@squishy-fishy: Macht doch nüt, mängmol laufe halt oh mehreri diskussione näbenang här! Wäge Budget muesch mau im Forum chli stöbere. Do hets vieli, wo mit emne chliene Budget es mega Fescht hei chönne ufd Bei stelle (s chlinschte wo ig gseh ha, si 3000.- gsi!!). Vo däm här, oh wenn dr nid sooo viel zäme bechömet, me cha glich es super Hochzit ha. De Muess me halt meh verglieche und sueche und vilich au chli uf Vitamin B zelle, wes um Dienschtleischtige etc geit.

squishy-fishy das find ich super vo eu! mir sind au erst 23gi! macht überhaupt nüd. aber je weniger geld du zu verfüegisch gesch desto meh ziit muesch investiere zum sueche.

ich möcht a eusere hochzit zum bispiel kein DJ. Aber e Band chost 4000.-. Das isch mer ztür. jetzt han ich e aleinunderhalteri ffunde wo 1600.- für de Abig inklusive Spese chostet. Isch für mich e mega gueti lösig und chost au nöd all zu viel. Ha aber u lang gsuecht will ich kein alte ma ha wele...

chund scho guet ;)

Zuletzt bearbeitet am 22.01.13 14:11

@squshy-fishy also 155 nur für esse oder inklusive getränk?

also mit getränk isches en guete pris! mir hends gseit ich mös mit 1 fläsche wi pro abig pro person rechne! also wis und rotwi zeme git denn 1 fläsche :). aber das sind ja im restaurant sicher scho 60.- pro person! und denn hesch no normali getränk.... also stürste uns unberechebare sind getränk... da han ich chli angst...

git sicher au menüs für weniger als 80 franke... chund chli drufah was ihr wend...

Zuletzt bearbeitet am 22.01.13 14:46

nicht registriert

Denn darf ii wohl nixx sägä, will ii dene 155.- isch praktisch alles debii: Esse, Trinke, Probeesse, Übernachtig für Bruutpaar, chliines Wellcome-Apéro, Hochziitstorte, Menükarte und Tischdeko. Cha meh dem Agebot traue?! Und für en chliine ufpriis machets au tischnamenskarte. Aber ebe, miin GG traut dem Zeugs gar ned. Miis Mamii isch aber Trauzügin gsii, bii öperem wo dert ghürotä het. Und es seg traumhaft gsii (und nonig sooo lang her, wiä meh jetzt chönt meiine). I denk, denn lont sich's zum da Mol go aluägä

Wellcome Biber! Leiider kaii Tipps. Do griiffet mir uf Fründä, wo musikalisch begobt sind, zrugg =D

@squishy-fishy:HIE zb hets vil Tipps, odr DA. Mir hei üs zwar es eher grössers Budget gsetzt, aber mir wette das eigetnlich nid erreiche, darum luege mr oh, wo mr choi spare und wo nid, wil alles wo füürig blibt, wanderet is Flitterwuchekässeli Mis "Problem" isch eifach zur Zit no, as ig alles wett ha und nonig so weiss, uf was ig eigentlich oh chönnt verzichte S Beschte Bispil si grad es Candy Buffet und Stuehlhusse. Finge bedes mega toll, aber würklich notwändig isches nid... mau luege...

@Menu-Chöschte: Ig bi o immer uf Priise gstosse vo 150 bis 200.- odr sogar höcher, aber das isch halt gsi, wil me bir suechi meischtens eher uf die türere, HZ-typischere Restaurants stosset. Das wo mir jetzt im Aug hei, hätti zB niemals ergooglet, sondern has hie im Forum ufgschnappet und das isch de scho bedütend günschtiger.

@Getränk: finge das no schwierig zum abschätze, wie tüür as das wird. Ha scho ghört, me söu glich vil wie fürs Menu oder ei Fläsche Wi und ei Liter Mineral rächne. Aber ebe, was isch de wes vil Biertrinker het oder vil, wo müesse fahre? Vilich isches aber möglich e Getränkepauschale uszhandle, de het me emu kei "bösi" überraschig!

Mir hei üs oh no Catering überleit. Hei e Location gseh, wo me d Getränk über si muess bezieh und drfür si si mega günschtig. Aber ebe, dert falle de no Mietchöschte a (zT muess me sogar e WC-Pauschale pro Gascht zahle!) und bim Catering muess me dr Service de no rächne und evtl no öpis für ufbau und ufrum-arbeite.