Pricana Hey, mir wohnet jo selber grad in Winti und sind daher au bim Globetrotter in Winti gsi, de ide Stadt.Weiss nid obs na en andere git, glaub nid. Eusi Reiseberaterin isch Gabriela, sie kennt sich anschinend am beste us was Neuseeland, Westamerika,Hawaii etc betrifft. Und mol mir sind z'friede mit ihre, sie freut sich au zum e Hochziitsreis organisiere, aber wasi glaub echi muen usehole isch so de Hochziitsreis-Rabatt oder so, i find das chönd sie (Reisebüros) eim scho geh bi sonere Reis. Hee cool hender schomal de Flug, so hets bi eus au gstartet Wenn flüget ihr? Bezüglich wenn hüratisch du?
@munggi: dWeddingsingers hei glob es paari, sorry, cha Dir leider nit gad viu häufe.
@Taeboyana: Nee, knaubruun muess i nit si, bini zletscht mau aus Teenie gsi, denn hasi iwie besser agno, aber so chli farb wäri haut glich schön. Chasch ja es Güetzi mache mit am Name vom Gascht u di bedruckte M&Ms drzue?! Fröit mi für Di, dass es so guet klappet mit am Start am nöiie Ort, tönt aso super!
@Sue: Iwie hani das mit Dim Märitstand verpasst. Was, wenn u wo isch das? Hmm, has gad gseh, GG het denn äuä no Budeabschlussabe, muess mau gugge. Was isch de das, e Whynachsmärit? WOW , mega schön di Cupcakes!!!
@principessa: Ohje, aber i gloub das ghört drzue, isch üs doch scho aune so gange. Wie isch zKleidshopping gsi?
@sasi: I ha kei Ahnig, wies isch, aber ebe es tönt haubt aube sehr easy. Ja, bis im September isch scho no chli Zyt. Merci viu mau fürs e Link vor Hoempage. I finde die sehr härzig u persönlich gmacht! U überhoupt nit chaotisch oder so.
@Gastgschenk: Am Zivile gits öbe nüt, ggf Torte zum mit hei näh... U am Kirchlech gits säubermgachti Konfi
@nala: Jep, es het klappet, mi GG het e Azug... Ha zwar kei Ahnig was für eine, aber vom verzelle här e speziellere, wüu er wie ou sis Mami zGfüehl hei gha, e ganz e normale sigi nit geignet für nes Hochzyt, aso ämu nit aus Brütigam. Jtzt brucht er eifach mau no es paar Schueh. Hoffes aber ou, dass es iwie mau wieder besser wird. Oh jö, so härzig!! Ok, isch aber scho no speziell vo Dire Schwiemu, wüu aui wo dr kennet weit dr ja viellech ou nit drbi. Aber i verstah sehr guet, wotsch kei Keil zwüsche dri tribe. U wenn de Dini Schwiegis mau seisch, dass de nit wettisch, dass si sech zfest dri mische?
@pricana: I wäri a Dire stell ou ziemli hässig, wüu süsch cha me ja ou eifach alüte. Bisch Du sicher, dass Du würkli no mit ihre wotsch zämä schaffe? Oder hesch für Dini Kärtli gar nit viu anderi Optione? Süsch cha ja Din Chef sini Ferie a Di witergäh? Wie ischs Shooting gsi?
So Mädels, i wünsche euch no ne schöne Obe u morn e ruhige Sunntig, heit nech Sorg
Mir sind verknallt in unseri Föteli Wer en Uszug will, cha siich melde. I schicks gern per PN. Diä wo ii gad no gwisst ha, dass nagfragt hend, han ii scho mol gschickt Exgüsi, ha mir irgendwiä nöd so viiil chönä merke
Guät Nacht und entschuldigt dä kurz und fiin Ego-Post
Ich bin jo hüt uf Chleidersuechi gsi :) uuund ich han es Chleid kauft! =) Puh bini ich nervös gsi! :p Han die letscht Nacht chum gschlofe und bin mit Buchchrämpf ufgwacht und schlächt isch mir au gsi ganz übel.. dänn sind mini Mädels au no z'spot mich cho abhole do bini no nervöser worde aber händs dänn doch no pünktlich zum 1. Termin gschafft.. sind zerst is Dolce Vita in Lörrach -d'Bedienig isch det rächt direkt und ehrlich aber au sehr kompetent gsi - han mi sowit rächt wohl gfühlt und es häd sich au zeigt, dass mir das wo mir gfallt au stoht (Härzusschnitt und vil Tüll :) Han dänn öbe 8 Chleider agha und dänn 2 Favorite gha s'einte isch so assymetrisch gsi und sehr verspilt, häd vil Glitzer gha und ebe Härzusschnitt - mini (5!!) ladies händ das sofort super gfonde und gfunde es sig das Chleid! Ich han dänn aber es anders au no sehr toll gfunde wo no chli schlichter gsi isch also chli romantischer aber au sehr schön - obe mit Spitze dänn i de Mitti chli Satain und unde Tüll.. d'Verchäuferin häd gmeint, dass die 2 eifach 2 ganz anderi Botschafte usstrahlet - s 1. meh sinnlich und meh Frau quasi und s'andere eher romantisch, klassisch.. guet dänn häd mi d'Verchäuferin zum Glück gar ned zomene Chauf welle überzüge sondern häd gseit ich söl mir das in Rueh überlegge und so! Dänn sindmer uf die 1 nach enere churze Mittagspause (schnäll Sandwich im stoh hinteregschletzt - bin dänn scho rächt k.o. gsi ehrlichgseit!) is Domino - empfange händ si mi mit: Frau Schindler si sind z'spot, chömed si etc.. und ich so: eh nei ich heig jo de Termin vo de halbi 1 uf die 1 verschobe.. die eint häd dänn gseit; jo aber guet sind si jetzt do, das isch d'Hauptsach etc.. - bin dänn also scho grad chli irritiert gsi vo dem Emfpang! und usgrächnet die mit dem blöde Spruch häd mi dänn au no bedient! bin froh gsi isch no en anderi debi gsi wo um einiges fröndlicher gsi isch! Woni dänn bim Berotigsgspröch gsi bin (das isch super gsi muessi säge häd sich voll Zyt gno, welle wösse wie s'Hochzyt so isch, wele Stil etc. wie wo was, wie vil Lüt, obi scho wössi was mir gfallt, Budgetvorstellige etc.) jedefalls isch dänn no eini inecho und häd sich in aller Form entschuldiget - es sigi ihre Fähler gsi - si heigi de Termin so bestätiget und vergässe i de Agenda izträge! bini grad chli beruhigt gsi.. dänn sindmer d'Chleider go ussueche und han irgendwie weniger gfunde als im 1. Gschäft wo mir gfalle händ und zones paar hani mi chli loh überrede loh zum aprobiere.. Dänn hani mol grad s tüürste als ersts probiert vo de Marke Demetrios (2500 EUR) aber das hädmer zum Glück ned gfalle :p dänn sind witeri Chleider cho und öbe bim 4. hani s'Gfühl gha mol das chan mit de 2 andere vo desem Lade mithalte.. mini Mädels sind aber soo fixiert gsi ufs andere und händ gfunde es fähli das gewisse etwas.. mir stöchis zwar super aber es sigi fsat zu klassisch för mi.. hmmm bini wider verunsicheret gsi und no anderi chleider probiert (vil i de grössi 36 wo voll doof gsi sind wil si mir logischerwis ned gange sind und ich si mir nur halb han chönne vorstelle..) dänn häd si das wo mir so gaflle häd no inere grössere grössi gha und gholt und dänn isches grad nomol besser gsi und au mini fraue händ gfunde doch es sig scho sehr schön.. glaube mir sind eifach fangs alli rächt müed gsi und si händmer dänn alli gseit, dass si findet ich strahli so und so.. han dänn no mit schleider probiert wo rächt guet usgseh häd und schlussändli churz vor ladeschluss hani mi für das chleid entschide und kauft! s'isch unter mim budget gsi und häd 1190 EUR kostet :) 20% MWST chumi jo dänn zrugg öber hehe voll cool :) also d'Änderige chostet natürli no öbe 100-200 EUR aber isch voll ok also dänki dassi dänn mit dem woni retour bechume öbe 1200 EUR zahle :) chas drum also nur empfehle is dütsche go luege! was mi sehr beruhigt häd isch: dass vil chleider minere figur sehr gschmeichlet händ und ich mi i keim chleid dick gfühlt han! han so angst gha, dass mi mi buch stört wili jo nedso vil abgnoh han aber würkli gar ned dur d'korsage duets das so schön kaschiere ächt super! :) han mi gfühlt wie en prinzässin! :)
jetzt chunt das grosse ABER: Bin jetzt plötzlich ned zo 100% sicher obi mi richtig entschide han oder obi z'schnäll Jo gseit han wili gwösst han mir findet eh kein Termin meh, wos allne goht & ich eifach müed gsi bin vom ganze tag und vode schloflose Nacht.. Hmm :/ Bin so verunsicheret jetzt! :( S'Chleid isch scho mega schön und au prislich hammer aber isches würkli DAS chleid? mir häd eifach de WOW Effekt wo au vili vo öich devo verzellt händ gfählt! jetzt bini würkli mega verunsicheret! :/ wer wet dem schicki es Foti vom Chleid.. Hoffe nachdemi en Nacht dröbert schlofe dassi ganz sicher bin - ev. muessi eifach nomol drischlüfe.. aber händ ihr das au gha oder händ ihrs alli grad gspürt: das chleid und keis anders? bin froh um tipps & erfahrige!
@squishy-fishy: Derfi au sones magischs Mail ha😊
@Principessa Wow, i weiss du bisch na verunsichert aber din Bricht tönt super.Vorallem stell ich mir das Kleid mega schön us und ähnlich wie mini Vorstellige sind. Derfi es Foti gseh? Weg dem spezielle Gfühl chani dir leider na nix sege,min erste Shoppingtag isch erst am 20.11
Nume churz, sind wieder gsund und da mi GG und ich beid geburtstag gha händ gester und im usgang gsi sind magi no nöd so alles nahläsä Isch super lässig gsi übrigens, mal ohni kids. Hämmer brucht Sind de no e handball match nationalliga A go luege, wil cousins vo mim GG det spiled Denn no fein asiatisch go esse, chugelrund usecho. De simmer no eis go trinke aber nightlife am 1:00 isch nüm so oisi wält sind dä hei. U froh drum jetzt
Principessa: zerst mal: gratulierä zum Chleiderchauf. Ich hett sehr gern es foto :) denke ines paar tag gseht alles anders us, vilicht bruchsch würkli no es paar "neutrali" meinige Danke für din Bricht! Hät vill Frage und offnigi Pünkt klärt. Ich gang ja au is domino als zweit termin und bi echt froh z ghörä dass es dir glich gange isch mit de grössi usw, has ebe au doof gfunde wenns nid passt hät zum sich das vorstelle.. Ich ha ähnlichi gedanke gha weg mim buch und ha de au müsse merke dass die chleider super formed :)
Freu mi jetzt richtig uf de 7.12 dank dir, glaub es chunt guet, au prislich 😄
Sorry ladies für ego :) S isch sooo vill zum kommentiere vo de letschtä täg Holi aber no na!
Hey laprincipessa!! Schön hesch di tag gha geschter, u ja es macht mega müed.mir ischs letscht samschtig so gange, bi o erwachet am morge u mir ischs auso rächt eländ gsi.so schön wi du gschribe hesch, cha mirs grad vorstelle dis chleid!!
Aber zu dim unsichere gfühl: ig ha när am abe vo mim chleider chouf o zgfühl gha ha ig richtig use gläse?? Hät ig äch glich nid mi anger favorit gno? Ig bi drum rächt schnäll gsi, 3 chleid het scho passt u ufzmau isch bedienig no miteme angere cho wo mir o sehr het gfaue aber eifach nid mit dere farb verzierig wo mir gfaue hätt u ig mirs so schlächt ha chönne vorstelle.
Ha när am sunnti no mire TZ gschribe u verzellt das ig so im zwivel bi,u ig di haub nacht o nid so ha gschlafe, u si het mir när gseit ihre sigs e tag zwe o genau glich gange.( si het im mai 12 ghürate u ig bi TZ gsi) das het mi de auso rächt beruigt...
Aber ig ha es foto vo mim chleid u ha das de no paar mau agluegt u its nach paar mau drüber schlafe bini würklech happy!!!)
ig hoffe nach einisch schlafe scho chli weniger zwifu hesch.
@laprincipessa: ig würdi zChleid ou sehr gärn gseh i diä zwöi Läde wo du bisch gange, wetti äbe de ou gärn gah... drum bini gad mega froh über di Bricht wiä hesches gfunge vor Uswahl här? hets viu gha? weisch du wases chostet wägem verzolle?
ig hoffe wed villech nomau drüber schlafsch oder no chli zFöteli aluegsch, bisch när ume überzügt drvo
@litlefoot: hey gratuliere nochträglich zum geburi! :) so witzig händ ihr am gliche tag geburi :) kenne no 2,3 päärli wo am gliche tag gebrui händ hihi :) schön händers so guet gha und klar chani mir vorstelle, dasses au widermol schön isch ohni chind ;) jo nach eimol drübert schlofe gohts mir def. scho besser als gester.. s'isch jo ächt es mega schöns chleid :) en chline zwifel, obi ächt s'richtige gwählt han oder ned no het sölle witerluege isch zwar scho no do aber grundsätzlich gfallts mir sehr guet, han mi wohl drinne gfühlt & s'isch jo sones klassischs chleid, dassi mir ned chan vorstelle, dasses mir plötzli nüme gfallt.. und ebe de pris isch au super! muess säge i beidne läde sind alli chleider woni probiert han zwösche 1100 und 1500 EUR gsi eis isch 2500 EUR gsi vo Demetrios - hädmer aber gar ned gfalle... schick dir grad no en PN mit Fotis :)
@angyyy19: hehe bisch au so nervös gsi? :p han nur dänkt: hooooffentlich fühli mi am hochzyt ned so elend wenni d'nacht vorher chum schlofe wili so nervös bin :p oh do bini beruhigt isches dir au so gange! s'isch halt eifach scho en mega wichtigi entscheidig womer nüt wet falsch mache... han ebe immer nur ghört / gläse: mer gspürt grad wänns s'richtige chleid isch, das isch wie wännd di verliebsch etc.. wow-effekt usw.. und das hani halt ebe ned gha isch teilwis au en chopfentscheidig gsi.. aber schön isches uf jedefall und au wie gmacht för mini figur :) schick dir au grad no en PN mit foti :) döfi dis au gseh? :)
@lamariee: d'uswahl hani i beidne gschäfter rächt gross gunde! klar chunt au chli ufe stiil wo dir gfallt drufa aber min gschmack händ vil chleider troffe het no vil meh chönne probiere.. uh wägem verzolle hani mir gar nonig sovil gedanke gmacht: lguabe ich riskier das eifach und fahre über d'grenze.. fahre nämli ständig is dütsche und bin no nie usegno worde! aber d'MWST weti scho zruggfordere! das macht jo öbe 20% us! :p jo mol s'goht scho bitz besser jetzt luege s'chleid immer wider a und mol au wenns relativ schlicht isch passts zo mir und isch schön :) schick dir au grad en PN..
wasi no zum ergänze han vo gester (bin jo zimli dure wind gsi) mis mami isch jo schniderin (allerdings schafft si sit johre nüme uf dem bruef) aber han gester plötzli en idee gha woni en schleier zum chleid probiert han (bin nonig ganz sicher obi eine wet) jedefalls häds zum chleid dezue so wie es ärmelfreis jäggli gäh weiss ned wie das heisst - das hani au scho chönne mitnäh (so hani öbis vom chleid woni immer wider chan aluege hihi :) das isch so us fiiner spitze mit ganz vil schöne stickereie wie ufem chleid - jedefalls weti das ned alegge wili jo de herzusschnitt grad s'schöne dra finde und hürote jo au ned i de chile woni mi irgendwie bedecke "müesst".. drum hani dänkt es wär doch schön en passende schleier z'ha mit dene stickereie, jetzt frogi mis mami ob si ned chönt en ganz eifache unischleier mit dene stickereie verziere! im lade chöntmers scho au loh mache aber det chostets 35 EUR pro stund und si hettet öbe 5 Stund (obwohl das im Gägesatz zode Schwiz au no rächt günstig isch) entweder so wenni würkli en schleier wet obwohlis ebe scho no schön gfund ehan und nach de trauig chamer ne jo dänn abnäh oder nachem apéro oder so.. oder mer chönt die stickereie au am ändi vom chleid no druf mache so als ergänzig wil unde häds das leider nüme - eis vo beidem wär doch schön oder was meinet ihr? :) fänds natürli au mega persönlich, wenni en sälbergmachte schleier vo mim mami het :) <3 due öich es föteli ahänke mit dem "jäggli" (kei ahnig wiemer dem seit) ah und ganz schöni schueh hetti au gseh :) wet jo peep toe brutschueh und het meega schöni sandale gseh.. aber weiss ned rächt wägem bequem si... aber due si öich au mol i ahang :) passe wördets emel guet zum chleid :) aber för das hani jo no bitz zyt ;)
so jetzt wönschi öich trotz rägewätter no en schöne sonntig - mir händ ad basler herbstmäss welle hüt aber bi dem wätter hämer voll kei lust.. jetzt göndmer defür go asiatisch zmittag ässe mhhhh :)
@Sasileu: nei es git glaub nur eine in Winti :) –eusi Beraterin isch d Dunja und seg au e Amerika-Spezialistin. Meinsch sie gebed en Rabatt? Mir flüged am 25. Juli ab und sind am 9. August wieder zrugg, freu mi soo :)! Wenn flüged ihr? Hürate düemer am 28. Juni, also hemer na paar Wuche dehei bevor mer abflüged.
@Lula: hehe ja ich chan mi ja eignetlich scho nöd beklage, han ja au 5 Wuche Ferie im Jahr und dur mini viele Überstunde na viel meh, nur chani irgendwie nie iizieh und vorallem halt nöd mitem GG zäme, drum isch scho oke so :) Schrieb nachher grad na vom Shooting und de Kärtli!
@squishy: iiich wot au e pn mit eune fötteli :)!
@laprincipessa: gratuliere heerzlich zu dim Kleiderchauf! Ich bin sicher es isch s richtige für dich! Und ja, ich han au immer gfunde die Bruutkleider mached e super Figur :)! Ich bin ja au unschlüssig gsi zwüsched zwei Kleider aber bi dem woni kauft han hani eifach es suuper Gfühl gha! Aber nöddestotrotz denki immer wieder mal obi mi richtig entschiede han, aber ich glaub das isch au normal :). Ich denk wenns würklich nöd dis Kleid wär, hetsches sicher nöd gno! Hesch es Fötteli? Was denksch denn wenns Fötteli aluegsch? Ich muen nämlich bi mine Zwiefel amigs eifach mis Fötteli aluege und denn weissi wieder, dass isches :)! Isch ja e super Idee mitem Schleier! Hesch dis Mami scho gfröget? Fänds en mega schöne Gedane öppis so persönlich azha am HZ, hoff für dich es klapped eso! Ou und d schueh findi meeega schön :)!!
@littlefoot: Gratuliere dir/ eu na herzlich nachträglich zum Geburi!
Me: also zerscht mal zum erfreuliche, mir hend es suuper Shooting gha gester!! Ich bin chli früehner gange am Morge und sie het mich uu schön gschminkt, natürlich u übertriebe aber uf de Fötteli würkts meega. Denn hemer s Shooting gha und sie isch mega uf eus iigange und es het soo schöni Fötteli gä, mir sind begeistered! Sobald ich eusi Chärtli han gahni namal verbii und sie tuets denn so bearbeite dasses grad passt und i öppe 1-2 wuche hanis usdruckt und uf cd, denn tuenis eu natürlich gern schicke :)! Mir mached sicher auna es grosses Bild fürs Schlafzimmer drus, ez hemer endlich mal richtig schöni Fötteli vo eus :)!
Deenn zum negative, euse Iiladigskarte.. Ich bin würklich immerno hässig wie alles gloffe isch und sie hettmer bis hüt wieder nöd zruggschriebe! Sorry aber jede het doch Zuegang zum Internet irgendwo! Drum hani mi gester dezue entschiede, zum d Chärtli selber z mache und das Geld halt abzschriebe woni scho überwiese han.. Ich versuech sicher das zrugzbecho aber wird sicher nöd eifach.. Ich han eifach gaar kei Vertraue meh zu ihre und ich chan s Risiko nöd iigha dassmer am Schluss kei hend! Ez machis selber und irgendwie bini scho mega gspannt und freu mi druf aber anderersiits hani au Panik wie ich das sell schaffe idä nächste 3! Wuche.. Will ich wot unbedingt nächst Wuche scho zude Fotografin demit, damit sie chan afange mitem bearbeite und ich muens i mine Ferie chöne fertig mache, will vorher und nachher hani sicher gar kei ziit meh.. und mir hend ja kei std chärtli usegschickt und drum wotis halt scho Afangs Dez. verschicke.. Ich ghan ez morn Mittag mal go luege und hoff ich find grad öppis passends und es klapped alles so wieni wet..
Anmelden
Wenn flüget ihr?
, mega schön di Cupcakes!!!
Ha zwar kei Ahnig was für eine, aber vom verzelle här e speziellere, wüu er wie ou sis Mami zGfüehl hei gha, e ganz e normale sigi nit geignet für nes Hochzyt, aso ämu nit aus Brütigam. Jtzt brucht er eifach mau no es paar Schueh. 
Ig bi drum rächt schnäll gsi, 3 chleid het scho passt u ufzmau isch bedienig no miteme angere cho wo mir o sehr het gfaue aber eifach nid mit dere farb verzierig wo mir gfaue hätt u ig mirs so schlächt ha chönne vorstelle.