@Pricana: Wow wunderschöni Kärtli!!! Gseht ächt super us!
U das es Di närvt isch verständli, mir hei ja ou no mau es Kärtli müesse nacheschicke, i verstah Di sehr guet! Hoffe Du chasch es gli chli "glassener" näh u Di nüme zfescht ärgere!
Dörfti äch e PN mit dr Homepage? Würdi gärn chli ga gwundere

@snicki: merci vielmal ja es isch scho lieb das sie das abespieled, aber ich chans eifach nanig so glasse gseh, irgendwenn viellicht :).. also s grundpapier meinsch? das hani so gfunde im coop bau & Hobby, han u lang gsuecht willi söttigs han welle und das isch würklich super gsi, hends eifach na müesse zueschniede aber isch auna günstig gsi, hend für en boge 3.50 zahlt und het 6 chärtli gä drus.

hehe ja das gahtmer amigs gnau glich wenni uf öppis warte und besser sie mached amigs kei agabe, als das sie dir säged bis am ziestig und denn klappeds nöd! hoffe chunsch baald e Offerte über! suechsch denn na öpper für id chilä?

@lula: danke viielmal isch mega lieb :) ah würklich, hender öppis müesse nahschicke willer öppis vergesse hend? denn bini ja zum glück nöd die einzig.. :) ja also jetzt chanis würklich nanig easy gsi aber irgendwenn denn sicher ;)..
schickder grad e pn!

Guete Abe liebi Brütlis, ig stiege ou wieder mau quer i

@Fara: Wiukomme zrügg und schön, isch besser gange. Hey, no 2 mau! Drücke ganz fescht Düüme, dasses när für immer hinger dir darfsch la.

@malinchen: Hahaha, die Ussag mit "die Viecher uf de Fotos" hätt vo mir chönne stamme . E Rossfarm wär für mi e Auptroum am Hochzit. Aluege isch no eis, aber i bi o nid so Fan vo däm Gruch... Mini beide TZ hei beidi früecher gritte und i ha gross uf mini No-Go-Lischte gschriebe, dass sie mer um aus ir Wäut kei Pferdekutsche dörfe organisiere. Wär würklech kes Gschänk für mi...

@Pricana: Wow, uu schön heiter baschtlet! Schad isch das mit dere Frou so e Reinfall gsi. Aber chame haut nie wüsse. I cha dir totau nachefüehle, wie di das "Missgschick" stresst, aber he, isch doch guet hets ds Mami gseh und euch gseit. Irgendwenn chasch vielech ou drüber lache. I hoffe, dini strängi Zit heig de o nach de Ferie mau chli es Änd. Bliebsch dähei oder geisch no furt?

@Pfingstrose: I cha dir so nachefüehle. Mängisch chani eifach nid verstah, wieso as es so e Ewigkeit mues dure, bis öpis vo ihm erlediget wird. I dänke de aube, ig hätts i dere Zit scho 5 mau gmacht!!

@me: Danke aune fürs Nafrage, d Impfig hani problemlos vertreit, me gspürts eifach rächt im Arm, isch no jetz rächt empfindlech. Aber mit däm chani guet läbe jetz nächst u übernächst Fritig no eini u de weimer luege...

Bi gad am Föteli bsteue bi Ifolor, wott paar für im Büro ufzhänke u weni no drzuechume, no paar Kalender la mache vo üsne Engagement Föteli und vo Oustralie (hach isch das schön gsi, weni so dra zrügg dänke u die Föteli aluege...)

Mir hätte hüt mi Brüetsch iglade gha zum zäme üsi Iladige plane, aber mir heis müesse verschiebe uf nächst Wuche, er het so viu ztüe... hoffentlech klappts denn u mir chöme de schnäu vora und är cha sech öpe vorsteue, was mir wei.
Itz fragi de gloub mau bir Floristin nache, sie het mir bis Ändi Novämber e Offerte versproche und das heimer ja baud, oder? I bi ou nid vor geduudige Sorte

Juhui, mini bsteute Cupcakes Deko-Büecher us de USA si cho und gseh super us... jetz chani de loslege. Ha für a Wiehnachte bi GGs Mami mit sire Verwandtschaft e Uftrag becho

Phu geits euch o so, dassnech Wiehnachte viu zschnäu chunnt? I ha irgendwie fasch jedes Weekend bis zu de Wiehnachtsferie scho öpis los... und sött no einigi Gschänkli mache / choufe.

Guete Mooorge allersiits

Pricana
Ja mier müend ihne jeze mal de Ablauf schicke. Ich finds au chli schräg.. Ich gib den Bscheid wenni d'Offerte becho han :)
Ah das dönd doch guet mit dine Vorbereitige. Und d'Chärtli gsehnd wunderschöööön us . Sie gfallemer mega guet!!
Ou ja mich würs au nerve :-/ Gisch der so vill Müeh, hundert Mal kontrolliere und den häts glich en Fähler dine
Ou ja schicksch mer au d'Adresse vo de Homepage? Wür mi freue :)

Squishy-fish :)
Han leider nöd aglüte gester .
De nächst Termin gmäss Homepage bi de Chile wär halbi 2 und das isch den wiedr zknapp (sie möcheds eigendli a drüne Ziite: 11i, 13.30 und 15.30). Drum hoffemer mier chömed en "usergwöhnliche" Termin über am 12i odr halbi 1.. Muen den morn uuumbedingt alüte.. Ville liebe Dank fürs dummedrucke
Ja das mit em feminin hät öbis. Bi mier chönd au alles pink und violett si

Taeboyana
Jez chasch afange mit baache :) Was häsch den für Büecher bstellt?
Ja ich han au voll de Stress momentan und immer was vor... Abr ich glaub das Jahr bruchi fascht kei Wiehnachtsgschänkli, immerhin öbis positivs.

Sasileu
Ich wünsch der ganz vill Spass und druck der de Dumme das öbis schöööööns findsch. Ganz es schöööns Tägli (und ich bin jez scho gspanne uf din Bricht )

Zuletzt bearbeitet am 20.11.13 08:11

Heeelllööö!

Wieder mal im Gschäft... Naja, hüt ahni glaub chli meh Ziit zum da ine schriebe. Gester isch chli viel los gsi. Also dörfeder hüt Gas geh wener wend. Hihi!

Spare: Schön gahts allne glich mit em spare… Haha! Söll eu ja nöd besser gah! *SCHERZ* Für grossi Projekt isch das hald immer chli anderst. Mer spart und spart… Und wenn mer eis grosses Projekt hinter sich hät den chund ja meistens s nächste. Aber es sind ja immer schöni Sache. Ich möchti ebe au für de Huusbau wiiterhin sparre und mini Süle 3-A füle. Den chund ja irgendwenn au d Chinderplanig. Und und und… Aber irgendwie mussi da no a Geld cho für mini Kamera und Objektiv! Hihi! Hät öpert gad en Tipp? Haha!

Pricana: Wow du häsch gester Abig ja no mega Gas geh. Weiss nüme alles wo du gschriebe häsch. Hans ufem Natel no glässe. Aber dini Iladige sind mega schön. Die sind doch jetzt würklich super usecho? Mega stimmig mit de Farbe passt eifach guet. Und jetzt würdi das mit dere Chartefrau eifach uf de Siite lah. Die Frust-Gedanke lohned sich garnüme. Händer ja jetzt selber erledigt. Isch e dummi Nuss.

Lilian: Den drucki würklich Dumme, dass ihr de Termin uf eui Wunschziit legge chönd. Schaffsches den hüt zum alüte? Nöd das min Dumme blau wird. Hihi!

Sasileu: Wenni so vo dir lise wirdi gad au nervös! Ich han min Termin morn im Merys… Ich hoffe du schriebsch öpis positivs hüt Abig! Und ich hoffe sehr das DU DIS TRAUMCHLEID findisch… Wird sicher mega schön! Und mir warted scho alli gspanne uf es Foti.

Nala: Jö danke das drah dänkt häsch! Du bisch ja mega… Ebe wirdi gad nervös weni vo de Sasileu schriebe. Grr… Isch mer gad halbe schlächt.