Hallöööchen zämä :-)

ich schüsse widermol dezwüschet bi eune Spannende Posts :P.

aber ich cha eu da würkli eifach nöd vorenthalte. han öppis entdeckt und ich finds dä absolute oberhammer. müend eu da mol aluege: http://www.oberlephotoart.ch/portrait-2/#!/delilah-pascal-wedding-video

eifach nur genial...het mi immer wider duregschüttlet und gfrohre. hammer, oder?

hend ihr sowas au vorgseh für eues hochziit? und wiä wichtig sind eu fötteli/Videos?
wieviel gäbet ihr priislich us für dä teil?

bin gspannt :-)

grüessliii

reinschleich (sorry!)

Sasileu: Also das mit dem Globetrotter ist ja wirklich eine Frechheit. Aber bist du dir sicher, dass du das jetzt bezahlen musst? Schliesslich habt ihr ja noch nicht eingezahlt und somit ist ja noch kein Vertrag zustande gekommen, oder?

Ich kann dir nur erzählen, dass wir bei einem anderen Reisebüro für eine 10-wöchige Reise: LA - Hawaii (Big Island) - Hawaii (Maui) - Hawaii (Oahu) - Tokyo - Vietnam (Saigon) - Kambodscha - Thailand pro Person je CHF 11'500 bezahlt haben und zwar inkl. alles, sogar mit einer 1wöchigen geführten Tour inkl. Chauffeur in Kambodscha.

Also bei mir ist in den Rechnungen der Reisebüros auch immer gestanden, dass die Buchung erst definitiv wird, wenn eingezahlt wird.

und somit schleich ich mich wieder raus, hoffe ihr findet eine Lösung!

TGIF mädels!

@pfingstrose: so lustig, die ring wo euch jetzt gfalle, sin gnau söttigi wo für uns vo afang ah nid in frog ko sin gschmäcker sin halt vrschiede.
das du de vrlobigsring bhaltisch findi au mega toll, i nimm min eifach a die ander hand :o)
yeahhh so cool mit euchne iladige!
eures wiehnachtsässe tönt sehr schön! gohts dir den scho biz besser oder bisch immrno so kaputt? zum glück isch jetzt wucheänd, hoff kasch di chli erhole!
vrstandi, das jetzt das ganze liebr schriftlig wotsch mache mitem reisebüro.. isch scho chli schockierend das ganze..

@sasileu: wo ich din post gläse ha, hani grad dänkt oh je du tönsch wirkli mega down! :( fühl di ganz fest umarmt, kunnt alles guet.
wägem reisebüro, ich seh das so wie anderi au scho.. i find das goht gar nid das meh öbis buecht wo vorher nid de ganz priis mit euch agluegt worde isch! i würd do nomol es machtwort ilege! und mir hän au immer erst definitv buecht ka mit dr azahlig (aso bi tui hämir immer nomol is reisebüro miesse alles go abchecke und de e azahligsbetrag zahle, vorher isch no nüd buecht worde)
das mit de magnet goht aso gar nid! wielang het si dich jetzt scho vrtöstet? aso i find do dörfsch du ganz sicher nomol es es mail schriibe, au chli unfründlicher, wil schliesslig het meh termine au für öbis..
kömme mir zum erfreulichere.. i bi au dr meinig das du sicher no paar mol dis kleid dörfsch go aluege und aprobiere.. das isch jo nid irgendes kleid das ischs brutkleid! nimm dir das rächt nur
cool das ihr d ehering fertig hän und s bliemli vo dim gg isch jo voll härzig ;)

@squishy: jep, aso mir hän alli s schlichte armcheteli :) i fänds ebe au no schön, wil das würd worschinli de wenigste uffalle, aber mir wüsste das mir alli s gliche chetlli ahän jetzt muessi mol no für e guete/passende ahänger usschau halte
mir hän unseri homepage ebe scho afoh mache bi jimdo, bi voll zfriede! tönt aber nacheme guete service bi euch
aso mir gfallt de kursaal immer no besser s lagerhuus seht zwar au toll us, aber isch mir persönli fast chli z igschlosse/zdunkel uf de föteli.. has lieber chli heller. bi scho gspannt für was ihr euch entscheide wärdet.

@malinchen: i ha ebe niene die passend farb für pocketfolds bis jetzt gfunde. würd ebe gärn petrolgrieni hülle und d ilagekarte in apricot/koral mischig.. wenn e gueti/günstigi site findsch dörfsch mirs gärn mitteile ha bis ez hauptsächlig die amerikanische site agluegt.
cooooool crepes-wägeli! würd aso au no vrbi ko
Danke no fürs mail
cooli idee mit de "openai"-stoffarmbändeli! wo ane gohts bi euch scho widr in d flittis?

@lil.lian: aso meinsch jetzt d minibooks oder? i find d minibooks uf jedefall au sehr schön, aber die fächeriladige genau so!
ha hüt d ring mit mim gg agluegt und ihm gfallt das mitem rose inne au am beste! de könne mir jetzt den e termin mache zum se go aluege
wünsch dir morn ganz viil spass bim shoppe (hoff has richtig im kopf) und hoff du findsch DIS kleid! bi gspannt uf de bricht!

@fanny: ganz e härzigs video! für uns persönlig isch es video chli z viil, mir fyyre jo au eher im kleinere rahmen. und au mir wän nid sooo viil gstellti föteli sondern au meh chli reportage mässig, das meh au d emotione usw uf de fotene igfange het.
bi uns isch d offerte no offe vo dr fotografin :)

@me: ha vorhär mit mim gg d ring nomol agluegt und är het mol eine zämegstellt. är findet rose inne au no cool und wilich gseit ha dasi doch meh steinli wot het är mol eine gmacht mit ca 12 kleine steinli näbenandr, het super usgseh ha mi grad mega gfreut und den was mach ich doofs huehn.. ha d site ohni speichere zuegmacht. jetzt muessi se nomol rekonstruiere :tongue: sobald i das gmacht ha, machi e termin bim juwelier

schöns wucheänd euch allne!

nicht registriert

Happy Weekend to everyone

Lil.lian: Oooh, veryy niice! Wünsch diir ganz viiel Froiid und Spass und Erfolg bim shoppe. I bii also gspannt uf dii Briicht! Wünsch diir dass du diis Kleiid findsch!
Unseri Homepage ish na eh totali Baustell. Diä chönt miir so nonig zeiige Aber ii frag denn mii GG, ob ii's eu zeiige darf, wenn sii fertig iisch. OK? Ich empfehls würkli vo Herze. Sii isch nöd sooo professionell wiä http://www.ichwuensche.ch (wird immer uf dere Homepage defür Werbig gmacht). Defür find iich's natürlicher und zu uns besser passend. Ihr chönt jo 14 Tag ä Testversion machä. Denn chasch ganz genau luägä ob das was für eu wär!

Nala: So schöön, hend iihr eui Ring chönä designe. Es tönt so, als obs perfekt für eu sind! 12 Steiinli sind also echt hammer! Mir gfallet au liieber voll oder denn gar keiis. Bii also gspannt was denn bim Juwelier ussechunt! Hend er scho en Termin?

Malinchen: Yeah, dä Ziitraffer-Film find iich ja oberkuul. Da isch aber wohl nöd so eiifach zum machä? Find iich ez no besser wiä so eh richtige Film!
Fliessig bisch gsii! So schön, chasch du dini Motivation so richtig usnutze und Vollgas gäh! Crepes töntet suuuper! Isch denn so dä Eyecatcher vom Apéro! Kuuli Sach! Bruutreffe innere Creperie wär geenial

Lula: Darf ii ganz indiskret Frage, wiiä viiel ihr für d'Organistin zahlet?

Pfingstrose: Jaah, findi guät machet ihr das per Mail. Denn hend iihr alles schriftlich, falls irgendwas nöd so lauft, wiä's sött! Schön hesch diis Gschäftsesse chönä gniesse! Was schaffsch de du, dass d'Fraue so in Unterzahl siind?

Me: ihr hend Recht, vo dä Location her het mii dä Kuursaal wo meh umghaue… Aber jo beiidi hend Vor- und Nachteiil. Jetzt warti ungeduldig uf d'Offerte
Hüt hoff ii machet mir chlii aah dä Karte und dä Homepage

Guäääts und erholsams Weekend wünschi euu!

@squishy: I finde dr Kursaal schöner! Isch aber sicher ou tüürer?!

Heit Dir dämfau e Offerte für dOrganistin brcho? Darf i frage wie höch sie isch. Üseri het sogar üsi Liederwünsch entgägegnoh, u gmeint, si guggi ob si dNote brchunnt, u mäudi sech de umi.

e schöne suntig obe zämme! händr alli e schöns wucheänd ka?

@lil.lian: uuuuuund???

@squishy: nei mir hänno kei termin, lueg die wuche dasi ein mache ka.. s isch grad no so viil anders uf dr to do liste
hoff euri offärte kunnt gli. und sin d kärtli fertig? gits scho föteli?

@malinchen: hey so schön sin euri idee so guet acho macht grad freut, vrstandi!
hm i studier jo, mir gön de eifach während de semesterferie id flittis, ka halt de nid go schaffe wie susch immer.. hesch di könne entscheide wie's mache wotsch?

@me: i bi geschter chli uf d suechi nach passendem papier für d iladige.. ha aber leider gaaar nüd gfunde. mir wän jo gärn pocketfolds sälbr mache.. ha jetzt hür nochli recherchiert und e site vo ängland gfunde wo meh si in allne farbe und viilne forme bstelle ka (http://www.pocketfoldinvites.co.uk) sin au zimli billig findi, jetzt weissi nid ob mir si nid gschider bstelle as sälber mache hät doch gärn bastlet! aber wen mir bstelle de würdi sicher d ilage blätter sälber mache usw.. hmpf, bi grad chli unsicher.. würd ebe gärn gli bstelle, wil mir im februar nach de priefige 2 wuche ferie hätte und de könnte mir das grad bastle, dorum hätti bis den gärn s ganze material scho do.