@nala: oooh das isch ja würklech mega doof mit dine schwigerelterä! I findes würklech ou drnäbä dass sie nid mal d Iladige abwarte und scho irgendwelches zügs aföh uf eigeni fust organisiere. Findes irgendwie ou kränkend, dass sie für öies HZ nid wei das Gäld usgäh für die Übernachtig. (also klar, es git sicher ou lüt wo sich das nid ohni witeres chöi leiste - aber wenn sie ä Transport organisiere gani jetz mal drvo us dass das müglech wär...) Wüsse de die überhoupt dass dr Plan wär när no zämä z zmörgele? Das chunnt ja ou drvo wenn sie eifach aföh organisiere ohni nachezfrage, sie wüsse gar nid wie dir öich das vorstellet.
U di GG isch ja ou super, das im Tram azspräche... Typisch Männer! Versuech di nid z fest ufzrege, i weis isch schwierig. I dänke di GG meints ja sicher guet und er fingts ja villecht no härzig vo sine Elterä dass sie sich so "ibringe". Dänke det müesst er eifach würklech mal klip und klar sägä, dass sie das mit öich (d.h. ou mit dir) müessä abspräche, bevor sie so sache organisiere...
@Littlefoot: oh nei, so doof wägä dr Prüeffig! Finde die ussag also ou chli komisch wäge dr outomatische Schaltig?! Hmm, i gloub i würds riskiere und di nomal amälde. Wenn när düregheisch muesch so oder so no mal vo vore afoh... Und es isch ja oftmals so, dass me bim 2. mal ringer dürechunnt als bim 1. mal. Luegsch dass no müglechscht oft privat chasch ga fahre bis denn! Bis am 19.1. isch ja no meh als 1 Monet.
@Pfingstrose: hmm, i hätt es thema: machet dir es persönlechs eheverspräche oder das wo dr pfarrer vorseit?
nala: ah und das isch für uri ? ha gmeint für basel, sorry. ebe die wänd halt immer hei wils so noch isch mitem auto halt. kenne ja das, hamer ja au mega de chopf gmacht gha zerst..wil ich angscht gha han de trinkt niemert nur eis glas wo muss fahre etc...und ha ebe au eher s gfühl gha dass wenig werded übernachte..sogar vo de junge. aber jetzt nimis easy, die wo wend blibe sölled und die wo hei wänd sölled halt selber luege ja häsch scho recht, wenn sie no gar nid wüssed wer chunt usw, mönds ja nid grad organisiere. :) vor allem d schiwigis chönd ja echt det schlafe das ganze mitem z mörgele findi mega herzig (aso ich wirds nid anebringe, ich wird schlaaafe wenn d chind scho mal nid ume sind haha). ja bi extrem nervös gsi, trotz grober ladig notfalltröpfli haha so cool, die denkt au, die schwizerinne haltet sich scho nid a regle
malinchen: aso de fahrlehrer hät gmeint de expert schribi ja jetzt en bricht und dur de wird de zweit expert niene es aug zuedrücke. und vill privat go fahre isch au schwer für mich, vor allem i de wienachtszit. mit de zwei chind, ständig termine, ferie etc...zudem hani ja wenig lüt i de umgebig ;( aber ich glaub suech mer etz schnell e fahrlehrer automatik. de jetzig hät nur gschalteti autos. und de hät mir gseit, für d prüfig nachezmache vo automat uf gschaltet isch es denn vill eifacher, musch glaub nüme alles duremache
pfingstrose: jaaaa sicher gits bilder wenn ich eis finde :-) aber gaht ja no es paar täg. vor allem freui mi wenn ich d nala dört triffe haha
Nala: Ah so isch das… Dass sie au no gad alli andere involviered findi au nöd guet. Weri au mega sauer. Und den no bevor d Iladige dusse sind. Hm, isch eifach immer es schwers Thema. Gad er den oft sini Eltere alleige go bsueche? Gasch du amigs nöd mit? Ich chan jetzt nur öpis vo mir säge, mengisch bini völlig perplex ab Ussage oder Organisatione aber mängisch au erst im Nachhinein weni drüber nahdänke. Und irgendwie reagieri den au nöd besser. Ich lahn glaub mim Mami viel meh dure. Wo mich jetzt nöd stört will ich sie s Läbelang känne anderstrum nervts mich den bim GG sine Eltere. Es isch doch immer so verzwickt! Du anderersiits sind den sie scho diheime und ihr chönd mit em Agnehme Teil Zmorge ässe.
Littlefoot: Chasch garkei Verlängerig beanträge? Das chans doch fast nöd sie? Suscht würdis imfall au mit em Automat riskiere. Chan verstah dass es nervig isch wege de Koste. Vorallem gad jetzt. Schöne Seich…
Also kurze Bricht: Ich bin hüt Morge na is Chez Janine mit mit Mami und ha deht en Termin cha, ha aber nur 1h abgmacht willi nid ha welä zahle und eigentli jo gwüsst ha wasi so wot.Also ich han deht au mini 4Kleider derfe azieh und Beraterin isch au recht nett gsi aber also die Hube wos dir über de Kopf stülpet findi ehrlich gseit sehr doof. Egal ufjedefall hani im Chez Janine kein neue Favorit dezue becho, ha deht eifach das gliche vom Liluca namal chöne azieh und nacher hani eigentli welä is Mery das mega Prinzessinekleid azieh und seb kaufe....han aber den na es Kleid mit Spitze aprobiert wo neui cho isch au vode Kollektion 2014, sie heget letst wuche no 2becho, somit sind jetzt all Tüll Kleider vom 2014 ume. Han zerst das azoge und den Prinzessine Kleid und seb isch dasmal eifach herzig/verspielt/prinzessine-like gsi aber scho sehr viel und den hani aber gmerkt das ich mich mit Spitze glich meh gseh und woni den no de Schleier cha ha Ich wird jedoch nebst de grössi sust na e apassige mache....min Herzusschnitt wird es bitz meh betont UND ade kante vom Herzusschnitt wirds es paar Glitzerpaillete mit so glasperle geh. Jeah...Ich ha glich es Kleid gfunde mit spitze, tüll, corsage und da ich gern echi meh Glitzer het wird seb no gmacht
I henk eui nacher am Schluss Bilder ah, deht debi isch das Kleid vom Liluca, zeigs eui glich mal na....seb sind Paillete wo silbrig schimmret...den zeigi eui es Bild usem Internet, deht münder nur Corsage aluege seb isch ziemli gnau die glich wie vo dem woni eui immer verzehlt ha usem Mery und denn zeigi eui mis Kleid...bitte nid mini Mimik bewerte, i bi total müed gsi trotz Brutkleid probiere hend die letste Schichttäg ihri spure hinter loh
Sasileu: Ich hand as Chleid au aprobiert!!! Hihi! Ich finds sehr schön... Gfallt mir super und es staht dier viiiiiiiel besser wie mir. S Gsicht isch so verschwumme druffe dass mer dini Grimasse nöd gseht. Häsch dich dämfall wohl gfühlt? Und wie gseht das Priislich us weni fröge dörf? Häsches gad bstellt?
Das vom Merys mit de Corsage wer mir persönlich jetzt ächt too much gsi. Da findis mit Spitze viel schöner.
@malinchen: i weiss gar nid ob si unseri idee mitem zmörgele kenne, jetzt isch dr zug eifach abgfahre hihi ha mi mittlerwile widr chli beruhigt und find jetzt das es mir eifach glich isch was si mache oder nid mache. i wird hüt obe mim gg sage das ab jetzt gön keini infos meh use bis zur iladig hoff das klappt! jo gäl typisch männer! mi gg isch jo susch scho e mega schatz und i ka mi wirklig nid beklage, aber das isch so typisch, immer alles so no schnäll vrzelle dases vrzellt isch ehevrspräche: ich hät irgendwie gärnes ehe vrspräche, finds no härzig. aber i ka mir guet vorstelle dasi den e blackout ha oder susch kei wort meh usebechum. i find bi 4hochzeiten das immer so schlimm wenn si schluchzend und nach luftringend vrsueche das vrspräche anezebecho. und i bi susch nid so de freudetränetyp, aber bi de hochzyt sin glaub d emotione scho übrwältigend und wenni den so öbis anestammle mues bi aso au no chli unschlüssig. mi gg hät sowiso lieber keis (widr eso typisch) und ihr???
@littlefoot: yep für uri.. ich nimms jetzt au easy hani beschlosse, s ischs nüm wärt immer mini närve z opfere aso i dämfall würdi glaub au vrsueche das mitem automat no anezbringe.. wil so wie's tönt würde si dir bim 2.mol dämfall nid grad "hälfe". hoff skunnt so wie du dir das dänksch! hey i freu mi ufe samstig au di z träffe ;o)
@pfingstrose: jo du hesch scho rächt, i dänk au das mir viiles bi sinere familie schnäller in chopf stiigt. es goht mir au so dasi oft ab sache chli perplex bi, au ame erst im nochhinein.. aber was unser hz abelangt hani dänkt wärde si uns eifach mache loh, susch mische si sich ame au nid gross dri, eher mini familie. aber jetzt ischs wirkli total umgekehrt! mis mami frogt zwar sco oft noche ob mir das und jenes scho hän, aber si seit ganz klar dases unseri hochzyt isch und mirs mache sölle wie mir wän. mi vatr frogt nid zu viil wil är mit de schwigis keini konflikt wot ha für de fall das är öbis wüssti wo si nid wüsse (het mol am afang e riise drama gäh) und mi schwöstr isch TZ, das isch de nomol was anderes.. es isch wirkli amigs meeeeeega vrzwickt!
@sasileu: danke für de bricht, hoff hesch di mittlerwile vom shoppe und schaffe könne erhole bzw. gönnsch dr e gueti erholig! kleid: es seeeeeehr schöns kleid hesch du do usgwählt! Stoht dr super guet und es tönt as hesch wirkli DIS kleid mit spitze, tüll, corsage und spitze! so toll!!
Nala: Sooo schön, am Samstig isch es so wiit und du chasch go shoppe. Cha diir so guät nafühle. Isch siicher es tolls Gfühl! Dä Geburtstag chunt ja all Johr wiider und Hochziitskleiidshoppä gosch nur eiimal im Lebe. Vo dem her, isch jo dini grösser Vorfroiid berechtigt Ooooh ii wär wohl in Träne usbroche, wenn mii GG saiit, mir müänd ja ned zämäfiire Wiä bisch du dermit umgangä? Was eiifach so dä Heimtransport organisiere. Find ich also gar gar gar nöd recht! Will für miich isch das so es no-go… Je nach dem isch denn ufzmal eiifach d'Luft dusse… Wiä stot denn dii GG dezue. Sus chöntet ihr dere Firma jo eiifach sägä, danke aber d'Bestlig vo dä Eltere wönd mir nöd! Aber echt… Cha ii also gar nöd novollzieh, d'Handlig vo dini spe-schwiegerleltere. Seii umarmt! Schaad, weg dä Fotografin. Us wellere Region bisch denn du?
Lula: Ja stimmt s'Üebe giits ja au no… Und da isch wohl binere Orgle chlii umständlich. Diä isch nämli jo nöd dehaii… Naja, jedefall isch sii buächät
Pfingstroose: Bii und isch das au soo ähnlich gsii. Mit dä Grosseltere hend mir usse go laufä müässä (ja müässä !) und ii dere Ziit isch s'Christkindli chooh, het d'Kerze azündet, Gschenkli brocht und und und… Isch würkli öpis schöns! Wird denn diä Tradition bii diir und siinä Eltere dehaii nöd duuregführt? Sus chämts Christkindli eiifach dert hii? Aber wenn ii so denke, iich als Kind und all mini Fründinne hend ja bii sich ii dä Familie gfiiret. Irgendwo müänd doch noii familie-interni Traditione entstoh. Da isch jo au bii diine Eltere so gsii, wo sii Family gründet hend. Cha mir sehr guät vorstelle, dass do eh Lösig giit. Kommt Zeit, kommt Rat, denk ii mir.
Lil.lian: Unseri Verkäuferin hets genau umgekehrt gmacht. Schönst am Afang, damit mit somene richtige guätä Gfühl startisch. So chunt niä s'Down "ohh neii, es giit keii Kleiid für mii" sondern immer "da isch es halt nöd, aber s'erste isch ja defür dä haaammer gsii " Find ii gad no lustig, wiä d'Verkäuferinne unterschiedlich sind. Do giits demfall keii allgemeins Konzept Dä Samstig gosch go shoppä? Wunderbaar, denn ghöret miir gad zweii Briicht und gsehnt gad zweii Traumkleiider!
Fara: Welcome back! Es isch immer wiider schön z'lese, dass bii diir berguf got! Tiiefi Bluätwert? Was heiisst das denn gnau (wenn ii so mit dä Tür ins Huus fallä darf?) Ich, ich, ich würd uuuh meeeega gern eui Föteli gseh! Und wenn iihr eu mit dä Fotografin treffet und s'Föteli giit, denn gad bitte au Danke! Druck diir fest dä Duume, dass ihr d'Wohnig findet! I find das so spannend zum mitverfolge. Will ii paar Mönet, müänd mir uns ja au mit unserem zuäkünftige Wohnsitz beschäftige.
Littlefoot: Sch*** ii ha diir doch so Duume drückt! I weiss gad au nöd, viellicht nomol Versuächä. Will dä wo nöd nomol versuächt, het scho verloore… Aber falls da hilft, biisch no lang nöd dii einzig wo s'erst mal ned bestandä het. Mii schatz isch au 2-3 Fahrlektione später nomol gangä und hets denn gad bestande. Liit wohl au eiifach dra, dass so eh Prüäfigsalag sehr ungwohnt isch und meh nervöser isch und denn anderst reagiert. I ha au scho ghört, dass Ende Jahr schwieriger isch zum bestoh (will's ihri Raate müänd biibhalte). Viellicht gots Afangs Johr besser? Eiifach so reiin statistisch, lönds eiim anschiinend duuregheiie (alles so tratsch und klatsch, aber wer weiss, viellicht hets was) So kuuul, am Samstig giits en Shopping-Marathon. I bii also au uf diis Kleiid meega gspannt! Also wenn Ärger wege 3 Lüüt bechunsch, denn het diä Beraterin eiins aah dä Meiise oder isch eiifach waahnsinnig unflexibel! Aber ii glaube, das wird chum dä Fall sii.
Sasileu: Hammer und wunderschöön!! Gratuliiärä diir zu diim Kauf! Finds suuper, wiä du diin Tag beschriibsch und uns alli Kleiider nomol zaiigsch. So chan ii diir sägä, woow du hesch es echt troffe. Für s'beschte hesch diich entschiide!
Eheverspreche: Mir wönd uns umbedingt gegesiitig es Ehe-Verspreche geh! Das liit uns wirkli sehr am Herze. I würds gern durchtdacht aber ganz freii machä. Aber cha mir au guät vorstelle, dass ii nixx usebringe. Wenn ii nöd iischlafe cha, tuän ii immer scho chlii überlege
Me: Unseri Musterkarte isch bstellt. Am Donnstig chunt sii. I hoff es isch so wiä's mir wünschet, denn stot zur Verteiilig aah Wiähnachte nixx meh im Weeg! Yiiipiiiiiih!
Meine Frage in die Runde: Mini TZ chömet immer und sägät, sii hegget so no nixx z'tuä. Sii wisset nöd was mir vo ihne momentan würdet wünschä. Denn muä ich sägä. I wüsst jo au nöd, was ihr scho tuä chöntet. Sind eui TZ scho jetzt voll im Isatz und was machets so? Oder chunt das au eher denn kurz vorem Hochziit?
@littlefoot: ah ok... hmm, i weis halt ou nid rächt! Aber das was squishy schribt stimmt imfall scho au chli, wägä dr quote und generell löh sie halt bim erste mal weniger loh dürecho als när bim 2. Also i würds äuä ächt riskiere. Aber gäll das muesch du wüsse, wenn jetz eh unsicher bisch und lieber no chli lenger zyt möchtsch ha zum üebe, de würdi halt dr L no mal mache!
@sasi: Danke viiiiiel mal für dä cool Bricht und die vielä Föteli! I finde also au dass du dich genau richtig hesch entschiede!!! Es gseht würkli meeeega schön us a dir das Chleid!
@nala: ja das findi ou ä gueti idee, dass keini Infos meh witergäh wärde! Findes also immer no d Höchi... Hoffe es klappt i zuekunft besser und muesch di nümme närve!
@squishy: ou cool, das isch ja jetz glich no rasch gange mit öine Chärtli! Hoffe fescht dass sie so si wie dir öich se heit vorgstellt...
Wäge de TZ ischs bi üs so: Mir hei ja vor paar Wuche es Träffe gha und hei ihne det so chli die erschtä Ufträgli chönne übergäh - aber vorhär hei sie ou no nüt z düe gha hei aber die ganzi zyt gfragt. GG het när gfunde, mir müessä ihnä jetz würklech mal öpis überlah zum mache, süsch vergeit ihne de plötzlech d Motivation Jetz hei sie dr Uftrag es Konto für üsi "Gschänkzahlige" vode Gäst z eröffne (mir hei nid eis wöue agäh wo mir scho hei - isch ja nid luschtig we mir scho im Vorus gseh wär wie viel zahlt...) Das Konto düe sie när ou verwalte u när nachem HZ chöi mirs wieder uflöse. Denn düe sie no es Zält organisiere für bim Apéro, hälfe umeluege fürnä Band, dr Buur afräge ob me uf sim Land chönnti parkiere bir Chille u sie hälfe Gläser fürd Deko sammle. Aber süsch isch bi üs im Moment ou no nix z düe für sie...
I möcht äbä ou es Eheverspräche mache. GG isch irgendwie no nid so ganz überzügt drvo, eifach wöu ers nid so kennt. Er isch voll dr Redner u het sicher kes Problem drmit, denn vor allne z rede. I findes eifach viel persönlecher und ha äbä ou scho so viel Ideeä. Me chönnts ja ou ufschribä und im schlimmste Fall halt vorläsä. Ha ou scho (gloub vore Forumsbrut) ghört, dass me ds Verspräche när ine schöni schachtle duet und wenn me villecht später mal ä Krise het, chames wieder füre hole und erinneret sich de villecht wieder chli besser würum me die Person het ghürate... Das findi äbä ou no ä schöni Idee.
Littlefoot Ooh nei voll doof mit de Autoprüefig.. Ja das mit dere Quote hani au scho ghört, vilicht meldisch di am beste nomol für d'Prüefig afangs Jahr a? Wünsch der den vill Spass bim Shoppe :) Froi mi uf en Bricht und Fötelis
Nala05 Ja ich wünsch der au jez scho vill Spass und hoffe du findsch es Chleid!! Und uf de Bricht bini au gpsanne.. Ich wür au kei Info's meh usegeh, nöd dass wiedr überrascht wiersch mit neue Super-Idee..
Sasileu Danke für din Bricht und dini viiille Föteli!! Gratuliere dier, dass dis Chleid gfunde häsch :) Es staht der mega guet!! Han au so eis probiert gha im Mery's.. Es hät mer abr nöd so gfalle..
Squishy-fishy Ja das findi würkli no lustig mit de Strategie vo de Verchäuferinne.. Abr es hät scho was, serste Chleid wo ich probiert han, isch uu schlimm gsi und den häsch scho gad chli es komischs Gfühl.. Schön händer eui Musterchärtli bstellt.. Jez gahts nüme lang (hoffendli) Ich han au no kei Ufgabe für mini TZ.. Was i mal no wet mache mit ihne go esse gah zvierte oder z'sechste (mit de Partner) und den chli informiere was mier alles scho händ, was mer no dänked zum mache, etc.. Will so würkli gross drüber greded hämer nonig. Eher de GG mit sim TZ und ich mit minere.. Ich han eigendli am Afang wölle mit ihne beide go esse und den beid fräge öbs TZ möchted werde. Aber de TZ vom GG isch ebe immer sehr beschäftigt (muen au immer uu lang schaffe unter de Wuche) und drum isch es uu schwierig es Datum zfinde. Drum hämers den lah.. Und jez ide Wiehnachtsziit wierds nöd besser.. Ich müsst mal es Doodle mache
Malinchen Ja d'Idee mit de Schachtle und em Eheverspräche isch meeega schöööön!! So richtig romantisch.
Anmelden
(also klar, es git sicher ou lüt wo sich das nid ohni witeres chöi leiste - aber wenn sie ä Transport organisiere gani jetz mal drvo us dass das müglech wär...
) Wüsse de die überhoupt dass dr Plan wär när no zämä z zmörgele? Das chunnt ja ou drvo wenn sie eifach aföh organisiere ohni nachezfrage, sie wüsse gar nid wie dir öich das vorstellet.
Versuech di nid z fest ufzrege, i weis isch schwierig. I dänke di GG meints ja sicher guet und er fingts ja villecht no härzig vo sine Elterä dass sie sich so "ibringe". Dänke det müesst er eifach würklech mal klip und klar sägä, dass sie das mit öich (d.h. ou mit dir) müessä abspräche, bevor sie so sache organisiere... 
ii wär wohl in Träne usbroche, wenn mii GG saiit, mir müänd ja ned zämäfiire