Squishy-fishy
Mier händ nöd so Problem mit de Gästeliste…
Mier händ am Abig würkli nur Persone debi, wo me reigendli würkli enge Kontakt händ. Bi ihm hämer au ei Tante und ein Unkel wo mer nöd iladed, will er kei Kontakt häd mit dene. Mis und sis Gotti hämer au im Sinn nöd izlade, will ich han kei Kontakt, höchstens mal es Geburtstags/Wiehnachts-SMS (wo bi mis Mami findet, mier müsstet sie au ilade ). Bi mim Götti bini nonig so sicher wasi söll mache.
Bim Apero lademer eifach d'Lüt vom Gschäft i mit Partner, wies wännd cho den. Bim Apero dänkemer wäreds zuesätzlich allerhöchstens 30 Persone. Am Abig werdemer öbe 40 Lüt debi ha.
Und ich finde halt scho, dass mer den en Fründ / Fründin au söti ilade, au wemer die nöd kennt… Abr bi eusne Gäscht häts aktuell au "nur" zwei Single..

Snicki
Ja muesch den säge wenn Pinterest häsch :)

Pfingstrose
Ja ich bin IMMER müed abr hüt isch au schlimm..

@taeboyana uii büecher zum dekoriere ;) wet de muster gse was du so usprobiert hesch....

@snicki jöö die windlichtli wäre sicher e super idee
aber die choschdevoraschlag jösses gott das hout jo eim völlig us de latsche :)

ich han vo de nala beträffend sängerin e adrässe becho u eifach mau gschribe :) min gg weis nix de vo itze weisi ned öbi die eifach söu bueche aus überraschig ;) was meinet dir??

u de hani no e witeri frog i bis itze no ke apperomönsch mues aber öpper vo 3ne uswähle u weti wüsse was dir ungefähr zalet fürs appero pro person??

Hoi mitenand

I weiss es isch scho sehr spat, aber woni heicho bi bini zerst mal e stund go schlofe
I wot kurz uf paar sache igah woni gläse ha, leider ald total uspickt...

spare: ha bide einte echi was gläse wegem spare, also mir gahts übrigens glich wie eui allne und finds super bini nid die einzig wo mühe het im budget blibe woni emal gseit ha...

Kerzli i so Holzrinde: Weiss nid wer das suecht, ha nur bilder gseh...ufjedefall für die Person wo das suecht, i ha letstlich sotigi bim Interio Depot gseh mit Herz usgstanzt, gits aber au mit Sterne.

Pricana: u schöni Kärtli, nid schlecht!!! finds herzig mit dene steinli i dem schöne Papier ine...aber das mitdem Text chani verstah, aber ach nanu immerhin nehmets dini lüüt mit humor als probiers doch au

Nacher simer was go trinke und den am 11.00Uhr is Mery Zürich, deht hemer na es bitz müessä warte und während desse het mis Mami u e schöns Abigkleid aprobiert ☺
Nach ca. 20min isch mini Beraterin ume gsi, het sich entschuldigt aber isch würkli nid schlimm gsi. Die andere Mitarbeiterinne hend eus u lieb mit Saft und Proseco bedient.
S’Mery isch eifach es Feeling, so schön und die Mitarbeiter wirket so lieb und vorallem sie woni cha ha, würkli herzig. Sie frögt nach minere Hochziit, Thema, Verlobte und und und...isch doch schön sowas?!
Au sie het sich nach mine Wünsch erkundigt und isch mit mir die ganz Reihe dure und het mir sogar de Unterschied vode Spitzene erklärt und au was wele Stoff für e wirkig het. Ich han zerst was mit Spitze und Glitzer probiert, isch sehr schön gsi aber irgendwie hets mir am Rock une nüm so zuegseit cha...den hani es Prinzessine-Kleid schlecht hin probiert, seb hani eigentli meh welä probierä wills scho ällei ade Stange Prinzessinä like hoch 100 usgseh het und ich eifach unbedingt sowas mal ha welä alegä, aber es het mir natürli au an sich gfalle.
Ufjedefall hanis mit de Beraterin azoge, sie het no en schleier dezue geh und mini Lüütlis hend schön ufem Rot-Goldige Sofa gwartet...
Ich bi fürä cho mit mega viel tüll und e Korsage volle mit Pailette, Perle und Glaskristalle.
Und emenä Grinse, mis Mami het grad genau glich grinset und veträumt gluegt, mini Schwöster und TZ hend brüllät und Schwiegermami nr 2 het gfunde woow...
Ich ha nacher no meh aprobiert, echi quer durä und han schlussendlich usegfunde, dass Kleider wo mit Taff oder so sind mir nid so zuegseit hend will irgendwie ischs mir une den amigs eifach zu schlicht, so glatt ohni spil,will grafft magi nid. Mir gfallt taff bim Rock, seb weissi jetzt. Nachem Mery simer was go esse und den uf Winterthur is Honeymoon, sie isch sehr nett gsi aber deht hets nix für mich cha, also nid erwähnenswert.

hoi hoi

ich schlechti partie meld mi au wieder mal. stige au eifach wieder i

sasileu: aso ich han ja au es prinzessine chleid agha, wil ich eifach einisch eis ha welle aha. glaub chli jedi frau's traum aber für mich isch es too much, wil ich ja nid mal kirchlich tue hürate. ansonsten findi, musch es würklich du für dich selber wüsse und a gar niemer anders denke was sie würded denke. du wirsch sowieso wunderschön usgseh und ich denke, wenn irgendöper öpis z kritisiere hät, würd die person au bimene andere chleid öpis finde
ou ja, zeig doch mal die chleider :-)

pricana: wow tolli charte ! mach der ken chopf, au wenn ichs cha versta dass es di nervt :-)

snicki: sehr schöni deko ! weles isch us fimo ? het mi gad id chindheit zruggrüert, ich han immer allne us fimo öpis bastlet. dank dir hets au no e zuesatz idee für wienachtsgschänkli baschtle ge bi ois :-) mached so regeboge zucker und as gläsli tömmer fimo figürli baschtle (aso d chind), und miteme schöne band drahänke :-)

taeboyana: ohhh auch bücher will zeigsch eus denn dini kreatione ?

fara: super isch es besser gange, das freut mi !

spare: ha, mir chönd das sowieso nie setted etz de ab januar au chli, aber zum glück chunt ja die provision

pfingstrose: gäll hüt isch de gross tag, oder ? vill vill spass deby !

fotis: ou ja, ich hett au sehr gern fotis vo de chleider und chartene woni verpasst ha, wenn möglich :-)

lilian: uuuuund ? hesch aglüte ? :-)

me: ou han ich vill los. und vill im chopf. ha gli d prüfig, eu chanis ja säge haha, am 2.12
aber bi i de letschte paar fahrtsunde eifach e niete gsi. bi eifach nid begabt
mi fahrlehrer seit, er fühli sich sicher, er heb nid angscht dasi en unfall mache oder so, aber plötzlich bringis nüm ane mit schalte ! de cheibe chnüppel, verschalt mi immer. und mängisch miech ichs wiene profi und denn wieder was ganz grotteschlechts. ich han jetzt no am zistig stund, meh bringi nid. und verzwifle wil ich nie cha privat go fahre. mini super nachberinne sind eifach de hit...eini het aber automat und die ander s gschäftsauto vom maa
aber susch...mini familie z wit weg, mini kollegin het nie zit fast wenn ich hett...oje mine.
muss no säge dass mi uswis am 19.1.14 ablauft, wirde somit nur zwei mal ad prüfig chöne ga. mach mer etz en riese stress und weiss nid wie abschalte...
hochzitsteschnisch isch nüt gange, wil ich ja ha wele pausiere bis am 30.11 womer id location chönd.
nur mini super sis/TZ het mal en DJ agfragt, aber de isch mind,. 1000.- und das isch eus z tür halt scho.

pfingstrose : was, du häsch chöne ga i de gliche wuche ? ich cha anschienend nur wieder nach 3-4 wuche ga, het de fahrlehrer gmeint und de längts bi mir nid mal für 3x z ga. komisch..?
ich has au am MO
mis problem isch ebe dass ich i de fahrstunde au nie gnueg guet fahre

ou wow so lässig dass darfsch go probiere, freu mi mit dir.