nicht registriert

Guätä Abiig mitenand

Pfingstrose: Danke viel Mol fürs liebe Kompliment. I bii vor allem froh, gseht meh mini Hamsterbacke vom Zahusseziäh und siis blaue Aug vom Training nöd!
Het dini Family demfall nöd gad dermit grechnet?
Diin Ring isch würkli wunderschöön!! Cha dii guät verstoh, wotsch du dä nüm abziäh! Wenn's für eu passt, werum au nöd zweii verschiedeni? Früähner isch da Gang und Gäb gsii, dass meh dä Verlobigsring als Ehering bhalte het (han ii mir sägä loh). Und s'Budget isch gad au no chlii gschont Joo, ii wirds wohrschinli so machä, dass ii zweii Ringe wird träge. Mach ii jetzt scho (links unser Fründschaftsring und recht dä Verlobigsring. Denn wird eiifach dä Fründschaftsring ersetzt) Und falls ihr in 20 Johr eui Meinig änderet, chas immer no en neue gäh

Malinchen: Meega schön zum Lese, wiä ihr so liäbävoll vo eune TZ unterstützt werdet und du richtig in Hochziitsrausch chunsch! Mit liäbä Fründä fallt eim halt scho alles ä chlii liächter! Viel Vergniägä bii dä Homepage! Würds denn also scho gern bewundere
Danke viel Mol fürs liäbä Kompliment

Nala: Ahaa, diis Schwima het StD-Karte wohl eiifach ned kennt? Isch mir nämli au so gangä vor dem Forum Schön het diin GG mit ihre chönä rede und dass sii au verstoh will und ned eiifach bii dä Gschenkli bliibe isch…
Danke diir für diä liiäbä Wort! Jo s'warte het siich glohnt. Normal sind öpä 20 Fotis pro Shooting und bii uns sind 120 gsii. Scho klar het er chlii länger gha
Kuul hend ihr eu chönä uf Farbe einige und gad es Monogramm erstelle! Gfallt mir also suuper! Viel Vergniägä bim Deko-Durchdenke

Lilian: Findä diä violette Bändeli eh guäti Wahl! Schön wenn's bald ii dä Post landet, denn isch wiider was erledigt und alli werdet informiert. Gell, wird denn immer realer?

Snicki: Welcome to our Forum! Schön diich debii z'ha! Du hesch denn das gschickt glöst mit dä Kiirche Wünsch eu beiidne viel Vergniägä bim plane! Bin jetzt scho gwunderig, was iihr so planet Und Frage isch doch nöd belästige, genau für das isch unser Forum dooh und defür liäbets mir alli: Mir machet unseri Homepage uf crazyinlove.ch

janedoe: Ojeminee! Dii arme GG, tönt gad meega krass! I hoff es got ihm mittlerwiile besser? Schaad hets gad eue Usflug ruiniert. Wiä machet iihrs jetzt morn? I verstand dii, dass diir s'Risiko chlii z'höch isch. I chönt jo au nüm zrugg fahre. Aber s'guätä isch, dä Showruum lauft nöd devo und ihr chönt da guät es anders Mol nohole. Aber isch gliich gad chlii nervig…

Sasileu: Ojeeh, was isch echt los. Wo stecket echt eui Magnetli fest? Hend iihr nöd mol ä Liefernummere? Würd au mol probiere alüte, denn chönts nöd eiifach nöd antworte?
Cha dii guät verstoh, wenn meh will verschicke denn will meh…

Munggi: Meh cha uf Ricardo Ring mit Gravur kaufe? Han ii gar ned gwüsst

Sue: So schön hend iihr s'Menu schomol chönä uswähle! Tönt lecker! Welle Caterer hend ihr denn?
Danke diir fürs liäbä Kompliment!

Me: I hock jetzt mit miim Mami zämä und luägät dä Entwurf vom Kärtli aah. Sii isch zwar keiin Profi, aber s'designe het sii scho im Griff. Hoffentli wirds toll

Guät Nacht ihr Liiäbä!

Guete Obig,

@principessa: So cool, härzlechi Gratulation zu Dim Kleiderkouf!! Darf i äch ou es Foti ha? Aber dReaktion im zwöite Lade isch ja würkli nit gad fründlich, schön hesch aber de glich no Dis Kleid gfunde! Aber das mit de Zwifel kenni ou, ha zwli Favorite gha, u wenn i aube am zwifle bi, guggi dFotis ah, u weiss, dass i zrichtige kouft han
Findes e mega schöni Idee, mit am Schleier oder ou am Kleid! Wäri de beides müglich? Du chasch uf denne Schueh e ganze Tag loufe? I chämi äuä chum zur Nachbari!

@littlefoot: Ou vo mir nachträglich no alles Gueti zu öichne Geburis!! Tönt doch nach am ne richtig gmüetleche Obig!

@angyyy: Ou cool, Du hesch Dis Kleid ou?! Darf i gwunderig si?

@Pricana: Wieso chasch de Du dFerie nit mit Dim GG zämä näh?
Wow mega, fröiie mi scho sehr uf dFotis!
Hesch de keis Telefonnummero vo ihre? I würdi dere mau alüte u zmingst solang Terz mache bis de zGäud retour brchunnsch! Hesch öbis gfunde wo Di agsproche het für dKärtli zmache?

@Pfingstrose: Oh jöö, liest sech traumhaft schön Kenne dr "Eifelturm" nit, aber isch sicher wunderbar gsi.
Bi öich hets bis jtzt niemert gwüsst?
I wirde dr Verlobigsring links bhalte, u de dr Ehering rächts alege (GG cha am linke Ringfinger kenner Ringe ha). Dr Fründschaftsring chunnt entweder links a Zeigfinger oder schweren Herzens i üses Ringholzherz wo GG de no macht aus Ringküssi.
Was üs aber beidne sehr wichtig isch gsi, isch das dEheringe glich si, aso bis uf e Stei... Aber wenns für öich so stimmt, isch das ja guet!

@squishy: Das isch uf jede Fall was, u so machts so richtig Spass!
Öchi TZ si ja mega härzig. U es isch sicher so, dass 8 AUge meh gseh wie 4.
dFotis si wunderschön, schribe dr de no retour.

@malinchen: So schön!! Tönt super bi Dir!

@nala: I bi so froh, merci Dir! Jtzt fähle üs beinde "nume" no dSchueh...
Guet het Din GG scho interveniert, u sim Mami erklärt wies isch.
Hei, superschöns Logo wo ihr da heit!!!

@lil: Wenn göh dHärzli unter dLüüt?

@snicki: Härzlech Willkomme
Mir hei im fau ou sDatum gha, mir hei gwüsst welw Caterer u ou mit dr Pfarrer gredet, u genau 1 Jahr vorher het er mir de no e Atrag gmacht... U jtzt geits no 122 Täg
Wäg dr Homepage, mir hei eifach e online Wunschlischte, aso kei klassischi Homepage

@Sue: Ah cool, danke für dInfo. A was erkenne mir Di? Weiss aber no nit obs geit, GG het denn no Budeobe

@jane: Hesch de jtzt für dArbeitskolleginne nit no ne seperati Iladig gmacht?
Uch, da hätti auerdings ou tobet!
Wieso de e Glaslinse? Aber es geit ihm umi besser? Wieso wot er de uf Düsseldorf?

@me: Mir hei hüet Obig es Gspräch mit üsere Organistin gha, u es chunnt guet. Da mir im Dorf no ne Pfrarrer wechsu hei, isch sPfarrerehepaar wo üs trout ersch ab Februar im Dorf u ab 18. Februar (!!!) verfüegbar...

@Früehjahrsbrüt: I ha da no ne Thread gmacht, mir geits hie eifach zschnäu u es isch mir im moment ou zviu. Wirde sicher witerhin zwüschedüre hie mitläse, aber ebe, geit haut bi üs nüme so lang...
http://www.heiraten.ch/forum/board/anlaesse/hochzeitstag/fruehjahrsbraeute-2014-januar-april-4_656.html

-laprincipessa: isch würkli toll dis chleid!!! I hoffe geit dir its scho besser mitem entscheidigs gfüehl u heigsch geng meh fröid danke o für dis feedback!!
I ha äbe o angscht gha es brutchleid würd mir nid so stah, ha sit em summer mitme mage infekt zkämpfe u ha rächt abgno wäg däm,eigetlech viu zviu.aber verchöifere isch uu nätt gsi u bis im summer chani ja no chli a fuettere wider
ii ja i hoffes o das am hochzit morge mir o nid so eländ isch wi bim chleider chouf!! Muess de öppe e wuche vorhär afa baldrian nä

-lula sicher darfsch schick dir de en pn

@Snicki: han dier welle uf dini nachricht antworte aber es gaht ned. muesch bi dine istellige no ändere

Guete Morge zäme! :)

Danke scho mol allne för die liebe Feedbacks zo mim Chleid – das häd mi mega ufgstellt & inzwösche sind all mini Zwifel verfloge :) <3

@pricana: danke vil vil mol! :) Doch würkli inzwösche bini mir sicher, dasses s’richtige Chleid isch :) s’häd mi rächt beruhigt z’ghöre, dass vili sich am Afang ned 100% sicher gsi sind ;) jo wäg de Schueh luegi no chli – han au im Internet uf JJL no cooli gseh.. Aber die im Domino sind scho sehr speziell gsi und si würdet glaub mega zum Chleid passe :) jetzt mol luege… ah dänn hani das missverstande mit de Chärtli – das isch ächt doof :( hoffe du häsch ned allzu en grosse Chrampf mit de Chärtli und dass si genau so usechömed wie du si dir wünschisch & vorstellsch :)

@pfingstrose: ooh woooow so schön hey! =) das isch jo en mega hammer atrag wo du becho häsch :) <3 voll romantisch im räge hehe so schön! Fröimi frö di, chönders ändli allne säge & konkreter werde! :) congratulations! :) gnüss das spezielle gfühl hihi ich bin danach au no paar täg uf wolke 7 gschwebt ;)) döfmer es föteli vo dim tolle ring bestune? :) also händ öichi eltere demfall no gar nüt vo öichne hochzytsplän gwösst? :) oder eifach nonig wenn und so? ich glaube du häsch dir dini antwort uf dini frog sälber scho gäh :) sicher döfed ihr verschideni ringe ha! Uf das chunts doch jetzt ächt ned drufa oder? ;) ich werde min verlobigsring glaub au witerhin abhalte aber eifach a de andere hand wie de ehering – han jetzt jo au de bezihigsring und de verlobigsring a – de bezihigsring wird dänn eifach dur de ehering abglöst ;) aber so wie du’s wetsch mache isch sicher au mega schön ! :) und genau spare chönntet ihr au no mega! :) klar schick dir au no en PN :) glaubmers – d’farb coral schön hänezbecho isch sooo schwirig! Sust gsehts grad wider rosa us – gäl nala? :p bi öis uf de homepage gsehts ebe au fast rot us – isch soo müehsam imfall!

@squishy: schick dir grad en PN :) doch inzwüsche bini zimli sicher, dasses die richtigi entscheidig gsi isch :) weiss au ned wieso ich so zwiflet han am afang ;) wohl wils so schnäll & plötzli gange isch! sooo lang hani uf de tag gwartet und dänn gras so zack-zack – bin eifach eh schlächt im entscheidige träffe weisch ;) jo ebe wäg de schueh muessi no luege.. fallsi si chaufe würd, würdi si eh vorher scho mol en tag alegge zum luege ob si gnueg bequem sind.. aber wenn ned isches bitz schad 135 EUR uszgäh wenn si dänn nüt sind.. drum mol luege.. jo ich dänke scho, dass mis mami das chan :) si häd früener no vil so spitzesache oder taufchleidli und so sache gmacht! hey cool wäg de locations! Drücke öich de dume, dass ihr die perfekti findet! :) ui jo wäg de fotis chani dir nofühle! :p isch öis au so gange – händ öbe 500 schöni fötelis gha!! :p und de spruch passt jo perfekt hihi :)

@sasileu: oh döf ich au en blick uf öichi homepage werfe? Das hani glaub verpasst :) öisi isch hoffentli au bald fertig, dänn chani si öich au zeige :)

@malinchen: aber klar doch PN chunt :) mol also ich glaube ich han mi scho richtig entschide :) und umtusche chöntmers jo eh ned… aber das chunt scho guet – es isch so klassisch, dasses mir au i 100 johr no gfalle würd ;) und ebe es no schöners chleid gits immer.. aber ich glaube han scho s’richtige gwählt ;) hey so cool wäg öichne TZ! :) dönt jo mega super! =) ich bin au immer mega froh & dankbar, dassi so tolli lüt um mi ume han! Das isch sooooo vil wert!!

@nala: ich kenn das – isch din GG südländer? Will det isch das ebe normal – ich finds zwar au voll ned guet aber mir müend au no paarne iladige gäh wo gar ned werdet cho eifach will si sust beleidiget sind und de nonno d’iladige ned chan go bringe und so! das macht mer det eifach so und schins gäbet die dänn au no gäld und so aber findi voll doof! Wänd doch kei gäld vo lüt wo ned mol as fest chömed! Aber schinbar isch das z’italie eifach so vorallem im süde.. und de nonno heig halt au bi allne nochkomme vo sinere verwandtschaft immer zahlt und so.. aber verstoh di guet mir goht das au rächt gäge strich… klar schick dir au en PN :) hehe du sprichsch mir us de seel! So gohts mir def. au immer mit de entscheidige träffe! Bin sooo schlimm det dure! :/ jo ich hoffe das klappet mitem schleier aber glaube scho :) gäl d’schueh sind de hammer? :) die gsehsch dänn au wännd is domino gosch! Sind usgstellt :) ich han ebe immer gwösst, dassi peep-toe’s wet :) halt hin- oder her :p haha mir händ wohl scho voll de ählichi gschmack ;) öisi farbe sind jo au coral – türkis / mint ;) döfi s’monogramm au gseh? :)

@lil.lian: danke dir vo härze :) nei würkli inzwüsche glaubi doch han die richtig entscheidig troffe :) wird sicher guet din termin! :) i weli gschäfter gosch go luege? :) also ich würd gärn nomol goh wilis eigentli würkli rächt cool gfunde han :) aber jetzt döfi def. nüme goh :p oh so schön händer alli STD Härzli fertig gmacht :)

@Sue: Geit üs gad glich, si aber gloubs no viu so chli am schnupfe u nit ganz so fit!
Hmm... Kenne mi zwar zBurgdorf gar nit us, aber finde das sicher, soferns denne klappet.
U wenn de paar Favorite zämäsammlisch u dBluememeitschi fragsch?
Hey, super Sach mit de Schueh vo Dim Brüetsch!

@snicki: Mir hei bi üs eifach diverses wo mir scho lang wette, hei aber meist Ateile dranne, das zum Teil Beträg si, wo am Änd uf 800.- chömme, oder so.
Bim ne Kleid muesch zum Teil Lieferfriste vo bis zu 6 Mönet i berechne, u de isch no zApasse, eifach nit dass de de bau zspät dranne bisch, zumau dr Ouguscht e beliebte Monet isch. I bi mitti Ouguscht zerschte mau gsi, u si hei denn gmeint das sigi guet, wüu ebe je nach Kleid... U zwöite mau de ersch afangs Oktober, u da hei si im Gschäft aso doch scho gmeint, es segi je nach je knapp, wüu si je denn scho Septemberbrüt im Lade gha.
Mir hei am 13.30 Trouuig, dh es wird ca 14.45-15.00 bis mir am Aperoort si, ds Apero isch de bis am 17.30, wobi aber dObegäst ca 17.00-17.15 abfahre. U mir si 157 Gäst
Mir wärde üs eifach verabschiede u iwie e letschi Runde lah usschänke, oder so. Aber "nume" Aperogäscht si de evtl eh scho umi wäg...

@principessa: Ga gad ga gugge. Nee, nit für beides, dFrag isch eifach, isch beides machbar, aso vom Schnidere här.
Mir wäre si vorauem zhöch. Nee unbquem sicher nit, aber dHöchi hesch haut ebe glich.
Jep, danke, auerdings hani gar kei Ahnig wie ner usgseht... Aber er isch zfride, u de isch super!