Schuhe ha iz glich mim GG mau es Mail gschribe er söui doch süsch eifach eis paar choufe so richtig eleganti schwarzi und de chaner ja am Abig ir Festlocation vo mir us de immer no wechsle... es isch drum eigentlich gaaaar nid si stil da er süsch meh so HipHop/Urban Sache aleit aber da muesser ize düre findi
@sue: hihi, findi ou guet... Es gseht halt zumne Azug scho gad viel anders us, so schöni schwarzi Schueh. GG het i sim nöie Job ou ab und zue Termine wo er halt so mues agleit si und isch überrascht gsi, wie bequem die si. Hesch nid du mal gseit, er chönnti ev. ou es paar Usleihä? De müesst er ja nid mal Gäld usgäh drfür wenn ers när nie meh brucht...
Nala05 Ja genau. Es hät sich ebe es zweits Pärli gmolde zum au adem Tag zhürate und die händ no e Überlegigsfrischt bis am 15.11. gha. Sekretariat hät morn wiedr offe (nur amigs am DI & DO) und morn dueni den grad alüte und abkläre.. Nei für mich langeds knaaaapp nöd, abr für ihn natürli scho Meint er uf jede Fall, haha
Malinchen Ja das stimmt, Manne chönd genaaau so nervös si.. Sin Papi hät no gseit, es isch eh glich wennd muesch früeh ufstah, chasch eh nöd schlafe.. super..
Squishy-fishy Ah super händer eu entschiede.. Gratuiliere :)
@nala uii s montama het scho happegi prise finge zwar luzärn mega schön aber uskenne dumi ned grad u de scho gard ned mit hotels aber ev fingesch e alternative...
@malinchen/pfingstrose kamera liebhabers han e olympus e 420 natürlich nüt spetzieus aber für mi längts:) han bi de migros e foti kurs gmacht u zersch sehr sqeptisch gsi öb das für öbis isch aber isch de würkli eine vom fach gsi u itze freischaffend isch u dä isch uf jedi person einzeln i gange u eim kamera chöne erkläre u itze hani ou chli meh fröid drane ;) aber ir letschde bruchise eifach zwenig.. aber weni nach em kurs hei gange bi de hani ou immer gseit i ha e blödi kamera i wot ou e canon finge die super mir hei im kurs 2 gha die hei ou zersch e spiegureflex gha u mit x diverse obiektif u de heisi einisch nüme soo viu wöue umeschleppe u hei de ufene britsch kamera gwächslet aso geniali dinger!! vo noch bis wit nur 1!! obiektiv aber wie tür die si ke ahnig...
@sue i finge die schue super u wens ou no chli ihn widerspeieglet de wiso ned!? mine het ou i die richtig öbis ane.. wens ned grad sos biud kaputt macht de JO ! :)
bi grad chli am deco zügs am poste.. oje mine das i das sowiso liebe u gärn aues hätti isch das no schwirig u glich aues chline chostet soooooo viu aber hoffe das got öich aune ou so
@munggi: hihi, no mau ä Kamerä-Freak... Mit Olympus kenni mi gar nid us! Aber i bi würklech ou erstuunt gsi, wasi mit mirä aute Canon aues härä bringe. Mängisch gseht me scho ä Unterschiid, gad so vodä Farbe här mah si mängisch nid mithaute, aber gueti Bilder gits trotzdäm ab und zue... Das isch äbä ou chli mini angscht, dasi nachem Kurs de nümme so viel Glägäheit ha, v.a. wöu mir äbä när das ganze Equipment fäut... Mues de chli luege dasi ir Üebig blibe u nid wieder alles vergisse.
Chemo isch guet gange. Liit wohl au dra, dass es de drittletscht Zyklus gsi isch. Das isch chli weniger deprimierend, als wänn a Afang, vo sonere Chemophase stahsch. Aber s zehrt halt scho.
Wie immer... Ich mag irgendwie nöd alles dure-ackere. Ich schriib eifach mal chli druflos, bzw. lueg nomal di letschte Biträg chli dure. Han aber suscht mitgläse. Ich fliissigs.
nala: Hehe, ihr händ demfall ev au d Andrea als Fotografin? Ich find sie super. Also, fotografiert hät sie eus nonig. Aber mir händ telefoniert, gmailt und gsmslet und sie würkt hammer sympathisch. Bin voll froh, hämmer da de Tipp übercho. Wäg de Fründin vom Brüeder: wär natürlich au e (günstigeri) Option. Ich würd eifach bedänke, dass d Chemie scho einigermasse muess stimme zwüsched em Paar und em Fotograf. Ich ha gmeint chli usezghöre, dass du da chli unsicher wärsch? Chan mi aber au tüsche.
squishy: Isch ja voll blöd, dass die zwei Locations eu extra händ la cho, obwohl sie ja gwüsst händ, dass es nöd wird passe. Sehr sältsam. Danke für d Fotis vo euem Shooting! Sind super usecho!
laprincipessa: Japp, wär mega, wänn mer es Föteli vo dim Chleid würdsch schicke.
Snicki: Ich han dich gar nonig willkomme gheisse da. Und jetzt bisch scho so fliissig am mitschriibe, dass ich's fascht chli fehl am Platz find. Hihi... Jedefalls: hallo! Dini beide Optione für d Aperolocation (dihei und am See) töned beid zimli super. Verstah dis Zögere, öb's dihei wetsch mache. Usecho würds sicher super, aber wänn für dich z vill Stress demit verbunde wär, wär au chli blöd. Hmm... Handkehrum: da's ja bi dir dihei isch, chasch vili Sache scho wiiter im Vorus plane und erledige. Wäg de Musig am Apero: Ich glaub, das werded mir eher nöd ha. Ich bin glaubs au no nie amene Hochsig xi, wo's das gha hät. Also, nöd dass es e schlächti Idee wär. Ich würd eifach luege, dass d Musig doch nöd z fescht ablänkt. Sonen Hochsigsapero isch ja immer au e Glägeheit für d Gescht zum (wieder mal) z pläuderle mitenand.
lil.lian: So schön, eui Iladig a das Hochsig! Ich hoff, es wird es super Fäscht! Und vilich ja au für eues eigete Hochsig no inspirierend!
malinchen: Häsch mi grad uf öpis bracht wäg de Sitzglägeheite. Ich find nöd, dass alli dauernd münd chöne sitze. Aber es sött doch d Möglichkeit geh. Vor allem dänki da a mini Grosseltere und nöd z letscht mich sälber. So Lüüt gits halt schnäll amel au, wo nöd lang möged stah. Aber ebe: alli münd sicher nöd chöne sitze. Wär eher schad. Sobald mer sitzt, redt mer au mit weniger Lüüt. Ich würd aber bedänke, dass euen Apero rächt lang isch (wasi absolut kuul find). Wird äfach e langi Ziit ohni sitze.
Sue: Mir gfalled d Schueh prinzipiell. Aber zum Azug würdis glaubs ez au eher nöd empfehle. Aber isch scho no tricky, wänn din GG so di klassische Azugsschueh nöd schön findt. Muess ihm ja au wohl sii.
Hotelzimmer: Ich han au dänkt, dass mir das ähnlich mached wie d malinchen. Äfach es paar Hotels uflischte, ev. grad mit de Zimmerpriise. Wobi, die sind i de Region da alli öpe glich tüür. Was ich au mal überleit han, isch, e Pfadihütte oder suscht es Gruppehuus z miete für di jüngere/unkomplizierte Gescht, wo um e günstigi Variante ev. froh wäred. Mir händ das mal gmacht für d Übernachtig nach e Hochsig vo Fründe. Sind äfach mit es paarne id Pfadihütte go pfuuse. Isch super gsi. Allerdings gits bi eus umenand nöd würklich so öpis (woni devo wüsst). Aber ev werded mini Eltere imene Hotel übernachte (im gliche wie d Grosseltere) und defür ihres Huus enere Horde junge Lüüt überlah.
Fotografiere: Ihr händ mir grad Luscht gmacht, au mal sonen Kurs z mache. Wer weiss, wer weiss...
Me: Masoala-Shooting: Ich müsst mal min Fründ fröge, öb er das ok fänd, wäni eu Fotis schick. Aber die vo de Fotografin chönder dänn sicher go aluege. Wil die werded wohl uf ihrem Blog lande. Usser sie findet eus z unfotogen defür.
Wohnig: Bäh. Sind rächt nöch dra gsi, eini chöne z miete. Aber dänn simmer biz z wenig schnäll gsi mit no was nareiche (isch aber nöd euse Fehler). Hmm... Jänu.
@Fara: schön bisch wieder da und schön isch aues guet gange!!! Scho gli hesch die doofi Chemo-Phase hinter dir!
Die Deko isch ja dr Hammer!!! Das gseht würklech super us... v.a. wöus äbä när no so chli einheitlecher isch! Dä Link muesi mir gad spichere...
Schad wägä dr Wohnig, aber hei - de isch eifach die richtigi no nid drbi gsi! I bi sicher dir findet die perfekti Wohnig... Heit ja ou no chli Zyt u gad jetz wärdä halt nid so viel frei wöu vieli nid mits im Winter wei züglä! Muesch luege so per Februar und v.a. März wirds viel freii Wohnige gäh!
@me: I ha gester no mal mit GG das "Apero-Problem" besproche. I ha chli dr Idruck gha, dass ev. GG's Schwoscht chli hinter däm Iiwand isch gsi. Sie füehlt sich gloub chli usgschlosse vor Planig wöu mir halt "nur" GG's Brüetsch hei als TZ gwählt... Uf jedä Fall ischs drum so, dass direkt näbä dr Chille sone Hazienda wär (sone Buurehoof mitemnä chliine Resti und Pferd womä cha miete), wo meistens d Apéros macht wöus halt nöch isch und i gloub die hättä ou meh Platz. Aber GG het mit derä Familie nid so es guets Verhältnis u wott sicher nid det härä. Drum hei mir när das ehemalige Schützehuus gmietet, wo chli witer wäg und halt ou chli chliiner isch... Und ig ha überhoupt nid gärn Pferd und möcht nid unbedingt när uf jedem Foto sones Fiich im Hintergrund. Aber ja, mir hei jetz no mal üse Standpunkt klar gmacht, dass mir NID id Hazienda wöi und de isch das Schützehuus würklech die besti Alternative. De mache mir sone Mischig mit Sitzplätz und Stehtischli, de geit das scho... U dusse stelle mir no es Zält uf füre Fall dases Rägnet - Problem gelöst.
So, i wünsche öich allne ä schönä Tag, ha mega stress hüt u chumä äuä nümme drzue verbizluege...
hüt bini richtig müed und unmotiviert zum schaffe.... wünsche trotz dere Nebel-suppe allne e super schön Tag
malinchen, ja genau mi Brüeder het di glichi Schuehgrössi. Hamer eifach überleit dasmer so wies usgseht ide nöchschte Jahr no paarmal anes Hochzit werde iglade si (mir sind ja di erschte vom Kollegekreis wo hüratet) und vo demher isches ja eh mal guet wener so schwarzi Lederschueh hätti
munggi87 hihi bisch im Shopping-Fieber?? wo hesch so Deko-Sache gfunde?
Fara schön bisch wieder da und isches guet gange merci füre Link das gfalltmer sehr...mir gfalle Dahlie ebe sowieso sehr ha ja mis und TZ ihres Strüssli fürs Zivile us Dahlie gmacht gha
malinchen hihihi ize hani gad lut müesse lache - da im büro meine si äuä mir spinnts du wotsch nid uf jedem Foto sones Viech im Hintergrund - das chönnti gad vo mir cho wünsche dir e super Tag und hoffe du hesch nid allzu viel Stress
Fara: So lustig… Jetzt bini is Gschäft gloffe und hän dänkt ich schriebe dir mal e PN will ich da scho lang nüt meh vo dir gläse han. Aber schön gahts dir guet und dass es chli vorwerts gaht. Heisst das nach em 3te Zyklus söttisch gheilt sie. Oder wie isch das zverstah?
Also uf eui Fotis wäääri meeega gspanne! Hoffe din Schatz seit ja… Ich hans eifach allne per PN gschickt. Will min GG häts nöd toll gfunde eifach da öffentlich inestelle. Hihi! Chani au verstah…
Total schad wege de Wohnig hender den jetzt no öpis in Ussicht wo ihr uf Antworte wartet?
Malinchen: Hoffe din stressige Tag isch schnell verbie. Isch doch guet sind ihr euch einig über d Aperolokation. Das ich ja au s wichtigst. Vorallem wenns bi eu Killerkriteri hät a de andere Lokation. Stimmts doch definitiv so.
Me: Bi mir gits garnüt neus… Ich warte immer no uf d Übersetzig vo mim Schatz zum eusi Iladige fertig mache. Ich chönt ihn langsam würge! Aber ebe cool down chund scho guet. Haha… Mussi mir ja fast irede.
Fara: Schön bisch wieder do, han es paar Biiträg gläse gha vo dir. Danke fürs Willkomme heisse, au jetzt no Wäg de Gläser, die sind uh herzig. Hesch scho mol vo Fimo ghört? Ich bin jo en totale Fimo-Freak. Ich liebs! Han au so zimlich alli Farbe a Fimo Deheime Z.B han ich es Windliechtli gmacht, Fotis im Ahang ... Ich finds en tolli Sach, und isch alles sälber gmacht. Han äbe au überleid, dass als Deko zmache. Muess no luege Oder halt Härzli mache, es git sooooo viel Sache wo mer mit Fimo cha mache, quasi alles
Musik: Mier sind üs total unschlüssig. Aber nochdem mier denn endlich mol chli alli Priise hend, vo Apero etc (ich warte immerno uf d'Offerte vom Caterer ) chömmer denn mol luege, öbs dinn liegt oder ned.
Anmelden
Es gseht halt zumne Azug scho gad viel anders us, so schöni schwarzi Schueh. GG het i sim nöie Job ou ab und zue Termine wo er halt so mues agleit si und isch überrascht gsi, wie bequem die si. Hesch nid du mal gseit, er chönnti ev. ou es paar Usleihä? De müesst er ja nid mal Gäld usgäh drfür wenn ers när nie meh brucht... 
Meint er uf jede Fall, haha
Aber i bi würklech ou erstuunt gsi, wasi mit mirä aute Canon aues härä bringe. Mängisch gseht me scho ä Unterschiid, gad so vodä Farbe här mah si mängisch nid mithaute, aber gueti Bilder gits trotzdäm ab und zue... 
