Ohhhhh Pfingstrose, gaaanz viel Spass und Erfolg!! Bisch echt scho fündig worde? bi scho vooooll gspannt uf di Bricht!

Hallo Brütlis,

Alsoooo... Bin no chli in Stress cho, will de Zug Verspötig gha het. :) Den hani mini Oma zerst nöd gfunde. Haha! Am Schluss simmer aber vollzählig vor em Merys gsi.

D Begruessig und allgemein d Beratig isch eifach super gsi. Sie hets mega locker gno, dass mir so direkt gsi sind. Und öpis chani allne wo's Chleid nonig hend uf de Weg mitgeh - legged unnnnnbedingt Chleider ah wo ihr meined es staht eu nöd. Es isch de Wahnsinn. Ich han zerst es sehr schöns Chleid agha. Mit Herzusschnitt und Spitze wo super i de Tallie gsässe isch und une so find Organza gha het. Das het mini chli Schwöster usegsuecht. Das het eus scho super guet gfalle und isch au no 3 Chleider spöter de Favorit gsi. Den hani no eis mit Korsage agha das isch mer garnöd gstande. Schrecklich! Und den no 2 mit Tüll. Die sind sowit schön gsi... De eint het eifach une nöd so schön usgseh so chli Grob. Und lustigerwis hend mir alli - au d Verkäuferin - gfunde es macht das "Liebliche" und "Romantische" vo de Brut kaputt will's sehr wiit usstehend une gsi isch. Den hani no s letschte Chleid agleit... Und ja SCHEISSE was sölli sege. Haha!!!

Ich hans agleit und es isch eifach de BRÜLLER! Sehr fini Spitze und dezenti Chreleli und de Schniit isch im Meerjungfrauelook. Also a de Bei nöd so krass eng. Es isch eng bis zu de Hüfte / Po und den meh oder weniger fallend. Hine eigentlich genau so wie de Pipa ihres Chleid a de Kate ihrem Hochziit. Mit sonere schöne Leiste bis zum Füdli! Eifach hine no e schöni uslaufendi Schleppe... Ja und alli hends gad super schön gfunde. Sie sind fast an em Hocker gheit ja und ich den au wo sie de Priis gseit het!!! Shiiiit! 3400 CHF. Aber es isch mis Chleid... Was sölli jetzt mache?! Han gseit sie sölli das Notiere und ich tuns mir no paar Tag überlegge.

Ich han ja no 25% den wer's 2500 und den Plus d Änderige het sie gmeint ca. 500 CHF. Also total den immerno 3000 CHF.

Ja bin jetzt mega ufkratzt! Lahn mal alles Sacke. Und ich sueche mal es Bild. :) Schicks den aber per PN.

jöòh Pfingstrose, du tönsch ja riiiichtig glücklich, mer gspührts richtig... soooo schön, freue mi voll für di und würd sehr sehr sehr gern es Bildli gseh

@Pfingstrose:
Ohh so schön hesch dis Kleid gfunde und bisch dir au sicher! Au wensen stolze Pris het...versuechs doch! Und hee du hesch no en Gutschi vo 25%,vowo hesch de eigentli?
I will au so eine mir het sie nur gseit das wenn ichna adHochziitsmess gah und im nachinein en Gutschi ergattere,sie mir de arechnet au weni s'kleid jetzt scho wür bstelle.
I wür mega mega gärn es Foti gseh
I finds u schön bisch du dir grad sicher gsi!
Ich glaub mittlerwile au,min Buch seit i söll das Prinzessine Kleiduswähle

Es isch doppled so tür wini welle han! Haha! Schön lesed ihr alli gad mini Begeisterig. Den isches wenscho überecho. Hihi! Ich schlaffe jetzt mal drüber!!! ;)

pfingstrose: aha ja stimmt, de gahts nöd, wenns eigemarke isch. jänu .)

Janedoe; häsch du nöd scho dis chleid gfunde *gwundrigbin* :)
Dafi es foto gse?

Nala: ich schick der dänk vorem 7.12 no es föteli vo mir de musch nid jedi frage haha .)

Zuletzt bearbeitet am 21.11.13 21:01