| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2014
 1 .. 248 .. 493 494 495 496 497 .. 747 .. 997
14.11.13 09:48
Pfingstrose 

Re: Bräute 2014

Snicki: Also ich finds e Hammer Idee!!! Wenn ihr das gad bi eu diheime mached... Bin mer gad de Ablauf bildlich am usmale. Aber ebe hald mit guete Wetter. :) Hihi! Hetis den nöd e Schüüni wo mer benutze chan. Das häts ja seehr oft bi Burehöf?! Das fändi die besti Lösig dass mer bi schlächt Wätter de ine chan. Chan mer au meega schön dekoriere. Und ja s andere organisiere isch hald en Ufwand aber du chasch es haargenau so mache wie du wotsch. Und denn chasch schoo paar Tag vorher alles so dekoriere wie du wotsch! Häsch also freii Hand! Isch hald schwer so e Meinig säge wenn mer de Ort nöd würklich kännt. Aber ich finds e geniali Lösig!
14.11.13 09:49
Pfingstrose 

Re: Bräute 2014

Chund mer nämlich gad so öpis in Sinn...

Datei-Anhänge
Farm_Wedding.jpg Farm_Wedding.jpg (18x)

Mime-Type: image/pjpeg, 45 kB
14.11.13 09:57
Snicki  		Re: Bräute 2014

Pfingstrose: du hesch jo scho rächt, aber ich bin mier eifach am überlege, öb das ned eifach z'viel Ufwand isch. Grad mit vorher no dekoriere und so ...
Im Moment hettis äbe kein Ruhm wo frei isch. Es het zwar en Schüür, das isch scho richtig, aber dete isch halt s'Meischte vermietet worde, a Duurmieter wo dete ganz viel Plunder dinne hend. Es gäbti es Örtli mit emene chline Vordach, aber das länged eifach ned, wenn jetzt wür rägne ( Horror! ). Also ich denke, es Zält müsst uf jede Fall häre. Ich müessti das sus no mit em Vermieter mol aluege ...
Ich schüche eifach de Ufwand Aber bis jetzt hend alli gseit (also do im Forum - sus weisses jo no niemert ) das sie das würdid mache. Ich glaube, ich muess mer das würklich no einisch richtig guet überlegge ...
Und s'Bild isch jo de Hammer!!!

Nachtrag: ah mier chunt no in Sinn ... rund um d'Schüür hettis zwar Platz, aber es isch alles Naturbode, also dreckig ... öb mer das üsne Gäscht (mit vermuetlich HighHeels ) wür passe?

Zuletzt bearbeitet am 14.11.13 09:58
14.11.13 10:02
Pfingstrose 

Re: Bräute 2014

Verteilsch allne Gummistifel! Das wer glaub mis absolute Lieblingsfoti! :D Nei ernsthaft, ich verstahn was du meinsch. Und ich han us so Gründ au mit selber organisiere ghadered. Aber ihr werded ja extrem viel Gäst ha dete häsch doch sicher au Deko-Wüätige Fraue debie... Da würd dir sicher die eint oder ander öpis abneh oder mithelfe.
14.11.13 10:06
Pfingstrose 

Re: Bräute 2014

Snicki: Susch lueg mal no chli i de Region Ägeri isch ja au seehr schön und nöd wiit oder...? Dete gits ja au ganz viel Buurehöf und au no en See. Hani de spontan gfunde aber mich nöd mega uf d Suechi gmacht. www.hof-landschi.ch/hochzeiten
14.11.13 10:06
Pfingstrose 

Re: Bräute 2014

http://www.zug-tourismus.ch/de/list.cfm?listall=yes&category=AccZT&subcat=FarmZT
14.11.13 10:11
Pfingstrose 

Re: Bräute 2014

De findi de Wahnsinn! www.biohofzug.ch

14.11.13 10:31
Snicki  		Re: Bräute 2014

Danke Pfingstrose bisch en Schatz
Also das mit Landschi isch äbe de Hof, wo üs am 17.30 wür userüehre
De in Zug isch leider scho usbuechet. Hani au gseh gha. Mier wohnid genau uf de gegenüberliegende Seesiite
Ägeri isch z'wiit für üs. Das isch doch guet e halb Stund. Zumal mer nochher is Freiamt gönd go äsee und übernachte.

Ich han jetzt no 2 Hof "in Peto". Einisch in Küssnacht, de isch frei und z'ha - gömmer go aluege am Samschtig. Denn no eine, wo aber en prov. Reservation druf het. Sie klärt das ab, und meldet sich wieder.

Obwohl äbe, ich mich immer meh mit em Gedanke afründe, Deheime z'fiire. Und IEHR sind Schuld

14.11.13 12:12
lil.lian 

Re: Bräute 2014

Snicki
Aso ich finds au e super lässigi Idee!! Vorallem d'Lag wo beschriebe häsch mit de Berge und em See. Und d'Chile wär den au gad um de Egge.. isch doch wunderschöön!! Und den chönted au die wo für de Apero iglade sind, bliibe..
Du müsstischs eifach alles gnueg früeh ufstelle und dekoriere. Und am Beste gaaanz vill Hälfer mobilisiere.. Und nach de Hochziit au no chli Ziit zum wegruume iplane (und sötigi wo den uufrumed für eu, Zält abstelled, etc )
14.11.13 14:32
Snicki  		Re: Bräute 2014

lil.lian - danke au dier für dini Meinig ich han jetzt mol es Mail gschickt am Caterer. Mol luege was retour chunt.

Ich han en anderi Frog a eu 2014 Brüüt!
Chan mier öpert en Fotograf empfähle? Am beschte us de Region Zentralschwiiz? Ich han jetzt de halb Tag demit verbrocht, Homepages azluege, aber irgendwie bin ich kein Schritt wiiter

 1 .. 248 .. 493 494 495 496 497 .. 747 .. 997
squishy   bstellt   Location   schaffe   bearbeitet   irgendwie   Problem   Hochzyt   würklich   gspannt   Littlefoot   richtig   würklech   Taeboyana   Hochziit   Iladige   malinchen   Pfingstrose   Janedoe   Zuletzt