dütsche go ässe am obig damit mir wenigstens bim standesamtliche keis vermöge usgäbet.. und ebe genau will mir aber ned iheimisch sind (bez. nüme – GG ischs jo bis vor 3 johr gsi) hämer so lang müesse warte will die iheimische wie vorrang händ! will s git nur 1 SA im monet immer de 1. Womer chan hürote und händ grad glück, dass de 5.4. de 1. SA im monet isch.. aber bin froh häds jetzt doch no klappet – s’störme häd sich glohnt ;)

@pfingstrose: danke dir! Jo s’isch def. en mega erliechterig :) jo ächt die cheibe manne.. ich warte au no druf, dass er sin teil macht för d’homepage und stoh drum immer a! so müehsam hey!!

Etsy: weiss öber meh wie das isch mit de zollchöste? Ich wet jo so en aisle runner bstelle (siehe anhang) und han chli angst, dass das mega tüür wird wägem gwicht und so?

Wünsche öich allne en superschöne herbsttag und es tolls weekend! :) dänket morn chli a mi hehe :) <3

Datei-Anhänge

Aisle runner.jpg (27x) Mime-Type: image/pjpeg, 115 kB

Laprincipessa: Hahahaha… Am meiste hani müsse lache ab de schwarze Stifel. Also das wer ja Katastrophe. Aber ich glaub mir werdet no paarmal so schlimmi Träum ha und froh sie wenn mir ufwached. Ich han scho öpis ähndlichs vo de Flittis troimt. Min Schatz isch eifach nöd mitcho will ich eifach zwei Kollegine woni garnöd so viel mache mitgno han. Haha! Chasch der ja vorstelle…

Du bisch cool! Keis Tatoo aber Chind. Aber mir gahts imfall genau glich… Mer vertraut da eifach irgendwie am Körper das den scho alles richtig gaht. Userdem ischs eh zspat zum sich umentscheide wenn mer schanger isch. Aber die chline Frätzlis sind soooo herzig dass es sich eifach lohnt.

Wie tür isch de „Runner“? Ich han nämlich no garnie Zollgebühre zahlt weni bi Etsy bstellt han. Wenner nöd über 300 CHF isch den isches imfall kei Sach. Und suscht chasch am Verkaufer säge er sölli Gschänkli drufschriebe anstatt die genaui Agab vom Inhald den zahlsch eh nie öpis. So machis amigs mit de Kollegin wo i de USA wohnt. Het no nie Problem geh.

Tanning: Das wer au das wo mi mal interessiere würd. Anderst rum dänke es isch doch au en Seich, wenn ich so summerlichi Brüni han und min Schatz nöd. Den gsehts ja no schlimmer us. Ich glaub ich gahn eifach 2-3 mal id Badi und min Schatz schleicki mit. Solarium wotti nöd gah. Aber wenn öper das Tanning mal usprobiert bini gspanne was ihr verzelled.

hiihihi das meini

Datei-Anhänge

ross.jpg (25x) Mime-Type: image/jpeg, 26 kB

Puahahahaha!!! Stimmt die vo Brides War isch au schlimm! Mich verchlöpfts stell der dass mal vor!

Laprincipessa
Haha din Traum.. tüüüf dureschnuuufe.. es chunt alles guet
Ah danke villmal für dini wiitere Usfüehrige.. Ja das es en Samstig isch, hani gar nöd gmerkt.. Ja den händer würkli Glück gha!!
Bi dim Föteli gfallemer d'Gläser mit de Blueme uf de Siite. Findi no e hübschi Idee.

Pfingstrose
Ja de isch au nöd schlächt, du gasch mit zwei Kollegine id Flitterwuuche und de GG dihei am schaffe.. Öber muen au schliesslich go schaffe das du id Flitterwuche chasch

Sue87 / malinchen
Ja jesses.. Wemer den so usgseht.. haha gaht ja gaaar nöd.
Han au mal Selbstbrüner testet.. Abr nur ade Bei, dass isch no gange. Abr han defür no ade Händ Fläcke gha

@principessa: ou ja du geisch ja ga chleider aprobiere! Hey gniesses und viel erfolg!!!