@Laprincipessa: Danke für d Föteli vom Chleid! Passt mega guet zu dir und gsehsch super us. Bi sicher, dass das die richtig Wahl isch gsi!
Oh doof wäg dr Witerbiudig, hoffe es besseret und du bisch gli wieder motiviert und hesch ou gnue Energie. Das tönt ja würklech sehr stressig bi dir. Wie d malinchen seit, gönn dr zwüschdüre Momänte für di wo'd chasch düreschnufe, o wenns nur churz isch. I bi o öper wo immer rächt unger Strom steit, aber i bi sooooo froh, dassi jetz 90% schaffe und au 2 Wuche e Tag für mi ha. Hüt hani dä itz gnützt zum ga Gschänkli ichoufe. Bi mega erfougrich gsi, dfür isch mis Portemonnaie itz läär

@aui Agschlagne / Usbrönnte: Vielech müesst dir euch itz o wieder mau chli e Pouse gönne mit dr ganze Hochzitsplanig, itz wo de no die ganze Feschttäg, Gschänkliorganisiererei und Ässe chöme. Das isch ja de o wieder mau vrbi u mir so doch aui (ämu die meiste) no sehr früeh dranne. Mir hei üs itz eifach no 2,3 wichtigi Pünkt vorgnoh (Iladige afa, Apéro Catering definitiv bueche und Bluemeofferte ihole), womer gärn no wette das Jahr mache. Aus Angere hani mir gseit, längt o no nächsts Jahr guet Apropos: Ha festgsteut, dass mir morn i 6 Monet scho zivil hürate !

@Lil.lian: Ja bide letschte 2 hani einisch 5 und einisch 8 Tag Antibiotika gha wüuis eifach nid ohni ha wägbracht. Aber isch haut ono heiku gsi nach dr OP wüu die ganze Harnwäge no greizt si unds o gfährlech wär gsi, wesmer de id Niere ufe wär... Süsch hanis oft ohni Antibiotika wägbracht.

@Janedoe: Ändlech hani o dini Föteli chönne aluege, ufem Iphone isches irgendwie nid gange... o du hesch e super Wahl troffe und gsehsch toll us i dim Chleid, gratuliere! Mega schön wie du das Gfüu beschriebsch und wie dini Froue reagiert hei. I has o uuuu schön gfunge denn wie ihri Öigli aui glänzt hei und sie mir hei Komplimänt gmacht... Hami würklech denn wiene Prinzässin gfüut! (obwou mis Chleid nid so im Prinzässli-style isch )

@Sue: Heiter mega schön gmacht eui Chärtli, gfaut mer guet! I hoffe, mir bringe de ou öpis Schöns häre. Wirde nech de o es Biudli zeige, wemer e Entwurf hei.

@Pfingstrose: Oh du Armi!! Gueti und ganz schnäui Besserig! Wow findes bewundernswärt, wie dir aui euch im Fötele düet "witerbiude". Bi i dere Hinsicht nid so begabt, aber bruche sone Usglich o. Nächsts Jahr setzi nomau chli ufe Sport und wett no d Advanced Trainerusbiudig im Tae Bo mache, wüu we mir när de mau mit dr Familieplanig wei starte, wetti das no vorhär mache... Und i wett u gärn no e witere Cupcake oder Cookie Dekokurs mache, woni de hoffentlech o für ds Hochzit (für üsi Gastgschänkli) cha bruche.

So, i mues mau witermache uf mire to do-Lischte für mi frei Tag Aber bis jetz bini nid schlächt

Schöne Fritig aune und de e guete Start is Weekend!

@Pfingstrose: Oh nei, das tönt ja gar nid guet!!! Wünschä dir gueti Besserig dass morn wieder fit bisch fürd Schuel!!!
so cool! Wo machsch de du die Usbildig? Mi Kurs isch äbä ohni Abschluss, nur so miterä Kursbestätigung... Isch ufnä wäg chli schaad, aber da ig's ja (ömu ursprünglech) nur so zum Spass mache hani uf das nid so Wärt gleit.

@lillian: Ja i bi mängisch chli euphorisch wenns drum geit wasi alles no möcht mache u überlegä ersch när obs überhoupt alles i 24h-Täg ine passt. Drum bini im Moment halt scho chli im Stress, aber d Hälfti machi ja freiwillig u zum Teil luegi sogar ds Schaffe im Büro als Freizyt a...

@snicki: mmmm, wüsst dir scho was dir möchtet bim Menu? *gwunder*

snicki: mmm, machsch mi ou gad gluschtig... wo isch nöime öies Resti?

Malinchen: Ich mache de Kurs in Bade. Ich hans nöd umbedingt wegem Diplom gwählt, han eifach en Kurs welle wo nöd nume zwei Täg isch oder so. Den hetz sich so ergeh. Wie lang gaht den din Kurs und was macheder so?

http://www.zentrumbildung.ch/weiterbildung/kursprogramm/lehrgaenge/fotografie/fotografie-diplomlehrgaenge/diplomlehrgang-fotografie-in-zusammenarbeit-mit-canon-und-nikon

Alli: Danke für d Guetibesserigs-Wünsch!

squishy: jo gnau gseh hesch du rächt mit 6 Gänger aber ich denke, es wird vo jedem Fleisch ned uuuh viel gäh, eher so es Müsterli also quasi 1 Gang / wird aber 3x serviert. Öpe so stell ich mir das vor. Gnau go heisst s'Menu "les trois Filet du Chef" Mol luege, mer müend jo denn eh mol verbi, aber das pressiert jo jetzt eh nonig so.

super das iehr morn au öpis chönt go aluege. Mier jo au Bin uuh gspannt .. drückemer üs d'Düme, das es guet usgeht. Oder bi mier echt doch ned? Will mers glich Dehei möchid? Mer weiss es (no) ned ... hihi

So, ich haus jetzt au in Fürobig. Wünsche eu allne es schöns Weekend!

@Sue: Ha mau no müesse ga luege, weles Video du meinsch uf üsere Website Nei, uf däm bini nid druf (zum Glück…). Es het aber bi "über uns" es Föteli vo mir, finges abr schrecklech… Uf Facebook hätti süsch viu Tae Bo Fotos vo mir

@Ässe: Hihi, mi GG wett gärn 4 Gäng plus Dessertbuffet aber mini gröschti Sorg isch, dassi de scho so vou bi, dass ds Dessertbuffet nümm Platz het (isch äbe für mi fasch dr wichtigscht Teil)

So, morn muesi vom 10i bis am 4i ga schwitze (mitme haublahme Arm ) und am Sunnti Abe gömer fein ga ässe i GG's Mami's Restaurant.