@littlefoot
Hui, hani no keis gschickt? Fallsi suscht no wer vergässe ha, eifach nomal melde... Sind ja grad id Ferie gfahre nachem Chleiderchauf... Drum hani vielleicht de eint oder ander vergesse :/ Sooooorry... chline Moment :)

@janedou:
i ha leider au na keis gseh,derfi au?

Guete Morge und TGIF!

@Pfingstrose: Wow, i würd o gärn es Föteli vom Chleid gseh, wed eis hesch? Es tönt würklech Hammer. Aber i verstah dis Dilemma wägem Priis, mir persönlech wäre itz 3000.- würklech zviu gsi. Was hesch itz fürnes Gfüu nachem drüber schlafe?

@sasileu: Bi dir tönts vor Beschriebig eidütig nachem Prinzässinnechleid. Wes dir gfaut und du dir wou bisch drin, isch das doch super! Finde nid, dass das zweni "erwachse" isch, so Chleider si ja no beliebt i das si sicher nid "chindischi" Brütli

@me: Mir stöh gad mitem Zug und irgendwie geit nüt meh… bi ufem Wäg zur 2. Impfig und sött när eigentlech no ga schaffe
I ha am Mittwuch bir Floristin nachegfragt (sie isch ja e Kollegin vo früecher u drum hani gfunge, i dörf Sie macht sech am WE drhinger (sie isch no am studiere u macht die Bluemesache nur näbebi) und schickt üs Afang näxt Wuche d Offerte und möcht de mau mit üs zämesitze. Phu, hoffe so fescht, dasses i üsem Budget liegt! Has ihre aber agäh und gseit, dass mir nid drüber wette…

När hani gester vo mim Mami öpis erfahre: Die Beraterin vom Lade, woni nör ds Chleid ha kouft, isch mir ja denn irgendwie komisch inecho. Nid unsympathisch, aber eifach so unmotiviert… jetz schriebt mir mis Mami gester, dass das ds Gotteching vore guete Kollegin vo ihre isch und denn ganz früsch Liebeschummer het gha! Die Armi, tuet mir hingedri u leid. I ha ja zwar nüt fausch gmacht, aber steue mir das furchtbar vor, i sore Situation müesse e zuekünftigi Brut zberate…

So liebi Brütlis, i hoffe i cha gli wieder mau meh schriebe, aber itz muesi mau luege, dassi nid dr ganz Tag no hie i däm Zug stah

Guete Morge!!!

Juhuuuiii es isch Friitig!!!

Achtung lange Ego-Post...

Kleid: Ich schicke eu nachher allne no es Foti. Das hani im Internet gfunde und das isch das woni gester agha han. Aber lustigerwiis gsehts total anderst us a mir. Es isch au nöd so krass wiis wie uf dem Foti. Aber mer het ebe nöd dörfe fötele.

Hm, wies mir gaht… Haha! Irgendwie ganz wirr… Aber mir gaht eifach s Chleid nöd usem Chopf und einersiits findi es stimmt was d Sue und anderi gseit händ - hey chaufs es isch perfekt und anderersiits denki au wie Taeboyana es isch eifach enorm tür. Anderstrum weissi dass weni jetzt inen andere Lade gahn wirdi wieder uf de Stil gah und au gern alles in Spitze ha und finne Chräleli. Ich glaub den realistisch gseh isches am Schluss ähndlich tür. Obs den 200 CHF günstiger isch für de Ufwand vom hie und her fahre weissi nöd ob sich das lohnt. Will en andere Stil chani mir jetzt garnüme vorstelle. Schwierig, schwierig…

Jetzt mussi aber no säge mis Mami hät gester am halbi 11i am Abig nomal aglüte und gseit es wer eifach es traumhafts Chleid und sie het es Spendekonto igrichtet. Sie het vomene anonyme Spender (min Stifvater) 1000 CHF übercho… Und das wett sie mir gern as Chleid geh. Und min Schatz hät gfunde er hät vo afang ah nöd dänkt, dassi uf 1500 blibe. Er hetti immer mit 2500 grechnet. Wasi au no herzig gfunde han.

Ja jetzt duni no chli warte und überlegge… Obwohl s Gfühl scho JA seit. Den würdi am Abig no verbieg ah. Das go bstelle. Will, dass mussi jetzt au no schriebe (sorry wenn min Post no chli länger wird aber es beschäftigt mich mega), d Verkäuferin hät gseit mer cha nöd säge ob es Chleid i 3 oder erst i 5/6 Mönet chund. Und wenns den eis isch wo erst i 5 Mönet chund den munn mer en Ufschlag für e Expressänderig zahle und das findi den eifach fräch. Wered nomal 10% vom Chleiderpriis… Und für das bini nöd bereit. Aber wennis go bstelle gahn kläri das nomal ab und säge klipp und klar das chämi nöd in Frag für mich. Was meined ihr?

@pfingstrose: ja also das wäge derä Express-Lieferig würdi ou so mache! Findi (gad bi däm Priis) völlig drnäbä... V.a. du bisch ja jetz würklech gnue früeh dranne! Lah di da uf kei Fall lah unter Druck setzä!!!

Isch halt scho schwierig!!! Villecht wär ä zwöite Termin imnä anderä Gschäft glich nid schlächt, dass no e Vergliich hesch?

Guete Morge liebi Mit-Brüütlis :biggrins:

Pfingstrose: Bitteeeee Föteli haaaaaa Ich verstohn dich. Für mich wär so es "Meerjungfraue-Chleid" jetzt gar nüt, aber ich han au ned d'Poschtur dezue Das isch natürlich immer Gschmacksach.
Ich finde, es sölls der Wert si. Wenns würklich DAS Chleid isch, chas au mo chli meh choschte. Jetzt wo du es Spendekonto hesch sowieso Ich han s'Gfühl, wennt das ned nimmsch, hesches glich immer im Hinterchopf. Und evtl wurmts dich no ganz lang, das - tönt jetzt villicht blöd - aber weg es paar hundert Franke ned DIS Chleid gha hesch. Wenns ufs ganze Hochzig usrechnisch, sind äbe es paar hundert Franke meh oder weniger au nüm soooo tragisch oder?

Taeboyana: Jösses die arm!! Bin ganz bi dier, ich finds au schlimm, dass sie so Liebeschummer het, und nochher Fraue "muess" hälfe ussueche, wo völlig hibbelig, glücklich und verliebt sind. Stells mer au ned so eifach vor. Aber villicht isches au guet gsi, hesches ned gwüsst vorher. Evtl wärsch andersch gsi, oder hetsch dich ned "trauet" zum dich freue oder so. So hesch du eifach dich selber chönne si, ohne Rücksicht. Und das isch jo au wichtig bi somene Tag.

Apero-Deko: Han no en Frog. Bi üsem Apero macht entweder d'Frau XY alles (also uf üsi Choschte natürlich) oder ich chan sälber öpis bringe. Wie möchid iehr das so? Han mer drum überleid, öb d'Bluemefrau grad überall chli glichi Deko söll ufstelle. Chille, Apero, z'Nacht ... oder wie machid Iehr das gnau? Bi ihre würs Tischen/Servietten/Tischtücher pro Person 3.- choschte. Das wärid uuuungefähr um die CHF 300.- bis CHF 350.-. Für das chämt ich emel au selber chli Serviette / Tischtüecher etc über. Jetzt bin ich mier zwar gar ned sicher, öb echt die CHF 3.- p.P so oder so zahlt werde müesstid, au wenn ich d'Deko selber wür organisiere

Malinchen: Das wär sicher e härzigi Idee. Chli Ziit für eu. So schön!
Mier hend das chli automatisch alligs. Mini Eltere wohnid ned bi eus ide umgäbig. Ich bin ein Kind der (Büdner) Berge. Und a Wiehnachte gohn ich immer Hei in Schnee und de Schatz chunt meischtens am 25/26 auf ufe, und denn simmer bis Silvester alligs dete. Durch das hemmer automatisch chli en Ussziit.

Musik Chile: Dank de Nala han ich glaubs mini Musik gfunde für d'Chille Für ca. CHF 490.- chammer nüt säge. Im Verglich zum andere Agebot (CHF 1'200.-) isches es Schnäppli

Jetzt müesstid mer nur no für am Obig öpert ha. Do hani soooo öpis vo kei Ahnig. Ich wet öppert wo zwar chli Stimming macht, aber doch ned im Vordergrund stoht. Ich finds so schwirig

Wünsche eu en schöne Tag