Squishy-fishy Im Couvert isch nüt drin gsi Es isch eifach es blaus Chärtli mit eme frankierte Couvert.. Da dörfemer ihne irgendwas den schriebe… Han abr no kei Idee (isch au no schwierig, will mers nöd so guet kenned…) Ja ich finds sisch en zgrosse Ufwand gsi mit dene Bilder usdrucke und ichlebe fürs Gäschtebuech.. Ich finds besser, wenn mer seit, uf de rechti Siite chan jede öbis schriebe und mer duet den nachher d'Föteli hinzuefüege..
Bis jeze hämer d'Härzli allne no persönlich geh. All händ froid gha :)
Taeboyana Ja han une zwei Föteli :) Die einzelne Priise gseht mer leider nöd vo de Floristin.. Abr de Gsamtpriis dönt guet!! Ah kuuuhl wege de Mietzinsreduktion. Schön wenn so Sache vom Vermieter her chömed :)
Pricana Danke für dini PN. Mier gfallt d'Homepage mega guet!! Isch sehr schön.. Ich finds au unprofessionell wenn er ein Monät vorher no e Hochziit abseit, will de neu vo de Ex debii isch. Das macht mer doch eifach nöd!! Und das mit em bearbeite isch scho au ganz e schrägi Ussag Aso wenn er eu so nöd sympathisch isch, bringts glaub nüt, wenn er ihn als Fotograf würded neh. Da würdi au wiiterluege.. Vill Spass bim Wellnesse!!
Mier sind no es paar Sache in Sinn cho, wo ich i mim Bricht nonig erwähnt händ: Sie händ au no es Fingerprint-Bild gmacht gha fürs Gäschtebuech. Mier gfallts würkli mega guet.. Gester Abig simer no diheime gsi und ich han no chli verzellt und gfrägt wär echt en schöne Baum chönti zeichne. Min Papi hät den gseit, ich söll doch mal verbi cho und den chömer zäme en Baum male.. Hihi wenn das nur guet usechunt
Und s'Farbkonzept wos gha händ hät mer au mega guet gfalle. Es isch würkli voll präsent gsi.. Sie händ sich bim surfe känne glernt und er chunt ja vo Panama. Als Thema händs den blau & wiis, Meer, Strand und Insle gha. D'Zivilstandesbeamtin hät den au sehr vill über Insle, Meer und Ozean verzellt, hät mega guet passt. D'Bruut hät den au es wiises Chleid miteme blaue Band agha. Sie isch schwanger und es hät super usgseh. Sie händ vo de Gäscht festlichi Chleider oder blaui Accesssoires gwünscht. Und es händ sich eigendli würkli all drah ghalte StD-Chärtli, d’Iladig und d’Menu-Chärtli sind all im gliche Styl gsi, bi de Trouig händs au wiisi grossi Blueme gha, den d’Ballön sind wiis & blau gsi, bi de Tischdeko händs als Tischchärtli Gläser gmacht mit wiise & blauem Sand, mitere Palme drine und eme Seestärn und Gaschtgebergschänkli häds blaui und wiisi M&M geh.. die wo mer chan personalisiere, voll kuuuhl..
So jez wünschi eu allne en guete Start i die neui Wuche :)
Pricana: Was??? Also das findi au sehr unsympathisch wie eue Fotograf reagiert hät. Ich würd mich also au nöd guet fülle wenni de bueche täti. Will mir au Fotis sehr wichtig sind. Aber hey lieber de outet sich gad als eher unprofessionel weder dass er am Schluss eifach nöd uftaucht. Ich würden imfall nöd neh und ihm au genau das wo du da gschriebe häsch als Feedback geh. Und das mit 5% macht s Foti us chani überhaupt nöd unterstriche. Will sooo guet bearbeite das no 95% useholsch musch au zerst no chöne. Git nämlich au gnueg verunstaltige wo nachher nurno künstlich usgseht. Ich hoffe fest dass du evt. mit de Andrea en guete Deal findsch und ihr am Schluss zfriede und glücklich sind über euri Wahl. Wie viel hetti de den kosted?
Lilian: Tönt schön wie du vo dere Hochziit verzelle dusch. Und super wenn mer für sini eigenti gad chan Erkänntnis drus usezieh… Vorallem das mit em Gästebuech. Füli mi au selber nomal bestätigt. Mir werded keis ha a de Hochziit aber vorher es Rezeptbuech umereiche.
Me: Ich gahn hüt über de Mittag in Merys in Züri!!! Mal luege obi den gad s Chleid bstelle chan. Min Entscheid isch nämlich gfalle. Es muss das sie. Hihi! Ich han jetzt no zweimal vo dem Chleid träumt… Und mit de Kollegin no gredet und minere Schwöster. Sie sind alli glicher Meinig. Was will mer da no säge...???
Den hoffi dases nöd genau das Chleid isch mit de längste Lieferfrist. Wer cool chämtis so im März, April. Den hani für alles no gnueg Ziit.
Suscht hämmer leider garnöd viel gmacht. Aber irgendwie weissi au nöd was mache im Moment. Deko bstelle chönti scho aber isch mer doch no chli zfrüäh. D Iladige mussi IMMMMMMER no uf mim Schatz sin Teil warte. Ich chöpfen ächt. Hanem jetzt gester gseit bis hüt Abig wotien ha und suscht fehlt hald uf de Iladig. Isch mir den au glich. Jetzt macht er en hüt. Den chani morn d Bstellig abschlüsse und i ca. 7 Täg chund den d Iladig wenn alles tip tip isch. Hoffe dasmal gshend d Farbe besser us. Letschtmal sinds ufs gsamte eifach zknallig gsi. Sötted ja Peach Mint und nöd Grüän Orange sie. Das gseht nämlich schrecklich us…
@pfingstrose: merci für d pn! isch e super schön kleid! stoht dir sicher mega guet! wooow hesch di entschiede?! toll! gosches eifach go bstelle oder probiersches nomol ah so dass den no e föteli hesch? oh je, das vrstandi das dch das närvt mit de iladige.. hoff är schribt sin text hüt und du kasch euri iladige gli in de händ halte
@malinchen: so schön hesch du das hotel für euch buecht! tönt hammer!
@fanny: aso vo mir au no e offiziells wilkomme! wägem dresscode: gib doch mol bi google dresscode ii, bi de bilder kunnt den das bild (glaub s 8te) wo do im forum glaub scho es paar brüütlis benutzt hän (ich has au uf unsri homepage do)
@snicki: hey freut mi hani dir könne hälfe! wäge dr musik am obig ka i dir aber leidr nid hälfe.. bezüglich deko weissi au no nid so räht am apero, will mir jo duse fyyre findi längts wenn meh uf d stehtischli evtl nur so öbis bastelets duet.. den würdi mini zwei TZ’s schicke das am morge go ufstelle..
@laMariee: i ka mi do nur aschliesse, sehr schöns logo!
@lil.lian: schick dr no e pn wäg dr musik. so lustig, mir hän si ebe jo den doch nid buecht, het sich aber wohl glohnt azfroge, jetzt k ich euch do inne hälfe! d hochzyt wo ihr gsi sind tönt jo eig schön, nur chli nach z wenig programm am obe.. schad.. findi aso scho komisch das d TZ’s während em fest gön go usdrucke usw. wenigstens hesch du us däm grad könne lerne ohh toll paris !! jetzt hani grad euri fertige härzli gseh! die sin jo mega schön worde! komplimänt! und das mit dr blau/wisse dko findi au no schön, vorallem wenns so durezoge wird! viil spass bim baum mole, mit dim vatr!
@squishy-fishy: ihr machets aber spannend mit de location uswahl wenn göndir die den no go aluege? mir wüsset noni gnau was für blueme mir de hän, s isch ebe nur so e besprächig gsi was alles möglich isch und was es in etwa kostet. i fänd aber rose und hortensie gmischt no schön. mi gg wot für uf de tische es eifachs gsteck, dä gfalle machi iim no obwohl mir so öbis modärn mega gfallt würd.
@taeboyana: oh nei mist, das isch jo blöd wäg de std kärtli! das isc halt immer so doof wen meh nid weiss obs acho sin, go nochefroge wot meh irgendwie au nid grad so kontrollfreak mässig bi allne.. hesch den vo däne wo kei rückmäldig gäh hän s gfühl si häns nid übrko will si susch immer reaktione zeige oder könnts au si das sis eifach zur kenntniss gno hän uns jetzt uf d iladige warte? hey euri blueme offerte tönt de guet! super liggt au no unterem budget! waaas 183.- weniger, das het sich jo glohnt. bi uns sins nur 70.- aber besser as gar nüd!
@pricana: merci für s zeige vo dr homepage! gfallt mir seehr guet! ha grad s gfühl biko dases mega mit liebi gmacht worde isch! hmm das mitem fotograf findi au chli strub! und de no go vrzelle das är scho hochzyte abgseit het usw. kunnt mir jetzt au nid grad sympathisch vor. viil spass bim wellnesse!
@me: i bi grad chli am chränkle i und de gg sin das wucheänd am bodesee gsi, ha mi glaub vrkältet.. mir sin in sone therme und drnoch in konstanz go znacht ässe, ha aber de schal im auto ligge loh und es het mir rächt an hals zoge janü, goht au vrbi! hochzyttechnischs gits grad gar nüüüd! due die wuche no mit dr andrea telefineire, vilicht hani den widr öbis z vrzelle
Nala Guti Gsundheit... Das schnell wieder gsund wirsch und nöd no ganz chrank wirsch. Suscht tönt eue Usflug ämel seeehr toll!!!
ME Ich han MIS CHLEID kauft... :) Jetzt hani wieder en riise Punkt vo minere Liste erledigt. Und s schöne isch ich hans nomal dröfe alege und ich han no Föteli gmacht. Ich schicke eu nachher gern eis. Jetzt hani 50% azahlt und die Verkäuerin isch ächt au sehr nett gsi. Sie het no gseit das mit de Expressänderig wird nöd iträffe. S Chleid sötti im April im Lade sie und den chani gad verbie cho zum wäge de Änderige luege. Über de Mittag händs immer Ziit. Jupi! Und d Koste vo de Änderige hät sie gmeint sind ca. 200-400 CHF wasi i.o. finde. Sie het gmeint gad 10% vom Chleid wäred chli viel vo dem Priis her...
pfingstrose: gratulieräää .) dafi au es foti? Gsesch kei expresszueschlag
Lilian: danke für de bricht :) s händ halt glich nid all die glich vorstellig vome hochzitsprogramm gäll.. Schöön dini herzli!
Squishy: jöö merci für d umarmig .) ich cha ebe leider nur 2x höchstens ga da alles am 19.1.14 ablauft :( drum hani wohl me druck. Hole jetzt notfalltröpfli haha
Taeboyana: ja es cha guet laufe aber au nöd. Da ich i de fahrstunde eigetli nid so konstant guet fahre dass me chent meine ich schaffs .) Mega weg de mietzinsreduktion! Ou nei so blöd wegem chärtli häsch de vill ids usland verschickt?
Pricana: mi fahrlehrer isch ebe au nid sicher haha! Oje de fotograf isch echt s letscht ;(
Nala: ojeee gueti besserig!!
Me: lauft nüt usser dasi am GG versproche ha nid so z übertribe mit planig und grosses ding :) hetted am sa de termin i de location, ha de denkt für das woni muss wüsse chani au per tel oder mail und de mömmer nid unbedingt verbi. Isch mer de aber i sinn cho dass mer de wi no sözted probiere. Aber würd au no endi april länge .)
Nala05 Danke villmal für din Tipp wege de Sängerin.. Bis grad am aluege Ouu ja den wünschi dier au no gueti Besserig.. Duesch di chli erhole..
Pfingstrose Woooow, danke für s'Föteli!! Es gseht super us!! Gratuliere für das super schöne Chleid! Und de Härz-Usschnitt gfallt mer au mega guet! so schööön hihi jez bisch warschindli ganz us em Hüsli, chasch no schaffe?
Pfingstroose: I gratuliärä diir herzlich zu diim Kleiid! I het also au gern es Foti Bii meega gspannt. Es tönt traumhaft! Schön chasch öpis abhooge und dass du DIIS Traumkleiid gunde hesch!
So jetzt hanis glaub... Han versuecht a alli zdänke. Hoffe han alli verwütscht. Suscht chönder gern no schriebe.
Danke eu vieeel mal... Isch so schön wenn mer weiss, dass es anderne au no gfallt. Isch ja au nöd ganz unwichtig au wenns vorallem eim selber gfalle muss. Ihr sind eifach die beste da ine! Hoffe für alli wo ihres Chleid nonig händ, dass sie es Chleid findet wo sie voll überzügt.
@pfingstrose: So cool, du hesch DIS Chleid!!! Gratuliere!!!
@squishy: nei bisch scho i däm Hotel gsi?! So zviel... Haha, de wirds sicher super. Bi nämli no chli unsicher gsi, wöu mängisch so hotels wo d Bilder so cool si uf dr Homepage isch me när enttüscht vom Service oder de hei sie eifach nur eis Zimmer wo so usgseht u die anderä si voll schäbig... Jetz fröii mi no gad meh!
@Taeboyana: oh nei, isch ja mega schad wägä öiem Magnetli!!! Isch das villecht irgendwo im Zoll blibe hange?! Wär ja mega fiis we sie das nid witerschicke... D Offerte fürd Blueme isch ja Hammer!!! Das tönt würklech mega guet und finde dr Priis agmässe für das was dir alles drinne heit! Hihi, u wägä dr Mieti isch ja super! Das macht doch einiges us, fasch 200.- weniger pro Monet!
@pricana: ui das würd mir ou nid passe was öie Fotograf het gseit... v.a. wägem bearbeite bini persönlech ganz anderer Meinig! I finde z Bearbeite sött würkli nur si, zum villecht chlini Sache retouchiere, i S/W umwandle etc. Me gsehts när eifach glich wenn mega viel dranne gmacht worde isch... Und wie du seisch, wenn d Persone schlächt troffe si, gseh sie när ou nid guet us ufem Föteli! Die anderi Sach isch natürlech ou mega doof... Verstahs ufnä Wäg scho, dass er nid am nöie Typ vo sinerä Ex het wöuä begägne, anderersits ischs halt würklech unprofessionell und da sött me scho chli drüber chönnä stoh. Würd mir das also ou no mal guet überlegä!
@lilian: öii Härzli si würklech mega schön worde!
@me: GG und ig hei nid viel fürs HZ gmacht am Weekend... Hei viel Bsuech gha und ig ha no müessä lerne... Die Wuche isch aber wieder chli weniger stressig (ha 2 Äbe Frei, das isch scho fasch wie Ferie! ) und drum hoffi dass mir mal no chöi luege wäge de Flittis... Am Mittwuch hei mir no üses 4-Jährige und vor eim Jahr hei mir üs verlobt. Aber leider hani denn Training, müessä no luege wenn das mir chöi fiire...
@alli woni no ds Mail mitem Dresscode versproche ha - es chunnt hüt abä! Has hüt morge nümme gschafft und jetz bini äbä im Büro...
Anmelden
Es isch eifach es blaus Chärtli mit eme frankierte Couvert.. Da dörfemer ihne irgendwas den schriebe… Han abr no kei Idee 
(isch au no schwierig, will mers nöd so guet kenned…)
Isch sehr schön..
Aso wenn er eu so nöd sympathisch isch, bringts glaub nüt, wenn er ihn als Fotograf würded neh. Da würdi au wiiterluege.. 
i und de gg sin das wucheänd am bodesee gsi, ha mi glaub vrkältet.. mir sin in sone therme und drnoch in konstanz go znacht ässe, ha aber de schal im auto ligge loh und es het mir rächt an hals zoge 
janü, goht au vrbi! 