| Bräute 2014 |
|
|
1 .. 257 .. 512 513 514 515 516 .. 757 .. 997
|
|
|
|
|
|
|
|
|
22.11.13 12:24
Snicki 
|
Re: Bräute 2014
Sue: Ich weiss schlichtweg ned  Was für "Stoff" das iideckt wird, weiss ich ned. Ich nimme ah, Papiertischtüecher...
malinchen: Ufem Prospekt stoht äbe nur Tischdecken/Servietten/Tischtuch CHF 3.- pro Person. Ich weiss äbe ned, öb das wegfallt, wenn ich selber öpis bringe. Aber ich denke ned, will sie jo au en huufe Arbet het, zum alles iidecke. Vo dem her, bin ich scho bereit, ihre öpis s'zahle für d'Arbet.
Ich finds immer schwirig, zum Bekannti oder Kollege z'bitte. Schliesslich sind die Lüüt, wo ich das wür afroge/zuetraue, Fründe vo mier, wo denn sowieso am Hochzig iiglade sind. Die wet ich au ned froge.
|
|
|
|
|
|
|
|
24.11.13 16:41
lil.lian
|
Re: Bräute 2014
nala05
Hihi sini Bumsfründin. Nei aso die wöti au nöd a minere Hochziit debi ha 
Verstahni vollkomme!
nala05/Snicki
Was isch es den für e Musig für d'Chile? Wür mi au no intressiere..
Pfingstrose
Wow was für en Bricht über din Shopping-Abig!! Es dönt ja super  (bis uf de Priis :-/) Abr mit em Spendekonto würis au go poste gah..
Wie häsch die jeze entschiede? Bisch am Friitig nomol verbi gange?
Schicksch mer e PN?
Sasileu
Ich han letzt Wuche no im www.hochzeitshaus.ch Katalög bstellt. Dete häts ja au no es Mery's und vo dete isch au en Katalog debi gsi (leider de vo de Kollektion 2013) und debi isch no en Guetschii gsi für Fr. 250.-.
Würi also uf jede Fall no empfehle zum mache 
Fanny87
Herzlich willkomme!!
Mier sind gad anere Hochziitt gsi und sie händ dete gschriebe bi de StD-Chartene: Wir würden uns über festliche Kleidung oder Accessoires in Blautönen freuen und den bi de Iladig händs gschriebe: Wunsch: Festliche Kleidung oder Accessoires in Blautönen.
Mier wüsseds abr nonig wie formuliere.. Bi eus chunt den das uf d'Iladig.
Me
Aso bi eus isch no so einiges passiert adem Weekend 
Zersch am Friitig simer ade Hochziit gsi.
Es isch es mega härzigs Pärli (ich hans ja no nie gseh, de GG hät ihn vom Gschäft her kennt). Zersch hämer im Gschäft vom GG de Treffpunkt gha (de Chef isch de Vater vo de Brut gsi) und den sind mier mit em Postauto zum Standesamt gfahre. Es isch so es härzigs Kappeleli gsi. D'Brut isch den mit em Vater ide Kutsche cho :) Sie hät vo dem nüt gwüsst gha.
Den sind zersch mier id Kapelle und nachher isch den s'Brutpaar cho. Sie händ e längeri Trouig gha mit Übersetzig ischs spanische (für ihn). Dolmetscherin isch chli emotionslos gsi, das isch meega schad gsi. Nachher sind den zersch s'Bruutpaar use und mier hinterher. Bim Usgang häts blaui und wiisi Härzli-Ballön ufblase gha wo links und rechts anere Cheti befestigt gsi sind (wie wenn's Spalier würded stah). Jede hät en Ballon gno und am Bruutpaar no gratulieret und nachher sind no Föteli gmacht worde. Mier sind den zrug is Gschäft und den häts en Apero geh. S'Brutpaar hät dete no Fötelis gmacht und sind den später au zrug cho. De Apero isch uu lang gange (fasch 3 Stund!!).
Nachher simer den mit em Postauto wiiter zu de Abiglocation. Die isch uu schön gsi (Giardino Verde). Zersch häts au en Apero geh und den ischs Nachtesse cho. Dezwüsched händs den au no Föteli gmacht. Zersch mit de Verwante und den au no mit de "jüngere" Gäscht. D'Fraue händ sich an Brütigam chöne häräschmeisse  und d'Manne händ de Matcho chöne usehänke
Ah ja Brutstruss isch au no gworfe worde, de hani den knapp verpasst. Ich han den defür s'Gsteck chöne mitneh vom Tisch. Isch au super. Es hät eifach öber vom Tisch s'Gsteck chöne mitheineh..
Tanzed isch den au no es bitz worde und eis "Spieli" häds geh. Sie händ es Härz ufeme Stoff müese usschniide und de Verlürer hät de ander müese dureträge. De Brütigam hät natürli verlore.. (Er hät au nur es Nagelschärli becho.)
Joah und am 12i isch den Schluss gsi und es isch retour gange mit em Car und es hät im Gschäft no e Afterparty geh.. Mier sind abr heigange.
Entüschend han ich de DJ gfunde. De hät mer gar nöd passt. Er hät au nöd würkli mitdänkt.. So mit Musig liisliger mache, lüter mache zum Biispiel. Vo de Turte isch er völlig überrascht worde.. Und es isch au fascht chli zwenig Programm gsi, mer hät sich den zum Teil fascht chli verlore gfühlt am Tisch.
Aber alles i allem isch es uuu schön gsi und sie wo ghürate händ sind würkli härzig gsi.
Zum Gästebuech weti au no schnell en Kommentar abgeh. Ide Abiglocation händs Föteli mit Rahme, Sprüchli (i'm next, best dressed, etc) und Accessoires (Brutstruus, Flüge, Brülle, etc) gmacht. TZ häts usdruckt während em Esse (sie isch eigendli uu lang drah gsi) und s'Gäschtebuech isch den no ume gange. Mier händs ganz am Schluss no becho, aber es isch eifach uu schad gsi, es händ sich nöd würkli all chöne iträge. Aso das mueni mer würkli no überlege öb ich das wierd mache..
Mier händ den no all es Couvert becho mit eme Datum (bi eus am 21.04.2014) wo mier den müend abschicke.. Warschindli chömeds den all Mönät eis über (odr all zwei Wuche), wenn den all mitmöched.
Hüt hämer den no PARIS bueched. Juhuuuuui mier gönd a Ostere!!
Froi mi scho mega!!
Eusi StD-Chärtli simer eeendli au am verteile... =)
Sooodeli han vill gschriebe 
Wünsche eu allne no en schöne Sunntigabig!
Zuletzt bearbeitet am 24.11.13 16:48
|
|
|
|
24.11.13 19:10
squishy-fishynicht registriert
|
Re: Bräute 2014
Guätä Sunntig mitenand,
Lil.lian: Mersii für dä Bricht vom Hochziit. Es tönt nacheme glungene Abiig und schön hend iihr darfe debii sii! Was isch denn ii dänä Couvert diine?
Hmmm… So wiä sii s'Gäschtebuäch gmacht hend, tönts meega ufwendig und wenn TZ nebet bii no all müänd go drucke, isch scho no recht stressig. I würd da liieber unserne TZ nöd atuä… I bii dä Menig lieber keiis als so viel stress und gar nöd all chömet dezue…
Wooow, Paris! Meega schön! Wünsch diir das bald Ostere isch
Wiä sind d'Rückmeldige zu eune Kärtli? Jetzt giits keii zrugg meh
Malinchen: I dem Hotel sind mir scho gsii Es isch würkli es sehr schöns Hotel und meega fründlich. Mir hend unseri Ziit dert sehr gnosse! Und Montreux selber iisch eiifach herrlich gsii. Mitem See und dä Umgebig. Het sich agfühlt als ob mir ins Usland ii d'Ferii wäret. Meega herrlich!
Dä Zmorge isch echt suuper fein gsii.
LaMariee: Woow, jo eues Logo find ii suuper! Wunderschön und meega passend für eu! Hend ihr das selber so gmacht?
Taeboyana: Ojeeeh, ii hasse Spritze und du hesch grad dreii hinederenand. Echt tapfer ii mine Auge! Wiä gots dir nach sonere Impfig, isch schaffä guät gangä?
Oooh, isch wirkli nöd dii best ablenktig ä zuäkünfitigi Bruut z'beroote, wenn meh liebeskummer het  I finds guät, dass sich da au klärt het, werum sii sich eher so emotionslos verhalte het… So weiisch, dass es nöd aah diir liit und au nöd ihren wirklich Charakter isch…
Pfingstrose: Wooow, wiä du schwärmsch vo diim Kleiid. Gratuliärä diir herzlich zum Fund! I het au meega gern es Bildli Ha gad nomol Pippa ii ihrem Kleid googlet. Finds en meega schönä Schnitt, wiiblich und Figurbeotont. Cha miir so guät vorstelle, dass diir das unglabublich stot!
Wenn dii vergugt hesch, denn verstand ii guät willsch keiis anders meh ha! Und iihr sparet bim DJ und diis Mami isch ja eh liäbi mit dem Spendekonto, so chasch du dir scho was laiiste!
So herzig dass dii GG sowieso mit meh grechnet het Wiä isch es gangä bim bstelle? Joo, diä Expresszahlig würd ii jetzt also au ned zahlä. Do cha de Verkäufer siicher was richtä? Verstahn ii richtig, dass aah eim Ort gsii bisch? Wer weiss, viellicht isch en Vergliich gliich no guät. Du hesch jo jetzt konkreti Vorstellige, denn gängt dä Termin au weniger lang...
Snicki: Woow, 490.- tönt würkli nacheme Schnäppli!
Hmmm… Das mit dä Deko hend mir uns no gar nöd überleiit. I wird mol endli Kontakt zu miiner Floristin ufnäh müässä Mir hend scho ä Kollegin vo mir im Kopf, aber ii weiss nöd ob no z'fast z'früäh isch.  Für diich wärs natürli eh Entlastig, wenn sii gad alles macht. Aber denn chunts natürli uf dä Priis und eues Budget aah.
Bim Fimo, hesch du s'Glas mit in Ofe tuä zum brenne?
Pärli iilade: Danke für all eui Rückmeldige! Mir hend uns ebe au denkt, dass mir diä mitiladet. Aber igendwenn sind wiider zwifel choh. Ob diä da echt überhaupt lässig findet? Denn hend mir uns entschiidä, vor em verschicke vo dä Kärtli froget mir doch eiifach dä Partner wo mir kennet. Und jetzt isch oft ussechooh, dass dä da wohl eher nöd läss findet zum denn müässä choh (absägä wer ja unhöflich). So find iich's no guät, liit d'Entscheidig nöd bii uns Und jedes Pärli darf individuell entscheiide wiä's es wönd.
Nala: Naii, mir hends mitem Kursaal nonig bekannt gmacht. Mir getrauet uns glaubs fast nöd Aber gad läschtin isch no es Mail vom Lagerhus cho: http://www.restaurantlagerhaus.ch/bankett.asp
Mir hend ganz vergesse, dass mir dene au no gschriibe hend I denk mir gönd das au no go luägä, damit mir uns eiifach wirkli siicher chönt sii und keii Option uslönd. So voll kontrollfreak-mässig
Danke für d'Budget vo dä Floristin. Da han ii mir läschtin nämli dä Kopf drüber z'erbroochä. Priise tönet suuper und fair! Wa hend ihr für Bluämä?
Sasileu: Woow, dii Tag schiint sehr emotional gsii z'sii und hesch dii darfe fühlä wiä eh Prinzessin bii därä Berotig mit Prosecco und Säft! Diin Beschriib vo beiidne Favorite tönt herrlich! I het also scho gern es Foti gseh. Bii diir gots siicher gliich. Komisch, dass meh's nöd fötele darf. Da hilft doch bim entscheiide! Findäs guät, gosch nomol in Liluca und au wiiter go luägä.
I findä Prinzessinekleiider am Hochziit total erlaubt! Soland du diich wohlfühlsch und du dich schön findsch! Es isch diin Tag und du darfsch aah dem Tag Prinzessin sii, wo vom Prinz eroberet wird!
Littlefoot: Ojeeeh, sei umarmt! I cha mii an Prüäfig vo miim GG erinnere. Er isch sooo nervös gsii und het en riise Druck gha. Doher het er sehr viel falsch gmacht. Es isch wichtig, dass dä Druck wegchunt. Will denn hets bii ihm suuper klappet. Wünsch diir viil Ruäh und Geduld, dass denn bim Üebe merke darfsch, dass es jo chasch und du diich selber nöd muäsch unter druck setze. Da chunt guät!
Bi uns isch hochziitstechnisch gar nix neus gloffe 
Wünschä eu morn allnä ä guätä Wuchestart und hoff ihr hend es schöns Weekend gha!
|
|
|
|
24.11.13 20:41
Taeboyana
|
Re: Bräute 2014
Guete Abe liebi Brütlis:
Hui, ds Weekend scho wieder fasch vrbi... viu zschnäu gange.
@malinchen: Tönt de cool mitem Hotel, hesch du guet gmacht! Bi sicher er wird sech sehr freue. Isch ja mega lieb vo ihm dass är so viu het gmacht im Hushaut we du so Stress hesch.
@Pfingstrose: Dis (potenzielle ) Chleid gseht sehr sexy us! Chasch guet loufe drin oder isches sehr äng ade Bei? So wies het tönt mueses würklech dis Chleid si. Nei, i bi eigentlech i so Sache ou gar nid vernünftig... drum hani ou müesse vorsorge, dass sie mir keni ztüre Chleider hei zeigt, wüus mir sicher genau so wär ergange. Das woni de schliesslech ha kouft isch ja mit de Änderige ou 180.- über mim Budget, aber da hani gfunge me mües ds Füfi la grad si Aso wenn dir süsch so guet im Budget lieget, dis Mami no e äxtra Spändefonds het ufgmacht und di GG ou nüt drgäge het, würdi säge: uf was wartisch no? Bisches am Friti no ga bsteue? Finde auso o, dassme weme ds Chleid 7 Monet vorhär geit ga bsteue nid no mues e Expresszueschlag zahle!
@LaMariee: mir gfaut euches Logo ou u guet! Mau öpis Angers und ou mega Passends! Wie setzet dir das Thema süsch no um am Tag?
@Fanny: ou no härzlech wiukomme vo mir und wägem Dresscode hani mir mau überleit, s'irgendwie so z'formuliere, dass mir 2 nid wette die einzige si, wo sech i Schale wärfe oder öpis i dere Art. I finde das drum so unpassend und drnäbe, wenn öper i Jeans u t-Shirt anes Hochzit chunnt u ds Brutpaar isch putzt u gsträut... finde isch doch o chli Respäktsach. Aber die genaui Formulierig hani no nid...
@squishy: Jöh du bisch härzig, aber i ha mit Sprütze eigentlech gar nid Problem... ha das Jahr o scho gnue becho Es isch nur wüu die Impfig im Musku ziemli gspürsch. Aber die 2. het sie uuuuu guet gstoche, so dassi praktisch nüt ha gspürt när, ke Verglich zu letscht Wuche!
@littlefoot: I cha dir nachefüehle für d Prüefig, bi ou wäuts närvös gsi... u suber u glatt bim erschte Mau düregrasslet. Was nid mues heisse, dass dir das o so geit! Aber es chunnt ou sehr ufe Expert drufa, u mi 1. isch dermasse agspannt gsi, däm hetmes irgendwie eh nid chönne rächt mache... bim 2. Mau hani drfür u e liebe gha und da bi ou ig när viu ruhiger gsi und er isch de när sehr zfriede gsi, wieni bi gfahre.
@lil.lian: Oh schön, Paris! Hesch es Föteli vo de STD Chärtli? Bi gwundrig
@me: Ha gad chli viu um d Ohre, aber eigentlech aus schöni und positivi Sache... Ha mire einte TZ wo am 26.11. Geburi het, no e Adväntskalender gmacht und gester aui Päckli ipackt. Itz bini mega gspannt uf ihri Reaktion, gloub sie erwartet niemaus so öpis...
Apropos Gschänk: Was schänket dir so euem GG uf Wiehnachte? Bi grad no chli ideelos...
Öpis isch zwar no gsi wo nid erfreulech isch: Ha bi mire Kollegin wo z London wohnt (sie het e Engländer ghürate) mau nachegfragt, wüui nie e Reaktion ha becho uf üses STD-Magnetli woni äxtra A-Post Ändi Septämber ha gschickt und ha de erfahre, dasses bis hüt nie acho isch Itz hani grad Angscht gha, dasses ou süsch no so Fäu hätt chönne gä wüui vo einige eifach ke Reaktion ha becho. Die einti Kollegin hani aber grad hüt gseh und sie het vo sich us plötzlech gfragt: "IIIIh hani dir überhoupt jemaus gantwortet??" und woni ha gseit nei, het sie säuber gfunge das sig de fräch... I weiss aber dass sie extrem unger Druck isch gsi im Job u so u hares drum nid übu gno. Houptsach sie hets becho.
När heimer vor Kollegin dBluemeofferte becho gester Abe! Und es liegt absolut super im Budget!!! Sie het üs Fougendes offeriert:
Schmuck für die Kirchenbänke 12 Stk
 Brautstrauss
 Anstecker Bräutigam
 2 Brautjungfernsträusse
 2 Trauzeugen-Anstecker
 Blumen für Tische (6x)
Für total 980.- (mir hei 1200.- budgetiert).Dr Priis cha no chli variiere, je nach Variante womer de wähle, aber das tönt doch guet oder was meinet dir? Was no nid drin isch, wär evtl. no es Gsteck bim Chileigang, z.B. es grosses Härz oder so. Bi aber nid sicher, obs das würklech brucht? Ha ämu gad mega Fröid, wüu mir ihri Sache mega gfaue und es uuuu guets Gfüu ha, dass sie üsi Wünsch würklech cha umsetze. Itz hocke mer de vielech afang Jahr mau mit ihre zäme und bespräche da Ganze no gnauer. Da simer ämu scho mau e grosse Schritt witer!
Und itz no d Hammer-News vom Tag: I ha doch mau gseit, i mües er Verwautig no e Atrag uf Mietzinsreduktion schicke. Ha das letscht Wuche gmacht und siehe da: Mir zahle ab März 183.- weniger Mieti pro Monet!!!  Das git nomau 915.- meh ufs Hochzitskonto Immerhin oder?
So, i wünsche euch aune no e schöne Abe und de wieder e guete Start id Wuche. I ha praktisch jede Abe öpis los, aber freue mi ou druf. Und am Friti hani scho wieder Wuchenänd *freu*!
|
|
|
|
24.11.13 21:41
Pricana
|
Re: Bräute 2014
Schöne guete Abig zäme
Obwohl ich grad Ferie han chumi nöd meh zum schriebe, ihr gebed aber au eecht gas :)
@squishy: schickder grad na e pn mit de adresse vodä website :) merci vielmal für die guete wünsch :)! De tanzkurs isch inere gruppe, mer fanged so mal a miteme normale hochziitstanzkurs und denn hemer vor zum privatstunde z neh zum euse eigene tanz z mache, aber wüssed nanig gnau wie de sell usgseh oder zu wellem lied und drum fangemer ez mal so a, freu mi mega! Hender eu agmolde bim kurs adä uni? Hehe ja stimmt, wenn das de gross patzer isch vo eusem gsamte hochziit isch ja au guet :p hoff ihr hend en schöne kino abig gha! Mir mached das all zwei wuche :):)
@Taeboyana: merci vielmal :)! Hm ja glaub leider nöd das mini streng ziit nach de ferie bald es end hend, han grad die erschte drü täg scho wieder voll sitzige =/ aber a das denki ez nanig :)! Nei ich blieb dehei, mini schwöster het au ferie und mer hend scho fliessig guetzli bached, morn und am di gömmer go wellnesse und am mi go wiehnachtsshopping mache :)
Tönd echt guet d offerte vode floristin! Oh so blöd mitem std chärtli, hender denn na me is usland gschickt gha? Will idä CH sötts ja eigentlich scho acho =/.. hey so kul wäg de mietzinsreduktion!! Ich hans eifach verpasst zum iischicke das jahr :(:(
@lil.lian: merci vielmal :)! Schickder grad na e pn mit de adresse! Hey super sinder a dem HZ gsi, denn hesch ja grad chli chöne idee sammle und ebe, au sache wod weisch wotsch denn anderscht mache :)! Ou so schön, mir sind de april au in paris gsi :)!
@nala05: mercii, schickder au grad e pn :)
@pfingstrose: danke vielmal :) ja die chartefrau hani scho fascht vergesse, aber s geld het sie nanig überwiese..
Ou schickschmer es fötteli vo dim chleid? Tönd ja echt schön!! Es isch scho wahnsinnig viel geld, aber immerhin hesch de hammer 25% guetschii und meinsch, es anders kleid het überhaupt na e chance degege :)?isch ja u herzig vo dim mami! Hm isch ja komisch mit dem expressufschlag, hesch das scho chöne abkläre?
@snicki: hihi also über die offerte chasch ja nur lache, isch ja „nur“ halb so viel wies ganze HZ oeppe chosted :p
@sasileu: tönd super din bricht vom brutkleidershopping :)! Hehe tönd so als hettisch gnau die gliche zwei beraterine gha im liluca und im merys wie ich :). Ich glaub das Prinzessinekleid isch dis, meinsch nöd? Wennsder nüme usem chopf gaht chans ja fascht nur s richtige sii :)! Hesch es fötteli gfunde?
@littlefoot: du wirsch das sicher guet mache mit dä prüefig und au wennd es zweits mal muesch gha ischs nöd so schlimm, uu viel müend mehrmals gha! Wenn din fahrlehrer sicher isch, denn chunts sicher guet :)! Ich han imfall 3x müesse gha, eifach willi sooo nervös gsi bin und denn na zwei blödi experte gha han. Bim dritte mal hanis bim chef gha vom stv.amt und de isch u locker gsi und het die ganz ziit gschwätzt und das het mi so abglenkt das alles super gsi isch und ez würdmer niemert glaube dassi 3x han müesse gha :p chunt sicher guet!
@nala05:isch u lieb danke :)! Hehe wow die gschicht tuet ja grad guet, dass isch aber na ärgerlicher wenn dir alli zumene meitli gratuliered wennmer doch en bueb becho het :)! Ja hüt gsehnis au scho chli liechter, es wird wohl immer ärgerlich sii wenni dra denke aber ändere chanis e nüme :). Hey das agebot vodä floristin tönd würklich super, was isch denn das füren lade? Tönd echt fair! Ahh ez hani d adresse grad gseh, schad isches in luzern :)
@me: mir hend gester s träffe gha mitem fotograf und ich bin gar nöd begeistered.. er isch en alte kolleg vode schwöster vom gg und d fötteli uf de website hend echt guet usgseh. Aber 1. Ischer mir nöd nöd zu 100% sympathisch und 2. Hetter eifach chli komischi sache gseid gha.. er het zum biespiel vor 3 jahr ganz churzfristig (en monet vorher) es hz abgseid zum föttele will drü mönet vorher sini fründin schluss gmacht het und ihre neu däbii gsi wär bi dem hz. Und denn hetter auna gseid, dass er de meinig isch das es foti nur zu 5% muen guet sii bim abknipse und dassmer die restliche 95% mit bearbeite chan usehole. Aber wennmer en lätsch mached ufem foti oder d auge verdrülled, wie wotter das schön chöne bearbeite!? Und wenner churz vor eusem hz striit bechunt mit sinere neue fründin, stömmer denn ohni fotograf da? Ich verstahn ja scho dassmer denn liebeskummer het, aber das isch doch denn nöd professionell? Ischmer eifach chli unsicher.. aber er wär halt sehr günstig gsi und suscht sind all soo tüür.. het also na öpper vo eu en guete tipp :)? D Andrea wo viel vo eu hend hani gester agschriebe aber na kei antwort becho.. suscht hani würklich grad niemert me gfunde.
Jaa und ez tueni mal packe, gahn die nächste zwei täg mit minere schwö und mim mami go wellnesse :) jupii
Wünsch eu na ganz en schöne abig und en guete Wucheafang morn!
|
|
|
|
|
|
1 .. 257 .. 512 513 514 515 516 .. 757 .. 997
|
Anmelden
I dänke pro Location wird sie ca. 1h ha...