Guete Morge mitenand!!

Hender es schöns Weeki gha? Bis uf die wo chrank sind / Schuel hend / schlecht schlofid

Pfingstrose: nomal gueti Besserig und es tönt jo scho chli besser als am Fritig

Squishy: ou das wür mier denn brutal uf d'Närve so Züg. Vorallem wemmer extra eswo hi fahrt, i dim Fall 2x, und denn chunt us, das es jo eh ned goht ...
Isch denn de Kursaal chli tüürer, oder wieso no einisch rächne? Sorry hani glaubs eswie verpasst

me: Mier sind am Samschtig gsi go die Aperolocation am See go aluege. Es isch echt uh schön. Leider hets stockdicke Näbel gha, und mer het sich alles chli müesse vorstelle Uf jedefall isch die Frau e ganz e netti, mer hend alles chönne go aluege, au d'schlecht-wetter-variante. Isch en Schüür, wo denn ufe Summer häre schön dekoriert wird. Leider isch au dete alles voll gstellt gsi im Moment. Aber das isch ok gsi, au do het mer sich halt das müsse anhand vonere Brochure vorstelle.
Alles in allem hets mer sehr gfalle, aber irgendwie, evtl durch s'Wetter, und all de Plunder ide Schüür, isches für mich wie "erdrückend" gsi. Ich hans mier zwar chönne vorstelle, aber irgendwie äbe glich wieder ned. Falls es schön isch a däm Tag, chömmer würklich direkt näbem See verwiile.
Sitzplätz am Apero: Bi üs wirds also au so si, das ned alli chönt sitze. Aber ich glaube, das isch au normal. Schlecht find ichs emel ned .... Priislich sind die für üs jetzt glaub sehr attraktiv. Mier würdid fürs Buffet, mit Fleisch, Chäs, chli beleiti Brötli etc, 15.- pro Person zahle. Das find ich absolut fair.

Musik: Sägid mol, hend iehr am Apero au en Musik? Mier sind üs eswie unschlüssig. Sind scho a Hochzig gsi wo's Musik gha het, aber au a söttigne, wo's kei Musik gha het. Das müemer denn no einisch bespräche.

Schöns Tägli eu! Spötischtens morn sött d'Offerte cho!!!

guete morge zämme!
huuch i ha i de letschte däg nid so zyt ka mitzschriebe, ha aber still mitgläse gang jetzt aber nüm uf alles ii.

@lil.lian: und het sich was ergäh wäg eure chile? vrstandi das richtig, das euch 11i doch chli z frieh isch?

@sue: bini froh bini nid die einzih unswüssendi wens um blueme goht!

@snicki: i find das mit deheime de apero ha e super idee, ich as kontrollfreak :tongue: würds super finde wenni so alles untr kontrolle könnt ha und das mitem caterer tönt jo hammer, i stells mir grad vor im garte mit lounge und allem... soo toll, hoffentli isches nid z tüür. drugg dr de duume!
was het sich bi de andere locations ergäh das wucheänd?

@malinchen: jo i ha im momänt ebe au grad chli e arbeite+ präsi marathon, ha s gfühl es hört gar nüm uf nei letscht wuche ischs leider nid so useko wie ich mir das gwünscht ha, hani aber fascht scho gseh ko
jo ich due ejtzt die wuche mit de andrea telefoniere, mol luege was usekunnt jep ihre blog wird den wirklig zur forums-brüüt fotigalerie hehe
hey di fotikurs tönt de toll und bringt mi grad uf e idde! suech mir glaub au grad öbis ade schuel für gstaltig, bruch nägst semster eh no 6 freifach credits, so könnti öbis mache wo mi intressiert! und ändli mol lerne wie ich mit minere kamera richtig gueti föteli mit em richtige equipment mache ka.
sitzplätz apero: aso i ha mir zu däm no gar kei gedanke gmacht, aber i dänk nid das es für alli e sitzglägeheit ha mues, e paar bänkli findi sötte länge. amene apero findi persönlich au das meh nid hockt.

@squishy-fishy: hey haaammer de kursaal, tän jo mega geil und voll lieb vo de lüt dört. ich glaub do gits scho e favorit oder? fänds au e mega schöni idee mit duse öbis zämme mache as übrgang i partykäller! super sach das! und mit de schnäps zahle loh, das isch bi uns au no so e diskussion.. finds schwierig und mir sin au no chli im klinsch! finds aber an für sich ok, für die den öbis z vrlange, würds de eifach vorhär mitteile.
hm misch au no blöd wenn die andere loctaion euri vorab-infos eifach ignoriere.. chli vrschwändeti zyt, aber ebe wenigstens e gratis kaffi

@taeboyana: uii ich hoff hesch trotz dr impfig e guets wucheänd ka und si guet vrtrage! wär super wenn die bloseentzündige los wärde würsch! tönt wirkli nid grad toll so oft das zha!
guet gsi di workshop?

@laprincipessa: has dr scho per pn gschriebe, jo mit däre vom montana. ich gib dr den e bricht was use ko isch, gang am mittwuch obe. hoff d priise sin nid übrtüürt, susch suechi de susch öpert.
ouuhh das tönt nid guet wäg dinere witrbildig. hesch die aber nid erst grad agfange? wie lang goht si dene und wo machsch se? het s gschaäft dir die dämfall zahlt das nüm drus use kunsch?

@pfingstrose: bi zwar chli spot, aber trotzdäm no gueti besserig! ahh jetzt hani gläse das es dir widr besser goht
machsch du den e diplomlehrgang im fotografiere? so cool! den könntsch nochär au so hobbymässig an hochzyte go fötele? gäl die cheibe objektiv usw. sin halt nid grad billig wot au scho lang widr e neus, liggt aber momentan eifach nid din.
ui hesch e krise ka? hm ich kenn das, bekumi irgendwie au grad wenni an zitplan/hotel/deko z fescht dänk.. aber mir hän jo no zyt, s kunnt scho guet

@lula: welli heftli meinsch du genau? die kenni nid
jo ich due die wuche no mit dr fotografin telefoniere. mal kucken
aber eigetlig hani jo mim brueder sini fründin welle froge ob di ka fötele, die wohne aber ebe i berlin und i ha nid e bsunders guete kontakt zu ihne. ha au nüd ghört wägm kärtli wo mir gschickt hän/ ob si übrhaupt ko wäns usw.. jetzt weissi nid ob i si übrhaupt söll froge..

@me: ich ha letscht wuche vom montana, wo mir am obig fiiere d prise für d hotel zimmer für unseri gäst biko.. boahh die „billige“ sin 325.- für es doppelzimmer und die türe 410.-
findi rächt viil für gäst, für uns brrutpaar ischs völlig ok wens chli türer isch, aber as gast würdi ez nid so viil welle zahle. jetzt weissi nid ob mir mol no e anders hotel idr nöchi sölle afroge oder übrhaupt was mache. hilfe!

wünsch allne e schöne wuchestart!

@Snicki: wow, das tönt doch ömu no guet mit derä Location! Aber isch halt scho schwierig wenn du dirs de eifach so muesch vorstellä wies de chönnti usgseh... Aber dr Priis findi ömu sehr guet, 15.- isch weni für das was sie abietä!

@nala: oh nei, das duet mir leid wägä dire präsi! isch immer mega müehsam wöu me ja glich rächt viel Ufwand het gha, de ischs eifach frustrierend wenns när nid guet louft... Chaschs wiederhole oder muesch ds ganze Modul no mal mache?
Ja das wär doch cool wägem Kurs! I chas würklech empfähle... Es isch halt würklech cool näbem Studium ab und zu chli chönne kreativ si und nid nur immer läsä, schribe, lerne etc.

@lillian: ah cool, i möcht ou mal anes anders HZ chli chönnä ga gwunderä... Isch ja mega härzig dass sie öich hei fürs ganze Fest iglade!

@me: Ah guet, bi würklech gad erliechteret, dass dir das ou so gseht wägem hocke am Apéro! I ha mir das vorhär äbä ou nie so überleit, so paar Sitzglägäheite scho, aber für mi isch irgendwie es Apéro ou so, dass me meh uf de Bei isch als öpis anders. Geit ja ou chli drum sich mit versch. Lüt z unterhalte etc. Das funktioniert ja nid wemä immer am gliche Ort sitzt... Söue mal nid so fuul tue!

@lil.lian: ohh je stressig! isch de härzig das är din gg/euch unbedingt drbi ha wot. vrstihs aber au, das wenn meh nid so viil lüt do kennt, den klammert meh sich wohl scho chli an die wo meh sympathisch find und ebe übrhaupt chli kennt! wird sicher toll! hochzyte sin das doch meistens

@malinchen: nänei, isch zum glück nur e zwüschepräsi gsi, mir hän ebe so projäkt modul wo s ganz semester goht inere firma ei dag pro wuche.. mir hän jetzt aso no bis im januar zyt das ganze widr uszbügle.. obwohls ebe nid nur a uns liggt, de uftraggäber loht eifach z wenig infos use mit däne mir schaffe könntet aber ebe hesch rächt, bi eifach letscht wuche de chli frustriert gsi! hän jo trotzdäm ufwand ka..
jo i bruch glaub wirkli au chli öbis kreativs für näbem studium, so as usglich zum läse/lerne/schriibe danke für d idee!
wieso het de eure TZ gmeind das alli sitze könne miesse?

@pfingstrose: gäl i find die priise au chli übrrisse! zahle wän mirs nid, nei. s problem isch eifach das die meiste lüt nid us dr region luzärn kömme und i dänk das die wenigste no hei fahre drnoch.. dorum bruchts jo scho e übrnachtigsmöglichkeit. am beste halt ide nöchi.. weiss nid was mache. ha jetzt mol no e thread ufdo, hoff es kömme no paar gueti vorschläg.

@nala: ah ok, zum Glück! Ja das chöit dir sicher wieder grad biege... Isch natürlech mega doof wenn dr Uftraggäber sälber nid mit de Infos userückt. De muesch när immer no denä Date nachespringe statt dass de chönntsch würklech produktiv schaffe.

No wäge de Zimmer: Mir hei bi üs ja keini Zimmer bim Resti u düe när det Campe, aber das isch ja sicher ou nid für alli öpis, drum düe mir eifach bir Iladig es Blatt drzue mit paar Vorschleg womä chönnt übernachte ir Nöchi. Det hei mir ou so chli verschiedeni Sache drinne, e eher schöne Landgasthof wo halt ou tüürer isch, und sones weniger schöns Hotel wo halt drüfr günstig isch. De chöi sie när sälber bueche und hei glich chli ä Ahaltspunkt, ömu die wo nid us dr Region chömä...

Oh Malinchen! Die Siite hetisch mir nöd dörfe schicke!!! Ich han gad DE RUCKSACK gfunde... Genau so eine hani welle: www.photoqueen.de/Fototaschen/Kings/Camps-Bay-Field.html

Jetzt wird aber zerst mal d Hochziit finanziert!!! Grr... Es chosted hald doch alles!!!

Ich chan zum Glück au die für d Studente neh wo einiges günstiger isch und das wirdi glaub au mache. Chaufe aber gad s Vollversione Programm CS6... Glaub 300 EUR. Kenne mich aber garnonig guet us. Han mal Testversion ein Monet gha und fast Vögel übercho. Aber mir hend no es Modul über Photoshop also wird das sicher no chli besser... Hoffi! Hihi! E Homepage mache fändi ebe au cool... Also nöd für d Hochziit sondern für mich...