Squishy: Ich han beides us Fimo gmacht. Also ich han s'Glas scho gha, han denn so en Stange gmacht, mit dem blau/wiss (s'einte isch Fimo transparent) und äbe so Würscht drus gmacht, denn immer Schiibe abgschnitte und uf's Glas toh. Am Schluss s'Glas gruggelet, dasses schön gliichmässig gsi isch. De Ahänger sind Fimo-Chugeli, d'Flügel etc hani natürlich kauf gha.
Pricana: Jajo, ich verstohne dich scho, äbe, mich würds au stresse, aber irgendwänn chasch au du drüber schmunzle Ah ok, isch nämlich mega herzigs Papier!!!
Deko: Ich bin gestern mitem Schatz churz eis go Schnappe Und dete i däre Bar han ich mich glaubs grad do inspiriere für's Hochzig Die händ us Baumrinde, so en Art Windliechtli gmacht. Inne es Gläsli, Baumrinde rundume und es Härzli drus gschnitzt. Meeeega härzig! Han im Ahang mol es Bildli, aber das wär nonig ganz usgriift denn. Ich wür äbe au öpis schnitze, und evtl e Schnuerr rundume, mit emene Namenstäfeli (us Fimo ) so quasi als Sitzplatztäfeli. Ide mitti vum Tisch stell ich mier denn so öpis vor (au Ahang). Also eifach irgendwie so en "Schale" mit Holz/Rinde und innedrin schöni Blüemli
Ok, ich glaube, wir haben uns soeben entschieden, dass der Apero am See in der Location stattfindet, wo wir letzten Samstag angeschaut haben Die Offerte beläuft sich momentan auf - HALTET EUCH FEST - CHF 12'000.- Irgendwie kann ich nur drüber schmunzeln. Das ist ja ferner allem, was ich mir vorgestellt habe! Das mit dem Essen/Trinken geht ja noch so, aber allein die Mitarbeiter-Kosten belaufen sich auf über CHF 5'000.-. Die Deko ist im übrigen noch nicht einberechnet
Pfingstrose Ja genaaaauuu :) Nöd das der no Dümme wund drucksch Nei Sekretariat hät erst wiedr morn offe. Mier sind eus ebe gester nönig so ganz einig gsi. Aso hüt chasch e Pause mache hihi Defür druck ich dier Dümme den für morn :) Ich wünsche dier, dass dis Chleid findsch und wünsche dier ganz en schöne Tag morn!!
Snicki Ja s'Glas hät was rustikals. Das mit de Schnuer und de Namestäfeli chani mer guet vorstelle.. :) Han au no zwei Föteli aghänkt, seinte mit em Chärzli hani bi Pinterest gfunde und sandere hät mal öber scho posted und han den das au uf Pinterest nomol gfunde. Mier gfalled die Holzruggel mega guet..
Janedoe Bisch nöd du wege dene Holzruggel go luege? Häsch no e schöni Feriewuche gha?
lil.ian: Danke für die Bildli. Das mitem Glas isch jo uuuuuh herzig Aber was genau isch Pinterest bin gsi go luege, aber chume ned drus. Müesst ich mich do amälde?
Caterer: Ich han jo scho mit meh grächnet, aber grad eso, krass. Uf en Art bini aber au froh, will jetzt isch d'Sachlag wenigstens glasklar, also klarer gohts gar nüm
Uhi Snicki! Da hets mich gad us de Latsche ghaue. Aber irgenwie hani so öpis dänkt gha. Wie du seisch jetzt isch d Entscheidig wenscho gaaaaaanz liecht gfalle. Mein Gott! D Helfti vom gsamete Hochziitsbudget nur für de APERO?! Wo macheders jetzt? Hesch es Foti vo dete?
Snicki Ja voll jez weisch wenigstens wie tür das es isch. Und es isch "nur" de Apero!! Joah defür muesch kei schwierigi Entscheidig treffe
Pinterest isch es sozials Netzwerk und du chasch Föteli inestelle und Pinnwänd allege. Du chasch eigeni Föteli oder Föteli wo anderi scho pinnd händ ane eigeni Pinnwand pinne. Und du chasch au andere Pinnwänd oder andere Lüt folge.. Abr du müsstisch di amelde, susch chunsch nöd druf. Isch chli wie Facebook. Abr ich finds no e kuuli Sach. Du chasch nacheme Stichwort sueche (z.B. wedding) und den chömed ganz viiiiill Föteli. Die wo dier den gfalled chasch uf dini Pinnwand pinne :) Dönt jez glaub chli kompliziert (isch es aber nöd ). Und es häd da no es paar wo agmolde sind bi Pinterest.. Du brüchtisch den eifach d'Näme vo dene Lüt und den chasch dene folge..
Taeboyana: Auf geht's ans Backen Kuuul sind Büächer chooh! Wotsch dä fürs Hochziit selber backä? Ende November isch Asichtssach Es got gege s'End zuä, aber isch nonig ganz so wiit. Wer denn aber au gspannt uf dini Offerte. Frag mii nämli ii dä läscht Zit oft, wiä viiel echt Blüämli koste werdet…
Sasileu: Viel viel viel Spass hüttä! Sottigi Ego-Posts sind doch immer erlaubt! Bisch erfolgriich gsii?
Pfingstrose: Zwischedrin chasch diir ja eiifach diis Objektiv gönnä
Snicki: Woow, da Glas isch us Fimo! So eiins will iich umbedingt mol machä. Es gseht wunderschön us! Mii GG findet Fimo z'chindisch für es Hochziit, aber viellicht wenn iich ihm das zeiige? Bisch nöd grad vom Stuähl gflooge bii dere Offerte? Diä isch ja irrsinnig! So hend iihr jedefalls die Qual der Wahl nöd. Und diä Location am See tönt jo also echt traumhaft! Zudem sind all diä Sorge weg mitem ufruume etc.
Me: Jetzt wo d'Iladigskärtli am bearbeite sind, sind mir immer meh über Gäscht am nodenke. Das isch sooo schwer!! Het ii niemols denkt. So eh provisorischi Liste hend mir jetzt scho gha. Aber jetzt wo's wirkli ernst wird, luäg ii da ganzä nomol vonere andere Siite aah. Was mach ii mit Schätz vo Lüüt wo mir zwar gern hend, aber dä Schatz selber no niä gseh hend und ii nächster zuäkunft au nöd kennelerne werdet? Diä würdet sich doch nöd wohl fühle bii uns am Hochziit. Usserdem hend mir viel sottigi, wo sus gar niemert andersch kennet wo am Fest debii sii werdet. Was machet mir mit dene? Und wo ziehnt mir bloss Grenze? Vor allem bim Apéro, hend 250 Lüüt uf dä Liste. Das isch doch eiifach wahnsinnig viiel Herjemineeh, ii wünscht ii chönt en Knopf drucke und mir müässtet uns nüm dä Kopf zerbreche Wiä isch es eu so bii dä Gäschteliste ergangä?
Squishy: Ich säg ders, so Fimo macht süchtig und ich finde, es gseht ned z'chindisch us. Natürlich bruchts echli Üebig, aber scho wennt "Fimo" googlisch, wirsch gseh, es git unheimlich viel schöni Sache, wo würklich ned chindisch usgsehnd. Bi do au chli heikel, grad was Deko etc agoht, aber es git sooo viel schöns!!! Doch, bin würklich grad hine use gheit. Aber äbe, es isch jetzt klar, das mer das sicher ned möchid. Mier hend au e Lischte gmacht. Lut Lischte wärids 192 Lüüt für de Apero. Aber es werdid sicher ned alli cho. Im Moment rechnid mier so mit 100-120 Lüüt. Min Schatz het - grad vode Arbet her - au Lüüt debi, wo ich persönlich ned kenne. Ich finds ned so schlimm. Findes grad e Glägeheit, die mol kenne z'lehre (wemmer das so chan säge). Ich finds wichtig, öb IEHR wend, dass die a euem Tag debi sind, oder öb's eu eifach um's Prinzip goht, eifach all ih z'lade wo iehr kennid. Mier hend au z.B es paar Päärli, wo mer beidi kennid, vo der Ferie noche z.B. Mier möchid so 2-3 mol im Johr ab mit ihne, und hends au guet mit ihne. Aber as Hochzig ladid mer si glich ned ih. Ich finde, es isch scho chli "privat" (isch villicht chli blöd usdrückt). Nützt jo au nüt, wennt 250 Gäscht hesch am Aperso, und vor luuter Hallo säge und Fotene mache, ned mol Ziit hesch zum mit ihne chli z'sii.
lil.lian: danke für d'Erchlärig wäge Pinterest werd mich mol registriere und d'Lag mol checke
Pfingstrose: Leider gits kei Homepage ... Aber wennt im Google igisch "Apero Seeheim Küssnacht am Rigi" chömid 2-3 Siitene vo ex-Brutpäärli wo dete au scho Apero gha hend. Dete hets Fotene dinne. Mier hend e Brochure übercho. Det hets au Föteli druf. Wenn ich dra dänke, mach i hüt Obig Föteli devo
Jetzt hemmer no ei offni Apero-Location. Die wär a üsem Datum prov. reserviert. Sie het gseit sie checkt das und meldet sich denn wieder. Aber han no nüt ghört bis jetzt. Werde morn sus mol alüte. Ned falsch verstoh, die Location wo mer hend, isch super. Aber ich wet eifach irgendwie en Verglichsmöglichkeit. Sigs vode Location her, oder vom Priis. Ich han eifach s'Gfühl, ich nimmi s'erscht Beschte, wenn ich jetzt eifach so zue säge.
Squishy: Ich find es isch sehr e persönlichi Aglägeheit welli und wie viel Lüt mer iladet. Für mich isch ganz klar, dass niemert usem Gschäft chund. Und wenn den nur die wo mir au privat Kontakt händ. Das sind aber 2-3 Persone vo GG und mir zäme. Mir hend vorallem jetzt hald für de Abig nöd für de Apero will mir eh alli bi allem debi ha werdet guet glueged das d Mischig chli stimmt. Mir hend jetzt so dass mir öpe 1/3 mini Fam., 1/3 sini Fam. und 1/3 eusi Kollege sind. Dete känn ich au alli vo ihm und au Partnerine und er kennt mini Kollegine au alli. Eini devo nöd so guet aber er kennt sie. Ich lade au mini Gotte und Götti nöd ih will da eifach kein Kontakt isch und er sin Götti au nöd und ei 3 Tante vo ihm au nöd. Ich han eifach kei Lust Lüt ilade will MER SÖTTI. Am Schluss isches doch s Buchgfühl wo entscheide.
Lilian: Gseht super us... Das isch doch jetzt guet. Verstahn was du meinsch mit no enere Option abchecke.
Me: Ah läck sinder au sooo müäd hüt...?! Nach em Zmittag isches gad no chli schlimmer.
Anmelden
Ah ok, isch nämlich mega herzigs Papier!!! 
Die händ us Baumrinde, so en Art Windliechtli gmacht. Inne es Gläsli, Baumrinde rundume und es Härzli drus gschnitzt. Meeeega härzig! Han im Ahang mol es Bildli, aber das wär nonig ganz usgriift denn. Ich wür äbe au öpis schnitze, und evtl e Schnuerr rundume, mit emene Namenstäfeli (us Fimo 
). Und es häd da no es paar wo agmolde sind bi Pinterest.. Du brüchtisch den eifach d'Näme vo dene Lüt und den chasch dene folge..
Diä isch ja irrsinnig! So hend iihr jedefalls die Qual der Wahl nöd. Und diä Location am See tönt jo also echt traumhaft! Zudem sind all diä Sorge weg mitem ufruume etc.
werd mich mol registriere und d'Lag mol checke 
wo dete au scho Apero gha hend. Dete hets Fotene dinne.