@pricana: Jep, mir hei ja dLocation müesse wächsle, u aber dKärtli scho dusse gäh.
@squishy: Süsch chasch ja es Dunkelsviollet mit am ne Apfelgrün oder Grau kombiniere, eifach das es nit zu feminin würkt. Dis Mami isch ja sehr härzig, dass si Dir so hiuft.
@snicki: Schöni Idee mit dr Tischdeko! Autsch, di hets doch 12'000.- für nes Apero!!!
@squishy: Mir hei da so zwöi Kandidate wo mir säuber nit viu Kontakt hei, wo mir aus Single iglade hei, dr eint isch zum däm Zytpunkt scho ire Beziehig gsi (aso immer no) aber da er viu kennt, het mirs nit aus zwingend erachtet, sie ou izlade. U di anderi isch meh iglade, dass dKirche im Dorf blibt, u di isch jtzt sit am ne Monet ire Beziehig, u erachtets aus säubstverständlich, dass er ou darf cho, obwou mir ihn 2 mau gseh he, per Zuefall... U eigentli hani bi beidne härzli weni Luscht dr partner drbi zha, bi ihm wird me das chönne kläre, bi ihre wirds sicher es Drama gäh... Mir hei eigentli aus Ziel ca 120 Persone, inkl. Obegäscht, gha, si jtzt aber 157 Gäst, aso mit Obe, git 121 Aperogäscht... Hei mit meh Absage grächnet... Aber GG isch haut im Dorf ziemli bekannt, i hätti dNachbare nit so grosszügig iglade, aber ja. Isch nit eifach
@munggi: Mir zahle fürs Ässe (Gemüse-Dip, Tête de moine, Hobelkäse, Sbrinz, Früchtespiessli ohne Melone, gefüllte Laugen-Brötli, Roastbeef mit Spargeln, Rohschinken mit Melonen, Mozzarellaspiessli mit Cherrytomaten, Fleisch- und Käseplatte, Zopf und Mischbrot) Fr. 14.- p.P, luut Caterer chunnt das uf ca Fr. 20.- p.P mit Getränk.
@sasi: Wenns DAS Kleid isch, de isch es perfekt!!! U Du chasch ja es Märlihafts Prinzessinekleid anne ha u glich es bodeständigs Hochzyt fiire!
@Pfingstrose: WOW tönt perfekt u wunderschön! Dörfti äch ou e PN? Hesch Di scho entschiede? Finde Dis Mami mit ihrem Spendekonto u Di GG sehr härzig, er schinnt Di zkenne Also Expressänderig findi sehr fräch, äum we Dus scho jtzt bstellsch! Da würdi auso ou nit mitmache! Härzlechi Gratulation zum Kouf!!
@Sue: 2 Läde a 1 Tag göh sicher, viellech eifach nit gad hinderenand. So das de chli Zyt hesch sganze lah zsacke
@snicki: Mir wärde am Apero äuä gar kei Deko ha, aso eifach Tischtüecher u so, aber kenner Blüemli
@Mariee: Schöns Logo!
@Taeboyana: Mi GG brchunnt e Adventskalender u zWhynachte zAbo vo sim Heftli gschänkt. Mir hei ebe gseit, mir wöue enand nit viu schänke, wüu mir ja de hürote. Tönt sehr guet bi Dir, sowohl dBlueme wie dMieti
@pricana: Tönt nit so optimal, wäri mir auso ou e zheisse! Vo wo bisch de Du, wüu üsi Fotografin fötelet ebe "nume" Kt BE&FR
@lil: mega schön, öichi Härzli!
@All: Sorry, das i zT nur sehr kurz oder gar nit druf igange bi, es geit mir hie eifach zT ziemli zschnäll, i wirde witer versueche mit zläse, u sicher ou mau was vo mir lah ghöre
Und wiä versproche no en längere Posts meinerseits:
Taeboyana: Was ii miim GG schenke. Ha kaii Ahnig. Normalerwiis schenket mir uns es Wuchenend irgendwo ii dä Berge oder Wellnesse im Säntispark. Nixx materiells sondern Ziit fürenand. Mal gugge, uf was mir uns das Jahr einiget und was ziitlich so drin lilit. Ojeeeh, tuät mir leiid für s'Magnetli in London. Schad isch es stecke bliibe. Aber so weiisch wenigstens, dass nöd aah dä Froiid glege het, sondern eiifach aah dä Post. Aber jo, schaad isch es Jo ii finds ä hammer Offerte vo dä Floristin! Ihr machet mir alli so Muät. I ha viiiiel meh Budgetiert für das Welli Bluämäart hend ihr eu denkt? Hammer, gratuliiärä zur Reduktion vo dä Mieti. So News chömet vorem Hochziit immer pünktli! s'Geld chönt iihr sicher sus noiimets guät iisetze
Pricana: Woow, eui Homepage gseht ja wahnsinnig schön us! Ha gad lang müässä spiäntzle. Danke für dä Link! Und eui Föteli sind eiifach meega toll worde! Naii mir meldet uns nonig für dä Tanzkurs aah. Mir werdet da so zwische April und Juni machä. Sus vergesset mir jo alles gad wiider Danke für d'Nachfraag. s'Kino isch dä hammer gsii und dä Film chan ii nur empfehle. Bi so Sachä bin ii halt no total dä Teenie Ojeeh, naii wenn's Buchgfühl saiit, dä isch es nöd, denn isch es nöd eue Fotograf. Fänds also au unprofessionell so churz vorher no abzsägä. I nimm aah, du bish ned us dä Region SG? Sus het ii dir scho Tipps. Aber vo wiiter kenn ii halt au niiemert. Viel Erfolg bim suächä!
Lil.lian: Nixx im Couvert. So ganz ohni Hilfestellig isch es jo au nöd eiifach zum was schriibä. Verstand dii das no keii zündendi Idee gha hesch. Aber hesch jo no gnuäg Ziit zum was usdenke Woow, dii Dad isch denn kuul. En Versuäch isch es siicher wert und wer weiss, viellicht schlummeret ii ihm en Künstler? Aah, ja. Diä het gsaiit all es blaus Accesoire und da het hiighaue? Da find ii gad mega ermuätigend, ii ha mir mal überleiit das mit pink z'machä. Han aber denkt, dass da sowieso nöd got. Giisch mir also gad wiider muät!
nala: mir entscheiidet uns uf dä Dezember definitiv und das Wuchenend gönd mir no s'Resti go aluägä. I ha s'Gfühl, ii muä alles gseh ha, bevor ii mii entscheiide chan. Scho chlii dureknallt Guäti Besserig du liiäbi und chum bald wiider uf beii!
Pfingstrose: I gratuliärä diir au no offiziell zum Forum zu dem wunderschönä Kleiid! Es isch definitiv jede Rappe wert! Und es isch nume recht, dass keii Expressköste zahle muäsch. 7 Mönet sind definitiv gnuäg!
Littlefoot: Notfalltröpfli sind schomol suuper! I glaub aah diich und ii nimm aah no ganz viel anderi stönd hinder diir und drucket diir Dume!
Malinchen: Gratuliärä eu zu eune Jubiläe! Schön chönt ihr diä Ziit mitenand gniässä und dini Mini-Ferii fallet ja perfekt!
Lula: Bisch dii bescht, schüssisch mit Farbidee usse wiä eh Pistole Danke diir! Mir hend uns jetzt für d'Farbe blau und pink entschiide. Es passt eiifach grad am beste zum Farbpulver, wo mir ii dä Hand hend. Mii GG findet das so au völlig okaii und gnuäg männlich I bii froh, gots nöd nur uns so mit dä Gäscht. Aber scho recht frech, eiifach siin eigene Schatz selber iizlade. Mini eint TZ het siit noiiem es Schätzli (aber psssst…) i ha en denn natürli gad welle ilade und sii het denn gfundä: "neii muäsch doch nöd". Natürli los ii nöd uf sii, aber so ä Antwort find ii viiiel liiebevoller!
Me: I han hüt vom Mami eh noii Agenda bechoh. Eh pinki mit herzli drufe. Si het gmeiint, eh bsunderigi Agenda für es bsundrigs Johr. Voll herzig Denn han ii agfangä alli bereits bekannte Date iizträge und halt au en Countdown. Bii dreii, zweii und eiin Monet bin ii scho meeeega hibbelig worde. I chas chum glaube, dass es irgendwenn so wiit isch, dass ii chan sägä: Imene Monet hürotet mir Woow, ii freu mii uf dä Moment. Was so ä Agenda alles uslöse chan
Wünschä eu eh guätä und erholsame Abiig ihr liäbä Brüütlis!
Brautkleid:[i][/i] Ich ha leider keis Bild imene Katalog oder im Internet gfunde woni gfunde ha es isch so wie mis...will das Prinzessinekleid vom Mery ganz e anderi Korsage het als die woni im Internet gfunde ha und das vom Liluca magi mi jo selber nüm gnau erinnerä Trotzdem hängi no Bilder ah wo ungefähr ähnlich sind, aber nur ungefähr... Ich gah übrigens am 3.Dez glich nomol go luege und zwar im Chez Janine aber nur 3-4Kleider zum luege ob ich sones gfühl wie bim Mery no bimenä anderä han ob das das gfühl gsi isch womer het ^^ und den kurz im Liluca nomol luege und Mery aber i weiss dasi nacher am 3.dez am obig bsitzerin vo Mim Brutkleid wird si
@Sue I find fall zwei Läde nid z’viel und wenn weisch was dir gfallt, wele Stoff etc. ischs au vo vorteil. Wo gahsch den go luege?
@Lil.lian Hee super, dankevielmol für de Tipp wegem Gutschi.Ha grad gester au sonen Katalog bstellt,hihihi. I mein de Gutschi ha oder nöd macht scho was us. Und glückwünsch zur Buechig nach Paris!
@squishy-fishy Mercie für d’Wort betreffend mim Shoppingbricht...joo du und au die andere hend jo eigentli recht mitem prinzessin si Apropo Agenda....mir hend au eini...vo paar Täg kauft und scho so wichitigi Sache inegschriebe....min GG isch ebe echi en Chaot wenni ihn nid immer erinnerä a gwüssi Sache oder so...katastrophe.ha gseit alles wo nid i derä Agenda staht abem Januar gilt nid und a dene Täg/Ziite cha ich frei plane. Bi e zicke aber anderst gahts nid
@Pricana joo wahrschinli isch das Prinzessinekleid würkli mis...i bi ald mängmol echi doof und weiss meh nid gnau ob das gfühl woni cha ha würkli das gfühl isch...aber es schwebt ufjedefall immer schön i mim Kopf ume, ca 50% i mim Kopf sind mitem Kleid beleit, 20% schaffe und 30% allgemeini sache...zumindest zurziit gsehts so us:P und hee i weiss au nid recht ob mir de Fotograf woner troffe hend sympathisch wer, ällei scho vo dem wo du gschriebe hesch...mhm?! Viel spass bim wellnesse, erhol di guet und gnüsses! Git nix bessers bi dem kalte Wetter
@nala ganz ganz schnell gueti Besserig bevors mag usbrechä!
@me: Ha nix speziells zum verzehlä, das mitem Brutkleid hani jo scho gschriebe. Bi nid so motiviert im allgmeine, ha die negste 10Täg alli Dienstschichte vor mir und nur 1 Tag frei, a dem Tag woni muess wäsche und echi Huushalt wot mache.
Ich bin irgendwie doch gar nöd zum mitschriibe cho di letschte Täg. Bi vill unterwägs gsi. Aber ich verzell susch mal chli, was so lauft.
Aber zersch: @Pfingstrose: dörf ich au es Föteli vom Chleid?
Mir händ am Suntig s grosse Eltere-Träffe gha. Min Vater hät d Eltere vo mim Verlobte schomal churz gseh gha, mis Mami aber nonig. Sie sind dänn zu eus zum Ässe cho, ebe am Sunntig. Mir händ dänn grad no e Tour gmacht und ihne d Wonig, wo mir eus bewerbed, vo usse zeigt, und au d Location, wo mir am Abig werded fiire (händ leider det au nöd ine chöne) und d Chile (die isch offe xi).
Eusi Eltere händ sich zum Glück uf Ahiib sehr guet verstande. Isch en schöne Namitag gsi.
Ansonsten hämmer eus ebe wieder mal für e Wonig beworbe. De Vormieter isch bereits uszoge am Samstig. Aber er hät d Wonig no nienets inseriert gha (mir sind dur d Verwaltig uf das cho, wil mir gfrögt händ, öb suscht e Wonig bi ihne frei werdi, nachdem mir en anderi nöd becho händ). Isch chli en verhängte, hani e Idruck. Chunt eus aber ja ev. z guet. Mir werded di einzige Bewerber sii, so wien ich das chan abschätze. Nur wär's scho uf 1. Dez. Da luegemer vilich, öb mer no chönd verhandle. Wil min Fründ muss sini Wonig ja au no weg becho. Aber eis nach em andere, zersch mümer d Wonig ja au no becho... Sie werded eusi Unterlage hüt übercho.
Bin suscht rächt im Schuss. Hüt Nami gangi no zu minere TZ go Tür- und Adväntskränz mache.
Und mun no go poschte für das, no de Adväntskaländer für sie und min Fründ fertig baschtle und no für hüt Abig öpis vorbereite. Das wird no knäppe.
So, sorry für de Egopost. Ich han äfach dänkt, ich verzell glich mal chli, au wänn ich nöd dezue chum uf eui Sache izgah. Nöd dass ihr eu no afanged Sorge mache. Di negschte Täg hani wieder mit de Chemonäbewürkige z kämpfe und wird mi drum nöd mälde. Aber nacher wieder!
@sasileu: Bi dene ganz wiite Chleider, isch s Bewege und here stah eifach chli en Useforderig. Das hät mir mini Beraterin det im Brutmodegschäft gseit. De Brütigam chan wie gar nöd richtig nöch ane stah, wil er suscht uf s Chleid müsst stah. Bzw. s isch eifach komplizierter. Und ich würd no überlegge, wie breit de Gang i de Chile isch, wo du müstisch dure laufe. Das hät sie au no gseit, je nach Chile gahts fascht nöd.
Aber ansonsten findi: e Bruut dörf es extravagants, sehr speziells Chleid alegge. Ich mein: wänn nöd als Bruut, wänn dänn suscht?
Wünsch dir vill Usduur für die kommende Täg, wo du so vil Dienstwächsel wirsch ha. Ich bewundere Lüüt, wo uf de Pfläg schaffed. Und bin ihne natürlich dankbar für di geduldig Art, wo di meischte amel mit mir Jammerpatientli gha händ. (Wäni stationär in Spital muss, drei ich amel chli dure.) Uf was für enere Abteilig schaffsch du?
Hoi zeme! Ich bin ganz ganz neu im forum aber jetzt scho en riese fan! Ich hürate au nächscht jahr und zwar im Juni (mega schwirig usezfinde ahand vo mim name) :-)
Fara: Tönt also super!!! Ich drucke Dumme für d Wohnig. Wer ja schön… Und hoffe das mit de Wohnig vo dim GG reglet sich den schnell. Wer ja perfekt! Zwar au chli stressig den händer ja nomal e Baustell ofe. Hihi…
Und wege eune Eltere isch doch super hender en schöne Namitag gha und dass sie sich guet verstönd. Macht doch alles chli eifacher.
Wünsche dir au wieder ganz viel Chraft für d Chemo dass es guet chund. Aber so wie du im Moment vo Positive Sache sprüäsch chans ja garnöd schlächt cho… Gsehts eigentlich guet us mit de Entwicklig bzw. de Heilig?
Sasileu: Find eigentlich d Fara häts guet gschriebe. Das hani lustigerwiis nämlich au dänkt woni eis agleit han. GG chan garnöd nöch anestah suscht druckter s Chleid ih oder staht druff. Und wege de Chile isches au en guete Tipp! Aber suscht findi ächt chauf das wo dir staht und wo du wilsch. Es muss vorallem dis Gfühl ja säge… Das isch s allller wichtigst. Den strahlisch au am Schluss.
Me: So min Schatz hät de Imaginäri A***-Tritt gspürt und de Text glifered. Jetzt duni alli Änderige mitteile vo de Farb wo’s ja au no sölled ändere und en Teil vom Text. Plus d Fotis mached mir jetzt schwarz/wiis den wird’s ganze chli ruhiger. Den söttis wenis bis hüt Abig no gmacht han ca. am 7 Dezember ha. Das isch super… Will am 13.12. gahts bi eus ja genau no 6 Mönet und s coole wer de 13.12. isch au en FR de 13. Wie euses Hochziit!!!
Danke für die nätt begrüessig :-) mir sind für das dasmer scho eignetlich gli hüratet no gar nid so wiit! mer wüssed dlocation fürs znacht bim kirchliche (Restaurant Vogelsang in Eich) und hend au de standesamt termin sowie zmittag denah und ich han gad letscht wuchenend es tolls chleid (ich chan leider kei föteli poste falls min zuekünftig mal no online wär - er döfs uf kei fall gseh :-) gfunde.
Ring gömmernächscht wuchenend mal idie ring-lounge in Wädenswil go luege - isch öbber au det gsi? oder wo chönder suscht no empfehle?
blueme und deko wartemer no bis im früehlig dänke das lid dinne wend denn au zerscht no ad mässene in luzern und villicht züri.
Musig bini mich jetzt au am schlau mache aber dänke wärded öbbis mit dene soulmates mache find die guet vode prise här und dönt sehr sehr schön. und am fäscht denn sicher no en DJ det hemmer jetzt mal über swiss dj en offerte agfragt.
was isch bi euch gad so brännend pendent? gönd ihr au ad hochzitsmessene oder isch das nüt rächts?
Anmelden
Mal gugge, uf was mir uns das Jahr einiget und was ziitlich so drin lilit.
Schad isch es stecke bliibe. Aber so weiisch wenigstens, dass nöd aah dä Froiid glege het, sondern eiifach aah dä Post. Aber jo, schaad isch es 
Jo ii finds ä hammer Offerte vo dä Floristin! Ihr machet mir alli so Muät. I ha viiiiel meh Budgetiert für das 
Welli Bluämäart hend ihr eu denkt?
Denn han ii agfangä alli bereits bekannte Date iizträge und halt au en Countdown. Bii dreii, zweii und eiin Monet bin ii scho meeeega hibbelig worde. I chas chum glaube, dass es irgendwenn so wiit isch, dass ii chan sägä: Imene Monet hürotet mir 
