Ihr möched mi fertig Fraue! Chume hinne und vorne nid nah

Han grad gar ned Ziit zum so wiit zrugg läse… Sorry!!

@Sue
Mega cooli Idee wegem Limoncello, mmmhhhhmmm Hed din GG scho sini Bierbrauzuetate becho? Hehe =) Mmmmmhhh, darfi au as Hochziit go esse? :D

@principessa
Hahaha din Traum!! Ich han hüt Nacht träumt, min GG isch mich go abhole mitem Auto und hed es PINKS Chleid agha. Han ihm gseit, es gfalli mier mega, woher er das denn hed. Und er so, ja vo dinere Muetter, hüt gömmer doch ufs Standesamt. Denn hani ufs Priisschildli gluegt und gseh, dass das Chleid 466.- kostet hed und gmerkt, das ich ja gar nüt zum alegge ha. Bi de plötzli bim Coiffeur gstande und ha unbedingt e Frisur brucht aber die hend gar kei Ziit gha güt mich. Im Gschäft hani au vergässe, frei izgeh und hett sölle go schaffe… Bin so froh gsi woni verwachet bi :D
Ohhhh gratuliere zum Chleid! Chan leider no gar ned Mitrede wege de Gfühl und so… Cha mier aber vorstelle, dases vielne Fraue genau so gaht wie dier. D Hauptsach isch doch aber, dass du dich wohl fühlsch und dier selber gfallsch!
Hey und gratuliere zum Zivile Termin! Cool hed das klappt!

@Lula
Ha s Thema Apero im Gschäft nümme agsproche… Zumindest nöd bi de Chefin. Ha mit ere Arbeitskollegin no gredet und niemer vom Team weiss, das en Iladig cho isch. Findes Himmeltruurig

@sasileu
Min GG isch nomal mitere neue Idee heicho für uf d Nastüechli: Liebe xx. Danke, dass du der Frau meiner Träume das Leben geschenkt hast. Alles Liebe xx.
Fändi au no schön

@Pricana
Oh bi au meeeega gspannt uf eui Bilder!
Das mit de Charte tued mer mega leid, isch ja extrem müehsam. Gottseidank hesch no nöd de ganz Betrag izahlt. Das isch ja echt vo Afang a mega komisch gloffe... Hesch scho en Idee, wie d Iladige sölled werde?

@littlefoot
Alles Liebi au no vo mier nachträglich. Tönt super eue Tag :)

@Pfingstrose
Da verschlahts mer gad d Sprach! Sone schöne Atrag, muesses eifach da nomal schribe, haha
Ohh bisch au z Richti gsi, vielleicht simmer eus übere Wäg gloffe ;)
Ahh has dier ja scho im Mail gschribe, würd de Ring uf jedefall au niemeh abzieh und das gits ja no recht oft, dasmer de Ehering denn kombiniert mitem Verlobigsring. Ich möcht das nöd, will mich d'Erhebig chli stört im Alltag... leider.

@malinchen
Gratuliere zu so tolle Mensche um dich! Es isch eifach gold wärt! Chunnt richtig übere, wie sehr du dich freusch, da freut me sich eifach gad mit :)

@nala
Hüüüüübsches Monogramm :) Was ich amigs no schön finde, wenn sich d Buechstabe chli inenand schlänglid, aso z.B. bim A eimal hinne und eimal voredure is N oder so :D Aber gfralltmer echt guet :)

@Snicki
Herzlich willkomme!
Gratuliere zur Verlobig ohni Atrag... Mier hend ja jetz aber grad bi de Pfingstrose gseh, wies cha gah!


@me
Bi eus gahts drunter und drüber. Mier hend ja am Samschtig welle in Showroom vo honeyhome.ch... Han mi extrem druf gfreut als Uftakt i eusi Ferie. Am Friitig Abig hani am GG gseit, er söll doch de Abig gniesse und nochli mit Kollege furt eis go zieh. Schlussendli heder mitere Kollegin abgmacht und isch feng am halbi 8i (!!!!) am Morge heicho. Ich ha natürli tobt will de Showroom vom 10-16 Uhr nume offe gsi isch... Woner zur Tür inecho isch, heder nume gwimmeret. Er isch im Zug offebar idöst und denn hed ihn de Kontolleur mega agrempled wegem Billet, so daser sich voll is Aug glangt hed und d Linse sich irgendwie zemegrollt hed. Denn hemmer die mal mega lang gsuecht und ned gfunde, wahrschinli heder sie de bim heilaufe verlore. Uf jedefall simmer de id Uni Klinik und er hed en Verband und e Salbi becho... d Nacht überhaupt ned chönne schlafe und am Sunntig Morge ischer völlig in Panik grate will s Aug eifach total zuegschwolle isch. Also simmer nomal id Klinik gfahre. Er isch im Notfall denn zemebroche und isch de nomal untersuecht worde. Schlussendli hends ihm e Glaslinse verpasst und jetzt isch wider viel viel besser. Er möcht jetzt eifach unbedingt durestiere, dass mier am Ziischtig 700km uf Düssedorf fahred. Ich cha nöd Autofahre und ha voll Panik, dases denn nach 200 km oder so wieder schlimmer wird, de chömmer ja de schlecht umdreihe :(
Naja, jetzt bini wider chli verwirrt und weiss gar ned, wasi suscht no ha welle verzelle, drum lahnis grad lah bliibe...
Wünsche eu en schöne Nami und sorry dasi nöd uf alles igange bi! :)

Janedoe: Danke dir nomal vo Herze!!! Isch mega lieb was du schriebsch! Oh Gott das isch ja nervig und den gad no en Schock dezue. Ich find mit de Auge chammer garnöd spasse. Hani au immer gad sehr Schiss. Hoffe es gaht jetzt Berg uf und wünsche dim GG e schnell Genesig! Hm und wegem Autofahre! Ich bin au nöd de Autofahr-Spezialist! Aber hey traus der zue! Für dich und din GG… Ich säge ‎nur so viel mir sind vor zwei Jahr nach Irland und dete isch ja Linksverkehr… Und min Schatz ‎hät dete de Fahruswis nonig 3 Jahr gha und ich scho! Also han ich müsse fahre… Han am Afang ‎Bluetgschwitzt! Aber hey, mir händs gschafft. Machsch din Rhythmus. Wenn merksch dass nöd ‎guet gaht haltisch mal ah und ihr laufed e Rundi… Macheder hald chli in Etappe! Das schaffsch ‎du!!!‎

Snicki: D Gwundernaseliste häsch ja jetzt scho übercho... Dete häsch e Übersicht! Ich gahn au immer wieder mal go luege. Will ichs mir eifach nöd phalte chan wer wenn hürated.

Snicki: S einte wird s andere ergeh musch luege... Au d Vorstellige schränked einigi Sache i und so chunsch relativ schnell zum Ziel. Für mich persönlich isch d Lokation sueche s schwerste gsi wills eifach immer irgendwo Abstrich wird geh. Und den mummer hald für sich abwäge was isch eim sehr wichtig und mit was chammer läbe wens nöd perfekt isch. Bi eus isch das z.B. Ziit... Mir dörfed nur bis am 2... Defür isches eusi absoluti Traum Lokation. Das chund scho guet... Was brucheder den no und was isch eues Budget?

@nala
Merci vielmal. D'Ferie chömmer glaub abhake. Wobii ich das gar ned so schlimm finde. z Düsseldorf würdemer eh nur vo eim Ort zum andere springe... :D Ich weiss ned genau wie das gloffe isch, offebar hed min GG sich uf ei Hand gstützt und dett druf chli döset und denn hed de Kontrolleur ihn a dem Arm voll gstosse/gschüttlet und natürli isch min GG denn voll erschrocke und denn au abgrutscht oder so... Eigentli söttmer ja a de SBB nah d Rechnig schicke, tz

@Pfingstrose
z'Problem bim fahre isch ebe nöd s'traue'... sondern s'chönne... Ich ha de Füehrerschii nöd Ha das bis jetzt eifach nie als nötig befunde. Han jetzt am Weekend welle afange mitem Nothelfer, de hends aber churzfristig abgseit will de Kursleiter chrank isch und eigentli zwenig Teilnehmer gsi sind. Jetzt muessi mal e neue Termin no gfinde und denn nimi de Uswiis in Agriff.. hehe..