@Janedoe: Gratuliere zum Chleid, es tönt perfekt! Dörfti äch o es Föteli gseh? Und super geits dim GG wiedr guet dass dr chöit uf Dütschland fahre.
@Fara: Tönt super, was bi euch aus louft und findes natürlech Hammer, dass dr ou d Andrea nähmet! Heiter scho es Datum für ds Engagement shooting? Wär ou mega neugierig uf d e Föteli vor Masoalahaue, we dir se heit! Und was fürne schöni Überraschig mit dire Kollegin. Het sicher guet ta. I wünsche dir für d Chemo morn wieder ganz viu Chraft und dasses schnäu düregeit u du wieder fit bisch.
Nala hoffe du hesch e schöne Abig gha mit dim GG gestern... bi no gar nie ar Herbstmess gsi was hets det eigenltich gnau? vorallem Essensständ oder ou sache zum choufe wie so en Art Märit?
Snicki nei vo dem Zierspargel hani no nie ghört?? isch das so grüen? wo hesch das de denn her gha? hmmm mir würdi das ou gad ablösche megde aperolocation..gah ner mau go luege bi dim suechthread vilicht kenni ja per zuefall öpis
Taeboyana ou das tönt ja mega schön Weihnachtsmarkt am Blausee...... auso der Märit wäri de bis am 22.00h falls glich no mögtisch chowo gisch de du Taebo z Bern?
Janedoe juhuuu gratuliere zum Kleiderkaufgeeeeeeeeeeeeeeeern würdi es Foti gseh
Fara wooow bi öich isch ja mega viel gloffesuper das fägt doch...wünsche dir viel Kraft für hüt! hesch Föteli vom Shooting??
me hey nei...mir si ja Gestern zu mim Brüetsch und schwägerin und kleine und hätte wöue mege de Schueh luege für mi GG..mir heis so luschtig gha und sone feuchfröhliche abig gha dasmer ersch ufem Heiweg hei gmerkt dasmer gar nid gluegt hei megde schueh....ize hani chopfweh
Janedoe Das dönt super mit dim Chleid!! Gratuliere! So schöööön. Möcht au gern Föööötelis :) Wo bisch es go poste? Schön gahts am GG wiedr guet.. Wünsch eu no schööni Ferie und vill Spass in Düsseldorf.
Fara Waaauuu es lauft ja würkli vill bi eu.. joah gids den Föteli vo de Masoalahalle? Wür mi meega Wunder neh Und das mit dinere Fründin vo Paris isch voll härzig, wie alles igfädlet worde isch, kuuuhl :) Ich wünsch der au ganz vill Chraft für hüt!!
Sue87 Hahaha händer am Schluss voll d'Schueh vergesse..
Janedoe: Woow, tönt suuper schön wiä du diis Kleiid gfunde hesch und wiä alli für diich klatscht hend! Woow! Gratuliärä diir herzlich zu dim Erfolg! Machsch mii gad neugierig. I het sehr gern es Foti vo diim Traumkleid
Sue: Gell, mir fallts au schwer ussem Bett z'chooh. Es isch so dunkel und chalt veruss. Dä wott ii amigs au liiäber liige bliibe Woow, da tönt würkli nachemene unschlagbare Priis fürs Abigesse! Dä Entwurf isch es gekrablä ufemene chliine Blatt mit Viereckli wo Fotis symbolisieret. Isch nonig so sehenswert Zeiig diir den aber s'Kärtli gern, sobald mirs im Briäfkaste hend Find ii dä hammer, cha dii GG so d'Schuäh uslehne. Und wenn ihrs geschter vergesse hend, giits nu nomol en guätä Grund gad dii Brüäder nomol go bsuächä Guäti Besserig diir! Oooh, da giits siicher en huufe Uswahl. Hesch dii chönä für es Haarbändeli entscheiide? Wiä stellsch dir diä "who-is-who" Heftli vor? Tönt no spannend (aber au ziitufwändig! )
Snicki: Mir wohnet ebe nonig zämä, drum wird unseri Wunschliste ganz klassisch. Aber ii kenne viel wo wirkli Geld sammlet. Für diä Schenkende isch globs no toller wenn's wüsset für was s'Geld gebet. So zum Bispiil für dä Flug, Zmorgä, Übernachtige, Usflüg ii dä Flitterwuche oder irgendwiä so. I denke, so cha fast jede irgendwiä was bruuche? Ha gad müässä schmunzlä, geduld isch bii so Sachä definitiv au nöd mini Stärki! I cha dii guät verstoh, mir gfallet diä Karte mit dä Fotis au bsunders guät! Und dä Ufwand zum selber bastlä isch riesig! Mir wönd au Namenskärtli. Hend aber nonig so viil drüber nodenkt. Eventuell lönd mirs eiifach vo dä Floristin machä. Anstatt Nadle chöntisch au Magnetli näh oder so en liächt wegnehmbare Kleber? Cha dii guät verstoh, wotsch diin Apéro nöd stressig ha und müässä amene fixe Ziitpunkt alli Gäscht usewärfe. Mini Erfahrig iisch, das meh oft z'viil Ziit irechnet für en Apéro. Au mit Spieli und Föteli und Esse und Gratulatione hend oft 2.5-3h scho lang gwirkt. Mir merket, dass es eh rechti Gratwanderig isch, wenn Stimmig kippt und d'Lüüt ungeduldig werdet zum wiitergoh. Vo dem her fänd iich's no guät, wenn's nöd so fixxiert isch. Wenn merksch jetzt isch d'luft dusse chönt mir go und jetzt laufts no, bliibet mir no. Da isch eiifach das, was ii das Jahr aah dä Apéros so erlebt han (mir hend ebe bsudners unser Augemerk druf grichtet ) Wünsch diir viel Erfolg bim Alternative suächä. Schad hets so müässä choh
principessa: Suuuper woow, sind dini Zwiifel verfloge. I has natürli agluägät, es isch es wunderschöns Kleiid und du gsehsch so wunderschön drin us! Woow, würkli es grosses Kompliment!
Sasileu: Ojeeh, so es Pech dass es länger got. Het dä Hersteller en Grund agäh? Genau, fokussier diich ufs schönä und gniäss d'Vorfreud ufs Kleiidershopping! Toii toii toii, dass diis Traumkleiid drunder isch! Ha vo euem Dresscode glese und bii en denn go suächä. Dä isch wirkli no raffiniert und witzig. Hend ihr dä selber entworfe? So was würd ii au gern klauä
Nala: I ha miim Mommy mol zeiiget was mir uns vorstellet und diä dezueghörende Fotis zeiigt. Sii het denn no wiiteri Tipps geh und jetzt nimmt sii sich eh Wuche zum d'Föteli nomol bearbeite und zämäfüägä und und und. Erst denn chan ii sägä, obs würkli so werdet wiä's jetzt iin unserne Köpf isch. Mir wönd jedefalls meeega viel Fotis uf dä Karte Also mir wönd uuh gern Gerberas in rosa und pink. Budgetiert hend mir 2000.- aber für diä gsammt Deko. Mir hend üs am GG siind Brüäder orientiert, aber diä hend au Rose gha. I ha d'Hoffnig das da no um einiges günstiger chunt I welli Richtig denket ihr?
Pfingstrose: Guätä Plan vo dir, miin Bruutstruss han ii nämli scho gfunde Gönd mir demfall au eiifach mal mit dem verbii. So witzig, dini Schwöster isch denn herzig. Was meiint echt sii für Termine
Taeboyana: Hochziitsstimmig isch grandios, gell? Wär denn also gspannt uf eui Kärtli, zeiigsch es uns denn? I ha dir PN gschickt
Fara: Wooow, so schön dä Überraschigsbsuäch und wiä alli voll mitgmacht hend! I stell mir diich gad freudegumpend und freudeschreiend im Gang vor Sooo kuuul! Bii eu lauft sowieso meega viel. Gratuliärä zur fast-Wohnig! Macht mir muät, dass ihr akzeptabili Mieter sind, trotz studente. Bii uns wirds ja au so sii! Gratuliärä zu de Fotografin. Vo därä han ii ja scho viel guäts ghört und gseh ii dä Forum! Diä froiit siich siicher über uns und unser Ustusch und d'Werbi wo für sii gmacht wird Hend ihr den d'Fotis scho? Darf meh eins gügsle? I ha diir gad au eh PN gschickt Wünsch diir nomol viel Kraft und Durchhalte für Chemo!
Pricana: i danke diir für diä liäbä Kompliment per PN! Froii mii so drüber!
Me: Mir hend ja bim Gebhardsberg nagfragt, ob wegem zweiite Hochziit nixx gmacht werde chönt und d'Antwort isch gsii, dass da bii ihne halt so gang und geb siig. Mir hend denn schweren Herzens d'Reservation storniert. Und gescht chunt denn s'Mail: Da wär sehr schad, wenn mir das mache würdet. Si würd uns abüüte keiin zweiits Hochziit aznäh Mir sind gad beiidi chlii erstuunt gsii und wo's dä GG siine Eltere verzellt hend, hends natürli keii Froiid gha (sii findet jo s'esse komisch und dä Weg z'wiit und het keii Rümli für unseri Nichte und unser Neffe und und und und) Jetzt chönt mir uns wiä nonig ganz froiie, mir luägät no diä Termine wo mir gsetzt hend aah und entscheiidet uns denn nomol. Viellicht chönt mir sägä: "Wenn ihr nöd wönd, dass mir dert hii gönd, müässtet mir en grössere Zuästupf ha" Okaii, da isch frech, aber dä Wohrheit entsprechend
So bin ii voll uf dä Achterbahn, wenn ii Karte denke und unseri Föteli bin ii voll im Hochziitshöch und wenn ii aah d'Locations denke eher im Tüüf. Will dert halt wirkli alles no so ungwiss isch.
- Sue: Ich has vom Bluemelade gha. Sie hend mier e ganze "Struch" gäh gha, öpe 20 Äschtli, für ned emol CHF 5.- ... jo, es isch en grüeni Pflanze, wo so wie gaaanz fiini Nödeli het. Han der es Fötli in Ahang toh. Äbe, ich finds eifach irgendwie so flauschig. Hans vorher au ned kennt gha Danke fürs luege weg de Apero Location. Ich han jetzt no 2 E-Mails gschickt a Locations ... mol luege öb's öpis wird
- squishi-fishy: Do mier no ned emol wüssid, wohi üsi Flitterwuche gönd, isch das no schwierig ich tendiere jedoch, das mier nomal uf Australie gönd. Evtl zahlt üs jo öpis en Upgrade id Business Class DAS wärs! HiHiHi Muess jetzt no luege wäg de Namenstäfeli ... eigentlich brüchtis die jo würklich ned, do sich die meischte kennid. Bin mer no unschlüssig einisch meh. Wäg de Aperolocation isches mier eifach en z'heisse. am 17.30 wär spötischtens d'Abfahtsziit. Das heisst, mit so viel lüt, muesch am 17:00 afo "zämepacke". Wemmer erscht am 14.30/15h dete sind, isches eifach z'knapp. Zudem gohts mer eifach eswie gäg de Strich, das mer üs das so vorschribt. Am liebschte wür ich ihm das au so säge, aber bringt jo nüt, es isch sus sehr en nette Kontakt gsi. Jetzt han ich no die Location agschribe, wo im Thread empfohle worde isch. Das wär au sehr schön, und ide Nöchi. Wie du seisch, wett ich äbe sälber de Ziitpunkt wähle wo mer sägid, so, jetzt isch isch guet, jetzt wächslid mer d'Location. Zudem, wemmer am 17:30 würdid abfahre dete, wärid mer am 17:45 scho bide z'Nacht Location. Das find ich äbe au wieder echli früeh. Mol luege was jetzt die andere 2 Locations meinid. Wenn die au scho usbuechet sind, hend mit Zuekünftig gmeint, wächslimmer grad d'Location is Freiamt. Dete hemmer au z'Nacht. Das bedütet aber, das mer d'Chille wieder müend umbueche ... Ich wür säge bi dier, entweder d'Eltere nehmid eui Wünsch so ah, oder wie du seisch sie söllid en Zuestupf mache
@taeboyana: jo s isch sehr schön gsi geschtr zobe, mir sin eifach chli voll gfrässe heim ko das ghört aber chli drzue hihi cool, händir beträffend iladige euch chli könne gedanke mache. bi de gspannt uf dr erst entwurf hoff d offärte für d blueme kunnt gli.
@janedoe: mega tolls kleid. stoht dr guet! merci fürs zeige
@fara: woow bi euch isch jo einiges gloffe! mega toll! wär au gwundrig beträffend fotoshooting mega härzig mit dinere fründin us paris! jööö! toll hän alli mitgmacht und ischs sone übrraschig für di gsi. wünsch dir hüt gaaanz viil kraft!
@sue: jo merci, isch schön gsi! hm isch no schwer z erkläre mit de herbstmäss.. aso hauptsächlig ischs eigetli e chilbi wo durch die ganz stadt vrteilit isch.. s het ässens ständ, vrkaufsständ, spiel-ständ usw und natürlig bahne.. das goht immer 2 wuche und de isch no 2 dag lang ufem petersplatz.. dört het hauptsächlig ässens und vrkaufsständ, isch immer rächt schön, isch halt zimlig gross und stimmig dört isch immer schön. witr hets no während de 2 wuche e waremäss, wyymäss, und susch no so ustellermässe.. am beschte gosch mol sälbr haha eure obig geschter tönt au guet bi dim brueder! de gits halt nomol e bsuech hehe. hoff s kopfweh isch gli wäg
@squishy: isch den toll wenn dis mami euch do so hälfe ka! jo bi eure fötelis würdi au viili druf welle sin jo au toll! ich gang jetzt nägst wuche worschinli zur floristin mol go luege was so machbar isch.. i fänd rose oder gerberas schön in coral /petrol öbis.. mol luege.. hm das mit de location isch wirkli vrzwickt. het den euch s ässe gschmeckt? und stimmts für euch? den würdi ehrliggseit nid so rücksicht uf d schwigis näh.. user ebe si wän euch de mehufwand noime anders sponsere.. vrstand das für di grad chli achterbahnmässig isch
@me: hochzytstechnisch lauft grad nid so viil.. wot hüt no de floristin alüte.. susch nix.. ha hüt nomi e wichtigi präsentation und mi projäktpartner het grippe und ka nid ko. jetzt muesi schnäll sin teil ufschaffe und alles ellei mache schisst mi biz ah, aber är ka jo nüd defür.. s isch eifach scho mini 3. präsi die wuche, ha hüt scho uf unterstützig zählt, vorallem wil de uftraggäber nochär sicher no froge usw het und i bi ganz ellei tja..
Janedoe: Wass!!! Soooo tolll… Gratuliere!!! Isch ja mega!!! Aller guter Dinge sind 3! Und was isches für en Stil… Ich möchtis UNNNBEDINGT gseh… Wiso häsch schiss gha wege dinere Grössi?! Du häsch doch ganz normali Postur… Han ja Fotis gseh vo eu.
Taeboyana: De Mert am Blausee nämti mich au Wunder… Isch hald doch sehr wiit vo eus. Aber mir sind vor 2 Mönet dete gsi will mer zerst hend welle dete Hürate. Isch so idyllisch.
Fara: Unglaublich wie viel jetzt die glichi Fotografin händ. Das gits ja nöd! Aber sie isch super und ich find eifach sie het de fairsti Priis vo allne. Die andere findi viel züberrisse.
Me: Ich gahn am 21.11. in Merys in ZH mis Chleid go ussueche. Mini chlini Schwöster hät zum Glück no en Termin frei gha... Hihi! Suscht bini chli euses Dekokonzept am usarbeite. Dassi im Januar den alli Bstellige mache chan. Tischläufter, Juteschnur, Teelichtli, Väseli, Zündholzschachtle, Girlande... Das sind die gröbste Sache. Jetzt chund no so chlises Gschmois... En Chleiderbügel, Gable wo drufstaht Mr / Mrs. findi uf de Fotis immer so schön. Chalkboard, Chäsbuffetbeschriftig... Das wers den scho bald.
- pfingstrose: Danke no für gester Obig, für dini Hilf. Bin chli down gsi ... drum han ich gar nüme inne glueged geschter. OOOOOOHHH! So schön! am 21.11 isch also de grossi Tag! Freu mi für dich, und hoffe das du DIS Chleid wirsch gfinde Und no besser isch, das dini Schwö ziit het für dich
Snicki: Es git immer wieder so Phase vorallem am Afang vo de Planig find ich. Dete hani ächt amigs ghüpered. Han dänkt alles wird eus vor de Nase weggschnapped und mir findet nie öps wo 100% passt. Aber hey, mer wird lockerer! Will es bringts ächt nöd sich zkaputt mache mit so Gedanke. Han glässe dass du schiss häsch wegem Chleid... Den müssti ich ja no viel meh Panik schiebe. Hürate i genau 7 Mönet! Und han no keis in Ussicht... :) Chund aber scho guet! Den münds mich hald vorzieh vor paarne wo erst im Juli/August hürated. Das werdeds ja wohl no chöne mache. Hihi!
Anmelden
Woow, da tönt würkli nachemene unschlagbare Priis fürs Abigesse! Dä Entwurf isch es gekrablä ufemene chliine Blatt mit Viereckli wo Fotis symbolisieret. Isch nonig so sehenswert 
Mir sind gad beiidi chlii erstuunt gsii und wo's dä GG siine Eltere verzellt hend, hends natürli keii Froiid gha 