- sue: mier also au

@nala: Das befrüchti ebe ou! Zumau ja denn ou no das Ehevorbereitigsgspräch muess si!?!
Wäg de Blueme, ufgrund vo däm wo ni hie so gläse ha hei mir mit ca 1'000.- grächnet. Mir zahle ca 350.- bis 400.- u hei wissi Rosene, vergissmeinnicht u Efeu. Drbi isch e Struss fürs Zivile, eine fürs Kirchleche, eine für TZ am Kirchleche, 2 Astecker, Bankschmuck u nes Altergsteck. Si mega glücklech mit däm Priis. Was stellsch Du Dir so vor?
Wieso bisch Du ufgschmisse wäg de Blueme? Hesch ar Floristin scho aglüte? Wie isch zAgebot?
Wie isch Dini Präsentation gange? Aui Frage chönne kläre?

@snicki: Mir näh Magnetli u Unterlagsschibene, soferns klappet mit am ha. Nädeli findi ebe nit so cool, wüus haut eifach Löcher i dKleider macht. Bi mim Grossvater gits äuä de es Holzklämmerli, er het gloubs e Herzschrittmacher, muess de mau no nachefrage.
Mir hei haut ebe Lüüt drbi wo sech unterenand nit würkli kenne, u drum findis no gäbig, u i kennes bi mir, i bi so schlimm mit de Näme...
I würdi was anders sueche, isch ja ne mega chabis, u i zwe Wuche het er de zGfüehl dir müsst scho 16.30 gah, wüu er ja de ou no muess umrume, etc?!
I ga zur Coiffeuse, isch aber bi üs im Dorf u daher ca 5 Minute mit am Outo... uhh dere setti ja no alüte...

@Dekokäste: I ha Deko hie are Forumsbrut dörfe abkoufe u ha für das 335.- zahlt, verkoufes aber närne umi witer, derte drzue chöme no Dekosteindli für 20.-, evtl Ersatzkerzene u Rechaudkerzli mit Gläsli (aber ou die guggi witerzverkoufe) Dr Räschte vor Deko mache mir säuber, was de eifach no isch si dBlueme

@Pfingstrose: Jöö, so herzig dReaktione! Dis Mami isch ja super Dini Schwoscht isch ja dr Hammer!!! I würdi ihri uf dWhynachte e Agenda schänke, eifach das si aube dTermine im Überblick het.
Was wotsch de für Teeliechtli? Aso i nime a Du redisch vo Gläsli?

@Taeboyana: Hey, cool, schön heit dr afe di erschte Ideene chönne sammle u Texte dichte. Hesch scho öbis vo Dire Kollegin ghört?

@jane: Juhui!!! Gratuliere!! Darf i gwundere? U faus es vor Dini Ferie nüme langet gärn ou närne. Viu Spass in Düsseldorf u gniessets

@Fara: Oh jöö, so härzig vo Dim GG!
Hesch scho Föteli vom Shooting?
Wüsst dr scho ob Dir dWohnig weit u brchömet?
Was isch de passiert? Heit dr de no viu Kontakt oder leisch ne gad chli uf Isch?

@Sue: Tönt nach am ne glugnige Obb! Wie geits Dim Kopf?
Oh ja gärn! Würdi mi sehr über ne PN fröiie!

@squishy: Di si aber ou no chli komisch, di hei ja ou gmerkt, dass ihr nit zfride sit, oder nit?
Wenn heit ihr di andere Termine?

@pfingstrose: cool hesch en termin im mery’s und au das dinere chline schwöstr de termin au goht so härzig! hey aber das isch jo scho mega gli fallt mir grad uf! sooo toll! bi jetzt scho gspannt

@lilian: jo genau, d herbstmäss isch über die ganz stadt uf plätz vrteilt danke fürs duume drucke, isch leider nid ganz so wie erhofft gsi, ha chli e sehr kritische zueloser ka janu..

@sue: dörfsch mir aso au gärn de entwurf schicke
leider is nid sooo guet useko, si hän mi de tatsächlig mehrheitlich übr das usgfrogt wo de kolleg gmacht het und de no so kritisch.
das who is who isch den cool, so öbis fändi ä no tol.. mit kinderbilder am beste no, hihi ah jetzt hani grad gseh das d pfingstrose das au grad gseit het wäg de babyföteli.

@lula: wow tönt nacheme hammer priis. ich stell mir für d tische so es kliners gsteck ide mitti vor, mi brutstruss, für d tz’s je ei kleine und 2 astecke für d herre. ha hüt de floristin aglüte, si het gmeind i sig no voll frieh dra, ka abr trotzdäm mol nägst wuche vrbi ko. i kenn mi eifach so übrhaupt nid us mit blueme (mues jedi blueme wo do inne gnennt wird go google, kenn wirkli nur d basics..) dorum fühli mi so chli vrlore bi däm thema. hoff s kunnt chli liecht dri wenni bi de floristin gsi bi.
has obe scho gschriebe.. d präsi hät besser könne go, hauptsächli wäge kritike zu ebe däm teil wo ich chli ha miesse improvisiere egal, mir hän de nochär diskutiert und de isch widr chli besser gsi..
wägem ehevorbereitigsgspröch, könntet ihr das nid wenigstens mitem pfarrer jetzte mache? so das ihr wirkli nur no d traauig mien mit em neue pfarrer vorbereite?

@me: i ha hüt dr floristin aglüte, die het gmeind i sigi no chli frieh dra, ka aber trotzdäm mol ko luege. bi scho gspannt, gang nägst wuche.
den hani jetzt au no dr fotografin vo de fara, malinchen, pfingstrose und taeboyana gschribe.. ha jo zerst au chli wäg mim gg chli zögeret und mim halbbrueder sini fründin macht ebe amigs au an hochzyte fötelis, nur weissi nid ob die kömme (wohne i berlin) und i ha au nid so guete kontakt.. aso hani jetzt bestumme mir froge si au mol ah

nicht registriert

Guätä Abiig mitenand,

Janedoe: Woow! Wunderschön bisch duu und ii dem Chleiid wiä eh Prinzessing! Woow woow woow! Dii GG wirds umhaue!

Snicki: Toii toii toii, dass eini vo däre Variante vom Apéro eu zuäsäget und total zu euem Hochziit passt!

Nala: Mir sind dert scho mehrmals go esse. Es isch immer feiin gsii, bis ufs läscht Mal. Dert isch s'Buffet gsii und s'Fleiisch isch halt chlii lang warm ghalte worde. Drum zwiiflet jetzt mii GG Aber joo, vo dreiimal isch s'Esse nur eiimal ned so dä Hit gsii. Wer weiss, viellicht es versehe?
Ojeeh, da isch immer müähsam wenn dä Projektpartner krank wird vor dä Präsi. Wiä isch es gloffe?
Oooh, ii wott au dä Floristin alütä Aber ii ah diä Ufgab chlii au am Schwimami abgäh. Sii het do voll es guäts Händli. Mir werdet do chlii zämägügslä.

Pfingstrose: Uiii froiideherrscht! Du hesch diin Termin und dini Schwester het Ziit
Froii mii scho uf diin Bricht

Lil.lian: Da het mii GG au gmaiint, werum sii jetzt ihri Meinig änderet. I hoffe, dass im erste Mail eiifach ned tscheggt hend, dass mir sii bittet keii anderi aah z'näh. I glob sii hends als nafrage verstande, ob d'Möglichkeit bestot, dass no es anders Hochziit am gliiche Ort hürotet… Mir hend uns jo nöd getraut zum Frage: "Ist es möglich kein anders Hochzeit an diesem Tag anzunehmen, sonst melden wir uns ab" Aber mir werdet siicher no wiiter gugge

Sue: Uns isch ebe ufgfalle, dass es zweii Säl zum miete giit und hend drum nagfragt, ob echt no es zweiit Hochziit cho chönti. Es het no niiemert am gliiche Tag buächt gha. Aber d'Möglichkeit isch relativ gross. Sii hend anschiinend immer am Juli/August zweii Hochziite pro Wuchenend. Und das Risiko hend mir eiifach nöd welle igooh.
Woow, diä who-is-who gsehnt uuh kuul us und bietet siicher Gsprächsstoff. Aber ii würd mii glich vorem Ufwand fürchte. Bii denn gspannt, wenn's bii eu so wiit isch. Wer weiss, viellichts packts mii denn ii dä Semesterferii
Ich büüte miich gern aah, dini Karte z'bewundere

Lula: Dä Hammer, eh Agenda für dii acht-jährig Schwester!
Mir hend morn Obig dä erst Termin, denn am Sunntig dä nächst. Sind aber beiides nöd unseri Favorite.

Taeboyana: Woow, so es TZ-Team isch ja goldwert! So schön!! Wo mini eint TZ gsaiit het, sii stech mit dä anderne rege im Kontakt bin ii fast platzt vor Neugier!

Me: Mii GG het hüt dä Rüti aglüte. Sii hend gmeiint, sii meldet sich bii uns. Aber das hends niä. Anschiinend reagieret diä Lüüt, wo aah unserm Datum provisorisch reserviert hend nüm, sii sägets sichs halt eiifach am überlege. I hoff diä zwiiflet so fest, dass mir's schnappe chönt Denn wäret endli alli Sorge und Ängst verbloose Bitte bitte bitte, hoffet mit uns Anschinend erfahrets mir am Friitig… Mini aarme Fingernägel

Guät Nacht iihr Liäbä <3

Guete Mooooorge mitenand

Pfingsrose
Juhuuuii das isch meeeega nett vo dier!! ville Dank :)

Sue
Aso mier gfalld dini Charte au. Vorallem d'Orchidee gfallemer sehr guet am Bildrand und d'Farbe gfallemer au sehr guet!! De Ort findi jeze eigendlich klar, zersch id Chile in Burgdorf und nachher zum Apéro.
Bisch den nöd so vo de Charte überzoge?

Syuishy-fishy
Ich druck der de Dumme dass die andere absäged :) Mängisch brucht mer au chli Glück..
Nei das chasch nöd guet schriebe, dass sie niemmert anderscht dörfed ahneh.. wär scho chli fräch. Abr fräge dörf mer immer

Sasileu
Ah kuuhl gasch au is Mery's :) Ich gah den erst am 30…
Häsch den i beidne Gschäft en Termin abgmacht?
Was häts den in Winti für es Gschäft?

Picana
Mier sind bim Fotograf gsi :) (une no me dezue) Häsch den du eifach per Mail mit ihne Kontakt gha?

Me
Aso mier sind gester bim Fotograf gsi. Es sind ja zwei, eine macht d'Fotene und eine duet den d'Bilder bearbeite.. Aso zerscht emal sie sind beid würkli sympathisch gsi und es isch e lockeri Stimmig gsi. Nur leider Priise händs eus nöd chöne ageh.. Früehner hegets mit Pauschalene gschaffet und dänn später händs für jede e individuelli Offerte gmacht.. D'Untschied seget zwar schlussendlich nöd so gross gsi, aso Priise ähdlich.. Er hät den eifach no e Stundeasatz geh, abr ich weiss au nöd wie vill ich mit dem chan afange.
Mier dönd jeze mal das mit de Chile no abwarte (Termin wär am 11i, dass mers uf de Namitag chönted schiebe) und wänn mier das wüssed, dömer ihne en detailiert Ablauf schicke und mier bechömed den e Offerte vo ihne..

Guete Morge mitenand

Sue + lil.lian: sorry, ich bin falsch gwicklet gsi wägem Chärtli + Apero. Ich bin vo mier us gange, wo d'Lüt direkt an Apero-Ort gönd, und ned i d'Chille ... Han chli es gnusch momentan Aber s'Layout gfallt mer sehr guet!

Mery's: Wünsche allne ganz viel Spass, und das iehr eues Chleid gfindit!!!

Squishi-Fishy: Ich verstohn eu uh guet, dass iehr das so wend, keis zweits Hochzig. Ich finds au chli schad, dass sie das möchid. Schliesslich söll mer a dem Tag s'Gfühl ha, d'Welt ghört einem allei
Toi Toi Toi dases klappet!!

me: Ich bin, einisch meh, mega im Klintsch. Han do au en separate Thread no g'öffnet, zum chli "unparteiischi" Meinige zha. Es goht drum, das mier jo eigentlich amene Traumörtli wohnid. Ufeme Buurehof, wo aber nüm in Betrieb isch. Mer hettig gnueg Platz, mer hettid s'ok vom Vermieter und eigentlich wär das DIE Location für üsere Apero. Mer sind am See, gsehnd i d'Bärge und es wär perfekt. Min Schatz wür de Apero am liebschte bi üs Deheime mache. Ich verstohn ihn scho... Aber ich han eifach mega Bedenke, dass wemmer das bi üs Deheime möchid, das ich dete äbe au no alles mues organisiere und luege. Mer müesstid es Zält miete (falls uh heiss oder uh chalt, räge oder Sturm ). Mer müesstid Chüehl-Rühm ha, Tisch, Bänk, eifach alles. Und au wemmer natürlich en Caterer nehmid für das, han ich eifach irgendwie Schiss, das mer das echli übere Chopf wachset.
Verstönd iehr au mini Bedenke?
Uf jedefall, hemmer jetzt no ei Location wo frei wär. Das wär öpe 15 Minute vo de Chille wäg, au am See. Die hettid no Platz. Mer gönd jetzt sicher am Samschtig (vermuetlich) das mol go aluege. Chostet jo nüt. Denn hemmer nomol en Location in Ussicht. Die hend momentan e prov. Reservierig für üses Datum. Sie git mer denn no Bscheid öb die jetzt def. buechid oder ned.


Wünsche eu es schöns Tägli!
Snicki