huhu! dank euch allne für die guete besserigs wünsch, ha jetzt 2 dag im bett vrbrocht mit viil tee und schlof, hüt gohts widr um einiges besser! ha aber immer mitgläse, aber nid möge schriebe..
pfingstrose: sooo schön hesch du jetzt dis kleid! i hät das zwar glaubnid übere mittag könne go bstelle, wär de ganz nomi voll ufkratzt ;) cool hesch d iladige jetzt könne bstelle! drugg euch de duume das mit de farbe alles so usekunt wie ihr euch das vorstellet. oh nei so doof vo dine schwigis, hmpf, meh ka jo wirkli nid all ilade, und das de vatr sogar no kunde wot ilade goht jo gar nid! aber toll duet di gg das kläre! jetzt fohts bi euch au ah mit drimische, he? ohh ich ka dir guet nochfühle das de grad chli down gsi bisch, isch mir au so gange.. fühl di umarmt! kunnt scho guet! muesch dir eifach sage, dases euri hochzyt isch und solangs eso wird wie IHR euch das vorstelled isch alles i.o.!
littlefoot: wünsch dir für nägst wuche ganz viil erfolg! kunnt scho guet!
lil.lian: und sin d soulmates öbis für euch? jöö mega härzig vo dinere schwöster wäg de härzli!
malinchen: dörfti ächt au sone printscreen?
squshiy-fishy: jöö mega härzig vo dim mami! cool, mitem countdown. ich ha i unserem budgetplanigs excel eine.. lueg en au sehr gärn immer widr ah s’goht eifach no sooo lang. hey toll händir d gästeliste und du bisch dr imerno sicher!
sasileu: ohh so toll das kleid! aso mir gfallts mega, kunnt meh sich grad vor wie cinderella! wenn dir das kleid soo im kopf schwirrt isches doch scho dins, nid? aber jo vilicht findsch am 3.12 no öbis besseres?!
fara: schön händir sone schöne sunntig mit euchne eltere dörfe vrbringe! drugg euch d düme mit dr wohnig! und au susch hoffi s goht dr guet und nid zviil näbewürkige, bald ischs vrbi!
junibraut: wilkomme im forum! ihr händ jo scho paar sache am laufe! cool! aso mir gön im feb ad marinatal z basel. wenns de nüd isch isch jo au glich.. :D
ihr händ rächt, es lauf scho nid so viil! bi aber grad froh gsi hani nid zviil zum ufarbeite ka! hoff ha jetzt niemer vrgässe! en guete zämme!
oh jetzt hani öbis ganz vrgässe ich bi chli uf dr suechi nach ring. ha jetzt mega gfalle a henrich/denzel gfunde (http://www.design-your-ring.ch) dört ka meh de ring sälber designe und alles! het öper vo euch erfahrig mit däm oder kennt die marke?? oder het erfahrig??
Nala: Schön bisch wieder gsund! Oder zumindest ufem beste Weg dezue. Haha, bini au gsi. Han ständig s Natel füregno und s Foti aglueged. Hihi! Danke… Ja gell mir blibed leider au nöd verschohnt. S positive isch mir händ würklich glasklari Vorstellige dass mers au so chönd verträtte. Suscht isches den no schwieriger und mer wird zwungenermasse flexibler und das wotti garnöd. Chund sicher guet.
Super Page für d Ring! Isch au no speziell… Mer het ja amigs X Idee… Und so chan mer die umsetze.
@squishy: U das isch ja dHouptsach! Ja es isch nüme lang, geit gad no 107 Täg... Wieso bisch de Du so sentimental dinne? Bi gad am drilose
@Pfingstrose: Meinsch es wird so schlimm? Ha vor dem aber ou chli Angscht, u de am Täg säuber sicher 1000x mau ga pinkle Es isch doch öiches Hochzyt! Mir hei ou Lüüt drbi wo mir meh us Astand hei iglade, aber das isch üsi Entscheidig gsi, da het üs niemert drigredet. U Kunde hei aso am ne Hochzyt eigentli gar nüt zsueche. Mir hei gloubs nume öbert, bis uf Arbeitskollege, wo mi GG gschäftlech mit ihm ztue het am Apero, aber das isch meh wüu er gäng isch ga stürme wäge dr Wunschlischte, u jtzt isch es ihm piinlech... Drücke Dir Düme das Din GG am Samschtig es guets Gspräch het mit sine Eltere u si verstöh, dass si sech nit söue imische, us öiches Fescht isch!
@nala: vo Fischer gits ou so ne Trauringkonfigurator
Nala05 Ou ja den häts di abr scho gad verwütscht.. Schön bisch wiedr uf em Weg zur Besserig Ja mier händs nonig chöne zäme alluege. Aber es staht zoberst uf de to do Liste.
Pfingstrose Aso das mit de Chunde vom Vater findi ja voll schlimm. Wie cha mer uf so e Idee cho? Aber zum Glück sind de GG und du de gliche Meinig..
Ich bin chli am Idee sammle für Iladigschartene. Han da uu e schöni Siite entdeckt, müend umbedingt mal die Fötelis alluege. Es hät meeega schöni Sache drunter. http://www.feenstaub.at/ Ich wür gern so e "Fächereinladung" mache. Han eifach chli Angst, dass ich das nöd so anebringe wierd..
@nala: Oh nei, wünsche dir witerhin gueti Besserig! Chasch mir dini e-mail Adresse per pn schicke? De chani dirs när maile, me cha drum keini PDFs ahänge bide pn... D site für die Ringe isch mega cool... det hani ou scho mal chli gstöberet.
@pfingstrose: das verstahni dass da down gsi bisch! Geit ja gar nid... Aber isch mega cool dass di GG härä geit das ga kläre. Finde das u wichtig, nid dass när d Brut als Zicke dasteit am schluss...
@lillian: Das gseht würklech no cool us mit denä fächer! Wie meinsch dass dus nid so würdsch häre becho? vor druckqualität här?
So iz chani ändlech ou umemau schribe… läse tueni geng öpe ufe iPhone  aber schribe geit äbe nid gäbig..u bim schaffe chani leider nid…
Zersch maut @Pfingstrose: Dis Chleid isch wük wunderwunder schön!!  merci viu mau für zFoto… gsehsch wük sehr schön  würd säge du hesch dr richtig Entscheid troffe 
@sasileu: es mega schöns Chleid.. sones richtigs Prinzässinnechleid 
@junibraut2014: härzlech wiukomme im forum 
@squishy-fishy: danke viu mau  zLogo passt wük super zu üs Reisefüdlis ;-) ja mir heis säuber gmacht..  dIdee hani aber scho usem Internet ;-)
@Teaboyana: danke .:-) Auso so genau wüsse mrs no nid… aber mir hei für dGäst wo am Abe iglade si winies Flugticket gmacht  u när simr no chli am überlege wasmr schüsch no wei mache… Ha no cooli Deko gseh mit Wäutkartene.. Tischkärtli hani so chlini Rollköffer gseh wome cha Täfeli dri tuä.. wär no lustig 
@Nala05: merci ou dir viu mau 
@Lula : merci 
Wiächnachtsgschänkli : mi Schatz u ig schänke änang nüt… mir gö lieber zäme chli furt oder ungernähme schüsch öpis zäme..
Hochzeitsmesse: Für auii diä wo no ane Hochzeitsmäss wei, hiä no ä Link für gratis Tickets: www.schmuck.ch/hochzeitsmessen
me: am Sunntig gani mit mim Mami no zum Hostettler Brutgschäft ga Modeschau luege :-) u im Dezember isch de bim Thomi zThun ou no ä Bruatmodeschau :-) de chani ömu afa mau chli luege :-)
I ha mi äntlich überwunde wäge appero a zfroge aso2 ort da mir nur 3 zur uswau hei bi mau gspant s eine isch es hotäu u die hei fix ihri prise... Us angere beckerei het gmeint si schicki mir d ungerlage aber si lönge de scho mitsich lo redä;)
U de bini gester no z burgdorf go adväntskranz bastle:) de het mi doch am brüeder dis schwigermami aso sprich de schwögere/ trouzügin ihres mami e so e frog gha!! Bi irgend wie erfröit u glich ou grad chli trurig... Si frogt öb si äch a üses hochzit dörfti cho nur zeremoni!!? Hmm De machtsi so jo weisch im 12 wo de brüeder ghürote het isch so gsi das ihre ma storbe isch ou im johr 12 u drum heig si a de tochter ihri hochzit ned so chöne gniesse u sigi völlig dpre wind gsi u wo de ihre brüeder no mit de tochter id chiuche loufi heig ihre fasch de koller gä! Mi papi giz jo leider ou nümme... U drum si wet doch eifach aues erläbe u chöne gniesse! Irgend wie schön u glich trurig..
So bi fasch fertig:) aso mir düe ihre dä härzens wunsch erfüüue;)
Uu ;) ha morn geburi ;) u göi mit de eutere u am gg sim brüeder uf luzärn uf s chinoise schiff go ässe
oooh, hüt isch ja wieder meega ruhig! Drbi hani hüt wieder ganz höchs HZ-Fieber! GG und ig hei ja gester üses 4 Jährige Jubiläum gha und vor eim Jahr het er mir dr Atrag gmacht. Jetz bini irgendwie gad wieder mega imnä Höch u möcht gad wieder mega viel organisierä.
Bi fasch chli truurig dass imnä Jahr alles scho verbii isch!
@munggi: HAPPY BIRTHDAY!!!! wünsche dir alles Guetä, viel Glück und Liebi für ds nächschtä Jahr! ooh, isch ja würklech schön/trurig wägäm schwiegermami vo dim brüeder! Findi schön dass dir ihre das düet "erloube"...
@LaMariee: ou ds Thomi isch imfall super ds Thun! I bi ja det gsi ga Brutchleider aprobiere und dr Service isch Wäutklass gsi, ha mi mega wohl gfüehlt und Chleider hei sie ou schöni gha... Leider het dr Favorit när nid ganz mit MIM Chleid usm Liluca chönnä mithalte...
@me: hmm, söui öich äch eifach chli vollstusse wenn's süsch so still isch da?! I liste mal alles uf was mir no bruchä: - Caterer fürs Apéro - Band fürs Apéro - DJ für am Abe (det si mir mitem Kevie Kev im Gspräch) - Iladigscharte - Homepage fertig bastle - GG's Outfit - Blueme-Deko - Tischchärtli - Give-Away-Bags - Chleider für mini Mädels und ev. Accessoires fürd Jungs - Gschänkli für TZ - Polter-Party organisiere (Ruum reserviere, Iladige schribe, Outfits bsorge) - Torte bzw. Cupcakes bstellä - Tanzkurs - hmm...??? Meh chunnt mir gloub gad nümme i Sinn!
Hihi, git ja glich no einiges wo mir chöi mache...
Wie loufts bi öich so? Heit dir scho Plän fürs Weekend?
@Brutträffe: Bis jetz gsehts us als würds ufe 1. Februar falle. Aber i gloub es hei sich no nid alli itreit... I mache mal e eignä Thread uf, villecht chömä ja ou no Lüt, wo i de Monats-Chats schribe und no gar nix hei mitbecho drvo...
@pfingstrose: i finds guet könnet ihr zämehebe und vrträtet euri vorstellige vol und ganz. empfindes ebe au so wie's d malinchen gseit het, mir isch mega wichtig das ich as brut nid as oberzicke do stoh und alles dureboxe wot.. aber du hesch jo gseit di gg isch super was das abelangt hoff är kas am wucheänd mit sine eltere kläre! gäl isch no e cooli website, find au das meh so sini idee chli umsetzte ka und nid nur e uswahl het wo meh den schön oder ebe nid findet. ich ha scho e paar modäll zämme gstellt, bi so fräch und häng se mol no ah
@lil.lian: die fächer gfalle mir au guet, wiso meinsch bechunsches nie so ane? ich bi halt scho en mega fan vo de pocketfolds, do hets au widr so tolli druf ka
@Lamariee: viil spass ade modeschau immer schön sich go inspieriere loh!
@munggi: happy birthday! wünsch dir e schöne dag und los di loh fyyre! tönt super mitem chinoise schiff! findi au mega härzig und truurig glichzitig mit dim bruedr sinere schwiegermami. voll lieb das ihr ihre dä wunsch erfüllet! bi scho gspannt was vo de apero offerte z brichte hesch.
@malinchen: danke das du do chli läbe inne bringsch gratuliere no nochträglig zum jubiläum! wenni do sini liste lies mit was ihr no bruchet, dänki grad mist das bruche mir fast alles ä no! ich pick mir jetzt paar sache use und due si kommentiere -caterer apero: händir euch scho könne entscheide ob glace oder crepes wägeli? leider ka i dir do gar nid hälfe, ha kei ahnig vo caterer händir scho paar im aug? -iladigskarte: sälber bastle oder bstelle? scho idee?? -kleider & accesoires: das mit de accessoires findi mega cooli idee! -gschänkli für TZ: i wird jo 2 tz's ha, mini schwöstr und mini besti, mir hän alli vo thomas sabo ketteli dehei, jetzt hani mir übrlegt ich schängg ihne e ahänger (de glichllig) und kauf mir au ein, den sagi ihne das ichs toll fänd wenn mir alli unseri armketteli ahätte mitem gliche ahänger. isch das doof?
weekend: das wucheänd muesi leidr hintr d biecher mues halt amigs au si.. und du? händir öbis schöns jubiläumsmässigs vor?
so jetzt muessi los, ha hüt morge e vorläsig usgloh jetzt sötti scho a die nägst widr go
Anmelden
ha aber immer mitgläse, aber nid möge schriebe..
wenn dir das kleid soo im kopf schwirrt isches doch scho dins, nid? aber jo vilicht findsch am 3.12 no öbis besseres?! 
Meinsch es wird so schlimm? 
ha morn geburi ;) u göi mit de eutere u am gg sim brüeder uf luzärn uf s chinoise schiff go ässe 
Drbi hani hüt wieder ganz höchs HZ-Fieber! 
händir scho paar im aug?