@malinchen: jo das isch wirkli mega doof. aber unsere dozänt het halt gmeind mir mien au meh fordere.. das machi halt jetzt au wot nid dases druf use lauft dasi s modul am schluss widrhole mues.
danke für de input. das findi au kei schlächti idee, vor allem do d littlefoot mir grad ihri hilf abote het so ka jede sälbr wähle wo si schlofe wän und mir mien uns kei gedanke mache.
hey die site mit de täsche isch jo de hammer! mega schöni täsche, die würdi jetzt au ohni kamera bruche. ha dr link grad gspeichert für nachem hochzyt..

@pfingtsrose: tolle rucksack mir gohts im mom voll glich, s git sooo viili sache die ich eigetli gärn hätti, aber im momänt wird jede franke fürs hochzyt gspart. wot lieber für unsere dag no chli meh zur vrfiegig ha, de räscht ka warte

@sue: und wie sin d kleidli? hoff kasch di hüt no chli vom wucheänd erhole, zum glück isch in 4 dag scho widr fritig

nicht registriert

Wunderschönä guätä Mäntig Morge

Pfingstrose: I kenne das guät. I ha amigs au so Nächt wo ii zwar uuh müäd bin und denn aber ans Hochziit denke und chum iischlafe chan. Es giit no soo viel wo meh sich überlege müässt. I fang denn eiifach aah Schäfli zähle, ohni Chäs da funktioniert bii mir voll

Malinchen & Pfingstrose: Woow, ihr werdet jo no Profi-Fotografe Denn chönt meh jo au eu engagiere für Hochziitsfötelis

Snicki: Über Musik am Apéro hend mir uns no gar keii Gedanke gmacht, hend mir ii dä läschte Ziit au niä gseh amene Hochziit. Schön wärs siicher und giit siicher ä guäti Atmosphäre!
Oooh, ii bii scho gspannt uf eui Offerte. Will es wär doch eiifach wunderbar im eigete Garte dörfä z'fiire! Aber au diä Location vom Samstig tönt wahnsinnig schön. Direkt am See tönt wunderwunderwunderschön! Und dä Priis isch also würkli guät! Eh suuper Alternative. Bin gspannt wofür ihr euch entscheiidet. I denk aah beidne Ort cha meh wunderschön fiire!
Jo dä Kursaal isch scho eher türer… Vor allem isch er halt bekannt, dass es nöd günstig ii dä Region isch und wenn denn zweii Studente dert fiiret. Wer weiss, was diä andere denket?

Nala: Ooh, jo. Da isch scho eher en stolze Priis zum übernachte Sind das grad irgendwiä d'Luxusvariante vo dä Zimmer? Viellicht hets no es hübsches Hotel nebetzue. Denn chönt meh dert no go pfuse?
Jo, dä Kursaal isch unser Favorit. Er het sogar Details, wo mir niä erwartet hettet.

Lil.lian: Jo bii dä Rüti isch eiifach d'Lounge verus wunderschön. Aber uf diä chan ii guät verzichte, anstatt uf 20 Lüüt weniger ilade So lässig darfet ihr an es Hochziit goh. Jetzt luägsch es siicher mit ganz anderne Auge aah, wiä no voreme Jahr. Also mir got das amigs so! I klaue alli guäti Idee und dii schlechte tuän ii mir fest iprägä, damit mir's besser machet
Wünsch diir denn ä schöns Fest!
Ojeeeh, so in ä Wuche starte isch gar nöd schön. Hesch wenigstens diä Wuche chlii weniger ob?

Sitze bim Apéro: Kenn ii so au gar nöd. Es paar Sitzglegeheiite, aber nöd für alli… Aber dodrüber hend mir uns no gar keii Gedanke gmacht

Sue: Au diir wünschi guäti Erholig vom Wuchenend! Wiä gsehnt Kleidli us? Sind ihr z'friide mit eurer Wahl?

Wünschä eu eh suuper Mäntig und bis demnächst!

Nala05
Ja genau, mier probieret d'Chile gege hindere verschiebe, eifach das mer nöd so früeh müend ufstah und das de Tag chli chürzer wierd. Min GG hät scho gfunde, mier müend ja gar nöd früeh ufstah, es langed ja e halb Stund vorher ufstah und den no schnell go dusche z'gah
D'Priise findi scho es bitz tür ja.. Ich wür susch mal luege, öbs ide Nächi öbis günstigers wür geh.. Abr bi eus händ scho es paar gseit es segi tür, und det chostets "nur" CHF 200.- für es Pärli.
Odr ja das jede sälber öbis organisiere chönti..

Malinchen
Ja genau chli go gwundere :) Das isch es hehe
Bi mier isch ebe die letzti Hochziit relativ lang her und vo dem här findis grad super das mer dete chönd gah..
Es giht ja würkli kuuuhli Täschene und vorallem wür mers nie errate, dass e Kamera dine isch..

Sue87
Ja gäll es zweits Wuchenend würdi au gad nomol neh.. Nächst Wuche söts den wiedr ruihger werde :)
Ja das mit de Chleidli hät mi au no intressiert :) so schön gfallets der..
Ich finde zu me Azug ghöred schöni schwarzi Schueh :) (abr kei Lackschüeli, brrrrr)
D'Schueh wo postet häsch, gfallemer no.. Wär e gueti Alternative

Squishy-fishy
Ja nächst Wuche wierds wiedr besser.. Und am Friitigmorge vor de Hochziit hani au no frei, den chani no chli usschlafe :)

Zuletzt bearbeitet am 18.11.13 11:44

Ich bin glaub ächt zdoof... Wo chammer en neue Thread mache??? :D

@pfingstrose: I ha photoshop äbä ou no gar nid kennt vorem Kurs. Aber es macht scho no spass... Aber da cha me ou stuuuuuuunde verbrätle drmit. Ja dä Rucksack isch meeeega schön! *seuchz*
Jaa, i möcht äbä ou ä eigni Homepage mache... Aber äbä, zersch muesi die fürs HZ mache bevor dasi de det drhinder cha. Isch so schlimm, i ha immer 1000 Ideeä für Sache woni no möcht mache oder ha aber ga duet halt glich meistens nur 2-3 ufs Mal.

@sue: hmm, i würd de gloub ou eher gad dr Stilbruch wage mit de Schueh und äbä z.B. Converse oder so Sägel-Schueh näh... I finde es würkt när eher so chli cool und lässig als "ig ha mir keini unbequeme Schueh wöuä atue aber hoffe es gsehts niemer". Aber das isch ja asichtssach und dänkä da gfallt ou allne öpis anders!

@Lilian: haha, di GG isch ja super. 30 min vorhär ufstah... I gloub üsi GG's hei jetz no chli e grossi Klappe und am Schluss si sie de sälber glich oder no meh nervös als mir!

@nala: ja gäll, mega schön! I ha sithär fasch nur no die Täsche, egal für was... V.a. ischs ou no gäbig für dr Laptop drinne z transporitere, de bruchi nid no ä extra Täsche für dä un er isch glich gschützt. Ja blib dranne bi denä Uftraggäber, sie hei ja de am schluss ou öpis vo öiem Projekt, de söue sie nid so knausrig due! Und süsch chasch am Dozent immerhin belegä, dass de alles probiert hesch...

@squishy: haha, i gloub mit somnä Uftrag wäri meeeega überforderet... Aber wasi mir scho überleit ha isch mal sone inspiration-Shoot z mache. Das fändi Hammer! Aber so Projektli müessä jetz gloub ou no ca. 216 Täg warte... Immerhin hani scho Ideeä für nachem HZ, falls i ines Loch gheiä.

@squishy: hihi, ja da wirsch ou einiges z düe ha... Ds erste Jahr isch gloub echt happig, halt alles z erste Mal: Eigni Klass, nöis Team, alles Präppe, Elteregspräch etc. Das blüeht mir de irgendwenn ou - hoffentlech.

Cool heit dir öich füre Kursaal entschiede!!! Wird sicher mega schön det!!!