Schöne guete Namittag!‎

Nala: Also wege de Blueme… Hm, suech der am eifachste en Struss wo du wotsch a de ‎Hochziit im Internet. Ich bin mit mim Bildli zu de Floristin und hang seit die die und die Blueme ‎sind zwingend und de Struus möchti a de Hochziit und das Bluemedeko öpe ähndlich isch vo de ‎Blueme her. Die chönd dir imfall sehr guet wiiterhälfe und sind ja meistens Fraue die chönd sich ‎super ifühle i dich! Bi mir ische s Muss - Astilbe und Pfingstrose… Hihi!‎

Me: Bi mir händs niemert vo de Familie gahned ussert mini Schwöster. Mir hend immer extra ‎wenn öpert öpis i die Richtig gseit hät gaarkei Reaktion zeiged weder nei no ja. Und darum isches ‎rächt lustig gsi wie alli reagiered fast chli konsterniert! Aber jetzt isches sooo herzig. Mini Oma ‎hets eigentlich nonig gwüsst… Aber mis Mami isch gester mit ihre go Zmittag esse und natürlich ‎hät sie sich verschnurrt. Mir spielts kei Rolle han scho dänkt dass es passiere wird… Den hani ‎minere Oma gschriebe ob sie mit mir cho will go esse oder ob ich zu ihre hei sölli. Und nachher ‎no es SMS dass sie Joggels seged. Sie wüssis ja jetzt scho! Haha! Wasi han welle säge jetzt sind ‎alli mega euphorisch worde isch so herzig! Und han mit mim Mami telefoniert und sie het ‎entgege vo e einte Ussage da ine gseit mir sölled würklich nur die ilade wo mir lust händ. Hihi! ‎Und wenn mir würded go s Chleid ussueche gah und ob ich scho in Stimmig bin. Kkk! Ja logisch! ‎

Und jetzt no öpis zum lache… Zumindest mich und min Schatz (wonis ihm den verzellt han) häts ‎mega vertätscht. Ich han e chlini Schwöster wo erst 8ti isch und sie het mit em Mami am Sunntig ‎e Ananasturte mit Rahm gmacht. Den het sie gfunde gseht us wie e Hochziitsturte. Den het sie ‎am Mami gseit du d Pfingstrose (haha) het mir gseit ich dörf mit cho go s Chleid ussueche. Den ‎het s Mami gseit ja isch doch schön, freusch dich sicher. Den seit sie eifach, ja ich freu mich ‎mega, aber ich weiss doch nöd obi den scho en Termin han!!! Puahahaha, wie sie mit 8ti scho en ‎Agenda heti! Mich häts vertätscht!‎


Sorry isch jetzt chli lang worde, aber wenni öpis schriebe wirds immer chli länger...

Snicki
Ich möchte au kei Namestäfeli, erstens kenned sich eh die meiste bi eus und ich finds au nöd schön für d'Föteli und bi Fraue mit Chleider (z.B. Schulterfrei) fändis au blöd.
Abr wenn jeze vill Gäst häsch, sich vill nöd kenned odr so würdis verstah, wemer wet Namestäfeli mache..

Deko
Ich gahn den mal im Dezember/Januar mich chli im Ikea/Dekogschäfter go inspiriere was mer so chönd mache.. Und nachher dueni mal luege was mer mit Blueme chönti mache..

Snicki
Muesch Candybar mal google.. Es chömed ganz en huuufe Bilder

Pfingstrose
Ja das isch aber härzig :) Isch doch super.. Und au die Frag wegem Chleid, öb scho in Stimmig bisch
Und das mit dinere chline Schwöster isch würkli goldig.. Sie hät wohl vill Termine

Nala: Ich glaub du chasch das mache wie du wotsch. Ich würdi jetzt eher beides bim gliche mache lah, damit mer quasi die glichi "Identität" hät... De Stil chan ja amigs chli abweichend sie. Aber ich bin da pingelig. Die händ ja zum Teil au für glichi Blueme anderi Liferante wo hald au Qualität unterschiedlich isch. Darum wott ich unbedingt alles vo eim. Die Floristin wo ich han bringt mir am Morge früh wenn sie de Rest go dekoriere gaht gad de Bruutstruss. So um die 10ni... Mir hend den s Shooting vor de Trauuig ca. am 12i... Also langeds easy! Musch du abwäge!

nala, also doch ich hans natürlich scho googlet, und denn denkt - hää? Süessigkeite ??? aber demfall isches scho richtig gsi ... Zum guete Glück stohn ich überhaupt ned uf so Candys

°pfingstrose, so härzig!!