Nala, isch ned bös gmeint gsi Ich finds jo super, aber ich bin eifach froh, muess ich das ned AU no organisiere sorry isch evtl falsch übere cho

sue, hesch scho mol asparagus/zierspargel gseh? Mier gfallt das au so mega guet. das isch irgendwie so "flauschig". Hans brucht für d'Tischdeko vo mim Mami ihrem Geburi. Isch sehr guet acho!

Jetzt het grad de Apero-Location Herr gschribe Jetzt gohts sogar nur no bis am 17:30h will deses Brutpäärli schins e Stund vorverschobe het
Ich mach mir eifach Sorge, dass mer ned dure mögid. Min Schatz isch Mech, und ich bin mier sicher, es werdid Traktore und Doser / Bagger "agliferet" wärde. Au für Spieli ...
Wenn mer es Spieli zwei "müesstid" mache, und no alli Gratulatione entgege näh, und Föteli mit allne, das länget doch ned

Snicki: Ganz erhlich dur das des jetzt au no vorverschiebt würdis mir persönlich ablösche. Meinsch nöd ihr findet e mindestens so gueti Alternative? Wo ihr Ziitlich nöd so igschränkt sind und eu über das nöd unnötig Sorge mache münd?

Snicki: Aber meinsch gits garnix... Säg doch mal wo's öpe i de Nöchi sie söll und was ihr eu so vorstelled. Mengisch gits i dem Forum ächt super Vorschläg. Hät ja Brütlis vo allne Egge i de Schwiiz... Suscht machsch mal nomal en Thread uf extra für das und den melded sich vielicht susch no paar.

snicki: scho guet, isch jo jedem sälber übrloh was meh wot und was nid
hm mir wär das ehrlig gseit jetzt au z blöd mit de aperolocation..

lilian: di hani vorhär ganz vrgässe findi e gueti idee mit in dekogschäft go umeluege. vilicht schaffis so mol widr in ikea

so jetzt kunnt den mi gg hei und de hämir uns e schöne obig welle mache, gön nomol ad herbstmäss (hüt isch jo dr letscht dag) go ässe und schneugge :) bruchts mol widr, hän i letschter zyt beid so viil mitem studium z tue
schöns öbeli zäme!

Guete Abe!

Hui, zviu zum aus nacheläse... sitmer nid bös, weni nid uf aus igah.

@Principessa: Darfi ou es Föteli vom Chleid? Bi sicher du hesch richtig usgläse und hey, mir isches genau glich gange! I ha zwar es super Gfüu gha bi däm Chleid, aber o ersch wonis zum 2.Mau ha annegha und dr Vrglich zu angerne ha gha. U wonis de ha kouft gha, hani o plötzlech Angscht gha, es sig zschnäu gange... aber immer weni de mini Föteli ha agluegt, si när mini Zwiefu wieder wäg gsi und jetz bini sicher, dassi für mi ds perfekte ha usgläse. Cool hets ou klappet mitem Standesamttermin!

Oh i liebe Peeptoes o!! Aber mi drücke sie aube vore no schnäu. Aber wäre würklech super...

@squishy: dörfti ou e PN mit de Föteli "gwunder" ? Bi sehr gspannt!

@Pfingstrose: Ooooooh WOW, so schön di Atrag!! Das mues es super Gfüu si, gniesses! Ig ha ja nid sone "würkleche" romantische Atrag becho und steue mer die Überraschig wunderschön vor. I dänke wägem Ehering isch das sicher kes Problem, e schlichte zfinde wo drzue passt. Üs isches aber o wichtig gsi, dass üsi Ringe zämepasse, aso eigentlech die gliche si. Ig ha aber o nie unbedingt Verlobigsring wöue, wüu ig gar nid gärn 2 Ringe am gliche Finger anneha (drfür eine a jedem Ringfinger).Aber das müesse doch sui säuber für sich entscheide wiesne am beste gfaut u passt.

O jö dini Schwöschter isch ja dr Hammer!

@nala: Oh schön, nomau dr letscht Abe ar Mäss ga gniesse. Isch schön gsi?

@Sue: ach blöd, i gibe äbe am Friti Abe aube Training zBärn bis am 7i... bisi de dert wär, wär fasch chli spät... aber vielech schaffis glch no. Ha gester gad usegfunge, dasses am Blausee e Wiehnachtsmärit het u ga am 15. mit mire TZ. Sicher no spezieu!

@me: GG und ig si vori zämeghocket und hei überleit, wie mir üsi Iladige öpe wette. Gar nid so eifach... mir wei äbe unbedingt üsi Föteli vom shooting drfür bruche. Aber mir si ziemli erfougrich gsi u hei paar schöni Sprüch usegsuecht, wo üs würde gfaue, d Farbe u ds Format u so grob d Infos plus Antwortcharte womer wette dritue. Itz heimer ämu scho öpis ir Hand, zum de ire Wuche mit mim Brüetsch gnauer plane.
Usserdäm warti no uf ds Agebot vore Kollegin woni ha agfragt für Blueme. Hoffe mega fescht, dass das wo mir wette, mit üsem Budget machbar wär!

Bi o wieder rächt i Hochzitsstimmig cho gad, aber angerersits sötti mi eigentlech zersch mau hinger d Wiehnachtsgschänk mache...

@janedoe: Ohje gueti Besserig dim GG, sone blödi Sach! Dini Chefin isch ächt die Letschti! Geits no? De angere eifach nüt ga säge... findi totau drnäbe. Ladisch itz dr Räschte vom Team unabhängig vo ihre i?

Hey Brütlis

Hui, jetzt bini di letschte Täg nöd mal meh zum richtig naläse cho.

Aber han irgendwie no bizli was mitübercho und schriib äfach zu dem. Vor allem wetti Fotis gseh!

Morn hani wieder di geil Chemo... Drum hani dänkt, schribi hüt no en Egopost, was di letschte Täg so (nöd wenigs) gloffe isch. Dänn sinder alli wieder voll informiert und uf em Laufende.

@Pricana: Irgendwie tönt die Gschicht mit de Chartefrau für mich langsam, als würds sich ihrersiits um Betrug handle und hett sie gar nie vor gha, eui Charte tatsächlich z mache. So oder so tuets mer mega leid, was dir passiert isch.
Du, isch vilich chli crazy oder e komischi Vorstellig. Aber ich hetti negscht Wuche chli Ziit und chönt dir wohl scho mal bizli hälfe baschtle. Woned ja i de gliche Stadt. Also, falls es no luschtig fändsch, ich wär debi. Chasch aber problemlos au Nei säge und ich bin nöd beleidiged.
Wänns mer rächt isch, häsch du no Föteli zum zeige? Dörft ich au e PN?

@squishy und principessa: Dörfi eui Shooting-/Chleiderfotis au xeh? Hett Freud!

@Pfingstrose: So schön, de Atrag! Häsch gwüsst, dass er no eine möcht mache?
Bi eus isch es au so gsi dass de Atrag cho isch, nachdem mir scho gwüsst und au besproche händ, dass mir hürated. Ich han eifach xeit, dass ich aber scho no en Atrag well. Und au di ganz Ziit gwitzlet, dass es ja also nonig sicher seg. Und ich chöngi ja immer no Nei säge, wer weiss. Aber de Atrag isch dänn nur paar Täg spöter cho.

Ansonsten mussi säge, isch mer grad aktuell nöd so vill blibe, bzw. hani di reschtliche Posts nöd chöne läse. Drum chunt jetzt de Ego-Teil.

@janedoe: Super, dass es dim Fründ wieder besser gaht! Und dass du dis Chleid gfunde häsch, isch ja mega cool! Gits es Foti? Wobi, ich bin sicher, es git eis. Dörfemers au gseh?

@me: Mitti letscht Wuche hät min Fründ mir gseit, er hegi am Samstig en Überraschig plant, wo au nur dänn gäch. Ich ha mi gfreut und drum de Termin mit enere Kollegin uf de Mentig verschobe. Han en dänn natürli di ganz Ziit gnervt mit Frage, was mir dänn am Samstig mached. Ha usegfunde, dass es zunere bestimmte Ziit im Kanton Züri isch. Am Fritig hätter xeit, mir müssed öpe am 11i uf de Zug. Churz vorher seiter, er müssi biichte, dass es ebe doch nöd so isch, sondern mir uf mini Eltere münd warte. Ich völlig überrascht: "Ah, mir nemeds Auto?" Mich scho mega gfreut, dass er für mich wieder möcht afange fahre.
Und dänn irgendwänn chömed d Eltere hei und verzelled, sie heged im Zug öper xeh, won ich känni. Und dänn werded mir d Auge verdeckt vo hine, ich drei mich um... Und es staht tatsächlich eini vo mine beschte Fründinne, wo wiit weg in Paris wohnt, vor mir.
So geil, sie hät das scho im August igfädlet mit mine Eltere und mim Fründ. Und alli händ dicht ghalte und mir nüt gseit. Sie isch bis am Mentig blibe. Sprich: de Termin mit de andere Fründin hani nomal verschobe. Und en andere Termin au. Aber isch alles ufgange und am Sunntig hämmer sie eifach mitgno zu dem, wo mir eh vorgha händ.

Nämlich: Foto-Shooting i de Masoalahalle mit mim Brüeder und aschlüssends Znacht i de neue Wohnig, won er mit de Fründin zäme zoge isch. Mega kuuli Wohnig und sie zahled u mega wenig (au so eini wett ). S fotografiere isch chli schwirig xi, wil ich Suppehuehn und min Fründ d Kamera und s Tele vo mim Vatter vergässe händ (übrigens au es Schild, woni extra gmalet han). Und wils zimli dunkel gsi isch i de Halle. Und mit Blitz fötele wär au blöd xi, wil mer vom Hintergrund dänn nüm vil xeht. Aber s hät scho au kuuli Fotis drunter. Und Spass häts gmacht und mir wüssed jetzt au, dass mir eus durchus au chönd natürlich verhalte vor de Kamera (min Fründ isch suscht amel immer unsicher, wänner gfötelet wird, und luegt drum chli verchrampft).

Usserdem hämmer: e Fotografin (d Andrea, also di glich wie d Taeboyana, s malinchen und d Pfingstrose). Sie hät eus mit de Fotene uf de HP, und am Telefon und mit de Offerte mega überzügt. Jetzt machemer dänn mit ihre au no es Engagement-Shooting. Zum känne lerne und fotografiert werde üebe . Dänn hämmer dänn no chli meh Fotene für uf d Iladig und so. Und schöni Fotis vo sich ha, isch eh kul.

Und dänn hämmer: ev. glii e Wohnig. Händ eini agluegt, wo eus gfalle hät. Händ eus beworbe und am negschte Tag scho en Aruef becho. Jetzt muess min Vater no e Solidarhaft usfülle (wil ebe: mir sind armi Studis ), aber dänn wäred mir i ihrne Auge glaub akzeptabli Mieter. Ez hoffemer mal - und überleged glichzitig, öb mer sie würklich würded neh. Ich dänk aber scho.

Was leider au no gsi isch, isch dass mich e Fründin zum wiederholte Mal mega sauer gmacht hät. Sie hät mich di letschte Mönet oft tüüf verletzt. Es isch eifach schwirig. Aber es zeigt eimal meh, dass es richtig isch, dass ich zimli Distanz wahre.

Ah, und: Bi de Caterer machemer au Fortschritt.

Liebi Grüess,
Fara