Hoi zämä, so schaffe mau di letschte 3 Täg nache...

@nala: Mir si ou nit so dHelde was dBlueme abelangt, so di übleche Verdächtige u de so paari wo me öbbe kouft. I ha mir de eifach mit de Heftli vo WS ghulfe, wo nach Farb u Monet sortiert isch. Chunnt sicher guet, für öbis isch si ja Florischtin
Gueti Idee, ha das mim GG vorgschlage, u jtzt gugge mir de mit am Pfarrer wo hie isch, denn aber nit cha. Wird süsch würkli so chli knapp
Hesch scho was ghört vor Fotografin? Dir brchömet öbe de Forumsrabatt.

@squishy: Iwie muess si ja ihri Termine im Griff ha
Ou so cool!!Dr Hammer öiches Resti, u de ersch dr Partykeller!
Mir hei das ou mit am endi im Saal am haubi eis i Partykeller. Wäms nit passt söu hei! Mir wärde eifach es Lied lah loufe (git vom Peter Reber so nes witzigs), u dLüüt närne informiere dass mir jtzt i Partykeller wächsle.
Ha ou zGfüehl gha, dass Schnaps etc säuber söu zahlt wärde, GG het de fasch überbisse! Süsch chasch ja iwie zMineral gratis, u 2 Drinks uf öi, u dr Räscht zum Säubstkostepriis.
Meinsch es gäbti es Saufgelage?

@lil: Sympathie isch sicher e sehr wichtige Punkt

@Sue: Geit üs gloubs aune so, GG würdi ohni öich gloubs düre dräihe

@snicki: Öiches Deheime tönt würkli troumhaft!! Da würdi aso sofort tusche, setti eifach im Kt BE si
Aber i würdi zApero nit deheime mache, wüu de hesch de glich aues bi Dir, u brchunsch aues mit u hesch kei Rueh für Di zum vorbereite, etc. Chli ne blödi Frag, aber wie miechsch de das mit de WC, oder hesch de da süsch no nöime?
Wie isch gsi bim Caterer?
Wäg am Fotograf, isch gar nit mini Region, aber mir zahle max (si üs jtzt gad nüme sicher) 1'600/1'800, chunnt haut eifach druf ah, wie lang si drbi isch.
Finde das sehr quer, dass sie nume chunnt wenn si ihre Tafelmajor dörfi mitnäh! Tönt für mi fasch chli so, wie si nit ällei wott cho...

@Pfingstrose: Oh jöö, Dis Mami isch ja sehr härzig!!
Geits Dir umi chli besser? Wünsche Dir ganz gueti Besserig u glich es schöns Wucheändi!

@Taeboyana: Und bisch erfolgriich gsi?

@principessa: Ohje, tönt nit guet! Wie lang geit de di Witerbildig no? Hoffe Du findisch gli umi chli Zyt für Di, u schick dr viu Energie für öiches Programm!

@all: Hoffe i ha niemert vergässe, isch gad chli viu gsi
Wünsche euch no nes schöns Wucheändi, heit nech Sorg

@Pfingstrose: Wow, di Kurs tönt würklech mega guet. Mine isch vo August bis Januar jewils 3h pro Wuche. http://www.sfgb-b.ch/web/sfgb/de/oeffent...fotografie.html

@Taeboyana: Hesch chönnä trainierä mit dim gimpfte Arm?

@squishy: Wie isch öii Besichtigung gsi gester? Heit dir öich scho entschiedä oder heit dir jetz die Qual der Wahl?

@me: GG u i si am Fritig amne Konzert gsi, es isch suuuuper gsi... Ha im Moment so weni Zyt für ihn und es het gad mega guet tah, mal wieder so öpis zämä z unternäh.
Gester het no üse TZ gschribe u nachegfragt wägä dr Apérolocation. Sie mache sich Sorge, dass nid alli Lüt det ä Sitzplatz hei. Das stimmt ou, für das isch d Location z chlii, aber mir hei üs ou eher so Stehtischli vorgstellt, u no paar Festbänk womä ab und zue chli cha go hocke. Hei üs dänkt, dass d Lüt de vo sälber chli zirkuliere wöus ja no ds Konzert vor Band git näbem Apéro an sich und später no Glacewägeli oder Torte. Bi jetz aber glich chli verunsicheret... wie machet dir das??? Heit dir bim Apéro für alli Sitzplätz?

nicht registriert

Guätä Abiig ihr liiäbä Fraue

Snicki: Es tönt also fabelhaft eues Menu. Miim GG würdet d'Auge useghaie. Dreiimal Fleisch!

Lula: I glob nöd, dass es gad es Saufgelage wird. Aber wenn jede vo unsernä Gäscht eh Drink nimmt, wird's für uns scho eher tüür. Mir sind do nonig wiiterchoh im Denke. Aber isch zur Ziit au nöd grad s'wichtigst, het no Ziit

Malinchen: Mersii fürs Nafrage, d'Antwort folgt:

Me: Mir sind geschter ins Rüti und scho bim erste Satz hets mir abgstellt: "80 Lüüt möget ine, aber denn hets keii Platz meh für eh Tanzflächi, usser 20 Gäscht verschiebet mir in en andere Ecke vo dem Saal" (wo nüm Blicksicht zu ihne hesch). Also isch d'Rüti definitiv nüm im renne. Es bruucht doch es Plätzli zum tanze und en Ort wo Gäscht ihri Darbietige chönt machä… Werum chönts eiim da nöd am Telefon sägä?!

Au hüt Morge isch dä hammer passiert. Hend no es Resti direkt am See agfragt. Denn sind mir schön dert hii (totmüäd vom Geburifest vom GG siin Brüäder ). Si fragt uns denn so: "Aaah, sii wönd mit 80 Lüüt do esse. Da got eh nöd, mir hend platz für höchstens 30 Lüüt, denn mir machet keii gschlosseni Gsellschafte." Joo, so isch das es kurzes Treffe gsii. Uns hets nöd so gnervt, aber struub isch es scho. Scho ii dä Mails hend mir gschriibä, wiä viil Gäscht mir erwartet. Mir gsehnts positiv, het en gratis Kaffi geh

Jo, so isch unseri Lokalitätesuächi immer no gliich wiit. Mir glaubet nöd, dass no was schöners giit als dä Kursaal. Jetzt müänd mir noii rechne

Usserdem han ii nomol Kontakt mit miiner Coifeusin gha (wo jo Kollegin vo dä Kollegin isch ) Meega liäb und sii froiit sich würkli dass sii mir d'Haar darf machä. Uuh eh liäbi und eh Kosmetikerin het sii mir gad au no empfohle

Usserdem hend mir no eh Orgelspielerin engagiert. Am TZ siis Mami macht das professionell und het uns das den aboote. Mir freuet uns sehr Woow, da Wuchenend isch viel gloffe ohni dass mir das welle hend

Wünschä eu no en erholsame Sunntigabig!

Guete Morge mitenand & en guete Start i die neui Wuche!!! S guete am Mäntig isch doch dass erst ‎inere Wuche wieder Mäntig isch! Hihi!‎

Snicki: Ah schad chan sie bi eu nöd au cho. Sie isch warschiendlich scho vo öpertem da ine bsetzt. Hihi! ‎Isch ja würklich lustig… ‎

Taeboyana: Hoffe din Trainingstag isch guet usecho trotzt Sprütze? ‎

Malinchen: Häsch rächt, häsches mit dim GG gnosse und es tönt eifach super. Gaht eus im Moment chli ‎glich, weeeenig Ziit zäme. Aber isch hald au immer viel los so mit de Schuel und vor Wiehnachte. Chund ‎sicher au wieder anderst. Din Kurs tönt au super… Bringts scho, wenn mer chli en längere Kurs macht ‎weder 3-4 Äbig gäll?! Was häsch du für e Kamera? Ich bin eifach amigs frustriert nach eusne Kurstäg. ‎Mir chönd dete amigs Material vo Nikon und Canon usprobiere und es git also hammer Sache wo nöd ‎nur mit eim sälber ztuehänd obs Fotis guet oder hald ebe besser isch es hät au viel mit de Kameras und ‎Objektiv ztue. Aber im Moment chani mir nix chaufe. Grr…‎

Squishy: Hm, isch also scho amigs sehr nervig… Hend die s Gfühl mer seit guet de Rum isch so toll mir ‎landed nurno 30 Gäst ich. Isch chli doof… Aber ebe gsehns positiv es het en gratis Kaffi geh! Hihi! Wie ‎isch den das jetzt, sind ihr nöd 100% überzoge vom Kursaal? Oder was isch dete no s Hinderniss gsi? ‎Hani öpis verpasst oder wer de Rütihof eifach e zweiti Alternative gsi? Sorry… ‎

Me: Mir gahts besser… Bin jetzt wieder im Gschäft. Id „Schuel“ bini am SA glich eifach chli spöter. Sind ‎de ganzi Tag in Züri unterwegs gsi jede het selber e Reportage müsse mache. Isch no schwer gsi. ‎Irgendwenn bini eifach go Käfele und Suppe esse. Isch so chalt gsi. Gester hani mit de Kollegin vom ‎‎10ni bis am 3 Guetzled, Gschwäzt und Tee trunke! Isch mega gmüätlich gsi. Min GG isch den uf die 4i ‎hei cho und mir hends no chli gmüätlich uf em Sofa ghänged. Gässe hämmer au gad dete uns den bini ‎am 9ni is Bett will mer d Auge zuegheit sind. Han den aber leider nöd chöne schlafe, will mer so viel ‎Gedanke vo e Hochziit dur de Chopf sind. Han gad e mini Krise gha… Haha! Han mich die ganz Ziit ‎gfröged gaht de Ziitplan uf, hämmer gnueg Unterhaltig… Die grosse Sache hämmer ja jetzt was ja au ‎wichtig isch aber die chline Sache bringed mir viel meh Chopfzerbreche will dete doch so schnell öpis ‎‎„vergesse“ gaht. Irgendwenn hani den de Schlaf scho no gfunde. ‎

@Pfingstrose: Oh nei, hesch voll Krise gha gester? Das geit mir ou oft so, dassi weni eigetlech mega müed wär när voll ines Gedankekarussell ine chume... Aber du hesch scho rächt, i finde ou das git viel meh z düe als so die "grosse" Sache uswähle. Aber geits dir inzwüsche chli besser?
Hihi, ja voll...
I hane Canon 400D, uuuuuuralt im digitale Zytalter. Aber i cha mir im Moment ou kei nöii choufe, v.a. wöu ig äbä gärn d 6D hätti. Bi üs ischs ou so, dass mir chöi Material usleihä im Kurs... Gäu das macht so viel Spass mit all däm Equipment umepröble!!! I ha mir fang es 50mm Objektiv kouft mit 1.8 Festbrönnwiti und das findi dr HAAAAMMER! I liebes, und es isch rächt günstig für nes Objektiv... I ha hinsichtlech Geburi / Wiehnacht mal e Wunschliste gschribe mit allne Sache woni mir würd wünsche, i gloub die chani no paar Jahr verwände.
E Reportage mache isch sicher mega schwierig! I findes bi dim Kurs aber no cool, dass dir so viel verschiedeni Gebiet alueget, bi üs isch halt scho dr Schwärpunkt uf Portrait... Hesch du ä Flickr acount?

@Pfingstrose: haha, super wägä dr Liste! 26 schafft sie sicher bis denn!

Ja ds 24-70mm isch uf mire Liste ou druffe... Und ds 70-200mm isch ou sehr cool. Und i möcht äbä ou gärn no ä Blitz und paar Reflektore, finde das so geil mitem indirekt Blitze. D Canon 6D isch äbä ou Vollformat, aber soooooo dr Hammer! I gloub das rendiert sich scho, uf die halt länger z spare als wieder ä APS-C ds choufe...

Flickr isch sone Photo-Sharing-Plattform, also me cha Fotos womä het gmacht ufelade und de sones Portfolio mache. Was äbä no cool isch, dasses immer alli Date vor Kamera übernimmt, also weles Objektiv, ISO / Blende / Verschluss etc. de chamä när ou chli ga luege wie dass es Bild entstande isch, wo eim gfallt... Me cha när ou mit andernä User befründet si und sich ustusche u so.