Huhu liebi Brütlis!

Phu i chume wieder chume me zum schriebe hie, aber mitläse dueni immer fliessig.

Mir hei letscht Wuche mi Brüetsch uf Bsuech gha für d Iladige zplane und es isch super gsi, er het üsi Idee guet gfunge und wemers so wiemers plane chöi umsetze, wirds gloub u cool… sini Fründin het e Kolleg wo Siebdruck macht u itz klärt er mau ab, ob das prislech i Frag chiem. De würde mer öpis mit schwarzwisse Föteli mache, würd sicher no schön. Vielech chli unkonventionell, aber zu üs würds u passe.

Für d Bluemeofferte hani itz mau zrügggschriebe, dasses üs mega zueseit und mir sie gärn wette engagiere. De hocke mer äuä mau Ändi Februar/ März mau zäme zum Details plane. Isch ämu o wieder e grosse Punkt womer chöi abhäggle.

Am Friti hani frei gha und mini TZ isch zu mir cho güetzele und he mir e Adväntskaländer bracht, soooo härzig! I ha scho für viu Lüt eine gmacht, aber no nie eine für mi ganz elei becho!

@malinchen: cool mitem Crèpes-Wägeli! De hesch di GG chönne überzüge? Isch doch perfekt für euches Apéro wo ja e Mauzit söu si und faus ds Wätter de nid so schön/warm wär (wasi nech natürlech nid wünsche!), wär Glacé o nid immer optimal...

@Pfingstrose: Cool hesch ds Chleid bsteut und ke Expressgebühr müesse zahle!

@lil.lian: Und?? Chleid gfunde?

@Fara: Oh schön mitem Eutereträffe. Mir wei o mau es Ässe mache bi üs, aber das mues bis nächsts Jahr warte. Hoffe es geit dir wieder einigermasse nach dr Chemo. Itz muesch no einisch, oder? Und heiter scho News vor Wohnig??

@Nala: Wär doch super, die Chärtli der zbsteue? Dir chöit ja immer no e Teil säuber bastle. Aber je nachdäm wärs so sogar günstiger?

Mir si das Wuchenänd zGstaad gsi bi GG's Vater und sini Schwoscht und Haubschwoscht mit Ahang si o cho. Einersits isch u schön gsi, sie heinis no mega härzig gratuliert (sini Haubschwoscht gseh mir nur 1-2 mau im Jahr) und üs dankt für ds STD-Magnetli, es gfau ihne mega und heige mer super gmacht. Das het mi u gfröit. Angerersits heisi de mit dr Zit agfange so Sprüch la gheie vo wäge das sig ja eigentlech völlig übertriebe, für 1 Tag sones Züg zmache und soviu Gäud uszgäh (3 vo ihne si scho mau ghürate gsi und gschiede…) u när gäng dr Tag säuber so schnäu a eim vrbi, dassme gar nüt mitbechöm. Und d Froue übertriebi da sowieso u i chäm de scho no i Stress… O we sie vielech zum Teil rächt hei, ma mi so Züg und es nimmt eim eifach gad chli d Fröid… i bi würklech nid am hypere und mir hei bis itz ke Stress, u wemer das de 2 Monet vorhär glich no hei, mues das ja nid ihri Sorg si. Irgendwie bini itz gad chli down wäge däm, ke Ahnig.

Süsch machi mir no chli Gedanke wägem Apéro, mir hei scho e Offerte wo sehr guet isch und die mache viu apéros bi dere Chile. Mir müesste bis Ändi Jahr def. zuesäge, aber i weiss nid obi süsch no e Alternative söu afrage, auerdings hani ke Ahnig wär… und wägem zivile mäesse mir üs ou gli überlege, was mir aschliessend no wei mache und mit wäm aus ga ässe… isch ja glich o wieder e ziemleche Betrag. Wie machet dir das, göht dir aui aschliessend ga ässe und mit wäm auem?

Wünsche euch no e guete Räst vom Sunnti und e guete Start i die neui Wuche!

Guetä Mäntigmorge wünschi öich allnä!!

@nala: die Site isch würklech cool!!! Mir maches äuä würklech so, v.a. wöus haut scho ä rächte Ufwand isch die Chärtli z falte dass es einigermasse grad und schön wird... Aber mir dües när sicher no verziere mit Bändeli, ev. no mit anderem Papir etc. So chasch ja när glich ou no chli bastle? U d Ilageblätter müessä ja ou nid unbedingt nur us eim Blatt bestah. Chasch ja z.B. ou zwöi verschiede farbigi ufenang chläbe dasses so wiene Rahme git, weisch wie ni meine? I gloub da chönntsch när glich no einiges säuber dranne mache..

@Taeboyana: Hihi, GG isch sehr liecht fürd Crépes z überzüge gsi... Eifacher alsi dänkt hät! Oh, lah di nid la abezieh vo so blöde Sprüch! Mängisch hani z Gfüeu deu Lüt müessä eifach chli ihre eiget Frust uslah, wenn öper anders hüratet... Egal obs isch wöu villecht ihres eignä HZ nid so toll isch gsi, sie inzwüsche wieder gschiede oder unglücklech ir Beziehig si - what ever! I dänke, mir si villecht chli ä anderi Generation Brütlis als ide letschtä Jahr. Hürate isch gloub ä Zytlang halt überhoupt nid im Trend gsi u de het mes villecht lieber chli schlichter ghalte oder het äbä au die Traditione ighalte. Und mir hei jetz total anderi Iflüss, ou scho nur dürs Internet und wei es Fest so gstalte wies üs gfallt u setzä üs eifach düre, löh üs nid lah drirede (oder versueches ömu) und gniesse die ganzi Planigsphase... Lah die Lüt la redä und versuech di uf die sache z fokussiere wo dir Spass mache a däm ganze!

@me: GG und ig si nümme drzue cho gester, d Flittis gnäuer z plane... I mues i 2 Wuche mini Feriä igäh, drum sötte mir jetz de würklech mal drhinder. I bi immer no unentschlosse wie dasis mache wägä de Ferie. I bi äbä fix agstellt näbem Studium u ar PH het me die tolli Awäseheitspflicht. Aber üsi Flittis falle ja eh id Semesterferie, vo däm här muesi würklech nur ufe Job luege... Aber jaa, mir müessä zersch plane wie lang dass mir überhoupt unterwägs wei si und när muesi mir überlegä wasi süsch no alles wett mache. Wöu vor und nachem HZ möchti ja de ou no chli frei u de si de schnäll scho 4 wuche wäg...

Gute Morge!!!

Ganz en guete Wuchestart wünsch ich eu allne!

Lilian: Und häsch du es Chleid gfunde???

Taeboyana: Oh nei lahn de Chopf nöd hänge! Es isches eifach nöd wert. Ich chan dich aber total guet verstah. Mer isch wenn mer selber in Planig steckt vomene Hochziit eifach au meega finnfühlig uf so Ussage. Aber wie d Malinchen gseit het isches mängisch au de Frust vo dene Lüüt. Und so lang ihr das ja selber zahled dörf mers doch au so mache wie mer wott. Userdem sind mir ja nöd die reinste Geldschlüdere und hend alli meh oder weniger es Budget. Es isch eifach amigs unnötig so Sache zghöre. Aber hey is isch bi fast allne so. Vielicht en chline Trost…

Malinchen: Hoffentlich findeter bald Ziit und Motivation zum eui Flittis bespräche. Bi dim Schatz söttis keis Problem sie zum frei neh? Dini Bedenke sind vorallem wegem unbezahlte Urlaub oder hani das falsch verstande? Ich chans aber nahvollzieh will am Schluss wird’s allgemein es recht türs Jahr… D Stüre gheied au no schön vor de Hochziit ine und den no d Flittis bzw. kei Lohn durch unbezahlt. Am beste losisch mal no en Vorschlag vo dim Schatz ah vielicht chund öpis supersmässigs use.

Me: Mir hend nöd so es guets Wuchenend gha. Ich han eifach mal schön viel gschlafe das hät mega guet tah. Den isch am SA min Schatz zu sine Eltere ja go rede zum alles kläre was eigentlich au i.o. gsi isch er sich dän mega spat hei cho. Den sind mir am SO no mit mine Gschwüsterte zäme s Turnerchränzli vo de chline Gschwüsterte go luege isch no herzig gsi. Ächt zum kaputt lache amigs. Und den sind mer wieder hei und hend gredet bis am 8ti… Min Schatz isch sich glaub langsam bewusst das d Hochziit nächher chund. Und er het chli schiss wege de Zuekunft. Wie das alles wir mit Chind. Also nöd wege de Chind sondern mit eusene Familie. Ob sie sich werdet verstah und ob mer den zeme Geburi und Wiehnachte Fiire chan und wie mer das verbinde chan… Will jedi Familie hät ja chli ihri Traditione und er wott eifach sini eigeti. Ja isch chli emotional worde. Naja, jetzt lönd mirs mal ruehe.

Lilian: Tönt doch super. Jetzt weisch welli Richtig und chasch so go sueche. Bin jetzt gad alli Chleider Gedanklich am duregah… Welles du äscht meinsch. Hihi! Aber chani mir irgendwie nüme in Erinnerig rüäfe. Gits es im Internet oder im Katalog? Würd mich mega wunder näh.

Malinchen: Hm, ich chans total verstah. Darum händ mirs versuecht so zlegge, dass es eus nöd zfest ischränkt. Mir gönd ja nächst Dez./Jan. dass mir je 2 Wuche im 14 und 2 Wuche im 15 chönd neh und den hend mir je no 3 Wuche i dene Jahr frei... Wie viel Wuche würdisch den unbezahlt neh? Und wie viel Wuche wend ihr total id Flittis?

Nei eusi Eltere känned sich nonig. Also sie hend sich scho mal gseh aber nöd würklich gredt wills nur zum Abhole vom Flughafe oder so gsi isch. Mir werdet ja beidne Familie Brunch Guetschii uf d Wiehnachte schänke und den mached mir im Jan/Feb „Familiezämekunft“ oder bessergseit Zämefüährig. Sie sind scho eher unterschiedlich aber nöd so dass es nie und nimmer passe würdi.

Es isch ebe so dass mir immer weg gönd mit minere Familie über Wiehnachte/Neujahr ine Hütte i de Berge mit binere Oma und all min Gschwüsterte min Vater und min Stiefvater. Und das ja siit ich ca. 6 bin. Und min Schatz seit eifach er chan sich nöd vorstelle, dass mir den immer säged mir fiired dobe und eusi bedingig isch eigentlich dass mer nume eimal fiired. Ich chan ihn au verstah aber glaube das isch au chli kake zum organisiere. Wenn mir den säge mir fiired in XY es chund wer lust hät und mini Familie isch den amene andere Ort wers ja für mich mega einsiitig nur mit sindere Fam. Er findet eifach den chan ja mini Familie au dete anecho. Stimmt ja grundsätzlich aber irgendwie isches ja au chli doof wenn sie den eigentlich id Ferie fahred um de 21. Ume und den am 24. wieder suscht neumed ane würdet. Wobie mis Mami au scho gseit het sini Familie chönti ja den au cho. Was isch eigentlich au schön fänd. Aber er findet isch ja den mega einsiitig, dass sini Familie quasi eusi Tradition überneh muss. Wasi ja au verstahn will mini Eltere fändet das warschiendlich au nöd so toll. Ja eifach kake, isch mer zkompliziert. Aber mer sött sich ja scho au mal über so Sache unterhalte. Ich hoffe es klärt sich irgendwenn.

Sorry für de langi Egopost… Aber es tut guet mal alles chöne schriebe.

Guete Mäntigmorge mitenand!

Siter ou so müed?? Bi mir isches gad furchtbar….

Lil.lian
De isch sicher guet wennd no nöime süsch geisch go luege! Isch emu scho guet hesch du chli gneuer chönne igrenze was dir öppe gfallt und was nid…!weisch scho wo du no häre wetsch?

Malinchen
De tüet dir ds Crepewägeli no zumne „normale“ apero dezue?
Und was für Bändeli macheter ? für di gladne Gescht ?
Wäris de e müglichkeit dass öpis vode Ferie würdisch vorschaffe weisch uf überzit oder so?

Nala
Wow das si würkli günschtigi Sets uf dere homepage…i würdi äuä gad bstelle wüli dänke es git ja glich no einiges z bastle ou ade bstellte? Und ner chunntder sicher süsch no züg i Sinn woder chöntet selber baschtle defür..?;O)

Taeboyana
Woow gratuliere zum Adventskalender;O) ha eine vom GG becho und muessmi immer zämeneh dasi nid d Päckli eifach gah go ufriisse;O)
Ohje das verstahni…so Bemerkige müesste aube nid si und i verstah mängisch ou nid warum das d lüt nid merke….lah der ja nid d Fröid neh!!

Pfingstrose
Ohje das tönt ja nid so super….aber meinsch nid bi 2ne Familie isch de halt d Frag obme das schafft nur einisch z fyre..? ha bis ize no vo niemerem ghört wo das so wäri….mir fyre scho sit jahre immer am 24te bi mire familie und am 25te bi GGs Familie. Und wender de ei oder zwöi Täg zu dire Familie würdet fahre und ner glich no mit GGs Familie ou no fyre?

@Sue: I bi sit wuche immer mega tot u chume fasch nid usem Bett egal wie lang dasi schlafe. Ussert weni mal chönnt usschlafe, denn bini sicher scho am 6i hällwach. Ha jetz agfange Berocca näh, mal luege obs öpis bringt. Ä Kollegin schwärmt drvo...

Mir düe äuä nur d Crèpe und ev. no so chli Knabberzügs wo mir aber sälber düe bsorge... GG het vom Gschäft ä Charte fürd Prodega, de göh mir de Getränk und äbä so zügs det ga hole, so chöi mir sicher einiges ispare.

@Lilian: wow, das Chleid isch ou mega schön... I ha mis ja ou im Liluca gfunde und die hei also nid ä viel chliineri Uswahl gha als Mery's (z Bern, weis halt nid wies anderswo isch!)... Cha dirs also nur empfähle det no ane z gah! I ha ja ou eher es schlichts Chleid und vo denä hei sie fasch meh gha als im Mery's, det si mir die meiste chli "zviel" gsi.