| Bräute 2014 |
|
|
1 .. 260 .. 518 519 520 521 522 .. 760 .. 997
|
28.11.13 15:13
squishy-fishynicht registriert
|
Re: Bräute 2014
Guuuätä Namittag mitenand,
Gell meh merkt scho, dass es mittlerwiile es paar Untergruppe vo 14er Brütlis giit. So chum ii wenigstens guät nachä mit lese 
Lil.lian: Scho chlii en witz: Hot-Iglu und denn hend ihr gfrore… I luäg mal miit miim GG, was mir das Jahr wönd machä. 
I ha eiigentli au sehr wenig Kontakt mit miim Gotti. Aber irgendwiä find iich, dass ich als Kind sehr viel bii ihre ha dörfä sii etc. drum hend mir sii jetzt gliich iglade. I weiss ned, uns isch das no wichtig, dass d'Familie debii isch. Will mir uns jo so gegesiitig in unseri Familie ufnehmet. Aber mir hend natürli für dä Abiig und s'Esse grossi Unterstütziig, vo dem her chönt mir bii dä Iladig dä finanziell Aspekt total usblende. I glaub, das würd sus no viel usmachä.
Uf därä Siite hets echt wunderschöni Biilder. Werum würdsch es nöd so hiibechooh? Ich persönlich finds eiifach schaad, dass keii Fotis druf sind. I liiäb Karte mit Fotoooos  Aber das isch gschmacksach  Viellicht isch das was für eu: http://www.minted.com/wedding-invitation-minibook-cards
Malinchen: Putzhändsche?  Giit jo au pinki Putzhändsche, viellicht chunt en Gast mit dem  I wiirds eiifach mal in dresscode hiischriibe. I cha eu jo denn briichtä wiä dä Rücklauf gsii isch.  Tanneböiimi sind kuul, ii wott denn umbedingt eiins imene Johr, wenn mir endlich zämä eh Wohnig hend
Pfingstrose: Was Kuunde will er Ilade? Gots no, diä hend jo also würkli nüd meh mit eu z'tuä…
I finds aber meega wertvoll, dass du und dii GG eu einiig sind und dass er eui Meinig gegenüber sinä Eltere vertritt. (So hend mir das gad im leschte Ehe-Kurs bim Pastor glernt ) Es isch eues Fest und fiiret das so wiä iihr möchtet und mit dene Lüüt wo eu öpis bedütet!
Erinneret mii so ah How I met your mother, kennet ihr das? Bii dä Lilly und am Marshall hend au d'Eltere meega driigredet und schlussendlich hends gliich ihri chlii Privathochziit dörfe fiire
Nala: Schön gots berguf bii diir! I ha gad chlii güügslet uf dä Siite. I finds no kuul und meega persönlich. Giits denn au Beratig defür oder chan meh das "nur" im Internet machä?
Ich finde diä erste beiide Ring schön! Diä leschte zweii entsprechend nöd so miim Gschmack. I mag das extrem zweiifarbige amigs nöd so. Aber so auch jedem das seine! Sind diä vo diiner Page?
Lula: Wenn ii jetzt so über da Liied nodenke, isch sentimental wohl s'falschä Wort. I froii mii denn so uf dä Taaag und irgendwiä find iich's eiifach passend Bis au hüt no immer wiider am loosä. Mii GG findets eiifach kitschig Wooow, scho glii erreichet iihr d'hundert Tag grenze. Wiiä fühlt siich das aah? Wenn ii nur scho dra denk, dass mir irgendwenn diä Grenze erreichet, chriiblets überall ii miir
LaMariee: Viiiel Spass aah dä Modeschau. Viellicht verguggsch dii gad in es Kleiid
Munggi: Happy Birthdayy, Alles guäti und ä dicki Umarmig zum Geburtstag! Viel Kraft und Froiid im kommende Johr, wo doch so einiiges schöns passiere wird! Jetzt bisch so jung, wiä du jung wiirsch sii aah diim Hochziit. Das han ii am miim Geburi soo eh schönä Gedanke gfunde
Malinchen: Gratuliiärä zu euem Jubiläum! So schön hend iihr's chönä gniässä und chunsch gad wiider in es Höch. I gspür au eher es höch. I denk bii mir het da fest mitem nöchä Johreswechsel z'tuä. In 34 Tag chönt mir all sägä: "Mir hürotet das Jahr"
Mersii für diis Engagement bim Bruuttreffe! Wer soo suuuper wenn's klappt!
Ez hesch eh to-do Liiste und scho glii wird eins nachem andere abghöcklet.
Pricana: Miir hend Catching Fire gugget. Ebe, so eh chlii en Teenie-Film
Ha bis hüt no niiä diä Homepage gseh. I find d'Föteli au meega schöön und romantisch. Und wenn's priislich für eu in Frag chunt, denn schnappet sii eu
Sue: Das find ii richtig schöni Hochziitsschueh! Schön dass siich dii GG au drin wohlfühlt! I muä sägä, ii find es giit Kleiidig für dä Maa, wo ii miir amigs dä Buch hebe muän vor lachä, wenn ii miin GG drin vorstelle. Will's eiifach ned passt. Aber so en Schueh isch edel und gliich nöd kitschig!
d'Idee mit dem Kalender find ii voll herzig. Wer weiss, viellicht schenk ii ihm das als Hochziitsgschenkli? Find ii also gad ä hammer Idee!
Me: I wär voll im Hochziitsfieber und vor allem hend mir welle unseri Kärtli aah Wiähnachte usegeh (denn chönt mir viel Porto spaare). Aber irgendwiä gsehts nöd so roosig us. Bii dä Homepage sind mir no niirgends, Kärtli hend mir au nonig fertig und ez chunt diä Ziit mit Gschenkli und Semesterendsarbeiite. Ojeeeeh  Mengmol wünscht iich, ii het en Fast-Forward-Knopf. I bii sooo ungeduldig
Wünschä eu eh guätä Namiitag!
|
|
|
|
|
|
|
|
28.11.13 16:24
nala05 
|
Re: Bräute 2014
@pricana: danke, s goht mir widr besser. :o) hesch s wellnesse gnosse??
aso ich find föteli eigetli no schön, wär aber nid unbedingt mini ersti wahl (wil es het e paar drunter wo mir nid soo zuesage) aber wenns für euch stimmt den isch doch super!
welles paket würdet ihr de welle näh? wil die einte sin jo gar nid am wucheänd buechbar..
@pfingstrose: jo i ha dänkt d armchetli vo thomassabo eifach den nur mit däm ahänger. meinsch das passt nid? hmm.. 
was stellsch du dir den ring vor? aso ganz ehrlig gseit.. am liebste hätti ein vo rundume diamante hätti ;) aber das würd unser budget biz spränge glaubi, muesses vilicht mol luege prislich bewegt sich öpe zwüsche 2000-2500 für es ringpaar.
jetzt bini grad so unsicher..  was woti eigetlig?? hihi
@lil.lian: hihi gäl i hät jo au scho meega viili ahänger, aber i find immer widr ein das mitem perlechetteli findi e mega schöni idee, würd sicher toll usseh!
ah jo wäg de iladige, wens würdsch so binde, hätsch jo den au fast minibooks :) das bekunsch sicher ane, au programm drzue findsch sicher! mini grössti sorg wär au s drucke.. aber für bis gits jo den no copyshops
@malinchen: ouhh du wotsch au pocketfolds mache? ich nämli au! aber i möcht gärn d pocketfolds sälber mache und de d ilagekartene worschinli bstelle, obwohl i mir au vorstelle könnt alles sälber bastle.
das mit de flachmänner findi cool und wenn dini mädels doch au froid dra hätte wiso nid?!
uf etsy hets nämli wirkli paar mega schöni!
hey so e tolli idee mit de kravatte und fliege, das würd sicher hammer usseh!
@sue: mir gfallt de ring mitem rosa inne au meega, mim gg leider nid so, är findet ihn z unspektakulär, är hätti gärn no e fuege oder so uf sim.. mal luege ob mir schaffe all unseri wünsch z berücksichtige!
die gschänkidee isch den cooool, grad abgspeicheret
schöni schueh ;)
@squishy: gäl, i find au meh merkt das alli id untrgruppe vrschwinde, s isch fast chli zu ruhig do 
nei, meh ka uf däre site d ring zämestelle und das den glaub wie internet as gschäft schicke wo meh den d berotig hätti, bstelle ka mehs uf jedefall online nid. jo die ring sin alli vo däre site, aso ha si alli sälbr zämegstellt.. mir gfallts au nur so zweifarbig wenn meh de s gälbgolde ganz dünn ka mache, susch isch mirs au z viil.
jä das mitem fast-forward knopf goht mir amigs au so, ha grad am wucheänd mim schatz gseit i wünscht mir mir würde morn hürote und den sötte grad e paar joor vrgoh und i wär scho schwanger hihi.. aso wenn dä knopf findsch muesch mir unbedingt bscheid gäh
wo machet ihr de d homepage? drugg euch d duume dases längt mit de kärtli.
@ring: danke fürs feedback. ebe i ha mir ez hüt zmittag no chli gedanke gmacht. eigetli hämir gseit das mir nid meh as 3000 für d ring usgähn, i ha de dänkt jo de vrzichti halt uf es paar diamäntli de ka i das gäld bi de deko odr so bruche, jetzt bini mir aber grad gaaaar nüm sicher. mueses gkaub mitem gg nomol gnauer aluege! zum glück hämir no chli zyt
|
|
|
|
|
|
28.11.13 17:55
sasileu
|
Re: Bräute 2014
Hey Ladies
Zerst mal no Danke [i]lil.lian[/i] für de Tipp weg de Katalög, hans hüt becho und au de Gutschi, hans jo nur weg dem welä
Und dir munggi.... Happy Birthday toooooo you, hoff gnüssischs!
Soo und jetzt mini depri Luune loswerdä...
Also 1. bini echi müed und finds u kalt, aber i überlebs.
2. Gester hend ich und min GG Mail mit de Reisebestätigung für eusi Flitterwuche becho und Rechnig, womer au en teil söllet azahlä...mir hend en schock cha...
Will en totalbetrag vo 12'229.00 gstande isch Und mir hend no kei einzigs Hotel in Amerika, nix gässe und Gepäckgebühr oder Usflug isch au nid debi.
Nacher hemer voller Schock Offerte vom 20.11 füregholt und deht staht Totalbetrag 7460.-
Und au alles mit Datum und Ort ufglistet inkl. dene Hotels wo mir usguecht hend...nur ganz une vode Offerte staht nicht inbegriffen Hotelübernachtungen
Ich und min GG hend de satz total überläse Mir hend nur kontrolliert ob s'gänderte Mietwage, Hotel etc alles stimmt. Und hend gseit seg guet.
Und jetzt isch das alles 12'2229.-
Das gaht absoulut nid!!! Hend den grad es panikmail verschickt, vowege mir hoffet sie heg sich vertippt aber das gaht nid. Sie het den hüt Morge aglüte. De Fehler isch uf beidne Site passiert, sie het eifach alles scho ufglistet cha das ihre nix abhande chunt und het nid denkt dasmer de underi Satz nid gsehnd und mir hend nie denkt das sie eus sowas buecht da mir bide Besprechig bi ihre ihm Reisebüro zerst emal es anders fertig zämägstellts Paket agluegt cha heget für ca 3000.- und mir datsmal klar gseit hend eusi Grenzi für beidi zämä liegi bi 12'000.- womer fix buechet. Und sie het hüt morge zuegeh das sie sich jetzt wonis seg wieder erinnerä mag, sie heg irgendwie ide letste Täg im Kopf cha das seg pro Person Budget
Ufjedefall simer jetzt echi ide Scheisse, will Flug, Hotel, Auto alles buechet isch und annuliere glaub nid sehr günstig chunt und ich und min GG wüsset momentan grad gar nid ob mir eifach nur uf Hawaii gönd ohni Amerika oder ob mir nid glich was ganz anders söllet bueche...ach scheisse scheisse scheisse....
Sorry für Usdruckswiis aber isch jetzt echt verschisse, bi grad nüm so fan vo Globetrotter, will klar ischs euse Fehler aber sie als Beraterin söt doch au echi mitdenke emer e Budget-Grenze agend...vorallem findet sie hüt am Telefon..Hawaii seg ald es türs Pflaster,Das het sie eus na nie gseit.
Also ich weiss momentan echt nid was mache, i weiss nur dasi sicher nid mis Budget ufstocke. I mein 6000-7000.- sind gnueg pro Person, meh als gnueg. Ussert ich het jetzt im Lotto gwunne den heti glaub das Geld investiert.
3. Mini S**** Magnet sind immer nonig da, die doofi wot mi glaub verarsche!
Am 12.11 het Sie mir gschriebe dases ihre Leid duet weg der verzögerige, ufgrund vo Krankheit segets nonig bi eus, aber sie werdet jetzt produziert und nach 12Täg hegemas und uf mini Wunsch dases gern no vorem dezember wot verschicke het sie gmeint das bestimmt alles no im November gaht. Ich hüt voller Hoffnig an Briefkaste und was isch gsi....nix
Am liebste heti grad es Mail losgschickt, ob sie sich cha vorstelle das ma am Fritig muess schaffe und weni morn Obig heichum müssti jo den morn oder am Samstig(woni schaffe) au zerst alli Kärtli no fertig mache und den chanis erst uf Post bringe und am Sunntig seg de 1. Dezember!!!!!!!!!!!
Ahhhrggg.... Aber was bringts, wenis morn Obig nid ha schicki glich e unfründlichs Zicke Mail los....wie seget ihr so schön Brautzilla in rasche
4. Mis Brutkleid flügt immer no im Kopf ume, was jo irgendwie schön isch aber irgendwie hani denkt das ganze isch eifacher, aber i bi ebe allgemein nid immer so mega schnell sicher bim shoppe, meistens kaufi eifach und probiers dihei nomol und denk den glich mhmmm nei glich nid, aber seb gaht bim Brutkleid schlecht
5. öbis chlises erfreulichs hani, aber irgendwie hebts mini Luune au nid mega ah...
Eusi Ehering sind fertig zum Probiere, damit mir chönd Gravur bestätige/mache und ich derf no ussueche wo ich Brilliante igsetzt ha wot
6. Min GG het mir gester no es Blüemli heibracht, eifach so zum segä daser mich liebt und au zum mich echi besänftige willi die letste täg echi gmötzlet hat vowege ich will mich nid ällei hürate, mir wohnet zämä ide Wohnig er derf au putze und so witer und so fort....
ihr merket bi mir sind Winterdepressione acho....
Sorry ihr liebä für de mega langi Ego Post...aber hans mir schnell müessä ab de Seel redä....
[color=purple]I han no was wegem Bruttreffe....ich söt endi Dezember mini Februar Dienstwünsch igeh....i wer froh wemer bis den es Datum gfixet hetet:[/color]wink:
|
|
|
|
28.11.13 22:39
squishy-fishynicht registriert
|
Re: Bräute 2014
Guätä Abiig oder scho fast Nacht mitenand
Lula: Woow, jo da isch würkli es wunderschöns Liied für dä bsundrig Moment. I chas mir gad meeega guät vorstelle! I gspüür d'Romantik gaad
Naii naii, iihr vergesset nixx. Für das giits jo hüt da Forum. Das würd eu scho mol druf aaspreche so vo wege (zum Bispiel) "und wa für Bluämä" oder so
I zwiifle im Moment recht, dass mirs uf Wiähnachte schaffet. Mir müänd dä Entwurf no fertig stelle. Denn wills mini Mum no emene echte Designer zeiige und nafrage und denn Musterkarte und denn dii echte. Wird halt scho recht knapp Ha ehrlich gsaiit nöd demit grechnet, dass da so laaaang brucht.
Nala: So wiä ii weiss, sind diä Käteli recht schlicht? I chönts mir no guät zu jedem Brautkleiid vorstelle. Dä restlich Schmuck müässt eiifach passe? I fänds meega herzig, so wäret ihr mitenand verbuunde. Find iich eh meega schöni Symbolik!
Mir machet d'Homepage uf crazyinlove.ch I finds sehr günstig und gliich meega guät! Chas also nur empfehle! Wo's mol chlii gspunne het, hend sogar Betriiber mit uns Kontakt ufgnoh und mir ned mit ihne (so halt per Mail). Also echt daumenhoch!
I meld mii, wenn ii dä Knopf endli gfunde han. I het en scho paar Mal brucht…
Pfingstroose: Gratuuliärä zu eune Kärtli! Suuuper, dass eu so gfallet. Darf meh echt es Foti gseh?
Ojeeeh, ii ha au s'Gfühl ii han ii dä leschte Ziit oft Kopfweh. Liit wohl au am eher düstere Wetter.
Wünsch diir guäti Erholig. Jetzt isch ja glii Wuchenend, viellicht wiirds denn besser?
Sasileu: Ojeeh, wo ii diin Bricht glese han, bin ii gad au chlii depri worde. Gad so viiel uf eiin Schlaag.
Diä Rechnig vo Globeltrotter, find ii also au recht komisch.. Werum machets so eh halbpatzigi Offerte? I cha guät verstooh, wönd ihr eues Budget nöd erhöche! I hoff ihr chönt eh guäti Lösig finde! Und denn diä Magnetli. Immer nonig dooh?! Find ii also au chlii frech vo dere Person… I druck diir mini beiide Düüme und Zeche, dass morn chömet! Und sus nenn ii das mol nöd Brautzilla, du hesch s'Recht uf bstellti wahr! I denk, du darfsch diir au viiel Ziit looh bim Bruutkleiidshopping. Gang mehrmals diis Kleiid go aluägä und nomol anderi go alege. Denn wiirsch gspüüre welles diis isch. I druck diich ganz fest und denk aah diich. Es tönt nöd eiifach bii dir! Heb diich fest am guätä, diin GG wo Blüämli bringt und d'Ring wo iihr dörfet go aluägä goh!
Me: Mir sind hüt no im Lagerhuus gsii. Es entspricht eigentli total nöd unserer Wunschvorstellig. Mir möchtet ja gern dä Gäscht Freiilauf ermögliche mit Garte oder Terasse und das hends schomol nöd. Aber dä Florian (dä het mit uns Duzis gmacht ) hets uns so guät verkauft. Usserdem hets en Töggeilchaste. Also ii find das meeeega witzig Jetzt fallt uns d'Entscheiidig für dä Kursaal gad nomol chlii schwerer. Wo wär jetzt eue Favorit:
http://www.kursaalheiden.ch/index.php?id=148
http://www.restaurantlagerhaus.ch/bankett.asp
Mir bechömet im Verlauf vo dä nächst Wuche, diä gnau Offerte vom Lagerhuus über. Denn werdet mir uns entscheiide und denn chan ii endli eu definitiv Bscheiid geh, für was mir uns entscheiidet. Mir machets spannend
Wünsch eu allnä ä guäti Nacht! Biis morgen
|
|
|
|
29.11.13 08:26
malinchen
|
Re: Bräute 2014
Juhuuu liebi Mitbrütlis und TGIF!!!
@sasi: oh nei du armi!!! Das chönnt gad ig si - mir wär das sicher ou so passiert mit derä Offertä. So doof!!! Immer das blöde Chliidruckte... Was het de die vom Reisebüro när gseit? Het sie öich irgendwelchi Vorschläg gmacht wie dir das chönntet löse? Oder müesst dir jetz eifach zahle?
Und wägä dä Magnetli wäri also ou sauer... Geit ja gar nid!!! Würd derä also ou gad nomol schribe...
ooh, i möcht di gad ganz fest drücke! So sache si eifach doof und vermiise eim die ganzi schöni Hochzytsstimmig! Lah di nid lah abezieh, ds wichtigste isch, dass du di GG darfsch hürate a däm Tag und das wird garantiert passiere, egal was jetz alles scheisse lauft...
ou das wär ja super wenn du ou chönntisch teilnäh am Brutträffe, i dänke bis denn chönnte mir scho es Datum fixe! Villecht trage sich jetz no paari i und de dueni ds Doodle när so mitti Dezember schliesse... Mache mir gad ä Erinnerig im Handy.
@nala: i ha mir zersch ou überleit d Charte ganz sälber z mache. Aber i ha mir när dänkt, dass es villecht sogar günstiger isch, wenni d "Hülle" fertig choufe... Aber i ha ehrlechgseit no nid gluegt wo dass igs würd bstellä.
@pfingstrose: ou cool dass öies Chärtli so isch usecho wie dirs öich vorgstellt heit!!!
@Squishy: ouuu, das gseht würkli ou cool us!!! Aber du hesch vom Kursaal viiiiel meh gschwärmt nach öiem Träffe... Und ds Argument wägem Garte/Terasse fändi scho ou wichtig. Ä Töggelichaschte chöit dir ja villecht irgendwo miete?
@me: GG und ig si gester zämä go ässe und hei ändlech mal wieder chli zyt gha zum übers HZ rede... Mir hei üs jetz definitiv fürds Crépe-Wägeli und gägä ds Glacewägeli entschiede. Due de när gad schnäll ä Offerte afordere vo de Crépes... Usserdäm luegi mal, ob mir no sones runds Zält wei lah ufstelle bim apéro, wo de ds Konzert vor Band drinne chönnt stattfinde.
|
|
|
|
|
|
|
|
29.11.13 09:35
malinchen
|
Re: Bräute 2014
@Pfingstrose: Ja das isch sicher ä gueti Idee, alles per Mail z mache. De heit dir schriftlich was dir ihne für Agabe machet! Es chunnt halt scho schnäll mega tüür die Reise... I ha äbä 0 Erfahrig mit Reisebüros, ha bis jetz immer alles sälber buechet... Aber finde eigetlech ou, dass die ömu nid eifach chöi öpis bueche wo när viel Tüürer isch und när heissts eifach "ups, missverständnis. Aber ja jetz müesst dir halt zahle?!" Geit ja gar nid...
Ja gäll, mega doof wemä so wenig zyt zämä het! Aber das gits halt mängisch und isch ja ou immer schön z gseh, dass e Beziehig ou funktioniert wenns äbä mal nid so optimal isch...
Ig triffe mi hüt mit ehemalige Arbeitskollege zu somnä Revival-Gschäftsässe, mir si denn so es cools Team gsi und hei immer mega spass gha... Fröi mi gad no meh weni das vo dim Ässe gester lisä.
@Sasi: Villecht mal e Brief a Vorgsetzte schribe oder verbi gah u mit däm rede? I ha bishär nur guets vo Globetrotter ghört, hätte ja ou det buechet wenn mir üs nid für die Variante mitem VW-Bus hätte umentschiede... Mi dünkt ou, dass sött jetz no nid sones Problem si das wieder z storniere, die meiste Hotels verrächne ja erst öpis wenn me churzfristig abseit. Und Reisebüros hei doch sowieso spezielli Konditione i so Fäll?!!!
@Lilian: hihi, i ha mi ou scho da im Forum lah astecke mit dr Homepage... Ha zerscht ou keini wöue mache und jetz bini glich ou dranne...
@Crèpes: loooos, mir göh am Brutträffe ine Créperie!!!
|
|
|
|
|
|
1 .. 260 .. 518 519 520 521 522 .. 760 .. 997
|
Anmelden
