Pfingstrose
Mier hend üs no ned würklich für es Budget entschlosse. Also mer rächnid mol sicher mich öpe CHF 20'000.- ... So wiit wimmer äbe no ned

wäg de Location. Das isch jo scho s'erschte Problem!
Mier hend nüt, wo mer sägid, ouuuuu DAS isches! DAS und nüt anders. Aber ich glaube, mer tüend mol sicher i üsere Gmeind hürote. Viel schöner gohts fascht ned es isch unmittelbar am Zugersee. Nebed dra hettis aus es Restaurant, miteme wuuunderschöne Garte. Han die jetzt mol agfrogt, was es wür choste, also de Apero. Bin jo gspannt. Es isch drum es sehr türs Restaurant/Hotel ... aber ich bin jetzt glich mol gspannt, was die so offerierid.
Was rächnid iehr so pro Nase für de Apero? Mer hettid gärn so chli chalti Platte etc. nüt wahnsinnig speziells.

lillian
do bin i aber froh so isch mers äbe au gange letscht wuche, han chum drauet zum schribe

Hoi Zämä

@Pricana: Also i het und hoffe scho ufen Rabatt, i mein Reis an sich kostet eh scho e stolzi Summe was sicher nid jede Tag hend und usserdem ischs nid irgend e Reis sondern e Hochziitsreis. Meinsch git kein Rabatt? Also wenn ihr eine bechömet wend mir au einä
Also mir hüratet am 12.+13.09.2014 und flüget am 15.09.2014 ab, zerst wer de Flug am 14. Gsi aber da ma den scho so spätistens am 11.00muen am Flughafe si ischs eus es bitzeli too much. Ah und Retourflug isch am 10.10.2014

@Pfingstrose: Ohh jööö!
Ich han min Atrag au ufem Uto Kulm becho, bimene Valentinstag-Dinner….
Weg dinere Ehering frag…also ich persönlich han unbedingt wele, dasmer de glich Ring hend und mir hend jetzt en speziellgfärtigte Goldring vom Goldschmied, sogar mit Struktur und ehner breiter. Ich find aber min Verlobigsring au uuuu schön, wird aber nid beidi chöne mitenand alege, will Verlobigsring isch silber miteme Diamant(mis Bildli) und de Ehering ebe Gold und breit.
Ich wird wahrschinli eifach echi abwechsle oder viellicht glich beidi oder eine andes Ketteli, weisses nonig.

Janedou:[color=purple][/color]Ohh man das mit dim GG tönt nachema mega turbolentä nid ganz romantische weekend.duet ma leid für dich! S’nägstmal verzichtet er bestimmt uf de Usgang Weg de Nastüechli, voll de Spruch vo dim GG findi au herzig. I ha mir nonig soviel überleit dezue. I weiss jo nid ob ich das erst kurz vor de Hochziit söll schenkä oder uf Wiehnachte. Was meinsch du?

@snicki:Willkomme!!!

Bi mir gits grad nid viel...han Dienst bis am 11.00
Ansonsten nervi mi echi das eusi Magnet immer nonig bi eus sind und ich hanere leste Wuche gschriebe und bis jetzt no kei Antwort, ha wele s'gnaue Lieferdatum wüsse oder e Sendigsnr.
Ich will jetzt entli mini Magnetli und mini Iladige verschickä

danke sasileu - wohi gohts uf d'Reis?

und danke malinchen

-homepage - do hett ich grad e Frog. Han vorher schnell glueget und gsuecht. Was für en Homepage hend iehr do so?

(sorry wenn ich eu alli "belästige" mit däne Froge. Evtl stohts jo eswo, aber ich gfinde eifach nüt )

janedoe: oh je schad wird’s nüd drus.. guet aber hesch rächt so vo eim an ander ort springe und die ganz familie bsueche isch amigs au sehr stressig.
hm aso mi dunngt das mit däm sbb chauffeur komisch.. ich würd ehrlichgsiet scho e reklamation mache, ka dochnid si das meh öper wo schloft am arm goht go schüttle.. hmm

lilian: jo probiers doch mol us, isch nid sooo schwierig!

snicki: homepage – mir mache unsere bi jimdo, isch gratis und rächt eifach zum mache (s hän no paar do jimdo) kas wirklig empfähle!
apero: mir rächne für 2h ca 45-50.- p.Pers hän aber au nid nur kalti platte grächnet will mir au nur apero gäscht hän und uns dänkt hän das vorallem die vilicht scho chli meh ässe wän, isch aber jedem sälbr übrloh

saslieu: was isch au los das alli so lieferschwierigkeite hän?! hoff für euch das die magnetli gli kömme und ihr d iladige vrschicke könnet.
oh du armi bis am 11i, wünsch dir viil kraft. ha hüt au 12h vorläsig, isch immer sehr zerrend, drfür hani chli zyt zwüsche dure do mitschriebe

malinchen: merci fürs komplimänt
ohh jo bi de au scho gspannt du euri website.