hoi zämä

@fara:
Danke für dini Hiwis, dass sones Kleid recht en grosse umfang het stimmt scho, also ma chas au chliner mache, mitem Laufe gahts sehr guet wenn en Reiferock hesch findi gahts würkli ganz guet und das mitem herä stah isch eifach so, dass tüll recht guet uf site drucke chasch und vorallem für mich na wichtig es git kei knick im Kleid also mis Mami und mini TZ hend keis Problem cha a mich herä z'stah wobi zerst hend sie sich nid so getraut
Aber i lahns mir nomol durch de Kopf gah, vorallem will mir jo na en Hochziitstanz wend mache
Ich schaffe nid im Spital(leider oder nonig) ich schaffe imene spezielle Behinderteheim in Züri, mir hend eigentli alles jungi Manne miteme Gendefekt bide Muskle wo leider de Grund isch, da mit öbe 28Jahre Lebenserwartig endet.
Duu duesch mir scho u leid mit dinerä Chemo aber i finds super wies machsch, wirksch so stark!

@JuniBraut:
Willkomme!
Magsch echi vo dir verzehlä und dim GG?!
Also das vo Luzern bisch und im Juni hüratisch weissi mittlerwilä

@Pfingstrose:
hihihi, viellicht het din GG dini Gedanke gspürt wegem Text...mine isch leider öbe glich, de Text vo sim TZ uf eusere Homepage fehlt immer no
I hanem gseit wenn entlich entlich eusi Magnet da sind verschiki Iladige grad und den chönd alli uf Homepage und den muess de Text stah.
Immer die Manne

Squishy-fishy
Ja das mit eme Wuchenend schänke möchemer eigendli au so. Letzt Jahr han ich ihm e Igluübernachtig in Engelberg gschänkt (http://www.iglu-dorf.com/) . Isch no lässig gsi
Ja aso das mit de Accesoires hät so halbe klappet. Die einte händ den eifach es blaus Chleid agha und d'Manne händ blaui Krawattene agha.. Abr d'Fraue im spezielle händ eigendli kei blaui Acessoires gha..
Das mit em pink hani mer au scho überleit.. Weis nöd öb ich das de Manne wet zuemuete

Sasileu
Ja bitte bitte. Bin letzt Wuche gad verschrocke wo das Päkli cho isch. Ha mich voll hinterfragt, was ich echt scho wiedr bstellt han.. Bin den grad erliechtered gsi, wo d'Katalög füre cho sind :)

Fara
Ah schöön mit eune Eltere. Isch scho super wenn sie sich verstönd. Drucke eu Dumme das es klappt mit de Wohnig.

juni2014braut
Herzlich willkomme :)
Ja ich bin au in Wädi gsi wegem Ring, bzw. er hät en Verlobigsring mache lah und mier händ den no müese gah zum go d'Grössi ändere.. Es isch den eifach relativ lang gange, abr susch hät alles klapped..

Littlefoot
Vill Glück bi de Prüefig!!

Pfingstrose
Ja das wär kuuhl, wenns es halbs Jahr vorher no chöntisch verteile und das mit em Friitig em 13. passt ja voll :)


Danke eu no für d'Kompliment für d'Härzli. Mini Schwöster isch gester au so herzig gsi, ich has ufghänkt diheime und sie luegets ganz fasziniert a und den hanere gseit es segi für sie. Dänn hät sie uu froi d gha..

Zuletzt bearbeitet am 26.11.13 13:06

nicht registriert

Guätä Abiig mitenand

Lustig, diä Wuche isch viiel ruhiger wiä sus. Oder chunt mir das echt nur so vor?

Sasileu: Es wunderschöns Kleiid hesch in Ahang tuä. Da darfsch dii würkli wiä eh Prinzessin fühlä aah euem grosse Tag! En Meiitli-Traum wiird wohr! Wünsch diir viiel Erfolg am 3. Dezember, dass eiifach nomeh Sicherheit bechunsch und vetraue uf diis Buchgfühl!
Wünschä diir au viiel Kraft für dii kommende 10 Tag. Diin Arbeiitsplan tönt scho recht happig

Fara: Schön hend siich eui Eltere so guät verstandä und hend iihr chönä zämä en gmüätliche Namittag ha! Wa hends zu eurer Füährig gmeiint? Siinds z'friide mit euem Gschmack?
Druck eu also Düüme für d'Wohnig und dass ihr sii dä Izug chlii verschiiebe chönt. So dass es eu passt! Druck diich fest für dii kommende Tag und dass Chemo nöd allzu heftigi nebewirkige het!

Junibraut: Willkomme bi uns im Forum! Schön nomol eh fliessigi Bruut z'ha! Froii mii sehr! Wotsch uns chlii vo diir und diim GG (Göttergatte) berichte? Zum Bispiel vom Kennelerne, vom eventuelle Atrag oder so?

Pfingstrose: Hesch vom Kärtli gschriibe, dass ihr dert im Endspurt sind? Wuuunderbar het er dä gspürt, ohni dass en würkli usgfühere hesch müässä Wer ideal eues verteil Datum, es het so viiel parallele! Wer kuulio!

Lil.lian: Da isch no eh witzigi Idee mitem Iglu. Sind ihr nöd fast verfrooore? I bis gad chlii am agügsle I ha ebe denkt, dii pinke Accessoire nur für d'Fraue. Will jo pink au nur d'Liäblingsfarb vo dä Bruut isch. Dä Männer würd ii das jetzt au nöd ufbürdä All wo sich dra haltet, dörftet denn ufs Pink-Foti

Littlefoot: Na wie wars? Hesch dii an Tipp ghalte und no alles falsch gmacht, wo nachher muäsch richtig machä? I druck diir jetzt scho Duume und anderi usem Forum au und diheii drucket diir au viel Duume. Mit soo viel Glück, wiirsch es schaffä.

Me: I glaubs chum, aber ii denk mir hend endlich unseri Gäschteliste Das isch jetzt eh schweri Geburt gsii I fühl mii gad 10 Tonne liiächter und ii hoff, wenn ii morn d'Liste aluäg gots mir no gliich und find nöd wiider "Fehler".
Usserdem hend mir jetzt für dä Do no dii läscht Besichtigung im Lagerhuus. Aber ii miim Kopf spielt sich s'Hochziit immer im Kursaal ab. Vo dem her müässt miich s'Resti jetzt also scho recht umhaue…

Wünschä eu eh guätä und wunderbar erholsame Abiig!

nicht registriert

Lula: Jööö, so herziig vo diim GG! Schön, dass er siich au so druf froiit!
I bii voll und ganz z'friide. I glaub mir hends tatsach gschafft eh guäti Mischig hiizbechoh. I bii so stolz uf uns Jetzt müänd nu no Kärtli fertig gmacht werde…
Woow, no knapp dreii Mönet. Bii uns gots no länger als dopplet so lang Und ii platz jetzt scho vor Ungeduld!

I ha hüt voll dii sentimental Phase Und ii los dii ganz Ziit eh Liiäd und ii möchts eu doch nöd vorenthalte:

http://www.youtube.com/watch?v=XRuDQ6aYeD0

Hebet en guätä Tag!

@squishy: Das mit de Assecoire funktioniert gloub scho. Ä Bekannti het a ihrem HZ gwünscht gha, dass d Froue öpis Pinks alege und d Männer öpis blaus... Isch när no luschtig gsi! Ihre Papi het so blaui Putzhändsche agha wo er sie zum Altar het gfüehrt... So wie igs gseh ha, hei sich ou alli gäst müeh gäh und sich dra ghalte.

@Wiehnachtsgschänkli: GG u i schänke üs nix... I finde äbä die Gschänklifluet a Wiehnachte nid so cool, wöus eigetlech nid um das sött gah. U drum hei mir für üs gseit, dass mir das nid mache u drfür fiire mir ei Tag nur für üs Wiehnachte - nur mit ganz viel Liebi und chli zum Innehalte, ufs Jahr zrüg luege, öpis feins Choche und chli d Rueh gniessä... Aber i möcht hennä gärn es Tanneböimli das Jahr! Ha no nie es eigets gha u fänds irgendwie no schön.

Squishy: Jö das mit de Agenda isch ja super! Weni mir das so ufschriebe wird’s mer immer ganz komisch im Buch. Hihi!

Lula: No 3 Mönet… Lagomiooo… Wenns den mal bi mir so wiit isch. Ohoh! Han scho mim Schatz gseit wenns den nurno ein Monet gaht chaner vergesse dass ich no öpis isse und findet mich nurno uf em WC mit Vorfreuds/Aspannigs Durchfall uf de Schüssle. Haha… Sorry für de Bricht.

Me: Han gester die ganzi Iladig no apasst und nomal in Ufrag geh... Jetzt wartemer gspanne. Chund scho guet. Freu mich denn wenns endlich bi eus diheime isch. Den mümmer d Briefmarke mal endlich no usdrucke. Suscht lauft nöd viel ussert das am GG sini Eltere so doof tünd. Sie sind mega entosche, dass mir nur so e chlini Hochziit mit 50 Lüüt mache wänd. Sini Muetter wot am liebste alli ihri 6 Gschwüsterte wo mir würklich 0 Kontakt händ ilade. Das chans ja nöd sie. Aber min GG isch ächt de besti. Mir sind eus zum Glück einig. Und er gaht am SA jetzt nomal zu ihne go rede. De Vater hät sogar no Chunde vo sich welle ilade. Also nei... Es sötti doch es emotionals Familiefäst und nöd es sehen und gesehen werden Fäst werde. Bini also gad meega down gsi gester.

En GUETE!