Pricana
Nei mier chönd i drü Täg verbi gah bim Fotograf :) aso scho gliii...
Die Härzli sind eusi StD-Chärtli..
Ja das mit em Apero isch ebe au chli s'Problem. Wenn z.B. anderi zersch sind, dusse Apero möched und nachher uu luut sind vor de Chile isch voll kake. Mier händ jeze no e anderi Idee, bi eus um de Egge (mier hüratet im gliche Dorf wo mer wohned und ide Chile bisch i drü Minute z'Fuess) und die möched mängisch au verschiedeni Fäscht (sisch en Wii-Buur). Jez frägemer bi dem mal nah öb mer vilicht bi ihm en Apero chönted mache. Und den hoffi, dass die wo für das Datum scho ide Chile nahgfrägt händ, nöd gad am halbi 2 wennd hürate, den chötemer evt. die Ziit neh.. Ich chan den nächst Wuche am Chile-Sekretariat alüte.
Ah schöön hät s'Shooting klappet.. Und das wege de Iladige verstahni voll. Ich wär au voll verruckt!

squishy-fishy
yeah sie sind cho :)
Duesch mers au schicke? daaanke

littlefoot
Gratuliere au no herzlich zum Geburi

laprincipessa
Gratuliere zum Hochziitschleiderchauf :)
Ich find das uuu e härzigi Idee mit em Schleiier. Dänn häsch öbis wo voll passt und es isch öbis persönlichs :)
Schicksch mer au e PN?

@pricana: danke dir :) jo doch wenni d'fötelis aluege dänki scho jedesmol wider: woow hammer :) aber glich blibt so en chline gedanke: hmm hetti ächt no eis foti gfunde, wo no meh passt hetti? weisch wieni meine? ische würkli das perfekte chleid oder hani mi voreilig entschide.. aber stimmt scho wie du seisch.. und d'hauptsach isch jo, dassmer sich wohlfühlt und das isch definitiv so i dem chleid :) klar schick dir grad en PN mit fotis :) jo wäg de schueh bini no bitz unschlüssig ebe wäg de bequemlichkeit.. luege no chli ume aber optisch wäret si voll mis ding :) jo gäl wär härzig wägem schleier! :) jo si häd gseit si hilft mir gärn! :) dänke si muesses au aluege ob sis chan wil si jo scho länger nüme uf dem bruef schafft und eigentli eher eifacheri änderige no macht.. aber ihre würds au mega vil bedüte <3

oh super händer sones tolls shooting gha hey fröitmi! :) bin gspannt uf d'fotis! :) hmm mega doof wäg de chärtlis.. aber wenni di richtig verstande han, dänn verzögeret sichs eifach bitz das ganze oder? aber si häd si scho gmacht oder? häsch angst, dasses zitlich nüme klappet? meinsch bisch ned meh gfrustet wännd jetzt nomol vo vore muesch avo? toitoitoi jedefalls!

@lil.lian: hey das dönt doch guet mitem apéro bim wii-buur? :) toitoitoi dasses klappt! :) danke dir! :) jo fänds au mega persönlich mitem schleier vo mim mami :) klar schick dir au grad no en PN :)

Guete Morge Brütlis!!!

Ach ich schmachte no am Friitig nah!!! Mir hend ja chli e wirri Hochziitsplanig... Am FR heti min Schatz eigentlich Schuel gha am Abig. Ich bin den uf de 5i Zug hei und wer isch diheime... Er! Den heter gseit so, jetzt hämmer no genau 30 Minute den mümmer uf de Zug. Bini chli verwirrt gsi han aber dänkt guet das schaffi locker. Den simmer uf Züri gfahre und uf de Üäetliberg is Uto Kulm go esse. Es isch meeega fein gsi aber mega viel! 5 Gäng isch ja es Hochziitsmenu! Hihi! Den hämmer mega schön gredet über Ferie, Hochziit, Schuel, Schaffe, Kollege, Familie eifach alles! Und den simmer den uf die 11i use gange. Es hät meeeega fest grägnet und gwindet. De Schirm häsch gad chöne vergesse. Min Schatz hät den welle uf de "Mini-Eifelturm" uf em Üetliberg (weiss nöd ob de alli känned aber isch ja glich - isch eifach so en Ussichtsturm wo au so us Metalgestänge isch). Na toll, den simmer det ufegloffe und mir sind beidi scho pflotsch nass gsi - ich glaub die Lüt wo dune gsi sind händ dänkt da sind zwei Läbensmüädi. Den hät mir min GG im volle Rege en Hüratsatrag gmacht. Ich han nurno brüälled aber bin ja eh scho verschmiert und nass gsi. Haha! Es isch eifach mega schön gsi. Mir hend müsse glichziitig lache und brüälle und ich han die ganz Ziit schiss gha, dass de Ring abegheit!!! Haha! Nachher hämmer s Schächteli wo miteme Schnürli ipackt gsi isch nöd ufbracht! UPS! Und den hanien endlich chöne useneh... Er isch de aller schönsti woni je gseh han. Es isch genau min Ring! Goldig mit alles finne Steindli rundume (also nöd ganz rundume bis je id Helfti) und ein Grosse i de Mitti. Den simmer pflotsch nass in Zug und irgendwenn am 2 go schlafe es isch eifach so überweltigend gsi, owbohl mir ja gwüsst händ, mir werded hürate!!! Am SA hämmers den minere Familie gseit mir sind bi mim Papi iglade gsi ad Räbechilbi mis Mami und min Stifpapi und mini Gschwüsterte... Ich hans garnöd gwüsst wie säge. Han bis zletscht gwartet. Bin sooo nervös gsi. Haha! Jetzt isches dusse. Mini beste Kollegine wüsseds au scho und sind fast duredräht! Jetzt mümmers no GG's Eltere verzelle... Und sine Kollege die chömed aber alli nächst Wuche zu eus go Fondue ässe. Jetzt fangt die ganzi Planig so konkret ah obwohls ja vorher scho so gsi isch. Aber s Gfühl isch jetzt anderst. Mini Bruutchleidertermin hani uf de 21.11. verschobe. De einti hetti ja scho morn gha hetti mich aber selber überfordered gad allne säge so mir hürated und jetzt zag s Chleid go ussueche. Wott no chli Ziit ha!

Sorry für de Ego Post. Ich hans eifach müsse schriebe. Bin völlig verwirrt im Moment, chan garnöd schaffe. Haha!

Ich wünsche allne en guete Wuchestart!

Squishy: Dini Fotis sind würklich cool! Mega speziell mit dene Farbe aber ächt hammer! Ihr gsehnd eifach herzig us zäme.

Ja danke viel mal… Doch ich han scho dänkt, dass mer eus no ganz traditioneell verlobe werdet. Isch eus beidne sehr wichtig gsi… D Familie hät meeega erstunnt reagiert. Aber sie hend sich gfreut! Sie münds jetzt glaub au no chli sacke lah! Hihi! Aber isch au guet so… Die Wuche wottis no minere Oma säge dun sie zum Zmittag ilade.

Pricana: Das wege eune Chertli tut mer mega leid! Ich finds richtig fiis das die sich so verhalted. Und ich würd ihre würklich klip und klar schriebe du wellisch das Geld retour. De Service weri also unter aller S** gsi. Drucke dumme und hoffe du bisch am Schluss überzoge vo eune Chärtli!

Ehering: Jetzt hani no e Frag a alli... Und zwar hani es Dilemma siit ich de Verlobigsring han. Er isch min absolute Traum-Ring! Ich wott de nie meh abzieh und ich weiss wie lang min GG uf de Suechi gsi isch für de. Darum wott ihn au nach de Hochziit unbedingt alah. Mir händ eigentlich zerst so gmasseredi chli breiteri Ehering welle (ca. 6-7 mm)… Aber jetzt hani mir überleit obi nöd eifach nur ganz en schlichte schmale Goldring söll neh und de Verlobigsring aphalte. Het öpert vo eu au nöd de glichi Ehering wie de GG, abgseh vomene Steindli wo warschiendlich jedi hät und GG nöd. Kkk! Findet ihr das doof wemmer nöd de glichi Ehering hät? Will am GG het de Ring würklich mega guet gstande, und ich find er dörf de au ha wenn er en wott und ich glaub ihm würdis nix usmache. Und mir glaub au nöd will ich han ja den sin Name und wohne mit ihme und ob mer eus jetzt am Ring als Ehepaar erkännt spielt eus nöd gad die grössti Rolle.

Guete morge mitenand! wünsch allne e guete start in d wuche!

pricana: merci fürs komlimänt! jo das mit däne schwiegis isch halt nid immer eifach..
toll het das mit eurem shooting so guet klappt und ihr hän jetzt e bessers gfühl! nämmet ihr dä fotograf jetzt au fürs hochzyt?
hmm das mit de iladige isch wilri mega schei*** het si sich efangs gmolde. vrstandi das nüm wotsch mit ihre witrmache.. hoff kriegsch dis gäld zrugg!

lula: oh so schön hets klappt mitem azug vo dim gg! so härzig dases si gfunde hän das es scho e spezielle azug si mues. voll süess, är seht sichr super us a eurem dag!
jo mini schwimu het welle das mir eifach allne sage sas mir hürote, will si dänkt das mir so no meh gschänk würde becho, au vo lüt wo nid iglade sin.. aber mi gg het am wucheänd nomol mit ihre gredet und gseit, das std-kärtli nur für lüt wo iglade sin dänkt sin und das wenn mir das jo allne schicke würde, kunnt das wie e iladig ine! si hets anschiinend jetzt vrstande. jo aso wenn si sich nomeh afoht sich dri mische und ich drbi bi wenn sis sage, muessi scho mol ischriite.

squishy; merci für d pn! :love_ gaaaanz cool euri föteli! glaubi das ihr freud hän! s warte het sich aso glohnt! sind es mega süesses päärli!
schön gohts mit de location widr besser vorah und du hesch das mit dim gg könne kläre. au mega lieb vo dine tz’s! kunnt scho guet!

la principessa: danke für din bricht, tönt nacheme asträngende aber tolle dag
dörfi ächt au es foti??
aso mir goht das immer so bi wichtige entscheidige, de entscheidi mi und nochär frogi mi grad ob das au wirkli gschied gsi isch.. aber meistens macht meh doch die richtige entscheidige, nid? und wenn du di wohl gfühlt hesch (sogar wie e prinzässin) und alli gseit hän dases super isch, den mueses doch guet si! ebe wie scho gseit worde isch, es git soooo viil kleider isch klar das eim wohl meh as eins gfallt und meh worschinli nochär no oft kleider gseht wo meh schön findet, aber meh ka jo nur eins ha.. du hesch das sicher guet gmacht
d idee mitem schleider, findi meeega härzig! wär wirklig schön könntet ihr das mache.
WOW geili schueh! wenns nid peeptoe wäre, würdi si au grad näh aber wenn si nid bequem sin, isch scho blöd, user du wächslisch den eifach..

littlefoot: happy belated birthday! tönt nacheme schöne obig wo ihr do vrbrocht hän. (ps ich freu mi jetzt au grad no meh uf e 7.12. au priislich )

lilian: hoff das klappt mitem wiibuur!

pfingstrose: sooo härzig din atrag! jöööh meh merkt richtig wie uf wolke 7 schwäbsch
soo schönkönnet ihr jetzt allne sage und di erste freue sich scho mit euch!
din ring tönt mega schön, i fänd die idee guet dases de abhaltsch! finds ebe au schad nocher mi vrlobigsring „ufzgäh, ich nimmen den an die ander hand..

malinchen: so schön vo eurne tz’s das si sich so zyt nähme und alles toll bisch jetzt widr im HZ fieber!

me: mir hän jetzt unser farbkonzept ändlig usgwählt! juhuiii coral-petrol
isch e mega krampf gsi, vorallem für mi GG.. är het chli krise ka ab all mine vorschläg. ha jetzt grad es monogramm gmacht und ich find s seht super us so has mol aghängt (dues de nochär abr widr lösche.. ) jetzt ka i ändlig chli wäg dr deko meh luege, dases den au passt! *freu*

Alli: Danke viel mal dass ihr eu so mitfreued! Es tut meeeega guet! Ich dun nachher mal es Foti vom Ring schicke!

Laprincipessa: Oh chumi au no es Bildli vo dir mit em Chleid über?! Nimmt mich meeega wunder… Ich chönti mir vorstelle, dass mir genau glich gaht mit em entscheide und nacher zwiefle! Aber ich glaube din Instinkt hät dir scho s richtige Chleid usgwählt!

Ring: Ah guet den bini ja nöd mal alleige mit dem Gedanke. Wer natürlich au e Idee de Verlobigsring a de andere Hand alege. Aber mich stört das extrem en Ring a de rächte Hand. Ich muss den mal mit mim GG go luege. Machemer warschiendlich erst im Januar oder Februar. Würdi sogar euses Budget massiv abebringe. De schlichti Goldring für mich würdi gad mal um die 500 CHF anstatt 2000 CHF choste.